اشعار من تراثنا

[عمر الشايقي]

الدوسيب .... كدي يا عروسنا
الخضراء جابيق .... كدي يا عروسنا...
سمِحْةَ الذات .... كدي يا عروسنا...
الشروط تامَّات .... كدي يا عروسنا...
سمِحْةَ الزي .... كدي يا عروسنا...
عيش الكُري .... كدي يا عروسنا...
المفوسِب ني .... كدي يا عروسنا...
الحرير للطي .... كدي يا عروسنا...
العظمة زينة الحي .... كدي يا عروسنا...
عيش الباجور .... كدي يا عروسنا...
(الما نقدو زرزور) .... كدي يا عروسنا...
الغَفَرو حاس دور .... كدي يا عروسنا...
عيش القُرير .... كدي يا عروسنا...
الماب يحومبو الطير .... كدي يا عروسنا...
الجنيه في الجيب .... كدي يا عروسنا...
البِقت فوسيب .... كدي يا عروسنا...
الدُّقة والنُقَّار.... كدي يا عروسنا...
القرمصيص العال .... كدي يا عروسنا...
الرصَّة والشبَّال .... كدي يا عروسنا...
شديرة البار .... كدي يا عروسنا...
تضوي فِنْيار .... كدي يا عروسنا...
تِبْش الرمال .... كدي يا عروسنا...
الدوسيب يا خدرة كَمِّك
يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها
عروسنا ام زين مسكت وصاتها....

الدوسيب والفوسيب: القصب الأخضر الغض....
الجابيق: كلمة نوبية تستخدم في قطع صفق القصب الأخضر أي أن هذه البت أصبحت جاهزة للجيبيق (الزواج)
الفِنيار: الفانوس.
الجلاد والزباد: من أنفس العطور في ذلك الوقت...








الحسب يالله الحسب
قالو ناس الساب سعرو تب
نحمد الله بحرنا تسب
والمقد راقد مقسب
انا من صغير قمت العب
عمرى فى مولد مانضرب
شفت الازرق قايلو عب
وداك قايلو كبير الحلب
قام الفقير لى جملو كرب
قال تعالو ورونى السبب
قالو السبب مولد بت كديدى
والقصير بنقر قصادى
بى حكمه المولى سيدى
نايبه ماقطع الجريدى
الشى المتذكرو فيها انو فى قعده قراصه والقصير يبقى عضم فى الملاح
تانى يخربنى
محبتى ....

[ابو عبد الحفيظ]

عمر الشايقي مشكوووووور علي هذه الروائع وفي انتظار المزيد ياغالي

[رحيق]

اخوي عمر انا هدا خشمي عندي (( لا تعليق))