نكــات بمختلف النكهات

[هندسه]

فى خمسة مساطيل قاعدين يصلوفى واحد عطس قال الحمد الله
التانى قال: يرحمكم الله
التالت قال:ما يجوز تتكلمو فى الصلاة
الرابع قال:صلاتكم كلكم غلط
الخامس قال: الحمد الله انا ما اتكلمته

[هندسه]

مسطول في عيد الضحية لقى الناس بتتخاتف في اللحمة قال ليهم لو سيدنا ابراهيم عارفكم بتعملو كدا كان عملا مرطبات

[هندسه]

رباطابي شاف ليه جنوبي واقف
جنب ماسوره قام سألو: اسمع
الماسوره دي شغاله
الجنوبي قالو: شغاله نكته نكته
‏
الرباطابي قالو: لييه موصله
من شريط نكات

[هندسه]

جماعه عزابه قاعدين في بيت
تعبان ويوم كده جاهم خواجه
زياره وفجاه كده صبت مطره
والسقف طبعا زي المصفي نقطه
بيمسكا مافي الجماعه طلعوا
الخواجه في السقف عشان يكب
تراب فوق وربطو جردل بحبل
وبدو يناولوه مره من المرات
الخواجه اتأخر ما يرجع الجردل
واحد من الجماعه قعد يكورك في
الخواجه: آر يو اسبيك انجلش
‏_بتعرف تتكلم انجليزي_
الخواجه قالو: ‏yes
صاحبنا قالوا :طيب ما تجدع الجردل ده

[هندسه]

واحد داير يعرس كلم امو شان تشوفلو مره فقامت تختاره اختارت ليهو واحده مطلقه
وعندها ولد
قالها انا داير مره ما غنماية لبن

[هندسه]

مسطول سأل صاحبو
اسمع: السجار ده حرم ولا حلال
صاحبو قالو: كان حرام حرقناه
وكان حلال شربناه

[هندسه]

واحد مسطول قالو ليه عملية التجميل تكلف كم
قال والله حسب الشناء

[هندسه]

واحد لقي جنوبيه بتبكي ساله عن
السبب قالت ليهو: اسمي شيرين
وزول مصدقني مافي

[هندسه]

واحد فلاتي سافر مصر وكان طالع
في احدي الاهرامات فجاه كده امو
اتصلت وسألتو : ابكراي وين اتي
اسع؟
ابكراي: انا اسع في الهرم يا هاجه

امو قالت ليهو: عليك الله ركعتين
بس معاك

_زولتنا قايلاهو الحرم_

[هندسه]

واحـد قــال لى واحدة بـريـــــد ك قـــالـت لــيـهــــو ص ب

[هندسه]

غنماية سألوها عن أجمل أيام الأسبوع ؟
قالت : تيوس دى

[هندسه]

مسطول عايز يتزوج ابوهو قال ليهو انا بختار ليك
المسطول رد لابوه قال ليهو اطلع منها ياحاج كفايه اختيارك لامي

[هندسه]

واحد افريقي عندو صاحبو لبناني
يوم كده اللبناني دعي الافريقي
لعرسو وصاحبنا الافريقي سافر لبنان
بالليل والصباح طوالي علي العرس
وظهر صاحبو العريس ومعاه العروس
وطبعا نجفه بس جمال حاجه مبالغه
صاحبنا الافريقي لكز صاحبو اللبناني
قالو اسمع : عروس دي من الانس
اللبناني قالو: ايوا من الانس مالك‏ في شنو
الافريقي قالو : كان كدا عمي غشاني
وعرس لي ولدو

[هندسه]

الصوماليين رجعوا شحنة ادوية مساعدة من الكويت
قالوا نسوي بيها شنو إذا كلها بعد الاكل

[هندسه]

مرة في واحد دخل محل أواني منزلية وشاف جبنة طين معلقة فسأل صاحب المحل
بي كم الإبريق دا؟ فرد صاحب المحل الإبريق خليه !!! والله العظيم أحلف عليك لا صليت
لا شربت جبنة

[هندسه]

واحدة قالت لي راجلها عاينت في المرايا شفت نفسي قمر 14 تفتكر دا يكون غرور
قال ليها : غرور شنو دا يكون عمى

[هندسه]

رباطابي داير يطلع جنسية الضابط سأله قاله ليه انت سوداني
الرباطابي قاله لا أريبا

[هندسه]

قروي طلب من بنته تجيبله اشرطة فيديو … لما رجعت البنت ودقت الباب … سأل ابوها منو بالباب قالت انا بنتك قال شو جبتي لنا معاك .. قالت له : العار ..(قصدها فيلم العار ) قال : ادفنوها

[هندسه]

حمار اتعود يحك راسو بشباك فصل في مدرسة.. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟رد عليهو تلميذ رباطابي: والله ما بجي إلا في حصتك يا أستاذ..!!

[هندسه]

رباطابى نزل ضيف عن جماعة وكان عندهم تيس فى الزريبة جنب الصالون عنده نزلة الليل كله
يعطس...الصباح بدرى سيد البيت جا وسال الرباطابى" ان شا الله نمت كويس؟؟ اجاب الرباطابى
بى وين انوم لى تيسك التقول مكوجى مقابل العيد

[هندسه]

رباطابي جاتو مرة قالت ليهو اقرأ لي الجواب ده يا ولدي الرباطابي قال ليها ما بعرف أقرأ المرة قالت ليهو بعد نضاراتك ديل وما بتعرف تقرأ الرباطابي ملص النضارة واداها المرة قال ليها هاك اقريهو انتي

[هندسه]

واحد دق باب بيت رباطاب طلعت ليو بنتهم الصغيرة قام قال ليها : يا بت عندكم موية ؟
ردت ليو : أأأأأأأأأي !! إنت يا عم كنت مفتكر شجرنا ده كبر كده من التيمم ولا شنو

[هندسه]

واحد حلفاوي سافر السعودية بإقامة مؤذن ، بقى كل وقت صلاة يمشى يأذن ويطلع سرعة قبل الصلاة ويحصل الكوتشينة ، الإمام سعودي لاحظ الزول دا بختفي بعد الأذان طوالى يوم لم فيهو بس بعد أذن طوالى قاله كيف تؤذن وما تصلى ؟!! صاحبنا طوالى طلع ليهو الإقامة وقاليهو شوف هنا مكتوب شنو ؟ مؤذن ولا مُـصلي !

[هندسه]

شايقي بخيل حبي يضرب باب بيتهم بهيه ضرب ضلفة وكتب علي التانيه نفس اللون

[هندسه]

اتنين دناقلة مشو المقابر يزورو قبر ابوهم بعدين اتغالطو
في القبر واحد يقول ياهو التاني يقول ماياهو مر بيهم رباطابي
قال ليهم انتو عايزين تدوهو فاتحة ولا قروش

[هندسه]

مرة بنت بتحكي لصاحبتها لشنو لحد الليلة ما عرستي خطيبك؟
ردت عليها :- كيف نعرس وهو بخدعني...قالت: كيف بخدعك؟
قالت:لأني كل ما أكذب عليه بعمل فيها مصدقني

[هندسه]

في واحد بسكر كل ما بمشي يسكر يسوق معاهو صاحبو يسكروو سوا لمن صاحبو مات قاليهو طال ما انا عايش بشرب ليك كاسك اها بقي يمشي لست العرقي براهو يطلب كاسو ويطلب كاس صاحبو وبعد فترة بقي يطلب كاس واحد قامت ست العرقي قالت ليهو خلاص دفنتو نسيتو خلاص مات قاليها لا لا ده حق صحبي
قالت : وانت
قال:ما انا تبت

[هندسه]

واحد كان ماشي فجاه ظهر ليهو مارد
وقالو اطلب العايزو وانا انفذ ليك
صاحبنا قالو عايز كبري من سواكن
لحدي جده المارد قالو لا اصلو الاسمنت
الايام دي غالي شوف غيرو
صاحبنا قالو :طيب داير المريخ يشيل
كاس الممتاز
المارد قالو :قلت لي الكبري من وين لوين

[هندسه]

اتنين يتناقشو اي واحد يقول للتاني
انا شيخي اقوي من شيخك وجات
الامتحانات واحد جاب تسعين والتاني
جاب تسعه بس طوالي مشي لشيخو
زعلان وقال معقوله تسعه بس من
ميه _ الشيخ قالو معليش انا كنت
قايل الامتحان من عشره

[هندسه]

واحد مسطول قاعد قدام النيل
بعد ما ضرب ليك السجارة
شاف ليك النيل ده جاري عكس
عاين كده و قال
نتكلم يقولوا مسطول
نسكت مدني بتغرق

[sir.joe]

ههههههههههههههههههههه .... تسلم يا هندسة

[هندسه]

واحد دايما بقول لزوجتو
:تعالي يا قلبي روحي يا حياتي جيبيلي أكل ياحبيبتي

دايما بيناديها بكلمات حلوة
و فى يوم عزم صديقو و قال لزوجتو :
جيبي العشا يا روحي

قالو صديقو :
يا بخت زوجتك بك دايما تغازلها انت بتحبها صح ؟
قاله : بيني و بينك أنا نسيت اسمها ...!

[هندسه]

مسطول بيسأل واحد سكران بيقوله :
ايه فايدة الشرب

قاله : بيقوى النظر

قاله : كيييييف ؟؟؟

قاله السكران ::: بشوف الواحد اثنين ...!

[هندسه]

عجوزتين مسطولات
عاملين أعلان بالجريدة :
تزوج واحده واحصل على الثانية مجانا

[هندسه]

مسطول جاي من أمريكا
.. سألوه الناس :
شنو اللي لفت أنتباهك هناك ..؟
قال : كل اللي هناك أجانب

[هندسه]

ذهب حمار لمشاهدة سباق الخيل
وعندما شاهد الخيل
وهي تعدو في الميدان
بدأ يبكي ويقول:
لو اكملت دراستي لأصبحت مثلهم

[هندسه]

قال الأب لإبنه
بغضب عندما كان نابليون في سنك
كان الأول على فصله !
فرد عليه الإبن.........
وعندما كان نابليون فى سنك
كان إمبراطور فرنسا

[هندسه]

مرة اتنين مساطيل
عايزين يثبتوا انهم اغبي من الصعايدة..
فاتوا و قعدوا علي قمة جبل
ماسكين سنانير صيد كأنهم بيصطادوا سمك...
فعدي اتنين صعايدة و سألوهم
انتو بتعملوا ايه؟
ردوا:
احنا بنصطاد سمك من البحر..
قام الاتنين الصعايدة
قلعوا هدومهم و نطوا من فوق الجبل

[هندسه]

مسطول ركب تاكسي وقاله:
وديني بعيد عن الارض.
اخذه التاكسي ورماه في الصحراء
وكان المسطول نايم
ويوم صحا شاف واحد يزحف
بيقول له الرجل:
أنا تعبان من الشمس
قاله الثاني :
تشرفنا... وأنا أحمد من الارض

[هندسه]

مسطول
ماشي وشاف لافتة مكتوب عليها:
مزرعة أبقار..
. سأل الراعي:
كيف تزرعون البقر ؟
حكالوا بإستعباط :
نرش سكر ويطلع بقر .
راح المسطول ثاني يوم ورش سكر ..
رجع ثاني يوم شاف النمل مجتمعين حول السكر ،
قال : يا حليل البقر وهم صغار

[هندسه]

قالوا لمسطول:
عبر عن رأيك بكل حرية ..
قال : وين الديموقراطية ..
وين حقوق الانسان ..
وين العدل .. وين النظام ..
وين الحضارة .. وين التغيير ..
وين ماخديني ..
وين أنا ..
وين الضو ...

[هندسه]

مرة خروف
يكلم في خرووف تاني قاله...
كيف فاات عليك عيدين و ما ضبحوك !!...
قاااله لاني مسجل في شهاادت الميلااااد
حماااااااااااااااااااااااااااااااار

[هندسه]

مسطول سافر
قام شال معاهو كيلو سكر
لان الغربة مرة

[هندسه]

مسطول سألوه ؛
اهم الشمس ولا القمر
قال؛
والله بتخيل لى القمر
لانو بيجى بالليل وبنور الظلام كمان
لكن الشمس بتجى بالنهار
والواطه منوره اصلأ

[هندسه]

ضب مسطول
وجنو سكر كمان
لقاه شيخ الغابه
قال ليه ؛
يا اخونا انت كبرته
ولسه فى عربدتك دى ....
لى متين طيب .........؟
قال الضب ؛
والله يا مولانا انا لو ما السكر
والسجارات دى
كان بقيت تمساح عديل كده

[هندسه]

كتكوت ماشى جنب البحر
لقه ليه سجاره خضراء (بنقو )
جره ليه منها كم نفس
وقبل للبحر شاف تمساح طالع
قال التمساح للكتكوت ؛
صغير لكن بتسد جوعتى
رد الكتكوت ؛
امشى انت ضب بليد ولأ شنو

[هندسه]

مرة واحد مسطول
قال لصحبة لو قلت لى
اية الى فى الكيس دة
حاديك منة منقتين؟
قال ليه جوافة

[هندسه]

مرة واحد بخيل
كان معاه 3 تفاحات
فتح الاولى لقى فيها دود
فتح الثانية لقى فيها دود
طفى النور واكل الثالثة

[هندسه]

مسطول
بشرب الدوا قبل موعده
ليه ........؟
،،،،،،،،،،،،،،،،،،،
عشان الجراثيم تتفاجئ

[هندسه]

مسطول بحكي لمسطول :
قال ليه ؛
هسا لو أحنا متنا ودخلنا الجنة ..
نسوانا الفي الدنيا
نسوي بيهم شنو ؟ ..
قال ليه:
نديهم للكفار

[هندسه]

في يوم من الأيام
كانت حيوانات الغابة مجتمعه
قال لهم الحمار
من اليوم فصاعدا اسمي السمكة
وليس الحمار .
قال له الاسد
هل تعرف السباحة ؟
قال الحمار لا
قال الاسد اذا انت حمار ....

[sir.joe]

هههههههههههههههههههههه .... تسلم يا هندسة

[batota]

يسلممممممموو

[فيصل احمد]

يأخي هندسة جذأك لله ألف خير فعلأ هندسة