سلبيات وايجابيات الشخصية

[ود ابجديد]

الاخوة الاعزاء السلام عليكم
حقيقة انا قريت هذا الموضوع في منتدي من المنتديات حبيت انقلو ليكم يا ريت لو نناقشو مع بعض
بلاشك نحن نعتز كتير بسودانيتنا وبنحس اننا افضل شعوب العالم فينا صفات لا تتوفر في كثير من الشعوب ولكن ؟؟؟؟

اليس لدينا بعض السلبيات اليس لدينا بعض التقاليد الموروثة تحتاج للتمحيص والتدقيق ومن ثم التغير ........

اعتقد اهم مرتكز لكل الشعوب للتقدم هو فهم ذاتها ومكنوناتها .........
نحتاج ان نعرف اين مكامن الضعف والقوة في الشخصية السودانية نحتاج ان نعرف من نحن وماذا نريد .........

يحضرني موقف مع احد الشخصيات المطلعة لبناني الجنسية قال لي (انتم السودانيين من اروع شعوب بس مابتعرفو تسوقو نفسكم) هذا راي وكثير من الاراء نتوقعها منكم تعالوا نتناقش كل بخبرتة يشارك بالراي سلبا او ايجابا ...........

ولكم التحية

[ابو عبد الحفيظ]

عماد لك التحية علي الموضوع القوي ولي عودة

[حميدي الحلفاوي]

إبني الغالي والعزيز والله العاجبني فيك من زمن الفضائيه السودانيه وماشاء الله وتبارك الله صغر عمرك ورجاحة عقلك والمدوامه على البحث للجديد بالذات بتجيب مواضيع نيره وجميله وأثابك الله سبحانه وتعالى إبني العزيز نحن النوبه أو بالأدق الحلفاويين مما إتولدنا نسمع عباره عندما نرتكب خطأ أو نشارك براي ناقص كنا نسمع من كبارنا وهم ناس متوسطه فقط شهادتهم والعباره(((( إنتا ماعارف حقيقة نفسك ولاعارف حقيقة الدنيا))) وكنا نبعلها كالخنجر
ولكن كان قصدهم أعرف نفسك أولا" ثم ثانيا" ثم ثالثا" ثم أسأل أو شارك والحديث طويل ويطول وأنا لديا تجارب قاسيه ومريره مع نماذج سودانيه في الغربه 22عام وأنا مزاول العمل المصرفي لم يخذلني إلا تلك النماذج وبكل أسف كلام وبس تنفيذ وفعل حاجه تخجل وتكسر الرقبه والكل عامل فيها فاهم ومنقطها فوق إيش ماني داري وحفاظا" على مشاعر الأخرين لاداعي للأطاله أمسك أولا" السوداني مايسلم على السوداني الزيو تماما" إلا عندما يطلعوا الطياره أخر ونسه وتعارف رغم إنهم تكرارا" يتقابلوا في تلك المدينه أو ذاك البلد(((وهذا مركب نقص واضح فى التضاد الذي تولد ومركب النقص هذا سببه الأضطراب في مراحل التربيه لم تكن سويه سيقودنا إلى أشياء وحكاوي طويله سميها كما يحلو لك هذا بداية" ناهيك عن أولا" وثانيا" وةثالثا" حتى نصل للدرزن يعنى دسته كامله من الحقائق المعايشه والملموسه وهنا بموضوعك رجعتني لعهد الجامعه وناس الريف وناس الخرطوم والصدمه المدنيه التي كان يعاني منه الكثير من الجلابيه للشارلستون في خلال 21يوم ههههههههههههه)))) ولي عوده بأذن الله سبحانه وتعالى إذا ربنا مد في الأعمار

[Raw3a]

ود ابجديد

والله بالجد موضوعك قوي و جميل


يلا اسمح لي اني ابدا بي اول الصفات السلبية فينا

و دي حاجة ملااااااااااااااااااااااحظة لدرجة غريبة جدا

الا و هي التباهي و التفاخر...

و خاصة عند النساء و بالاخص في بلد الغربة..

يا جماعة رايكم شنو في البحصل في اجازات الصيف لمن المغتربات ينزلوا

السودان اجازة؟؟

انا بقصد كمية الدهب البتكون ملبوسة بدون حساب..

يا جماعة انا ما بتحامل على الناس ديل لان اهلي كلهم كده

امي و خالاتي ..كلهم كده..

لكن ليه المنافسة بقت محصورة على الدهب؟؟

وين الحاجات التانية الاكتر قيمة و اهمية ؟؟

ليه السطحية دي ؟؟

رايكم شنو يا مبدعين ؟؟

و لكم التحاااااااااااااايا العطرة

[ود ابجديد]

يا روعة انت رائعة
اولا شكرا علي المرور
انا معاك في كل ما كتبتينه
بالجد دا الكلام الحاصل
معليش زي ما قلتي عندنا امهاتنا واخواتنا...الخ بيتفاخرو بالقصة دي يا ريت مستوي الوعي والفهم عند الناس تكون اكبر من كدة
ولي عودة
مرة تانية شكرا علي المرور

[ود ابجديد]

الاخ حميدي الحلفوي
شكرا علي المرور
لكن يا حلفاوي المفروض يحصل عكس ذلك يعني مثلا علي الاقل لو لقيت 1 سوداني المفروض تسلم عليهو في النهاية لا هو عايز منك حاجة ولا انت عايز منو حاجة بس علي الاقل تتعارفو مع بعض وتفرقو هموم الغربة القاسية يا ريت لو كل الناس فكرت في مدي احتياج الانسان الي اخيه المسلم واتمني ان تزول قصة السطحية والتكبر والافتراء علي بعضنا
ولي عودة

[مامون مهنا]

موضوع مميز وطرح راقى وهادف من اعماق المنتدى ....


تخريمة : لكم تحياتى من الاعماق حيث الدرر ....

[اميرة بكلمتي]

بجد موضوووووع جميل ومميز يعطيك العاافيه
ولي عووده ...

[الحاج ودعجبنا]

اخونا ود ابجديد مشكور على الموضوع الهام الذي يهم كل وطني شريف
بالنسبه للشخصيه السودانيه عندنا في السعوديه مشهورين بالكسل بالرغم انهم غير كسالى ولكن ده شيء ارتبط بمفهوم الناس هناء الاجانب والسعودين بالرغم من ان اسودانين متوفقين في كافه المجالات لذلك علينا ان نكون سفراء لبلادانا باي وسيله لنثبت لهولاء الناس العكس
تحياتي