ألحقونى بحل سريع ياناس التقنية

[أم آية]

الدرايف دى ماراضى يتعرف على السى دى
لمن انزل سى دى بتجينى الرسالة دى : please insert adisc into drive d
وجربت كل السى ديز العندى والنتيجة واحدة

[هيثم عبد اللطيف]

افصحي اكتر

[العربى]

الدرايف دى ماراضى يتعرف على السى دى
لمن انزل سى دى بتجينى الرسالة دى : Please insert adisc into drive d
وجربت كل السى ديز العندى والنتيجة واحدة


امكن ياام اية عندك 2 درايف

[أم آية]

مشكورين ياشباب
بس انا كنت عادى بشغل سيديهات توم اند جيرى لأيوية ومن اسبوع ماقادرة اشغلها ليها.
السى دى موجود فى cd drive فى cpu بس كل مرة يطلب منى الجهاز انزل سى دى فى الدرايف جربت كل السيديهات العندى وكل مرة يتكرر الموقف

[أم آية]

ياناس التقنية انا فى رجاكم

[عماد ساتي]

حاولى استخدام سى دى متواجد فى الاسواق لتنظيف السى دى روم (سى دى به فرشه)

او قومى بتثبيت برنامج التشغيل للسى دى روم مرة اخرى.

تحياتي

[حسكو]

يا ام ايه
جربي سيدي التنظيف اذا ما اشتغل معاكي يبقى لازم تغيري الجهاز
لانو انا حصلت لي قبل كدا الا غيرت الجهاز

[الكروشابى]

العزيزة مدام طمبل
ممكن تكون المشكلة فى سى ديهات تومان جيرى نفسها . ممكن تكون مخدشة او علقت بها اوساخ او دهون . جربى مسح السى دى بقطعة قماش ناعمة بعد بلها بالماء حتى تزول العوالق من السى دى .

[نقطة نظام]

الدرايف دى ماراضى يتعرف على السى دى
لمن انزل سى دى بتجينى الرسالة دى : please insert adisc into drive d
وجربت كل السى ديز العندى والنتيجة واحدة

ناس الفزعه جوك يابنت أمى
شوفى الحل هو واحد من اثنين
اما عندك مشكلة فى السوفت وير بتاع التعريف وده تتأكدى منوا بدحولك الى ال Device Manager
وتشوفى الأيقون بتاع DVD/CD-ROM Derives وتتأكدى اذا كان معرف ولا مامعرف
اذا كان معرف يبقى الخيار الثانى وارد وهو مشكلة هاردوير
الهاردوير ياأختى الناس اعتادت تبدأ تفتش من ال Data cable وتويصلتها فى السى روم وفى اللوحة الأم
لكن طالما قاريه وظاهرة معاك فى المستكشف بتاع الويندوز
كدة مشكلتك أغلب الظن بتكون مشكلة نظافة للعدسة القارئه للاسطوانات بتاعتك وزى ماقالوا ليك الشباب الحلوين ديل شوفى أسطوانة نظافة واذا تعزر وكنتى انسانه فنانه أفتحى السى دى روم من الداخل وحتلاقى عدسه صغيرة حجمها زى حجم الرشم البيعملوة الجكس المتحضر فى الأنوف الزلفاء العدسة دى ياأختى تنظفيها بى أى كحول عدك ريحة كلونيا بس على خفيف وتكونى ماقصرتى اذا نظفتى الدرايف كلوا من الداخل
واذا ما اشتغل معاك شوفى أقرب مكان تصليح حاسوب وقولى ليهوا يغير ليك العدسة دى على ضمانى الشخصى طبعاً دة اذا كان الدرايف بتاعك شغال تمام التمام
واذا ما اشتغل قولى لينا عنوانك البريدى ونحنا نشحن ليكى سى دى درايف ورايتر ودى فى دى علشان تتأكدى انوا حلك دائماً معانا فى منتديات التقنية !!

[أم آية]

مشكورين ياشباب على الرد والمساعدة
بالنسبة للتنظيف استخدمت سى دى تنظيف فيه فرشة وماجاب نتيجة
الدرايف فى الديفايس مينجير معرف وموجود
بس ورينى ياعمدة كيف اعيد تثبيت برنامج التشغيل مرة تانية (اختك فهمها فى الكمبيوتر حدو الكى بورد والماوس )
تسلموا

[أم آية]

العزيزة مدام طمبل
ممكن تكون المشكلة فى سى ديهات تومان جيرى نفسها . ممكن تكون مخدشة او علقت بها اوساخ او دهون . جربى مسح السى دى بقطعة قماش ناعمة بعد بلها بالماء حتى تزول العوالق من السى دى .

الكروشابى رمضان كريم وكل سنة وانت طيب
انا ما أم اية مدام ودطمبل
أنا ام اية مدام الشمباتى
لكن برضو مامشيت بعيد نحن اصحاب

بالنسبة للسى ديهات جربت كل العندى غير توم اند جيرى وبرضو مااشتغلت
مشكور للمساعدة ياباشا

[أم آية]

نقطة نظام شاكرة ليك شرحك الوافى انت وكل الشباب
يبدو انى ح اوديه اقرب محل صيانة واريح بالى
لكن كدى اشرحوا لى راى عماد ساتى دا :كيف اعيد تنصيب برنامج التشيغل من جديد ؟يمكن يجيب نتيجة

[أم آية]

عماد ساتى انا راجية الشرح ياخوى واية تنقنق فى راسى عايزة توم اند جير ى
الحقنى بالحل

[أم آية]

فى انتظار البترول

[حسكو]

العزيزة ام ايه ماعندك اي حل الا تغيري الـcd-rom
والافضل انك تجيبي dvd-rw
لانو الحاجات كلو ماليها ماشه تكبر

وده الحل القلتو ليكي من البداية

[أم آية]

جدا ياحسكو نغير السى دى روم
مشكور على المتابعة والاهتمام
صدق انا نسيت الموضوع دا نهائى لحدى امس آية نقنقت لى عايزة توم وجيرى حتى اتذكرتو

[piano man]

سلام ام ايه

اقري كلام نقطه نظام دا كويس واعمليه
او اقرب محل صيانه امشي عليه ووريه المشكله
واكيد اسهل من الشرح واحتمال بالشرح تنجحي او
تفشلي وريحي روحك من التعب بتاع كونك تصيني براك
كنت اتمني انك تكوني هنا وانا احل ليك المشكله
بنفسي
تحياتي
piano man

[alaadin2003]

العزيزة ام ايه
بعد السلام

واضح انو المشكلة كبيرة

لكن عايزك تجربي حاجة قبل ماتمشي محل صيانة

جيبي اسطوانة ويندوز اكس بي بوتابل دخليها في السي دي رووم

واعملي للجهاز ريستارت وخشي علي البيوس او السيت اب وغيري البوت من الهارد الي السي دي رووم

واحفظي واعملي ريستارت لو الجهاز بوووت من السي دي رووم يبقي ماعندك مشكلة

والمشكلة تكون في الويندوز لانو درايف السي دي رووم بينزل مع الويندوز اعملي ريستارت وامشي احفظي اي حاجة مهمة ليك منزلها في الدرايف سي ونزلي ويندوز جديد


اما اذا مابوت من الاسطوانة
امشي اقرب محل واشتري سي دي رووم جديد

لانو سعر العدسة وتركيبها قريب من سعر السي دي رووم


اتمني ان اكون قد اوصلت المعلومة

[أم آية]

سلام ام ايه

اقري كلام نقطه نظام دا كويس واعمليه
او اقرب محل صيانه امشي عليه ووريه المشكله
واكيد اسهل من الشرح واحتمال بالشرح تنجحي او
تفشلي وريحي روحك من التعب بتاع كونك تصيني براك
كنت اتمني انك تكوني هنا وانا احل ليك المشكله
بنفسي
تحياتي
piano man

مابتقص يامستر والله
زييي الحليت لى المشكلة
وح اوديهو للصيانة ان شاء الله

[أم آية]

العزيزة ام ايه
بعد السلام

واضح انو المشكلة كبيرة

لكن عايزك تجربي حاجة قبل ماتمشي محل صيانة

جيبي اسطوانة ويندوز اكس بي بوتابل دخليها في السي دي رووم

واعملي للجهاز ريستارت وخشي علي البيوس او السيت اب وغيري البوت من الهارد الي السي دي رووم

واحفظي واعملي ريستارت لو الجهاز بوووت من السي دي رووم يبقي ماعندك مشكلة

والمشكلة تكون في الويندوز لانو درايف السي دي رووم بينزل مع الويندوز اعملي ريستارت وامشي احفظي اي حاجة مهمة ليك منزلها في الدرايف سي ونزلي ويندوز جديد


اما اذا مابوت من الاسطوانة
امشي اقرب محل واشتري سي دي رووم جديد

لانو سعر العدسة وتركيبها قريب من سعر السي دي رووم


اتمني ان اكون قد اوصلت المعلومة


اووووووووووووووووو ناس الدعم الفنى شخصيا ؟
والله ماقصرتو معاى ابدا ربنا يديكم العافية
لكن الكلام دا كتير ياخوى مالى ومال التعب اوديهو للصيانة احسن
واريح روحى
مشكوووووووووور يابو علوة

[alnagm11]

أم أية الظاهر جينا متاخرين والشباب ما قصرو معاك تقبلي مروري
تحياتي