عاجل إلي مذيعي ومذيعات البيت السعيد

[ريان صديق]

سباب البيت السعيدسلامات
يبدو أن كثرة المدح والإشاده بادائكم ترك اثرا سالبا عليكم واوقف عملية التطوير المنشوده وده غلط
مصعب الي ماليزيا ثم القاهره ثم اليمن والان الي قناة الجزيره ؟؟؟ مصعب في مراسي الشوق ومساءالنوروالبيت السعيد؟
ووومشغولين بالهجره
ياشباب في الفتره الأخيره توقفت عجلة التطور وبدأنا نشعر بعدم الثقه في وجوهكم واحيانا التردد كانكم مامتأكدين من الفقره وقاموس المفردات غيرمتجدد فرق كبيربين تقوي وعمرالنسخه الإذاعيه والبيت السعيد لماذا؟؟وائل ده ماكلامك؟

[كروز]

ريان اوفقك الرأى جدا

اعتقادى الخص ان الالتزام بمقياس معين لاداء يوجد فى المقدم لونا وشكلا لدى المشاهد وليس تعدد البرامج ( وجع وش زى مابقولو)

اللونية مهمة جدا والتدريب شئ اساسى
اوفقك علىالشكل الاذتعى للمقدمين بعضهم طبعا . كما اعيب ايضا عدم الاترتيب فى الربط وتقديم الفقرات .. المفردات مكرررررة
ليت كل واحد يختار لونية محددة لشخصيته وتبرز امكانياته

ارغب ان نرى مقدم يحاور بذكاء وتلقائية
مقدم يفهم ماذا يريد ان يقدم للمشاهد القابع امامه

التوفيق للجيمع

[وائل محمد الحسن]

سباب البيت السعيدسلامات
يبدو أن كثرة المدح والإشاده بادائكم ترك اثرا سالبا عليكم واوقف عملية التطوير المنشوده وده غلط
مصعب الي ماليزيا ثم القاهره ثم اليمن والان الي قناة الجزيره ؟؟؟ مصعب في مراسي الشوق ومساءالنوروالبيت السعيد؟
ووومشغولين بالهجره
ياشباب في الفتره الأخيره توقفت عجلة التطور وبدأنا نشعر بعدم الثقه في وجوهكم واحيانا التردد كانكم مامتأكدين من الفقره وقاموس المفردات غيرمتجدد فرق كبيربين تقوي وعمرالنسخه الإذاعيه والبيت السعيد لماذا؟؟وائل ده ماكلامك؟

شكرا ريان والله نحن بنحاول دايما نجدد في طلتنا وفي اداءنا حتي في التحية

عشان الملل ونحن عارفين المشاهد السوداني ملول بدرجة قف تامل ولو لاحظتي حتي في توزيع الاتيام

للمذيعين بتتغير شهريا عشان برضو واحدة من الاسباب تلافي الملل اما بالنسبةلمصعب نحن بنتمني ليهو التوفيق

في رحلة التدريب الي الدوحة اما عملية الهجرة دي ياريان في ناس حيعيدو فيها النظر

اما عمر وتقوي ياريان المقارنة مابتكون بين الاذاعة والتلفزيون لانو دي بتبقي مقارنة ظالمة لانو

الفائز فيها الاذاعة دون منازع عشان اسباب كتيرة منها حاقول ليك واحدة بس لا الحصر الارتياح النفسي

وانت شغال في الاذاعة اضعافه في التلفزيون

بس في حاجة ما فهمتها كلامي دة شنو الانا قلتو والا الانا ما قلتو

ولك مودتي

[ريان صديق]

ياوائل ده كلام غريب طبعا
يعني عمر بعد عام كامل في البيت السعيد ودوره تدريبيه في ماليزيا مازال يشعر بعدم الارتياح النفسي في التلفزيون كما في الإذاعه؟طيب ليه؟ خجلان من المشاهدين مثلا؟ وكم يحتاج من السنوات حتي يرتاح نفسيا؟ والكلام ذاته بالنسبه لتقوي
ياوائل ثقافة المذيع وحضوره هو الذي يكسب المذيع الثقه في الأداء وهذا مانتطلع اليه جميعا
شكرا كروز علي المداخله 

[وائل محمد الحسن]

ياوائل ده كلام غريب طبعا
يعني عمر بعد عام كامل في البيت السعيد ودوره تدريبيه في ماليزيا مازال يشعر بعدم الارتياح النفسي في التلفزيون كما في الإذاعه؟طيب ليه؟ خجلان من المشاهدين مثلا؟ وكم يحتاج من السنوات حتي يرتاح نفسيا؟ والكلام ذاته بالنسبه لتقوي
ياوائل ثقافة المذيع وحضوره هو الذي يكسب المذيع الثقه في الأداء وهذا مانتطلع اليه جميعا
شكرا كروز علي المداخله 

ياريان فهمتيني غلط انا ماقلت في التلفزيون ينعدم الارتياح النفسي لكن قلت وارجعي لكلامي انو في الاذاعة اضعاف

ماهو في التلفزيون يعني موجود والسبب لتعرض المذيع في التلفزيو ن لعدد من العوامل لا يتعرض لها في الاذاعة

وحاقول ليك واحد ومعليش يعني انا دايما بديك مثال واحد عشان الباقيات كتار

والمشغوليات وكدة هههههههههههههههههه

الاضاءة معروف انو الاضاءة تساعد علي زيادة التوتر وارتفاع ضغط الدم وارهاق العين وتشتت الذهن وغيرها

تخريمة : الاضاءة من اقوي ادوات التعذيب لدي السي اي ايه الاميركية وخصوصا في غوانتنمو حيث تسلط

علي المعتقل اضاءة لفترات طويلة حتي يعترف (ربنا يفك باقي اسرانا هناك اميييييييييييييين )

[ريان صديق]

ياوائل اطفي النور وقول بسم الله
انا ريان ياباشا لقيت لينا دي وين؟؟؟
بعدين شنو حكاية الإضاءه الطالع فيها دي وهل معني ذلك ان التوتر سيظل موجود طالما الاستديوهات فيها إضاءه الي حين إكتشاف استديوهات من غير إضاءه!!!
وائل بالله عليك قول كلام غير ده

[وائل محمد الحسن]

ياوائل اطفي النور وقول بسم الله
انا ريان ياباشا لقيت لينا دي وين؟؟؟
بعدين شنو حكاية الإضاءه الطالع فيها دي وهل معني ذلك ان التوتر سيظل موجود طالما الاستديوهات فيها إضاءه الي حين إكتشاف استديوهات من غير إضاءه!!!
وائل بالله عليك قول كلام غير ده

ياستي انا بتكلم ليك عن الظروف والعوامل البتعرض ليها المذيع اثناء عمله

وتصبح الشغلانة بعد دة مجهود فردي في سرعة التاقلم علي جو الاستديو

والمعايشة مع اسباب الضغط بصورة طبيعية مرهونة بالمذيع ذات نفسه

وتميز المذيع في تاقلمو السريع مع كل الاجواء والضغوط

بعض الخبراء بقولو علي المذيع الاسترخاء التام قبل العمل بخمس دقائق كيما

يتخلص من كافة المؤثرات الخارجية والضغوط النفسية والتوتر الذي يلازم المذيع قبل العمل

وعشان ما تساليني البخلي المذيع شنو يتوتر في خبراء تاني بقولو ان لم يخاج المذيع بعض التوتر

قبل العمل فهذا يعني انه وصل لمرحلة نضب فيها فيض ابداعه واصبح محلك سر

دة ماكلامي دة كلام خبراء هههههههههه اها كلامي انا شنو ماوريتيني ههههههههههههه

[ريان صديق]

وائل من غير فلسفه للأمور هناك توتر مطلوب وايجابي يرفع المذيع إلي مستوي ويجعله حاضر ومنتبه خاصة في البرامج المباشره أما التوتر الناشئ عن الخوف وعدم الثقه فهو يسبب إرتباك تؤدي للوقوع في الاخطاء أو الخوف الزائد من الوقوع في الاخطاء فيتجمدالمذيع في قاموس محفوظ من المفردات والعبارات المكرره

[تقوى]

تحياتي المتواضعه لكم ريان ووائل

كما تعرفون المشاهد السوداني يصاب بملل سريع* هذه واحدة من اشياء كثيرة يجب

ان يضعها المذيع في اعتباره *.وهذه ايضا واحده من الاعتبارات التي تجعلنا في البيت السعيد

نسعي دائما الي التغيير في الاداء والعبارات وشكل الوقفه واشياء كثيرة جدا **

** اما عن المقارنه بالعمل الاذاعي والتلفزيوني انا شخصيا ارتاح للعمل الاذاعي (ماتقول لي الخجل

ياريان )و لكن لاسباب كثيرة جدا منها انو في الاذاعة المذيع هو البشتغل وحده يعني هو المذيع

والمخرج والمنفذ علي الهواء والمنتج بالتاكيد سوف تكون هنالك متعة في العمل

اما في التلفزيون يشاركونك زملاء في هذا العمل وهنا بتحسبي اشياء كثيرة جدا الظروف والعوامل

البتقابل المذيع وهو مجبر في التعامل معها *ومن هذا المنطلق ممكن توثر عليهو اثناء تادية عمله **

هذا لايعني عدم المتعة في العمل التلفزيوني والمذيع اذا احب عمله فهو يبدع فيه اينما كان واينما وجد

اتمني ان اكون وفقت في توصيل المعلومه

لكم ودي ولي عوده

[ريان صديق]

شكرا ياتفوي علي المشاركه
معلوم طبعا الفرق بين الإذاعه والتلفزيون لكن فترتكم بالتلفزيون ليست قصيره ورغم اني اعترف باني مستمعه غير جيده للإذاعه مع انها متاحه عبرالانترنت لكن ظروف العمل والدراسه تحرمنا من ذلك
وفي شهررمضان الماضي اتيحت لي فرصة الاستماع للإذاعات السودانيه فسمعنا صوتك في إحداها أماعمرعائس فكنا نتابع حواراته الفنيه في الإذاعه الرياضيه ويبدو ان التلفزيون احد من وقته فتقلص حضوره
المذيع الناجح يتألقم بسرعه ليبدأ مشوار التطور والارتقاء فما تبقي زي وائل وتكثر
من الإعتذارات

[لينة]

ريان انتى دايرة تصلى لى شنو بصراحة حوارك مع الشباب ما موضوعى ومجرد جدل

[تقوى]

العزيزة ريان هذه اذاعة ام درمان اف ام 100اذاعة البيت السوداني اتمني ان تداومي استماعها

اما الزميل عمر فهو موجود عبر الاذاعة والتلفزيون اما تقلص النشاط كما تعلمي الجمع

بين الاثنين حتي وان كان فيه سرعة تاقلم يحتاج نوع من التوفيق والجهدمن اجل التطيور


كوني دائما متابعه ونحن سامعنك

[ابو جعفر]

تحية طيبة
في الحقيقة دخلت هنا بالخطاء

وجذبني موضوعك هذا فاردت فقط ان اوضح شئ ما


بغض المظر باني اوتابع البيت السعيد ام لا

ولكن الشئ الذي اعرفه بان المدح لا ينقص من اداء الشخص شيئا باليزيده اكثر فااكثر

وعكسه تماما النقد الذي الاحظه بانه اصبح ينها على افراد البيت السعيد بين الحين والاخر

فان النقد قد يسبب للانسان الاحباط وعدم الثقة بي عمله ويجعله مربكا في جميع اعماله

فان كنتي تقولي بان البيت السعيد بانه قد تدهور فارجعي الى السبب

وهوكثرة النقد واظهار عيوبهم وبالنسبة لي لم ادخل يوما الى منتدى البيت السعيد

ولم اجد بوست مخصص للنقد

اعلمي اختي الكريمة ان للنقد ادابه وخطواته

والله اعلم