كوز موية باااااارد لناس كومي تعالو أقعدوا

[عبدالله كنه]

[فقط الأعضاء المسجلين والمفعلين يمكنهم رؤية الروابط]

مع خالص التحية لكل شباب كومي وإنشاء القعدة تعجبكم جوار الزير البارد دة وهو ينقط خير وبركة كما بدأ منتداكم الان ينقط خير وبركة

أمنياتي لكم بالتوفيق

[ود ابجديد]

شكرا اخونا عبد الله كنة
طبعا انت عارف حلات القعدة جمب الازيار لكن انت ما عزمتا اخونا الشعراوي والشايقي ود كسلا وماهر بكري وبقية الجماعة انا بعزممم نيابة عنك
بتجو ولا بتشرونا يا شعراوي

[ابو عبد الحفيظ]

الرائع عبد الله كنة
لك التحية علي هذا الابداع
والله ياكنة ذكرتنا اشياء جميلة في الذاكرة
والزير الفي النص ده بكون بااااااااارد
وكمان لو بطيخة مختوتة تحت الزير اووووووه
وياعماد اها انا جيت جيب سكينة نقطع البطيخة دي

[ود ابجديد]

ناجل تقطيع البطيخة شوية لحدي ما ناس ود بكري وبت كومي وبسمة وبقية الشباب يكونو معانا في اللمة دي ما عارفم اتاخرو ليه يكونو ما عارفين انو في بطيخة تحت ازيار عبد الله كنة

[كوماوى]

ود ابجديد
خلى البتسوى فيهو ده وامشى دفق الجركانة التحت الزير دى ملت

[ود ابجديد]

الاخ كوماوي الجركانة زاتا ما دايرة تتملي عارف ليه لانو الموية البتنقط ما كفاية انشاء الله تكون فهمتا قصدي ( يعني همتكم معانا بالاشتراكات) عشان نكشح جركانة الموية مع بعض ونخليها تتملي من تاني
شكرا

[كوماوى]

قطرات الماء بالتواصل ثقبت الصخرة
لك كل الود ود ابجديد

[صديق اورناصر]

تحياتى لك الاخ عبدالله كنه طبعا القعده جنب الازيار ليها طعم خاص وياريت المويه تكون من النيل وتكون مويه دميره بس اوصيك اقطع ليمونين ودخلم جو الزير وانا لاحظت انو الازير ما معبيه من الليل

[صديق اورناصر]

تحياتى لك الاخ عبدالله كنه طبعا القعده جنب الازيار ليها طعم خاص وياريت المويه تكون من النيل وتكون مويه دميره بس اوصيك اقطع ليمونين ودخلم جو الزير وانا لاحظت انو الازيارما معبيه من الليل

[Raw3a]

والله جد حاجة ترد الروح

الزير جد مهما زادت الحداثة يظل ليهو وزنو


تسلم على الصورة

[Raw3a]

لكن دقيقة


انت قلت لي ناس كومي بس


يعني نحن برة


يا زول الله يسامحك

[احمد بناوي]

اول حاجه سلام يا ناس كومي
وسلام على زيركم البارد ده
وسلام على قعدتكم الظريفه دي
احنا ناس بنا جيناكم ودي تحيه وسلام من اهل بنا
نبارك ليكم المنتدى والقعده الظريفه
وياروعه ماتزعلي هم لمن قالو ناس كومي قاصدين الناس القاعدين جوا كومي هنا
يعني المنتدى زاتو وبما انك جوا هنا انتي من كومي وناس كومي
والدار دارك وشيلي اقرب بنبر

[Raw3a]

يا زول مااااااااااااااااا معانا



انتو قلتو ناس كومي بس









اكيد طبعا بعد كده انا نقيت منهم

عشان كده اتفضل انت و شيل اقرب بنبر

شفت كيف استلمت البيت و بضيف الناس كمان

[احمد بناوي]

اهو قعدنا وقعدت جنبك ما تعملي لي فيها خجلانه
ايييييييييك اها الناس بدت تتكلم وعيون الحاسدين بتابعني

[Raw3a]

لكن انت عملتها ظاااااااااااااااهرة



اها تشرب شنو يا احمد



اطلب و اتمنى يا زول

[عبدالله كنه]

لكن دقيقة


انت قلت لي ناس كومي بس


يعني نحن برة


يا زول الله يسامحك

ويسامحك ياروعة ...
أشربي يا أختي
أشربي لما تقولي بس ....

والزير الجابك إنشاء الله عمرو مايقطع:D

[عبدالله كنه]

اول حاجه سلام يا ناس كومي
وسلام على زيركم البارد ده
وسلام على قعدتكم الظريفه دي
احنا ناس بنا جيناكم ودي تحيه وسلام من اهل بنا
نبارك ليكم المنتدى والقعده الظريفه
وياروعه ماتزعلي هم لمن قالو ناس كومي قاصدين الناس القاعدين جوا كومي هنا
يعني المنتدى زاتو وبما انك جوا هنا انتي من كومي وناس كومي
والدار دارك وشيلي اقرب بنبر

أيوااااااااااااااااااااااااا
أهو دة الكلام النجيض ياود بنا

وياروعة أسمعي كلام الناس الروعة وجري بنبرك وصنقري

[Raw3a]

تسلم والله يا عبدالله كنة


ده من اصلك الطيب و كرم طبعك



و انشاااااااااااااااااااااااء الله ما يقطع


مادام متواصلين معانا ما بقطع

[عبدالله كنه]

وإنشاء الله كمان يبقي ضل وضرا لينا كلنا ونشرب


ونسقي العطاشا
أملي ماعونك ياروعة
وأبقي قااااااااااااعدة
وماتقولي ماشا
.

[ابو عبد الحفيظ]

صراحة القعدة دي عايزة ضبيحة


ياولد جيب الخروف


ياكنة جيب السكين وعدة الضبح


بناوي نزل شوال الفحم داك


ياروعة عايزين شية بس


اها ياجماعة جيبو البنابر للناس الواقفة دي


وياكنة الا تعمل راكوبة جنب الازيار دي لانو الحتة مابتشيل الناس


وكدي ياروعة اعملي لينا جبنة قبل ناكل الشية

[Raw3a]

مدييييييييييييييييرنا

ياخي انت جعان جوعة غريبة خلاص

لكن

لكن


انا مااااااااااااااااا باكل لحمة

لكن بعملها ليكم


اها قصرت معاكم ؟؟؟

:D

[ابو عبد الحفيظ]

اللييييييييييلة يانا المااكلنا

كيفين حتعمليها وانت مابتاكليها ؟

هوي يااحمد امشي شوف لينا مشوي من السوق

وروعة جيب ليها بوكس جرجير وطماطم

[فقط الأعضاء المسجلين والمفعلين يمكنهم رؤية الروابط]

[ود ابجديد]

خلاص يا شعرواي روعة معزورة عشان ما بتاكل اللحمة رايك شنو نعزم ناس بسمة وبت كومي معانا عشان يظبطو لينا الشية وروعة تساعدم

[احمد بناوي]

لكن انت عملتها ظاااااااااااااااهرة



اها تشرب شنو يا احمد



اطلب و اتمنى يا زول

ما اعملها ظاهرة هع
كدي جيبي اي حاجه كلو منك حلو

[احمد بناوي]

أيوااااااااااااااااااااااااا
أهو دة الكلام النجيض ياود بنا

وياروعة أسمعي كلام الناس الروعة وجري بنبرك وصنقري

يديك العافيه يا ملك اهو كلنا حبايب في ظل المنتدى

[احمد بناوي]

صراحة القعدة دي عايزة ضبيحة


ياولد جيب الخروف


ياكنة جيب السكين وعدة الضبح


بناوي نزل شوال الفحم داك


ياروعة عايزين شية بس


اها ياجماعة جيبو البنابر للناس الواقفة دي


وياكنة الا تعمل راكوبة جنب الازيار دي لانو الحتة مابتشيل الناس


وكدي ياروعة اعملي لينا جبنة قبل ناكل الشية

انا مالقيت لي الا الفحم يا شعرواي بالغت معاي
انا احسن من يشوي لحمه في المنتدى ده

[احمد بناوي]

اللييييييييييلة يانا المااكلنا

كيفين حتعمليها وانت مابتاكليها ؟

هوي يااحمد امشي شوف لينا مشوي من السوق

وروعة جيب ليها بوكس جرجير وطماطم

[فقط الأعضاء المسجلين والمفعلين يمكنهم رؤية الروابط]

افووووو
معقوله بس الشيه علي انا والمراره بزبطها ليكم روعه قومي اعملي العصاير

[ابو عبد الحفيظ]

افووووو
معقوله بس الشيه علي انا والمراره بزبطها ليكم روعه قومي اعملي العصاير

صاح انا مانسيت الشية في سطوحكم هههه
بس برضو روعة مادام مابتاكل لحم نهريها سلطة
وياكنة عايزين راكوبة جنب الزير

[عبدالله كنه]

شويتو ولا لسة

[Raw3a]

هييييييييييييييي

انتو عشان ما باكل لحمة

عايزين تخموني بالسلطة

ده كلام شنو؟؟

لا يا حلوين شوفو لي دجاج و لا سمك سرييييييييييع

قال سلطة قال؟؟

و بعدين يا احمد.. مرارة شنو ؟؟

ايواااااااااااااااا انت بتاكل الحاجات دي ؟؟

[ابو عبد الحفيظ]

انتي عارفة ياروعة احمد ده خبير في الشية انا قعد امشي اعيد معاهم الاضحي شيف درجة اولي بس المرارة دي انا مامعاكم
وبعدين بمناسبة الخروف والدجاج والسمك شوفي الكاركاتير ده

[فقط الأعضاء المسجلين والمفعلين يمكنهم رؤية الروابط]

[ابو عبد الحفيظ]

شويتو ولا لسة

خلصنا الضبيحة واحمد شغال في الشوي
وكلمنا روعة تعمل لينا قهوة
بس ياكنة الراكوبة صغيرة والبنابر شوية

[عبدالله كنه]

حرم الا أبني ليكم صالون وأخت فيه مية زير بس كترو من الشية

[Raw3a]

اها يا مديرنا يعني اصوم انا و لا شنو


يعني اتصرفوا لينا في اي حاجة طيب


انشاء الله سلطة


( ما من الاول قالوا ليك يا روعة يا شليقة )


اها خلاص جبتوا لي الخضروات

اقوم اجهز السلطة

[احمد بناوي]

[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]

وده احلى هدية مني ليك يا روعه وماتقولي ظلمناكي

[basma]

ابو الشوش وعماد انا جيت بس اوعكم تقولى لى جيبى السكينه والصينه كعاده شعراوى يحب يرسلنى

[احمد بناوي]

بسمه امسكي معاي اللحمه عشان نقطعه قالو ايدك خفيفه على اللحم

[عبدالله كنه]

أنا داير أعرف حاجة واااااااااااااااااااااااحدة بس


البوست دة كاتبوا أنا ولا كاتبنو بسمة وروعة


والله دة تجني علي الحقوق الادبية والراكوبية والزيرية



شعراااااااااااااااوي

أنا داير زيري ياخوي

لكم التحية ياحلوين وأشكركم جميعا علي المرور الروعة ( دي مامأخوذة من إسمك ياروعة) وأشكركم كتير علي الشية والسلطة وكمان جابت ليها بيتزا هوت
وآآآآآآآآآآآسف للغياب إنشاء تكونوا ختيتو لي حقي

[Raw3a]

[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]

وده احلى هدية مني ليك يا روعه وماتقولي ظلمناكي




احمد الله عليك ياخي

والله ما قصرت معاي تب

يعني حسي انا اكل شنو و اخلي شنو ؟؟

و زوووووووووووول يقول لي اديني مافي

خليكم في لحمتكم يا حلوين

طيب :D

[Raw3a]

شووووووووووووووف يا عبد الله

اول حاجة انتو عملتو لينا هنا قعدة

و قلتو لحمة

يعني جنيتو على روحكم براااااااااااااكم

اها الناس المساكين زي روعة دي

الما بياكلوا لحمة

لازم زول ظريف كده زي احمد

يجيب ليهم بيتزا

خلي روحك رياضية

عارفة اللحمة بتكون تعبتك (اللهم لا شماتة)

لكن اها حال الدنيا

بعدين المرور الروعة لييييييييييييييييييييه

(حقوق الطبع محفوظة)

قول المرور الظريف - الجميل - ال..........

اي حاجة يعني


و بس

[احمد بناوي]

احمد الله عليك ياخي

والله ما قصرت معاي تب

يعني حسي انا اكل شنو و اخلي شنو ؟؟

و زوووووووووووول يقول لي اديني مافي

خليكم في لحمتكم يا حلوين

طيب :D


يقصر الملح انا عندي كم روعه ياخي:)

[Raw3a]

الله عليك يا احمد

كل يوم تعال لينا بي هنا

ما تخليني براي

الناس ديل بياكلوا لحمة

و بجيبوا لي سلطة بس

عشان كده ما تقطع بالله

[عبدالله كنه]

شووووووووووووووف يا عبد الله

اول حاجة انتو عملتو لينا هنا قعدة

و قلتو لحمة

يعني جنيتو على روحكم براااااااااااااكم

اها الناس المساكين زي روعة دي

الما بياكلوا لحمة

لازم زول ظريف كده زي احمد

يجيب ليهم بيتزا

خلي روحك رياضية

عارفة اللحمة بتكون تعبتك (اللهم لا شماتة)

لكن اها حال الدنيا

بعدين المرور الروعة لييييييييييييييييييييه

(حقوق الطبع محفوظة)

قول المرور الظريف - الجميل - ال..........

اي حاجة يعني


و بس




ياخي ماتصدقي إنك روعة ياروعة أنا بس قاهرني الزير (الكرطعتيه) براكي دة ..:D

الواد يعني مايخت ليه زير للعابرين يجو ناس الحلة يصنقروا

بعدين أنا زعلان من مديرنا شعرواي

ليه ما أديتني خبر إنو روعة عدمت الزير النقاع وإتيبس

قول المرور الظريف - الجميل - ال..........روعة
جيتكم ( صادي ) تاني وكتروا الشية

تخريمة
أوعي تجي تقولي يعني شنو كرطعتيه

[Raw3a]

عبدالله كنة

وينك مختفي[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


طيب بما انك قلت لي ما اسالك من معنى الكلمة العجيبة دي

طيب يعني شنو الزير النقاع
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

بس


اها قصرت معاك

[ابو عبد الحفيظ]

كنة حتغير الازيار في رمضان ولا كيف حيكون النظام ؟؟
وبعدين ماتكلم زول معني كرطعة

[عبدالله كنه]

عبدالله كنة

وينك مختفي[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


طيب بما انك قلت لي ما اسالك من معنى الكلمة العجيبة دي

طيب يعني شنو الزير النقاع
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

بس


اها قصرت معاك


لا ماقصرتي ياروعة ........ إنشاء الزير كمان ( ينقع) ومايقصر :D


إنتي قصدك زير فاضي ولا مليان :eek:

[عبدالله كنه]

كنة حتغير الازيار في رمضان ولا كيف حيكون النظام ؟؟
وبعدين ماتكلم زول معني كرطعة

تغيير الأزيار هين الكلام تغيير الددوام ياشعرواي ياخوي

الأزيار دي حنخليها في رمضان للناس الفاطرين لكن بعد الفطور حأجيب ليكم حاجة جديدة بس خليها بيني وبينك لغاية رمضان يجي بالسلامة

[ابو عبد الحفيظ]

تغيير الأزيار هين الكلام تغيير الددوام ياشعرواي ياخوي

الأزيار دي حنخليها في رمضان للناس الفاطرين لكن بعد الفطور حأجيب ليكم حاجة جديدة بس خليها بيني وبينك لغاية رمضان يجي بالسلامة

علي كده نحن نحسب رمضان بالساعات

ودايماً جديدك رائع يارائع

دمت بخير

[Dm3a]

اهئ اهئ اهئ
ياحليل ايام زمان

يازول تشكرات تشكرات

ع الصوره الرائعه