ضـــــــــــــــل الضحـــــــــــــــــى

[كوماوى]

آآآآآآآآآآآآآآآآآآآآآآآآآآآآآآآآآآآآآآآآه

جنس فتر الواحد يقوم من النوم ولسه تعبان

احسن حاجة تعملا بعد ما تقوم من النوم تاآآآآآآآآآآآآآآآآآآآآآآآخد قسط من الراحة

آآآآآآآآآآآآآآآآآآآآآآآآآآه ياربى

بالله شوف ضل الحيطه ده بارد كيف

دقيقه قبل ما اقعد اكورك لى الحجة تسوى لينا جبنه لانو لو قعدتا ما ظنيت اقدر اتحرك

ولا اقول ليك شى يا شعراوى الحيطه دى قصيره تعال جاى دى كبيره شوى عشان الضل ما يخلص

بسرعة

ودى قـــــــــــــــــــــــــعده

توندى مالك تتلفت يمين ويسار زى سواق التكسى الرايح ليك شنو

البت دى اتاخر ليه

منو دى

رحيق

اكيد شالتا نومة

دقيقة خلى ام ايه تجيب القهوه النسعلا ليك

اه دى ام ايه وصلت

يا اولاد امى العايز القهو منو والعايز الشمارات منو

لانو الفناجين ناقصة عبد الحفيظ كل يوم كاسر ليهو فنجان

تقول ابوهو بياخد مرتبو عده

انا الجبنة دى بشربا ساى تصبيرة للفطور لكن زول شمارات ساى

شعراوى انت زولى تب تعال لى جاى

يلا وين باقى الشله القعدة ما تفوتكم


فاصل ونواصل القعد ة

[ابو عبد الحفيظ]

اخي العزيز كوماوي لك التحية علي القعدة الجميلة في ضل الضحي

اها ياجماعة جيبو البنابر ديك بي جاي

وختو العنقريب ده بي هناك

ياام آية جيبي لينا شوية تمر عشان الجبنة دي

يا اخوانا وين ود ابجديد وعماد ساتي وود القبايل وابو احمد ولازم تنادو دكتور احمد

والبنات لبني وروعة وشمعة وشهد رشو الحتة دي عشان الكتاحة

مية مرة قلت ليكم ارفعو الفناجين من يد عبد الحفيظ عشان مايكسرهم

كدي ناخد فنجان جبنة ونواصل الكلام

[كوماوى]

يا اخوى والله صدقت الكتاحة دى عدمتنا الجيوب الانفية وجيوب الجلابية والله جيب سالم مافى

ود ابجديد ده الصباح عندو شكله فى البيت لو ما عملا ما بيجى

عماد ساتى يا اخوى انت الجبنة دى مالك معاها

لا والله انا ماليها قرقوش بس ادونى نص

قلت شنو نص نص

هوووووووووووى ده كلام شنو

والله يا جماعة ما قصدى حاجة نص قهوة وبس


دكتور احمد وين يا شعراوى

والله يا جماعة الراجل ده امس مساهر مع ناس الحله لبنى عضتا نمله بالليل تحلف تقول عقرب البت

دى ما عارف الحنكشة الليها شنو يا بت خلى الدلع ده شوية

امس عشان نمله تكوركى زى مشجعييين البرازيل

البت قرت فوق الخرطوم ليه ما تتدلع

وبعدين زى نملنا الكبار ده هناك ما فى



يا جماعة ما تشوفو الباب البدق ده
ياربى منو الجاى

[أرض الخير]

والله لكن عجيبة تب ضل ضحى وحيطة وكوماوي وشعراوي عاملين ظيطة
عايزين يترقدوا من مكان لمكان .....طيب........لكن القهوة دي عايزة ليها ناس
يقوموا ليها كدة ويظبطوها برة في جو جميل زي الفى الصورة ده

[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[عماد ساتي]

يا كوماوى يا ظريف لكن قهوتكم ما قهوة ... فاتت قهوة الحبش يوم الأربعاء والإثنين (طبعا الحبش اهل القهوة عندهم يوم الأربعاء والأثنين دى قهوة مبالغة ) ولو عزموك تلك الأيام تعرف انك عزيز عليهم بالحيل.

يا كوماوى والله عيشتنا فى جو نفتقده كثيراً فى الغربة ... كدى تعالوا نخلى الموضوع دا حقيقة فى يوم من الأيام رأيكم شنو ؟؟؟

تحياتي

[كوماوى]

والله لكن عجيبة تب ضل ضحى وحيطة وكوماوي وشعراوي عاملين ظيطة
عايزين يترقدوا من مكان لمكان .....طيب........لكن القهوة دي عايزة ليها ناس
يقوموا ليها كدة ويظبطوها برة في جو جميل زي الفى الصورة ده

[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

سوات الجبنة خلوها لى ام ايه
القهوة لى ام ايه ولو تشرب نصها

قومى يا لبنى زيدى النار دى الناس ديل جاييين

[كوماوى]

يا كوماوى يا ظريف لكن قهوتكم ما قهوة ... فاتت قهوة الحبش يوم الأربعاء والإثنين (طبعا الحبش اهل القهوة عندهم يوم الأربعاء والأثنين دى قهوة مبالغة ) ولو عزموك تلك الأيام تعرف انك عزيز عليهم بالحيل.

يا كوماوى والله عيشتنا فى جو نفتقده كثيراً فى الغربة ... كدى تعالوا نخلى الموضوع دا حقيقة فى يوم من الأيام رأيكم شنو ؟؟؟

تحياتي

ناس القهوة ظهرو

يا زول نحنا معاك لمن ما يخلص الضل ده

ولو عايز نحول ضل الراكوبة وبعدين ضل العصر ما عندنا ما نع بس شوف البنات ديل رايهم شنو

[أرض الخير]

بس خلاص ياكوماوي ...................نحن جاهزين للشراب حق القهوة

والشاي ..........وطبعا ام اية خبيرة حتى لو حولت نص الشوال حق

البن للشمباتي برضو راضيين ...................

[كوماوى]

يا جماعة الناس دى تانى نامت


القهوة بردت

[أرض الخير]

مافي ايي زول نام انت نمت براك ..................

وقفلت القهوة في البرندة وختيت المفتاح تحت مخدتك
جايي تلصقها فينا ........................

[ود القبايل]

اخي العزيز كوماوي لك التحية علي القعدة الجميلة في ضل الضحي

اها ياجماعة جيبو البنابر ديك بي جاي

وختو العنقريب ده بي هناك

ياام آية جيبي لينا شوية تمر عشان الجبنة دي

يا اخوانا وين ود ابجديد وعماد ساتي وود القبايل وابو احمد ولازم تنادو دكتور احمد

والبنات لبني وروعة وشمعة وشهد رشو الحتة دي عشان الكتاحة

مية مرة قلت ليكم ارفعو الفناجين من يد عبد الحفيظ عشان مايكسرهم

كدي ناخد فنجان جبنة ونواصل الكلام



ياسلام عليك يا أبا عبد الحفيظ تنفع مؤلف وسينارست مسرحي

[كمال عدلان]

:D:eek:كوماوي قهوتكم دي واثقين منها ولا اسم قهوة بس، نحنا والله ما بنشرب اى قهوة وبعدين منو البتعمل القهوة بصراحة كده انا ما اقتنع باى بنت في عالم النت ده ممكن تعمل قهوة يا دوبك شاي وحتى الشاي لبتون ابو خيط مش فلت عشان كده نحنا لازم نستورد ست شاي حتى ست الشاي البنستوردها تكون ست شاي راقية اى يعني بتعمل في اماكن راقية يعني الرياض الطايف المنشية عشان ممكن تكون مواكبة للحضارة ومافي اى مشكلة في هذا حيث ان ست الشاي الان بنلقى معاها ارقى اجهزة الجوال واحدثها ومعروف ان الاجهزة الحديثة بتعمل بنظام الوندوس اى لابد من استجلاب ست شاي للمنتدى بعد اجراء المعاينة من قبل ادارة المنتدى وذلك بفحص جودة القهوة المعمولة للمعاينة بكل النواحي ابتداءا من نظافة الفنجان واهم شي سرعة تقديم التني بتعرفوا التني يا بنات المنتدى ولا لا .
وبعدين في طقوس للقهوة دي اقلها فكة بخور و و و و و و .

يا ابو عبد الحفيظ ياتو قهوة سودانية البشربوها بتمر يا خوي شكل الخليج اثر فيك .
عماد ساتي كلامك في محله لكن يا خوي انت عرفت الكلام ده كيف ما هي ما بتمشي ساكت كده لازم نعرف الحاصل شنو صحي الحبش ليهم قهوة خاصة مكن اسالك سوال انت من وين في السودان اذا من الشرق ما قلنا حاجة ليك الحق لانو هناك الحالة واحدة بس لو قلت من الخرطوم بيكون في مليون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اذا كده ، ديامي ولا جرافي ولا الخرطوم اتنين ما الجريق شرق يا ناس الجريف شرق الجريف غرب ، اها يا عماد ساتي انت كان حريف وبتمشيها بقوليك ما مشت وتكس يرجع كان لعبت بلي .

على العموم ادونا فنجان عشان نكف بيهو العين

[كوماوى]

لبنى صباحك خير
سمعتى عماد ساتى قال
قهوة الحبش احسن من قهوة ام ايه
عليك الله لو كبيتى ليهو قوه تانى وبعد كده يا عماد جيب قهوتك وتعال

[كوماوى]

ود القبائل يا رائع
شكرا على المشاركة

[كوماوى]

يا كمال عدلان
قهوتنا واثقييييييييييين منها
وبعدين ام ايه تخصص قهوة
بس قهوة الحبش ما جربتها
لكين ما قصرت مع عماد ساتى
الله يقدرو على الاستفهامات الكتيره ديك ؟؟؟؟؟؟؟؟؟؟؟؟؟
تخريمة :
كمال عدلان والله حضورك اضاف للقعده الكثير
مستنيك قعدة بكرة
تسلم

[ود ابجديد]

اها انا جيتكم
بس ما داير القهوة في فنجان
لازم تكون جبنة حجر يا كوماوي

[كمال عدلان]

كوماوي الله يديك العافية بس ماشفنا قهوة قهوتكم دي شكلها اسكافي وقبله اسكريم يا خوي . الحاصل شنو

ما قلنا نستورد ست شاي .

وانا منتظر ردك يا عماد ساتي

[المتوكل]

شكراً على الموضوع ونتمنى كتابة موضواضيع جديده

[كوماوى]

عماد ارسلناه ماموريه عاجله للحبشة
عشان يجيب ست شاى وكده

[كمال عدلان]

يا كوماوي ما بالغت عديل كده معقولة تكون رسلتو الحبشة عشان قهوجية غايتو كان اديتو حق التذاكر تكونوا دقستو لانو حايجيبة ليكم من مكان قريب وهو بعرفوا وكان ما مصدقني كدي فتش في المنتدى عن موضوع هو كاتبوا عن الـــــديم وتلقى انو كمال عدلان بتكلم بمستندات وادلة واضحة ولا مفر من المراوغة .

لقيتو كيف يا كوماوي