رائعة السر عثمان الطيب ( بحر المودة )

[ابو عبد الحفيظ]

بحر المؤده
كلمااات السر عثمان الطيب


شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
...

[ود ابجديد]

يا ريت يا شعراوي تجيبو لينا مسجل

[Raw3a]

مديييييرنا الرائع.

والله بالجد تشكر جدا جدا جدا..

لان انا عااااااااااااااشقة لي اي قصيدة بتخاطب لام..

او فيها لفظة يا يمة بالذات..

لك الشكر يا مبدعنا..

[الشايقي ود كسلا]

مشكور الاخ ابو عبد الحفيظ

قطع شك الشاعر الرائع السر عثمان الطيب من علماء الشعر في بلادي
وهو يستحق التوثيق

تشكر ولك مودتي

[العربى]

نعم هى بحر من المودة وابعد من ذلك

لك الشكر شعراوى وانت تفرد هذه المساحة

لست الحبابب

[عاشقه امدرمان]

روعه يسلمووووووووووووووووووووووووووووووووووووووو

[ابو التيمان]

اهداء الى الاخ ود ابجديد
أغنية بحر المودة و الحنية
من اعظم ما تغنى به الفنان محمد جبارة
كلها حنين ...منو السمع الاغنية دة و ما بكى ...
و ان لم يكن بصوت عالى فدموعك تنساب دون الحاجة لان توقفها
للاستماع اضغط
هنـــــــــــا بحر المودة ([فقط الأعضاء المسجلين والمفعلين يمكنهم رؤية الروابط])
ربنا يرد غربة الجميع رغم انى كل مرة اقول ما اظن دة يحصل قريب ولكن ...الامل فى

[الكردفاني]

ياسلام عليك ياريس، منتهي الروعة، متشكرين

[ريحانة الأمل]

صوت لن يتنسى

وكلمات لاتغيب عن الخاطر

الف شكر
ولسه مستنيين منك كتير

[صلاح حسين]

بحر المود او يا يمة السر عثمان الطيب
والرائعة هند هاشم لكم وللجميع -----------------------

[فقط الأعضاء المسجلين والمفعلين يمكنهم رؤية الروابط]