(أم علي ) ست الشاي ...

[ود القبايل]

الشاي كيف أهل الحضر
الجبنه كيف أهل البدو

الشاي المشروب السحري الذي يحمل في طياته العلاج النفسي والغير حسي للصداع .
للشاي ست بل ستات ولهن الفن والتفنن في التعامل مع كوانين الفحم وكافتيرة الشاي والحرص على زمن الغليان بالدقائق والثواني كحكم المباراة .
عندما كنا طلبة نحرص على رشف الشاي عند ست الحسن والجمال ( أم علي ) صاحبة الخبرة الطويلة في تظبيط الشاي أكثر من عشرون سنة غير الجمع والعطلات الرسمية .
(أم علي ) أصبحت جزء منا ونحن جزء منها تعلمت قليل من الانجليزية وكان تقول لنا
لكشركم الساعة كم وهي طبعا تقصد المحاضرة .

للشاي نكهه خاصة مع (أم علي) وخاصة في الجلوس على الصفائح القديمة مع الحرص الشديد من السقوط واصحاب الكروش لهم مقاعد خاصة وهي البلكات وسميناها ( أم علي بارك ) يعني حديقة أم علي . كما كان ركنا للنقاش السياسي والاقتصادي والثقافي .

[كلك حلو]

تسلم ود القبايل ذكرتنا ايام جميلة مضت

وماتنسي انواع المشروبات الاخري

الحلبة والكركدي والبن

ونظام رص الكبابي وبرطمان الكركدي والحلبة

[ود القبايل]

تسلم ود القبايل ذكرتنا ايام جميلة مضت

وماتنسي انواع المشروبات الاخري

الحلبة والكركدي والبن

ونظام رص الكبابي وبرطمان الكركدي والحلبة

مشكور يا حلو على المرور الاحلى

[ابو عبد الحفيظ]

اخي العزيز ود القبايل
لك التحية علي الموضوع وبعدين ست الشاي بتكون مواكبة ومثقفة علي حسب ثقافة المنطقة التي هي تعمل فيها مثلاً في الجامعات تلقاها متابعة للمحاضرات ومواعيدها وكلياتها وعطلاتها حتي طريقة كلام الطلاب والجامعات ومن تعمل في الاسواق متابعة للاسعار وحركة السوق والبضائع ومن تعمل في مكان المواصلات حافظة كل اسماء السواقين والكماسرة وحركة المركبات ومن تعمل في الدوائر الحكومية تجدها حافظة طريقة الاجراءت لتلك المصلحة وكيفية قضائها والعجب الببيعو الشاي في المحاكم ديل قضاة ومحامين عديييييل

[ود القبايل]

اخي العزيز ود القبايل
لك التحية علي الموضوع وبعدين ست الشاي بتكون مواكبة ومثقفة علي حسب ثقافة المنطقة التي هي تعمل فيها مثلاً في الجامعات تلقاها متابعة للمحاضرات ومواعيدها وكلياتها وعطلاتها حتي طريقة كلام الطلاب والجامعات ومن تعمل في الاسواق متابعة للاسعار وحركة السوق والبضائع ومن تعمل في مكان المواصلات حافظة كل اسماء السواقين والكماسرة وحركة المركبات ومن تعمل في الدوائر الحكومية تجدها حافظة طريقة الاجراءت لتلك المصلحة وكيفية قضائها والعجب الببيعو الشاي في المحاكم ديل قضاة ومحامين عديييييل


صدقت والله ..وأوعك من بتاعت المحاكم دي بالذات لو ما عندك فكة

[شهد الملائكة]

نحن ست الشاي حقتنا كانت جمعية

جمعية كانت مثقفه ثقافة ما عادية كانت بروف وكانت طالبة وكانت سياسية وكانت اجتماعية

ويديك العافية يا جميعة اينما كنتي

وطبعا ده تاكيد للكلاام الرئيس انو ست الشاي بتكون ثقافتها علي حسب الحته الهي فيها

وتسلم ود القبائل علي الموضوع

[ود القبايل]

نحن ست الشاي حقتنا كانت جمعية

جمعية كانت مثقفه ثقافة ما عادية كانت بروف وكانت طالبة وكانت سياسية وكانت اجتماعية

ويديك العافية يا جميعة اينما كنتي

وطبعا ده تاكيد للكلاام الرئيس انو ست الشاي بتكون ثقافتها علي حسب الحته الهي فيها

وتسلم ود القبائل علي الموضوع


أختي شهد
مرورك يسعدني دوما ... تشكرات كتير كتييييير

[مامون مهنا]

ودالقبائل هنالك حقيقة لابد من ذكرها وهى ان ست الشاى:

- منتدى سياسى اقتصادى رياضى ثقافى ومرح ...

- لقاء يتم من خلاله التعارف والتواصل والتصاهر وهنالك شواهد على ذلك ...

التحية لكل 666 الشاى ...

[خالد حسن بخيت]

ماتنسوا كمان مشهد ست الشاى وهى قاعدة قدام الكانون وماسكة عدة الشاى بإيد والجوال بالأيد التانية وشغالة نقة وشمارات رغم كثرة الزبائن..

[خالد النو]

يا ود القبائل دى كلام جميل عن ست الشاى وزكرتنا ايام الجامعة الحلوة ؟؟؟ فانا شايقى بشرب كمية من الشاى وكان البحث عن سهل فى الحرم الجامعى وين خالد النو ؟؟ الرد بسرعة بكون بشرب شاى !!!!!!!!! التحية لكل ستات الشاى وهم يسعون لاكل لقمة عيش شريفة بهذه المهنة الشريفة!!!!!!!!!!!11

[ود القبايل]

ودالقبائل هنالك حقيقة لابد من ذكرها وهى ان ست الشاى:

- منتدى سياسى اقتصادى رياضى ثقافى ومرح ...

- لقاء يتم من خلاله التعارف والتواصل والتصاهر وهنالك شواهد على ذلك ...

التحية لكل 666 الشاى ...

فعلا منتدى متكامل ... مشكور على المشاركة ....

[ود القبايل]

ماتنسوا كمان مشهد ست الشاى وهى قاعدة قدام الكانون وماسكة عدة الشاى بإيد والجوال بالأيد التانية وشغالة نقة وشمارات رغم كثرة الزبائن..

شاي CALL

[مامون مهنا]

شاي CALL



:D:D:D:D:D

[ود القبايل]

:d:d:d:d:d


عجبتك يا ماو :D:D:D