المساعد الشخصي الرقمي

مشاهدة النسخة كاملة : ريحة التراب للشاعر اسماعيل حسن

alprince75
25-Oct-2007, 05:20 AM
ريحة التراب

والله ياريحة التراب

شديتنى للماضى البعيد

عبر الزمان فى اللامكان

عبر البكون جوه اللى كان

مشوار غريب حفيان

وطيت جمر ام لهب

الروح تهيم فوق النجوم

والفانى مطمور فى التراب

والله ياريحة التراب

كيفن يكون درب الوصول

لى ساحة ماشقاها زول

من دونى دونك الف باب

وكم حجاب وكم ستور

مندلى ياريحة التراب

اصلى مليت العذاب

جيتا خايد فى الضباب

شوق ليالى الغربة فى اعماقى داب

الحنين جوه جوفى

قصة ماشافت كتاب

الصغيرون بى شقاوة الدنيا

يايمة شاب

والله ياريحة التراب

العطش يبس لهاتى وجيت اهاتى

جارى لى موية الرهاب

والله ياريحة التراب جيتا تعبان

داير ارقد داير انوم

انسى نفسى والشقا

القاسيتو فى وادى الهموم

داير الولى النسمة بى فرحة

صغير كره السموم

والله ياريحة التراب

ريحة التراب والله

يا ريحة التراب

لازم ...

لازم اوصل مهما كان

اوعا ماتوصينى كنا وكان زمان!!

الزمان يا اصلى ماليهو امان

ونحن فى ساحاته زى خيل الرهان!!

والله ياريحة التراب لازم اوصل

مهما كان

حتى كان سدت سواعد الليل

دروب الكون وماخلت مكان

حتى كان جار القدر

شدانى فى قاع الزمان !!

مو ضلام الليل , بشيلو

وبمشى لى فجر الامان !!

ياسلااسل القدرة مابرضى الهوان

بمشى فوق المستحيل ,

بقدل وبتبختر كمان!!

لازم اوصل لى مشاتل ريدى

فى ارض الحنان ....

والله ياريحة التراااااااااب .......
أرض الخير
25-Oct-2007, 05:56 AM
مشكور يا اخونا البرنس ...................
امبيسا
25-Oct-2007, 09:48 AM
يا سلام عليك يا البرنس تسلم يا غالي
ابواحمد
27-Oct-2007, 10:36 AM
ياسلااسل القدرة مابرضى الهوان

بمشى فوق المستحيل ,

بقدل وبتبختر كمان



هكذاالشعر وعزيمة الرجال الابطال اللي كانو امثالا لنا في كل شئ .كل الشكر علي القصيده الرائعه
الكردفاني
12-Jan-2010, 09:22 PM
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
احلام اسماعيل حسن
07-Feb-2010, 11:00 AM
رحمه الله اسماعيل حسن كان قيثارة شعبية رىعة كان اسماعيل
فارسا من فرسان الكلمة قوية صاىبة في وجه أعداء
مع حبى احلام
عبدالمنعم الطاهر
07-Feb-2010, 12:00 PM
يا سلام على ريحة التراب
ودعاش التراب
تسلم البرنس على القصيدة الجميله هذه
لشاعرنا/ اسماعيل حسن
الغائب الحاضر دوماً معاً بإبداعه
مامون مهنا
07-Feb-2010, 01:05 PM
اصلى مليت العذاب

جيتا خايد فى الضباب

شوق ليالى الغربة فى اعماقى داب

الحنين جوه جوفى

قصة ماشافت كتاب


زيدنا يابرنس من نهل الابداع واروى ظمانا ،،،،
يوسف سـاتى
22-Feb-2010, 03:36 PM
اسماعيل حسن معجزة الحرف...

مشكور اخى البرنس..