ياباني
07-Dec-2008, 05:11 PM
كل سنه وانتو طيبين طبعا شراء الخروف في العيد فن عديييييل كده وليه خطوات مدروسه تتم خلال اربع او خمسه ايام
اولا تخلي معظم ناس الحله يشترو خرفانهم وتمشي تعاين بعد تدرس السوق كويس وتقول لي سيد الخروف النص نص يعني لو خروفو بي ميه وسبعين تديهو كوز وتقول ليهو خروفك ده بتاع ميتين ميتين وعشرين وهو اكيد حيوافقك في السعر حيقول ليك بعد مجادله اشتريتو بي ميتين وخمستاشر وللكلام ده اهميتو بعدين عشان انت حقك برضو حتديهو كوزين ومافي زول حيكضبك لانو خروفو ماخد كوز وتاني عشان حيقول عليك عوير ما بتعرف الاسعار...
وتانيا ما تشوف زول من ناس الحله تملح بي عربيتو وكده وما تمشي بي عربيه اصلا وجلابيتك تكون وسخانه وجيوبك فاضيه زي الماشي تتفسح وتعاين ساكت ...والخروف الحتشتريهو لازم تتخيلو يعني عيونو لازم تكون شبه عيون حبيبتك يا كرعينو يا اي شي عشان تحبو تخلص انك لازم تشتريهوولامن تساوم لازم تتزكر الد اعدائك وتتخيل انك قاعد تشتري فيهو بي حر ملك عشان تبخس السعر...بلا اخترت الخروف وختيت السعر في راسك امشي امسك الخروف الاكبر منو بي مراحل واديهو السعر الخاتيهو لي خروفك الاصلي وطبعا حيرفض البائع وتمشي طوالي تمسك الخروف الاصلي تقول ليهو طيب الحميل ده بي كم مهما كان الخروف عاتي لازم تقول حميل وتنقص من سعرك الاول حبه وطوالي حيخت في راسو انك بتستهبل وما داير تشتري حيوافق يعني لو دايرو بي ميهتسعين تقول ليهو بي ميه وخمسين حيقول ليك جيب الميتين قول ليهو اخر كلام ميه وتسعين وما بزيدك قرش تاني وامشي منو وامسك الخرموف الكبير زي البتتحسر عليهو وحيوافق بي سعرك اكيد تجيب اقرب ركشه ترفع خروفك وتمشي بيهو لي عربيتك وعلي الضهريهوجنب الباب تكورك تسمع الحله كلها انك جبتو ويا ولد تعال امسك معاي الخروف وجيب الحبل ولا ما تربطو في الماسوره بقلعها وكده حيتخيل اي زول ان خروفك ماكن حتي لو كان حميل ولو سالوك عن سعر كب ليهم الكوزين تلتميه اب ينقص ولا قرش وحيصدقو وبالهناء والشفاء وكل سنه وكلكم طيبين
اولا تخلي معظم ناس الحله يشترو خرفانهم وتمشي تعاين بعد تدرس السوق كويس وتقول لي سيد الخروف النص نص يعني لو خروفو بي ميه وسبعين تديهو كوز وتقول ليهو خروفك ده بتاع ميتين ميتين وعشرين وهو اكيد حيوافقك في السعر حيقول ليك بعد مجادله اشتريتو بي ميتين وخمستاشر وللكلام ده اهميتو بعدين عشان انت حقك برضو حتديهو كوزين ومافي زول حيكضبك لانو خروفو ماخد كوز وتاني عشان حيقول عليك عوير ما بتعرف الاسعار...
وتانيا ما تشوف زول من ناس الحله تملح بي عربيتو وكده وما تمشي بي عربيه اصلا وجلابيتك تكون وسخانه وجيوبك فاضيه زي الماشي تتفسح وتعاين ساكت ...والخروف الحتشتريهو لازم تتخيلو يعني عيونو لازم تكون شبه عيون حبيبتك يا كرعينو يا اي شي عشان تحبو تخلص انك لازم تشتريهوولامن تساوم لازم تتزكر الد اعدائك وتتخيل انك قاعد تشتري فيهو بي حر ملك عشان تبخس السعر...بلا اخترت الخروف وختيت السعر في راسك امشي امسك الخروف الاكبر منو بي مراحل واديهو السعر الخاتيهو لي خروفك الاصلي وطبعا حيرفض البائع وتمشي طوالي تمسك الخروف الاصلي تقول ليهو طيب الحميل ده بي كم مهما كان الخروف عاتي لازم تقول حميل وتنقص من سعرك الاول حبه وطوالي حيخت في راسو انك بتستهبل وما داير تشتري حيوافق يعني لو دايرو بي ميهتسعين تقول ليهو بي ميه وخمسين حيقول ليك جيب الميتين قول ليهو اخر كلام ميه وتسعين وما بزيدك قرش تاني وامشي منو وامسك الخرموف الكبير زي البتتحسر عليهو وحيوافق بي سعرك اكيد تجيب اقرب ركشه ترفع خروفك وتمشي بيهو لي عربيتك وعلي الضهريهوجنب الباب تكورك تسمع الحله كلها انك جبتو ويا ولد تعال امسك معاي الخروف وجيب الحبل ولا ما تربطو في الماسوره بقلعها وكده حيتخيل اي زول ان خروفك ماكن حتي لو كان حميل ولو سالوك عن سعر كب ليهم الكوزين تلتميه اب ينقص ولا قرش وحيصدقو وبالهناء والشفاء وكل سنه وكلكم طيبين