رصوا الهديمات عدلوا ركبوا اللواري وقبلوا .............

[أرض الخير]

لكم التحية اخوتي الاعزاء

عنوان الموضوع والكل يعرف انه مشتق من اغنية بحر المودة .............

رصوا الهديمات عدلوا وركبوا اللواري وقبلوا ....................ماذا يعني لك هذا المقطع

من اغنية بحر المودة .................وهل لك ذكريات مع رص الهدوم

والسفر .............وركوب اللواري ..............

[ابو عبد الحفيظ]

لك التحية الاخت الغالية لبني محجوب
لقد ذكرتينا بايام جميلة مضت وكانت للاسفار طقوس وتقاليد وكانت الاسفار انواع ودرجات كان هناك سفر المغتربين وناس البندر ( وهم ساكني المدن وجاؤوا لقضاء الاجازات او المناسبات ) وسفر طلاب المدارس والجامعات والسفر بغرض قضاء العطلات في المدن وسفر المرضي وسفر الحجاج .....
وسوف اتعرض لكيفية سفر كل شريحة من هؤلاء بالتفصيل وقبلها اعرفكم ببلدتي وهي جزيرة تقع وسط النيل في شمال السودان وتبعد عن الخرطوم حوالي 400 كيلومتر ووسائل المواصلات تقع علي الضفة الغربية لبلدتنا يعني نبدأ السفر من داخل الجزيرة وكانت ايام سفر البصات الي الخرطوم يومي السبت والثلاثاء من كل اسبوع ولابد من حجز المقاعد من فترة طويلة للحصول علي مقاعد مريحة لوعورة الطريق ايامها
ولي عودة اخري لتكملة السفرية

[ابو عبد الحفيظ]

نبدأ بالخطوة الاولي للسفر وهي مرحلة الحجز
كان قبل السفر بمدة نتحرك الي القولد ونسميه نحن الغرب لانها علي الجهة الغربية لنا نتحرك من الجزيرة الي المعدية ( المشرع ) وكانت ايامها مراكب شراعية وهي المحطة الاولي ننتظر حتي يمتلئ المركب بعدد من الناس والرواسي الذين تعاقبو علي امر المركب ويطلق علي المفرد ريس المركب وهم حسن سعيد اورموسي رحمه الله وعبد الرحيم صايم والاثنين شكلو ثنائية لعقود من الزمن وكان احد الرواسه من جزيرة لبب المشهورة بصناعة المراكب وهو العم سيد احمد يرحمه الله ،
نعدي الي الضفة الغربية بعد ان ندفع اجرة التعدية قبل وصول المركب الي الشاطئ وعادة المشئ اما بالحمير او الارجل او بالبكاسي والتي قلما تكون موجودة بالمشرع اول خطوة نمشئ لمكاتب البصات السفرية سفريات التوفيق لصاحبها عبد الرحمن محمد احمد رحمه الله او الي عوض قوكا لانو كان وكيل لعدد من البصات السفرية والتي تاتي من دنقلا وفي فترات تالية ظهرت عدة بصات سفرية سفريات ابو زيد وسفريات زهرة كومي يتم حجز المقاعد قبل فترة كافية من السفر ،،،،
الي الملتقي مع توديع المسافر ووصف الطريق من دنقلا الي ام درمان

[manda]

خليتي احن لي بلدي ..

واعاود الزكريات والسفر والستيف والربيط والشنط..

بتصدق يا شعراوي أخر مرة سافرت سفره طويلة وغريبة ..

لفينا من الخرطوم إلى القطينة ثم الشوال . وبعدها ربك وبعدها كوستي

وبعد كوستي مشينا حتا اسمها ام كويكة .. وجينا بي تندلتي وكل مكان كنا بنقعد فيه يوم أو نص يوم

وبعض الحتات بنقعد فيها ساعات .. ومشينا إلى حتة اسمها الحقينة فيها شيخ ..

(طبعاً السفرية دي كانت عبارة عن رحلة بي عربية باترول شديدة التحمل .. )

وقمنا سحرنا عربيتنا ووحلت بينا بي الاربعة لساتك.. في طمي

يعني جينا شاقيين خور كدا وكانت الموية فيه نشفت شوية لكن مليان طين طمي ..

واغطسي يا العربية بالأربعة لساتك..

المهم بتنا اليوم داك هناك واصبحنا عند ناس الشيخ ديلك..

وضبحوا لينا واكرمونا وبعدها طلعوا معانا العربي

ومشينا جبل كون (مرتفع جميل كدا في المنطقة ديك)..

وتوجهنا غربا إلى ود عشانا مدينة بسيطة وجميلة..

وكملنا سفرتنا إلى ام روابة حيث جلسنا بها 3 ايام ورجعنا إلى كوستي وبعدها الخروطوم وام درمان..

وكانت رحلة لمدة اسبوع.. متعبة خلاص..

يا حليل ايام زمان..

[أرض الخير]

لك التحية الاخت الغالية لبني محجوب
لقد ذكرتينا بايام جميلة مضت وكانت للاسفار طقوس وتقاليد وكانت الاسفار انواع ودرجات كان هناك سفر المغتربين وناس البندر ( وهم ساكني المدن وجاؤوا لقضاء الاجازات او المناسبات ) وسفر طلاب المدارس والجامعات والسفر بغرض قضاء العطلات في المدن وسفر المرضي وسفر الحجاج .....
وسوف اتعرض لكيفية سفر كل شريحة من هؤلاء بالتفصيل وقبلها اعرفكم ببلدتي وهي جزيرة تقع وسط النيل في شمال السودان وتبعد عن الخرطوم حوالي 400 كيلومتر ووسائل المواصلات تقع علي الضفة الغربية لبلدتنا يعني نبدأ السفر من داخل الجزيرة وكانت ايام سفر البصات الي الخرطوم يومي السبت والثلاثاء من كل اسبوع ولابد من حجز المقاعد من فترة طويلة للحصول علي مقاعد مريحة لوعورة الطريق ايامها
ولي عودة اخري لتكملة السفرية


والله ياشعراوي بس ربنا كريم ..........................لكن ذكريات صعبة ورغم صعوبتها
تجدفيها كل المحنة .............. نتابع معاك ...................

[أرض الخير]

نبدأ بالخطوة الاولي للسفر وهي مرحلة الحجز
كان قبل السفر بمدة نتحرك الي القولد ونسميه نحن الغرب لانها علي الجهة الغربية لنا نتحرك من الجزيرة الي المعدية ( المشرع ) وكانت ايامها مراكب شراعية وهي المحطة الاولي ننتظر حتي يمتلئ المركب بعدد من الناس والرواسي الذين تعاقبو علي امر المركب ويطلق علي المفرد ريس المركب وهم حسن سعيد اورموسي رحمه الله وعبد الرحيم صايم والاثنين شكلو ثنائية لعقود من الزمن وكان احد الرواسه من جزيرة لبب المشهورة بصناعة المراكب وهو العم سيد احمد يرحمه الله ،
نعدي الي الضفة الغربية بعد ان ندفع اجرة التعدية قبل وصول المركب الي الشاطئ وعادة المشئ اما بالحمير او الارجل او بالبكاسي والتي قلما تكون موجودة بالمشرع اول خطوة نمشئ لمكاتب البصات السفرية سفريات التوفيق لصاحبها عبد الرحمن محمد احمد رحمه الله او الي عوض قوكا لانو كان وكيل لعدد من البصات السفرية والتي تاتي من دنقلا وفي فترات تالية ظهرت عدة بصات سفرية سفريات ابو زيد وسفريات زهرة كومي يتم حجز المقاعد قبل فترة كافية من السفر ،،،،
الي الملتقي مع توديع المسافر ووصف الطريق من دنقلا الي ام درمان

كل المتابعة وانت تقص لنا ذكريات السفر بالبصات .....................
(الي الملتقي مع توديع المسافر ووصف الطريق من دنقلا الي ام درمان )

الله ...الله ..منها لحظات ...
\

[أرض الخير]

خليتي احن لي بلدي ..

واعاود الزكريات والسفر والستيف والربيط والشنط..

بتصدق يا شعراوي أخر مرة سافرت سفره طويلة وغريبة ..

لفينا من الخرطوم إلى القطينة ثم الشوال . وبعدها ربك وبعدها كوستي

وبعد كوستي مشينا حتا اسمها ام كويكة .. وجينا بي تندلتي وكل مكان كنا بنقعد فيه يوم أو نص يوم

وبعض الحتات بنقعد فيها ساعات .. ومشينا إلى حتة اسمها الحقينة فيها شيخ ..

(طبعاً السفرية دي كانت عبارة عن رحلة بي عربية باترول شديدة التحمل .. )

وقمنا سحرنا عربيتنا ووحلت بينا بي الاربعة لساتك.. في طمي

يعني جينا شاقيين خور كدا وكانت الموية فيه نشفت شوية لكن مليان طين طمي ..

واغطسي يا العربية بالأربعة لساتك..

المهم بتنا اليوم داك هناك واصبحنا عند ناس الشيخ ديلك..

وضبحوا لينا واكرمونا وبعدها طلعوا معانا العربي

ومشينا جبل كون (مرتفع جميل كدا في المنطقة ديك)..

وتوجهنا غربا إلى ود عشانا مدينة بسيطة وجميلة..

وكملنا سفرتنا إلى ام روابة حيث جلسنا بها 3 ايام ورجعنا إلى كوستي وبعدها الخروطوم وام درمان..

وكانت رحلة لمدة اسبوع.. متعبة خلاص..

يا حليل ايام زمان..

والله يا اهل الفرحة ياناس ماندا...........سافرت معاكم عديل كدة...............بكل احاسيسي.............ورحلتكم كانت جميله برغم من التعب .....................

[شهد الملائكة]

تسلمي يا لبني علي البوست ويسلم ابو عبد الحفيظ و mandaعلي الكلام الطيب القالوا

[ابوهبة الله]

الأخت شهد الملائكة ،،
أولاً أبلغك كل التحايا القلبية الحارة
ثانياً : هذا الموضوع للأسف أطلعت عليه اليوم بالصدفة وكنت أفكر بالكتابة فيه بدعوة خاصة لجميع أعضاء المنتدى للكتابة عن ذكرياتهم القديمة ويشاركون فيها بقصص تثري المسابقة التي طرحتها حيث لكل منا في الحياة قصة لو كتبها صدقيني ستكون قيمتها أعلى من الروايات التي تطرح عبر المنتدى ومثال ذلك نجاح قصص وروايات الطيب صالح

[أرض الخير]

تسلمي يا لبني علي البوست ويسلم ابو عبد الحفيظ و mandaعلي الكلام الطيب القالوا

تحيةو تقدير لكي ياشهد ..........................:)
وتسلمي للمرور الجميل .............................................:)

[أرض الخير]

الأخت شهد الملائكة ،،
أولاً أبلغك كل التحايا القلبية الحارة
ثانياً : هذا الموضوع للأسف أطلعت عليه اليوم بالصدفة وكنت أفكر بالكتابة فيه بدعوة خاصة لجميع أعضاء المنتدى للكتابة عن ذكرياتهم القديمة ويشاركون فيها بقصص تثري المسابقة التي طرحتها حيث لكل منا في الحياة قصة لو كتبها صدقيني ستكون قيمتها أعلى من الروايات التي تطرح عبر المنتدى ومثال ذلك نجاح قصص وروايات الطيب صالح

لك التحية ياديب يا اسمر ..................وكل واحد ................ان شاء الله
يشارك الجميع .................بالمفيد والقصص الواقعية الجميلة
هنا وهناك في منتدى القصص والرويات ..................:)
شاكرة لمرورك الكريم ..............

[manda]

يااااه المجموعة المفضلة وصلت إلى حضرتكم يا جلائل الكمال والتقدير

سعدت بكم يا اخوتي .. سعدت بكل من اثرى هذا البوست لتخليد ذكري أعظم من حلوة..

والتحية لك لبني ...

[شهد الملائكة]

تسلم انت يا الديب الاسمر علي الكلاااام وبرضوا ممكن يكون في بوست عشان الناس وكل زول يجي ويكتب عن زكرياته فيهو

[مامون مهنا]

اختى الغالية لبنى يديك العافية .....

موضوع جميل ولكن ....!!!

الاجابة متروكة لكبار السن فقط وناس الاقاليم ههههعععهعههع


تخريمة: عند طرح موضوع يجب مراعاة فروق الوقت ههههههههههههعخعع

[أرض الخير]

يااااه المجموعة المفضلة وصلت إلى حضرتكم يا جلائل الكمال والتقدير

سعدت بكم يا اخوتي .. سعدت بكل من اثرى هذا البوست لتخليد ذكري أعظم من حلوة..

والتحية لك لبني ...


تحية وتقدير واحترام لشخصك ..................تسلم والله وانت في حضرة اعز اخوة لك
ربنا يحفظك ويقدرك بقدر ما انت تقدر الجميع ويزيد لك من نعمتة...................
واجمل مافي البوست هو وجودك فيه ومرورك عليه .............وانت اعز الاخوان ...........

[أرض الخير]

تسلم انت يا الديب الاسمر علي الكلاااام وبرضوا ممكن يكون في بوست عشان الناس وكل زول يجي ويكتب عن زكرياته فيهو


شهد الملائكة .........كلك زوق .............وكل طلباتكم مجابه .............ان شاء الله

[أرض الخير]

اختى الغالية لبنى يديك العافية .....

موضوع جميل ولكن ....!!!

الاجابة متروكة لكبار السن فقط وناس الاقاليم ههههعععهعههع


تخريمة: عند طرح موضوع يجب مراعاة فروق الوقت ههههههههههههعخعع


مااااااااااااااااااااااااااااااااااااااااااااااااو .....................:eek:
والله انه لشرف عظيم وان تكون موجود هنا بين اخوتك ...............:)
ليك زمااااااااااان ياواااااااااااااااااااد...........ومن زمان نعاين ليك.......................:rolleyes:
الحكاية شنو قلاب تراب ولا كتاحة ...........:p
والله ياماو منور ...............واحسب بالتوقيت الانت عايزة ..............ونحن موافقين ..........
شرفتنا بحضورك ...............وبمرورك ..........وباضافتك ..............وبتخريمتك...:)

[مامون مهنا]

مااااااااااااااااااااااااااااااااااااااااااااااااو .....................:eek:
والله انه لشرف عظيم وان تكون موجود هنا بين اخوتك ...............:)
ليك زمااااااااااان ياواااااااااااااااااااد...........ومن زمان نعاين ليك.......................:rolleyes:
الحكاية شنو قلاب تراب ولا كتاحة ...........:p
والله ياماو منور ...............واحسب بالتوقيت الانت عايزة ..............ونحن موافقين ..........
شرفتنا بحضورك ...............وبمرورك ..........وباضافتك ..............وبتخريمتك...:)



تســــــــــــــــــــــــــونامـــــــــــى....:p

[أرض الخير]

تســــــــــــــــــــــــــونامـــــــــــى....:p

الدنيا كلها بقت (((]تســــــــــــــــــــــــــونامـــــــــــى)))))) )))))))))):p;):D

[ابو عبد الحفيظ]

نرجع لتكملة الموضوع توديع المسافر ووصف الطريق من دنقلا الي الخرطوم

الحديث حيكون عن كل فئات المسافرين الذكرناهم ( مغتربين ، طلاب ، حجاج ، اجازات ، مرضي ) قبل يوم من السفر يقوم المسافر بالمرور علي كبار السن والمرضي لتوديعهم وخاصة المغتربين لاخذ الوصايا والجوابات وتطمين الناس علي ذويهم حيث لاتوجد ايامها تلفونات وفي المساء يجتمع الناس في منزل المسافر ويقوم المسافر بذبح خروف وعمل وليمة عشاء للمودعين ويظل الناس الي فترة متاخرة من الليل في بيت المسافر ( الساعة 11 بالليل ) وده بيعتبر وقت متاخر جداً في الريف ، وفي صبيحة اليوم الثاني يقوم الشباب بتحميل العفش علي ظهور الحمير ويتوجهو الي المركب وتقوم احدي قريبات المسافر بحمل كرتونة الزوادة وتتكون من قطع لحم ( ضلع ) وحمام ودجاج ملفوف بالفطير وكمية محترمة من البيض المسلوق والبطاطس المحمر ولقيمات محشو بالتمر والكرتونة مربوطة بعناية ومربوط بطرفها كوز موية ، ويتحرك موكب المسافر وسط سلام ودموع المسافرين الي المشرع ( بضم الميم وتسكين الشين وفتح الراء ) وهو المكان الذي يرابط فيه المركب ( المعدية ) وهنا يرجع بعض المرافقين ويواصل مع المسافر مجموعة من الاهل والجيران والاصدقاء وبعد الوصول للضفة الغربية يركبون العربية ( البوكس ) والذي جاء علي موعد لتوصيلهم لموقف البصات وفي حالة يكون المسافر للحج ترافقه مجموعة من النسوة وهن يرددن مدائح نبوية جميلة واهازيج تدمع عينيك دون ان تشعر ويطوف هذا الموكب بشوارع الجزيرة حتي الوصول الي المعدية
بعد وصول موكب المسافر الي موقف البصات ينزل الجميع ويتم رفع العفش علي البص ويذهب الجميع الي المطعم لتناول الفطور ويكون علي حساب المسافر
في حالة المسافر غير المغترب في حاجة اسمها حق الطريق وهذه مبالغ نقدية يهديها الاهل والجيران والاصدقاء للمسافر وطبعاً دي كانت مهمة بالنسبة لينا نحن الطلاب حيث كنا نطلع بمبلغ محترم وكنا نكون من اغني الطلاب فترة شهر علي الاقل ، الحجاج كانو يرفضون هذه الهدية
يطلق البص صافرة طويلة يهم المسافرين بالركوب وتوديع الناس وتري الدموع في اعين المسافرين والمودعين وياخذ مقعده وفي حالة الحاج تنطلق الزغاريد ويتحرك البص وهو يطلق البوري في شكل نغمات جميلة والحان اغاني مشهورة وتكون حوالي العاشرة والنصف صباحاً
وتجئ اولي المحطات وهي منطقة تسمي الباجة منطقة رملية طوالها حوالي 17 كلم ولكن من اصعب مراحل السفر وتستغرق قطع مسافتها حوالي الساعة ونصف ولو وحل البص في الرمال يحتاج لوقت اطول ويصل البص الي منطقة الغابة المشهورة بجناين المانجو والنخيل والبرتقال ويشتري بعض المسافرين بعض الفواكه حسب الموسم ، ويتحرك البص وبعد 45 دقيقة يصل الي مدينة الدبة وهي مدينة تجارية ومحطة رئيسية للمسافرين وآخر عهد للمسافر بالعمار حيث بعده يتوغل البص داخل الصحراء بعد ان يتناول المسافرين طعام الغداء من المطعم وليست كرتونة الزوادة ، يتحرك البص من الدبة ويتوغل في الصحراء وسط كثبان رملية وحجارة سوداء وبعض الجبال واشجار جافة وعظام جمال نفقت وبعد ساعتين يصل البص الي منطقة تسمي ابو سيال علي منطقة مرتفعة وبها قهوة بائسة ولايقف عندها البص ويتوغل الي اصعب مرحلة في الطريق منطقة تسمي ابو سدير كثيراً ماتوحل العربات في رمالها وبعد ساعة ونصف يصل البص الي منطقة التمتام وهي منتصف الطريق بين دنقلا وام درمان وبها كثير من القهاوي المعمولة من الحطب والقش وهي لعرب رحل يتوقف فيها البص مسافة طويلة حيث يصلي المسافرون المغرب والعشاء جمعاً ويتناولون طعام العشاء من كراتين الزوادة ويشربون الشاي من تلك القهاوي ويتحرك البص والطريق احسن نوعاً ما بعد التمتام ويكون معظم المسافرون نيام ويمر البص ببعض المحطات الصحراوية دون المرور بها وهي القبولاب الجديدة وبوحات وخور جبرة وخور كامل وقوز ابو ضلوع وهذه الخيران تمتلئ في ايام الخريف مما يقطع الطريق لايام وحوالي الساعة الثانية صباحاً يتوقف البص للمبيت عند محطة تسمي الدونكي تشاهد منها انوار ام درمان واذكر في اول سفرية لي الي الخرطوم لم انوم طوال الرحلة وبالاخص لما شفت انوار الخرطوم مافضل لي الا اقول للسواق حرك البص او اكمل مشي ههههه
حوالي الساعة الخامسة او السادسة يتحرك البص والمسافة ليست بالهينة رغم مشاهدة انوار ام درمان حيث تسير العربة مايقارب الساعتين والنصف حتي الوصول الي سوق ليبيا بام درمان ويبدأ بعض الركاب بالنزول الي ان يصل البص المحطة الرئيسية في السجانة بالخرطوم وينزل المسافرين ويلملمون امتعتهم وذهاب كل الي مكان اقامتهم
اما الان فتيسرت الامور بفضل الله واصبح السفر يستغرق ساعات اربع وبصات مكيفة ومالذ وطاب من الوجبات داخل البصات ويسافر الواحد ويعود والكثير لايعلم به واختفت تلك المشاهد الجميلة للسفر والمسافر رغم المعاناة

اتمني تكونو استمتعتم بهذه الرحلة

والختام سلام

[أرض الخير]

نحن سافرنا معاك ياشعراوي عديل بكل احاسيسنا ............وروحنا واكلنا الملفوف والمحمر ............
و........................البقية ......واستمتعنا بالرحلة رغم انو الزمن داك احلى ولكننا نحب السرعة وعندي تعليق صغيرون زمان كان السفر يستغرق وقت طويل وكان اليوم الواحد طويل لكن هسه اليوم بقى يدخل من هنا ويخرج من هنا ايضا ..............
طيب ياشعراوي عايزاك تضرب لي الزمن لو كان سفر زمان بي يوم هسه كنا حانوصل في كم يوم .................................................. ...................هههههههههه

[خالد كنه]

رصوا الهديمات عدلوا وركبوا اللواري وقبلوا

الاخت لبني تسلمي علي الموضوع ومااحلي السفر عندما يكون مجرد ركوب اللواري او الباصات( حديثا) للتنقل داخل الوطن الحبيب ويبدو ان هناك من كتب عليه الترحال في بلاد الله الواسعه طوال العمر .

منذ الصغر ونحن نفرح عندما نكون علي سفر من الشمال الحبيب للبندر ولم نكن ندري بان الايام تخبي لنا سفرا طويلا تكون فيه رؤيه احبابنا الهاجس الاول والاخير .
ونسال الله ان يرد غربه كل من فارق اهله


ودمتم

[أرض الخير]

رصوا الهديمات عدلوا وركبوا اللواري وقبلوا

الاخت لبني تسلمي علي الموضوع ومااحلي السفر عندما يكون مجرد ركوب اللواري او الباصات( حديثا) للتنقل داخل الوطن الحبيب ويبدو ان هناك من كتب عليه الترحال في بلاد الله الواسعه طوال العمر .

منذ الصغر ونحن نفرح عندما نكون علي سفر من الشمال الحبيب للبندر ولم نكن ندري بان الايام تخبي لنا سفرا طويلا تكون فيه رؤيه احبابنا الهاجس الاول والاخير .
ونسال الله ان يرد غربه كل من فارق اهله


ودمتم
الاخ خالد كنه لك التحية والاحترام سعيدة جدا بمرورك ومشاركتك في ذكريت السفر والوداع ...............
وطبعا كماذكرت ان السفر كان متعب ولكنه جميل و الرحله يكون فيها كثيرا من المواقف الطريفة رغم التعب ...................وربنا يرد غربتنا وغربتكم ...........سالمين غانمين ........يا الله......

[فنطوط]

[فقط الأعضاء المسجلين والمفعلين يمكنهم رؤية الروابط]



ولي عوده

[أرض الخير]

ونحن ننتظر عودتك يا فنطوط باذن الله .....................................لتقص لنا
ذكرياتك مع السفر...........................ورص الهدوم ....................

[أبو أمينة]

الذكريات مع السفر كثيرة زمان كان السفر لمصر بالقطارات وكان القطار يمشي بالبخار وكان الجميل فيهو الصناتور
كأنك في فندق خمس نجوم تلقى الجرسونات لابسين لبس راقي وواقفين لخدمة الركاب وكنا نحجز الدرجة الثالثة بالقطر يقعد ثلاث يوم حتى يصل حلفا ثم نذهب بعربات تعبانه جداً لميناء وادي حلفا ثم نركب الباخرة ونقعد في الصندل طبعاً الصندل مكان مفتوح عليك تفرش فرشك وتلحق يادوب موقع كويس نقعد يومين ثم نركب قطار أسوان القاهرة يوم كامل حتى نصل القاهرة بس كانت رحلة جميلة جداً ..فيها نوادر ونكات وتعارف ومواقف شهامة ومروءة وتعرف الرجال فعلاً في السفر ..رغم إن الرحلة كانت بتكون شاقة لكن كان بيخففها الونسة خاصة لما القطر يدقس في حتة بين المحطات وننزل في الخلاء بالليل كده تشوف ضو القمر زي اللمبة النيون تقرأ فيه الجريدة وكل واحد ينزل زوادته واللي عنده شاي نقعد نقزقز ونتونس لغاية مايصفر القطر وكل واحد كان بيكون حريص على باقي الركاب أنه مايفوت واحد فيهم القطر رغم أن أحنا مابنعرف بعض بس ثلاث أيام كانت بتخلق نوع من الولف بين الناس في المحطات ..

[أرض الخير]

الذكريات مع السفر كثيرة زمان كان السفر لمصر بالقطارات وكان القطار يمشي بالبخار وكان الجميل فيهو الصناتور
كأنك في فندق خمس نجوم تلقى الجرسونات لابسين لبس راقي وواقفين لخدمة الركاب وكنا نحجز الدرجة الثالثة بالقطر يقعد ثلاث يوم حتى يصل حلفا ثم نذهب بعربات تعبانه جداً لميناء وادي حلفا ثم نركب الباخرة ونقعد في الصندل طبعاً الصندل مكان مفتوح عليك تفرش فرشك وتلحق يادوب موقع كويس نقعد يومين ثم نركب قطار أسوان القاهرة يوم كامل حتى نصل القاهرة بس كانت رحلة جميلة جداً ..فيها نوادر ونكات وتعارف ومواقف شهامة ومروءة وتعرف الرجال فعلاً في السفر ..رغم إن الرحلة كانت بتكون شاقة لكن كان بيخففها الونسة خاصة لما القطر يدقس في حتة بين المحطات وننزل في الخلاء بالليل كده تشوف ضو القمر زي اللمبة النيون تقرأ فيه الجريدة وكل واحد ينزل زوادته واللي عنده شاي نقعد نقزقز ونتونس لغاية مايصفر القطر وكل واحد كان بيكون حريص على باقي الركاب أنه مايفوت واحد فيهم القطر رغم أن أحنا مابنعرف بعض بس ثلاث أيام كانت بتخلق نوع من الولف بين الناس في المحطات ..

السلام عليكم اخونا ابو امينة ...............واشكرك لمرورك من هنا ولتسطير مشاركتك الجميلة .............والسفر بالقطار
والقطر صفر والقطر فات رغم انني لم اسافر بالقطار كثيرا ولكن زي اربعة مرات سافرنا الشمالية بالقطر كانت كل سفرة اجمل من التانية لاننا كنا نسافر جميعا ام واب وباقي الاسرة الكريمة وبنات العم وامهم وابوهم وكانت ذكريتانا شبيه بذكرياتك وكان اخواني دائما يتشتتوا ويتحركوا وابوي يكون خايف من فوتت القطر .. عليهم ............ولكن تغير الحال الان ....................وانتهى سفر القطار الجميل ..................
وبقى السفر بالعربات او البصات ............لك التحية يا ابو امينة وشرفتني وشرفت البوست ......................

[منير عبد القادر]

نبدأ بالخطوة الاولي للسفر


لما وصلت محطة الدونكي في أم درمان اول حاجة لفتت انتباهك شنو في أم درمان وانت جاي الخرطوم لاول مرة ؟

قول ما خاف سرك في بئر000 يعني بعد كم يوم وصلتوا ام درمان يا شعراوي انا بالبعرفو كانت الرحلة في زمنكم ثلاثة ايام وشوية الكلام ده في الستينات طبعا يا جماعة

[أبو أمينة]

السلام عليكم اخونا ابو امينة ...............واشكرك لمرورك من هنا ولتسطير مشاركتك الجميلة .............والسفر بالقطار
والقطر صفر والقطر فات رغم انني لم اسافر بالقطار كثيرا ولكن زي اربعة مرات سافرنا الشمالية بالقطر كانت كل سفرة اجمل من التانية لاننا كنا نسافر جميعا ام واب وباقي الاسرة الكريمة وبنات العم وامهم وابوهم وكانت ذكريتانا شبيه بذكرياتك وكان اخواني دائما يتشتتوا ويتحركوا وابوي يكون خايف من فوتت القطر .. عليهم ............ولكن تغير الحال الان ....................وانتهى سفر القطار الجميل ..................
وبقى السفر بالعربات او البصات ............لك التحية يا ابو امينة وشرفتني وشرفت البوست ......................

شرف الله مقدارك أستاذه ...وربنا يبارك فيكي ويطول عمر الوالدين .....

[أرض الخير]

لما وصلت محطة الدونكي في أم درمان اول حاجة لفتت انتباهك شنو في أم درمان وانت جاي الخرطوم لاول مرة ؟

قول ما خاف سرك في بئر000 يعني بعد كم يوم وصلتوا ام درمان يا شعراوي انا بالبعرفو كانت الرحلة في زمنكم ثلاثة ايام وشوية الكلام ده في الستينات طبعا يا جماعة


يعني يامنير انت عندك حاجتين الاولى عايز تقول انه ............شعراوي بسافر من سنة ستين
والحاجة التانية الحمد لله الماقلت انو شعراوي جاء (((((((((((((((((((بالحمار))))))))))))
انت وين ذكرياتك ؟

[أرض الخير]

شرف الله مقدارك أستاذه ...وربنا يبارك فيكي ويطول عمر الوالدين .....

ابو امينة تسلم يارب ...............ويتقبل الله صالح دعواتك الجميلة ...............ويحفظك...............

[د.ابن النفيس]

ألغالية الرائعة لبنى ........جلست احدق فى هذا البوست وسرحت بخيالى الى الوراء ..............

أيام السفر و الداخليات ......بدأءنا السفر باللوارى ( ابو رجيلة ) ثم القطار ثم الطائرات فالسفن (تبقى

ماكوك الفضاء) سافرنا فى البداية بشنطة الحديد وفيها جلابية واحدة و عراقى وختمناها بحقائب

ماركة أسندكو فيها البدل و الكرفتات ....ثلاثونون عاما من السفر معظم انحاء السودان وأجزاء

كبيرة من العالم .......... والحمد لله شفنا كثير وعرفنا الكثير ويالها من ذكريات .........يبدو انى سرحت

لكى شكرى و تقديرى

[فقط الأعضاء المسجلين والمفعلين يمكنهم رؤية الروابط]

[أرض الخير]

ألغالية الرائعة لبنى ........جلست احدق فى هذا البوست وسرحت بخيالى الى الوراء ..............

أيام السفر و الداخليات ......بدأءنا السفر باللوارى ( ابو رجيلة ) ثم القطار ثم الطائرات فالسفن (تبقى

ماكوك الفضاء) سافرنا فى البداية بشنطة الحديد وفيها جلابية واحدة و عراقى وختمناها بحقائب

ماركة أسندكو فيها البدل و الكرفتات ....ثلاثونون عاما من السفر معظم انحاء السودان وأجزاء

كبيرة من العالم .......... والحمد لله شفنا كثير وعرفنا الكثير ويالها من ذكريات .........يبدو انى سرحت

لكى شكرى و تقديرى

[فقط الأعضاء المسجلين والمفعلين يمكنهم رؤية الروابط]


مشاركتك ومرورك يسعداني يا دكتور احمد ...............................
مايقوموا الجماعة يسمعوا بشنطة الحديد ويجوا يهجموا عليك .....................:D..:p
والله السفر جميل وله ذكريات حلوة ولكن الفراق للاهل والوطن هم من اتعبونا...................
تحية واحترام ....................

[أرض الخير]

رص الهدوم والسفر يا الله
شوف كيف الايام بتتغير والسفر رغم سهولته الا انه اصبح صعب ..
واكيد اليوم بقى يمر بسرعه ..وده بقلل من ايام الاجازة ...وسرعة الرجوع للفراق وتعب السفر ..
والواحد بكون متذكر يوم السفر ويوم الرجوع كأنه كله كان في يوم واحد ...
وكمان حانرجع لتعليقات الاعضاء ..
عشان نعرف ماو قاصد شنو من مراعاة فروق:arf::arf::arf::arf:

[مصطفى هاتريك]

اقتباس:
المشاركة الأصلية كتبت بواسطة أرض الخير [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
رص الهدوم والسفر يا الله
شوف كيف الايام بتتغير والسفر رغم سهولته الا انه اصبح صعب ..
واكيد اليوم بقى يمر بسرعه ..وده بقلل من ايام الاجازة ...وسرعة الرجوع للفراق وتعب السفر ..
والواحد بكون متذكر يوم السفر ويوم الرجوع كأنه كله كان في يوم واحد ...
وكمان حانرجع لتعليقات الاعضاء ..
عشان نعرف ماو قاصد شنو من مراعاة فروق:arf::arf::arf::arf:


الرائعة أرض الخير
بالمناسبة أنا معجب جدا بالأغنية ومهوس تماما بغناء الشوايقة رغم أني مدناوي بحت ولا يربطني بالشمالية إلا التمر و كلام ناس الشمالية الجميل ,, على ذلك نحن ستفنا وعدلنا لكن للواري ما ركبنا,,
و أضاف هذا البوست بإبداعات الكاتب والمشاركين بعد ثالث
شكرا جميلا

[عوض بشير]

بكل امانة لما اسمع هذه الاغنية تغلبني الدموع لما فيها من صدق مشاعر وكل اغاني الشايقية

والتحية لك راض الخير

طال ما الموضوع موضوع سفر اليكم احدي سفرياتي ولكنه لم تكن باللواري

كنت مسافر اسطنبول وكان اليوم جمعة والجماعة عاملين رحلة

مشيت الرحلة وبعد ماانتهت ورجعت البيت تذكرت السفرة

سريع سريع كمت لي جلابية وعراقي في الشنطة وكانت الساعة 6 مساء

وموعد الرحلة الساعة 8مساء

اتلفت يمين شمال مافي مواصلات ولا عربية في الحلة

ماكان علي والا استعين بقريب لي عندو تركتر (محراث للارض لاهل المدن)

وصلني مشكور للكلية الحربية ومنها الي امدرمان والحمد لله وصلت في الوقت المناسب ولم

تفوتني الرحلة

ولم اتمكن من رص الهديمات

ونفسي كان قايم حتي ركبت الطائره كاني قاطع المسافة جري ومن ديك وجاتني خمة النفس

وكل عام وانتم بالف خير

[أرض الخير]

اقتباس:
المشاركة الأصلية كتبت بواسطة أرض الخير [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
رص الهدوم والسفر يا الله
شوف كيف الايام بتتغير والسفر رغم سهولته الا انه اصبح صعب ..
واكيد اليوم بقى يمر بسرعه ..وده بقلل من ايام الاجازة ...وسرعة الرجوع للفراق وتعب السفر ..
والواحد بكون متذكر يوم السفر ويوم الرجوع كأنه كله كان في يوم واحد ...
وكمان حانرجع لتعليقات الاعضاء ..
عشان نعرف ماو قاصد شنو من مراعاة فروق:arf::arf::arf::arf:


الرائعة أرض الخير
بالمناسبة أنا معجب جدا بالأغنية ومهوس تماما بغناء الشوايقة رغم أني مدناوي بحت ولا يربطني بالشمالية إلا التمر و كلام ناس الشمالية الجميل ,, على ذلك نحن ستفنا وعدلنا لكن للواري ما ركبنا,,
و أضاف هذا البوست بإبداعات الكاتب والمشاركين بعد ثالث
شكرا جميلا



يسلموا المدناوي مصطفى هاتريك ..طبعا نحن برضو مواليد وسكان مدني الا ان الاصل الشمالية
ويربطنا باللواري والقطارة والبكاسي الكثير وغناء الشوايقة ورص الهدوم اسكت بس ولاتحسب ..عشان كده دائما الحنين يجيبنا ويودينا ويشيلنا ويختنا ...
مشكور للمرور والمشاركة التى سعدت بها ..كما ان حضورك اسعد حروفنا ..

[أرض الخير]

بكل امانة لما اسمع هذه الاغنية تغلبني الدموع لما فيها من صدق مشاعر وكل اغاني الشايقية

والتحية لك راض الخير

طال ما الموضوع موضوع سفر اليكم احدي سفرياتي ولكنه لم تكن باللواري

كنت مسافر اسطنبول وكان اليوم جمعة والجماعة عاملين رحلة

مشيت الرحلة وبعد ماانتهت ورجعت البيت تذكرت السفرة

سريع سريع كمت لي جلابية وعراقي في الشنطة وكانت الساعة 6 مساء

وموعد الرحلة الساعة 8مساء

اتلفت يمين شمال مافي مواصلات ولا عربية في الحلة

ماكان علي والا استعين بقريب لي عندو تركتر (محراث للارض لاهل المدن)

وصلني مشكور للكلية الحربية ومنها الي امدرمان والحمد لله وصلت في الوقت المناسب ولم

تفوتني الرحلة

ولم اتمكن من رص الهديمات

ونفسي كان قايم حتي ركبت الطائره كاني قاطع المسافة جري ومن ديك وجاتني خمة النفس

وكل عام وانتم بالف خير

الاخ عوض بشير اول شئ سلامتك من خمة النفس ...
وكمان رحلة قبل يوم السفر ياسلام على جماعتكم ماقصروا تب ...ربنا يخليهم ..
اها كمان مواصلات بتركتر لا انت خطير ...
بس المهم انك وصلت على موعدك والحمد لله ..
اسعدني حضورك وتدوين مشاركتك ...يسلموا ياربي ...

[مصطفى هاتريك]

اقتباس:
المشاركة الأصلية كتبت بواسطة أرض الخير [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
يسلموا المدناوي مصطفى هاتريك ..طبعا نحن برضو مواليد وسكان مدني الا ان الاصل الشمالية
ويربطنا باللواري والقطارة والبكاسي الكثير وغناء الشوايقة ورص الهدوم اسكت بس ولاتحسب ..عشان كده دائما الحنين يجيبنا ويودينا ويشيلنا ويختنا ...
مشكور للمرور والمشاركة التى سعدت بها ..كما ان حضورك اسعد حروفنا ..

قال ليك واحد من ناس جزيرتنا الجوه ديلك جاتو سفرية للندن وكانت مشكلته كيف يتكلم إنجليزي,,, المهم في الحلة واحد عامل فاااااهم زيي كده قال ليه الإنجليزي ده أسهل حاجة في الدنيا بس أي كلام زيد ليه أيشن .... أهه زولك مرقها في لندن وهاك يا إنجليزي
كيف الحاليشن , سلاميشن , فندقيشن ,,, وخواجه جايب خبرو ماف ,,,لامين عتر ليك في واحد إزيكيشن فنرد عليه أهلانيشن ... وهاك ياونسة ,,إنت من ويشن.... جزيرشن
طيب بنتكلم مع بعض إنجليزي ليه
سعيد بإنتمائك لوادمدني

[ودالخرطوم]

أولا أهنئك علي إختيار الموضوع جميل بصراحة وعجبني . بس ماعندي التجارب الكافية لكن أتذكر قديما كنا نسافر بي النيسانات لي دنقلا ( منطقة إرتدي ) وكان الطريق غيركامل التشييد فكان في الطريق نمشي في الرملة ويدخل الغبار الي داخل العربة حتي لاتعرف من بجوارك . وكان يضعون تحت اللستك الصاجات عندما توحل العربة .

[أرض الخير]

اقتباس:
المشاركة الأصلية كتبت بواسطة أرض الخير [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
يسلموا المدناوي مصطفى هاتريك ..طبعا نحن برضو مواليد وسكان مدني الا ان الاصل الشمالية
ويربطنا باللواري والقطارة والبكاسي الكثير وغناء الشوايقة ورص الهدوم اسكت بس ولاتحسب ..عشان كده دائما الحنين يجيبنا ويودينا ويشيلنا ويختنا ...
مشكور للمرور والمشاركة التى سعدت بها ..كما ان حضورك اسعد حروفنا ..

قال ليك واحد من ناس جزيرتنا الجوه ديلك جاتو سفرية للندن وكانت مشكلته كيف يتكلم إنجليزي,,, المهم في الحلة واحد عامل فاااااهم زيي كده قال ليه الإنجليزي ده أسهل حاجة في الدنيا بس أي كلام زيد ليه أيشن .... أهه زولك مرقها في لندن وهاك يا إنجليزي
كيف الحاليشن , سلاميشن , فندقيشن ,,, وخواجه جايب خبرو ماف ,,,لامين عتر ليك في واحد إزيكيشن فنرد عليه أهلانيشن ... وهاك ياونسة ,,إنت من ويشن.... جزيرشن
طيب بنتكلم مع بعض إنجليزي ليه
سعيد بإنتمائك لوادمدني


لالا النكته خطيرة :lol2:
يسلموا اخي..والله انحن الاسعد بوجودكم وبودمدني الحبيبة ..
وكل السعادة بحروفك هنا ...مشاركتك جميلة ..ومدني جميلة ..

[أرض الخير]

أولا أهنئك علي إختيار الموضوع جميل بصراحة وعجبني . بس ماعندي التجارب الكافية لكن أتذكر قديما كنا نسافر بي النيسانات لي دنقلا ( منطقة إرتدي ) وكان الطريق غيركامل التشييد فكان في الطريق نمشي في الرملة ويدخل الغبار الي داخل العربة حتي لاتعرف من بجوارك . وكان يضعون تحت اللستك الصاجات عندما توحل العربة .

مشاركتك ..طيبة ..وذكرتنا الالتهاب البجي ايام السفر من التراب ..
لحدي ما الغبار هنا عندنا قام :emo:
وكمان ماتنسى فك الصاجات برضو عشان يحركوا بيها الحل ...
وبقى كل شئ ساهل ووقت مافي سبحان الله !
يسلموا ..ياربي وربنا يهنيك بكل الخير ...

[محمد السندى]

ارض الخير ياسلام عليك
والله فكرة حلوه بس انا عندى مشكلة مع السفر لانو ما بحب الوداع وحزم الشنط والدموع والحاجات المن النوع دا
طرح رائع
تحياتى