ديكورنا القيافة حبينا ...

[ايمن بشير خليفه]

بحمد الله طلع
ومش ساكت ... حاجة تفرح ... تصميم مافى كده ... الوان ماشاء الله عينا باردة ..اكسسوار... انسى بس ... والشباب وراء الكاميرات يتهافتون يمين وشمال تمريرات مبالغة لما الواحد متخيل روحو بيشاهد فى ( مريخ 2009 المورغن والمكلتش ) حقيقى اللعبة الحلوة بتعجب زى العجب والتهديف فى رجب ، والاضاء حكاية تانية وذيادة حبتين انتو الحاجات دى كانت وين .
نرجع لاصل الحكاية فالتكليف تكليف وماهو تشريف الاخو الفنان الرهيف الحريف حامد عثمان لمستو واضحة بى شوفو الراقى ، الله لا جاب يوم شكرك ومعاك الفريق الخفى والخل الوفى فى اليوم الدفى ..
وتفاصيل الشعار .. حكاية ... والحكاية فنتازيا الجرافيك .. العايز انامل ... ودى حقت ولدنا .. وبرضو بنقول .. ومن حقنا نقول تسلم ايديك يا معلم شرف .. منك نتعلم ..
ماقلنا الكلام ده الماكينة لما تدور ماحتوقف
الماتدور حرفنة .. قوة ... وتهديف فى الشبك ...
اعزرونى لانفعالى .. لقد اعجبنى المشهد لا فى عيونى بل فى عيون الاخرين فصدقت انكم رائعون ...
هذا مع محبتى

[شرف محمد الحسن]

الديكور بس يا هلالبي ؟؟

[ايمن بشير خليفه]

الفنان شرف

اعتزار بحجم الوطن .. الايقاع سريع .. والنقلات اسرع ... والملعب زاهى بالالوان .. قلنا فى كل مرة .. ننضم حبة .. الكلام حلو .. والحلو مابيكمل ..
شكرا للمرور
هذا مع محبتى

[شرف محمد الحسن]

لا بالجد التجديد كان رائع .. يا أيمن

[sudaniaa]

بسم الله الرحمن الرحيم
والله يااستاذ ايمن بشير خليفه
قد سبقتني في تقديم هذا البوست
فعندما شاهدت حلقة بيتنا جد انبهرت بروعة الديكور
والالوان الرائعة التي تملأ المكان حيوية راقية
ورغم ان المذيعين لم يتغيروا ولكنني
شعرت كانني اراهم لاول مرة
فلقد ازداد آداءهم تالقا وروعة وخبرة
واصبح حقا بيتنا بيتا جديدا جميلاا
وفخرا لنا كسودانيين
فنتمني مزيدا من النجاح والتفوق
لكل العاملين بهذا البرنامج الراقي

[ايمن بشير خليفه]

ولانك سودانية
وسودانية مية بالمية نحيك
وانحنا بيكم ..
ومعاكم ...
نمشى لى قدام ..
شكرا جميلا ...
مروركم ... رقيق .. خطيييييييير ... وجميل زى فرحى الليلة
مع محبتى

[محمد نور]

شكراُ اخونا ايمن بشير
بس هنالك جندية تستحق ان تشكر
وهي ندوة حسن مهندسة هذا الجمال
ومعها ايضاُ جنود ظلو يعملون طوال اليوم من
اجل هذا الجمال فلهم الشكر قائدهم العم خليل

[رجاء داؤد]

ايمن بشير والله ليك حق ... فعلآ الديكور روعة والمهندسة ندوة افرغت به شحنات عالية من الانتقائية والجمال ... والجرافيك ما حصل .. والعجب الفقرات الجديدة وباقي الحاجات خليها في الاجتماع احسن الناس تلسن وتقول ..( شكارتها اختها)

[ايمن بشير خليفه]

الحبيب محمد نور
شكرا للمرور
كنت منتظر الاخ حامد عثمان يحكى عن روعة مراحل الديكور من الفكرة وحتى التنفيذ ، فريق العمل الهندسى , والفنى ، ومازلت انتظر..
ندوة فناااااااااااااااااااااااانة وخطييييييييييييرة والمغالط يفتح التلفزيون من تلاتة لى خمسة شوف وسمع ... وكفاية اخلى حامد عثمان يواصل
رجاء داؤد
وينك ليك يومين ماطالة حمد الله على السلامة يارائعة المفردة ... مرورك طمنا انك فى ... كلامك متين وبخلف الكى ...
مع محبتى

[شرف محمد الحسن]

نرجع لاصل الحكاية فالتكليف تكليف وماهو تشريف الاخو الفنان الرهيف الحريف حامد عثمان لمستو واضحة بى شوفو الراقى ، الله لا جاب يوم شكرك ومعاك الفريق الخفى والخل الوفى فى اليوم الدفى ..


الأخ حامد عثمان .. رجل فنان ومنتج يستحق الاشادة ..
وقد بذل جهد استثنائي يفوق الاعجاب لتنفيذ مهمة الديكور في الوقت المناسب ..
التحية والتقدير له ولفريق العمل ...

[شرف محمد الحسن]

وتفاصيل الشعار .. حكاية ... والحكاية فنتازيا الجرافيك .. العايز انامل ... ودى حقت ولدنا .. وبرضو بنقول .. ومن حقنا نقول تسلم ايديك يا معلم شرف .. منك نتعلم ..
ماقلنا الكلام ده الماكينة لما تدور ماحتوقف
الماتدور حرفنة .. قوة ... وتهديف فى الشبك ...
اعزرونى لانفعالى .. لقد اعجبنى المشهد لا فى عيونى بل فى عيون الاخرين فصدقت انكم رائعون ...
هذا مع محبتى

تسلم الأخ الشفيف ،، أيمن ..
و تقيم الجرافيك ،، متروك لكم وللأخوة المشاهدين ..
لكن لابد من إشادة خاص بفريق العمل الخاص بجرافيك بيتنا والذين نفذوا شعارات الفقرات وهم المصممين الفنناين :
- مجاهد يحيى الجاك
- عامر نصر الدين الكنزي
وبالمناسبة ،، هم آخر من إنضم لقسم الجرافيكس من المصممين ..

[مامون مهنا]

فلتكن بداية عصر الجمال والروعة وهى ليست بالغريب على من يقوم بهذا العمل الكبير ,,,

[ايمن بشير خليفه]

المرور الجميل ل ماو
يذيد فينا الحماس وحماس منظمة ... قابضة على الجمر ... البيعملو بيهو القهوة ... والقهوة بتكيف .... والكيف مزاج .... والمزاج ابداع وياهو قدامكم .. ديكور للجمهور .. البيصفق ويلوم ..
شكرا ماو ...
هذا وعدنا ....
مع محبتى

[حامد عثمان حامد]

الاخ ايمن...ان تاتي البادرة منك فلها اكثر من معنى اوله اشارة لمدى الانسجام والتناغم بين اسرة البرنامج وذلك هدف يسعى له الجميع...اشكرك على اللفتة..
والشكر موصول لكل من مر قارئا او معقبا ..
حقيقة لم يكن التحدي في تنفيذ الديكور بل تعداه ليجسد تلاحم اسرة البرنامج واستنفارها للطاقات وتوظيفها الجيد لما هو متاح من امكانيات مادية....وهنا تجدر الاشادة بفارس مغوار وبطل جسور اسمه محمدالنور-مديرالانتاج لنجاحه في متابعة التمويل وخلق البدائل...كما ازجي تحية خاصة لمدير الانتاج الاخت خالده عمر...التي تعمل في صمت بينما اداءها ملء السمع والبصر فهي الممسكة باخطر ملفات البرنامج وهو المال...اما نداء بيتنا وذلك التدافع سدا للنقص في الميزانية فيحدثكم عنه قائدنا واستاذنا ابو المقداد...فله في تحريض الناس على فعل الخيرات مدرسة ومنهج نامل ان يتواصل ويدوم...
اخي ايمن...لم يكن دوري في تنفيذ الديكور الا استكمالا لما بداته الاخت سماح محسن-المشرف الفني السابق...ولم يكن دوري الا تنسيقا بين المبدعين اعضاء مكتب الاشراف الفني وادارة القناة القومية...فالشكر لمنفذي الديكور وعمال الديكور وعمال البلاتو...ولؤساء اقسام الاضاءة والصوت والتصوير ولفنيي هذه الاقسام وليتكم شاهدتم اجتماعهم الميداني في الاستديو ايذانا بتركيب اول قطع الديكور كانوا في ترقب كانهم ينتظرون مولودا قادما من رحم الغيب الى رحابة الواقع وروعته...
اما الاخت ندوى مهندس الديكور فيكفيها انها احتملت متابعتي اللصيقة وسؤالي المتكرر ...واحتملت في صبر تعديلات عادل عوض وتنظيرات ابو الزهور...
ولعل اطرف تعليق قاتله ندوه في حقي مخاطبة الاخت فاطمة مهندس ديكور عزيزي المشاهد:والله يا فاطمه انا حامد دا ما قايلاه نقناق كدا..قايلاه زول هاديء..
رد فاطمه خلوه يمكن تحكي براها
سادتي قد يكون الديكور والشعار دون طموحكم او طموحنا لكنه عبر عن التزام اسرة البرنامج بموعد الانطلاقة الجديدة واكد صبر قيادته على تحمل الشدائد ومعالجة تعقيدات الواقع...سعيا نحو مشهد جديد يليق بالسودان اسما وارضا وامة...

[حسن خندقاوي]

ماعندي غير اقول عيني باااااااااااااردة...
ودي العين الشوافة
ودة التطور الحقيقي بعد العام الاول
حقيقة روح ولمسات الشباب
واااااااااااااااااااضحة

[ايمن بشير خليفه]

الرهيف حامد
مافى غيرك بيضوى فى جواى مداين
بنتظر شهقة غناى على الدروب المابتهادن
واتنصر بى نور عيونك فى المجاهل واعتصم بيك فى العصية
شكرا على المرور
مع محبتى

[ايمن بشير خليفه]

الجميل خندقاوى

فى البداية حبابك .......
السكر طعامك ..........
النبى قدامك ......
والحور خدامك.......
نورت كل المنتدى وشاع نورك بيتنا ...
شكرا لمرورك الجميل ...
مع محبتى

[ايمن بشير خليفه]

الحبيب شرف
كنت انتظر رد الحبيب حامد عثمان وهاقد رد بقى ان اطلب منك لوحة تضم كل هذه الاسماء الرائعة فى لوحة جيدة نحاول من خلالها افراد مساحة نعبر بها عن شكرنا لهم تعبيرا عن هذه اللوحة الرائعة مكتملة التفاصيل نحفز به بقية الزملاء فى بقية البرامج على المضى بثبات وابداع افضل ، وليكن الشعار بالامكان ماليس بالامكان .
هذا مع محبتى

[عماد ساتي]

فعلا ديكور اكثر من روعة والوان متناسقة جداً.

تخريمة: الكراسى مبتكرة بالله من وين ؟؟؟

تحياتي

[ايمن بشير خليفه]

حباب الاستاذ ساتى
شكرا جميلا
حاولت فى هذا البوست انو اوفى بحق الشباب الروائع والله يعلم ما بالقلوب هناك اجتهاد مقدر من كل الشباب الا يستحقون ان نحتفى بهم .
تخريمة :
وتتوالى المفاجات خلال العام لان شعار البرنامج الجديد حيكون متع روحك شوف وسمع ... الجاى احلى
مع محبتى

[شرف محمد الحسن]

فعلا ديكور اكثر من روعة والوان متناسقة جداً.

تخريمة: الكراسى مبتكرة بالله من وين ؟؟؟

تحياتي

الله أكبررررررررر ....

الحاجة العجبت عماد ساتي أكيد ما هينه ،،

يا سلاااااااام ،، عماد صاحب النقد المتفحص و التفاصيل الهامه !!!

مبرووووووووك ناس بيتنا ..

[وائل محمد الحسن]

تسلم الأخ الشفيف ،، أيمن ..
و تقيم الجرافيك ،، متروك لكم وللأخوة المشاهدين ..
لكن لابد من إشادة خاص بفريق العمل الخاص بجرافيك بيتنا والذين نفذوا شعارات الفقرات وهم المصممين الفنناين :
- مجاهد يحيى الجاك
- عامر نصر الدين الكنزي
وبالمناسبة ،، هم آخر من إنضم لقسم الجرافيكس من المصممين ..

والله ياشرف انت محظوظ جدا بي اولادك في الديكور وخصوصا من عاشرناهم في ماليزيا امجد دة طبعا خليهو ايداع متجسد بس انا عايز اتكلم عن عامر ياخي دة زول مليان احساس وابداع حتي الثمالة ابقي عليهو عشرة والله كان في ماليزيا مجنن ومطلع روح استاذ الجرافيك بالاسئلة لمن يقول الرووووووب وبعد مانحن نطلع البيت بيظل هو قاعد للمسا امام الجهاز لك التحية عامر ومزيد من التقدم

[وائل محمد الحسن]

عن جد الديكور جميل وفيهو كتير من المساحات الجمالية والمكانية البتساعدنا علي خلق حركة داخله بدون تكلف شكرا لكل من ساهم في اخراج هذا الابداع

[ايمن بشير خليفه]

شكرا وائل
على الطلة الجميلة دى منور البوست وياريت نسمع رايك عن الفرق بين الديكور السابق والحالى بكل صدق ... وانا على ثقة بان رايكم مهم جدا ...
مع محبتى

[النور معنى النور]

مالم يقال حتى الان هو ان الديكور القديم تصميم وتنفيذ شركة خاصة خارج التلفزيون اخلصوا معنا حتى النهاية هى شركة اوما ميديا عبد الرحيم محمد عبد الرحيم مشكورين جزاهم الله خيرا ......وان الديكور الجديد هو تصميم من داخل التلفزيون وفى ورشة التلفزيون بقيادة الاخت ندوة حسن وقد شارك معها تعديلا وتطويرا مجموعة مخرجى وفنى البرنامج عادل عوض وابراهيم عوض ومحمد سليمان محمد الحسن وزهير حسن ووداد رحمة الله و الجيلى محمد عوض وسماح محسن ومحمود عبد الله ( دى ما مقصودة ) وشرف محمد الحسن ومحمد حسن ابو كشوة وفاروق الزاهر والطيب عبد الله مطر و احمد شحات وعثمان المصباح ودوودى جمعة .......


فان كان الديكور قد اعجبكم باعتباركم نخبة من المشاهدين النوعيين المؤثرين - حقيقة - فهذا يعنى ان هؤلا الاخوة والاخوات فى قسم الديكور كانوا يحتاجون فقط للكلمة الطيبة والصدر الحنون والقلب الكبير والثقة التامة فنيا مع علمهم الجيد بامكانية البدائل ......



حقيقة لقد كانت ملحمة كبرى .....
اشتعلت الشرارة من مكتب الاخ مدير القناة ابراهيم الصديق ومعه الاخت المخرجة المونتيرة سماح محسن المشرف الفنى للبيت السعيد انئذ ... حيث اقترح ابراهيم ايكال امر الديكور لعناصر لم تجد فرصا وامكانيات حقيقية للابداع وندوة حسن واحدة منهم ....

ثم شرعت سماح فى رحلة طويلة لدراسة عدة تصميمات مقارنة من مصممين مختلفين احدها تصميم من شركة فى امارة الشارقة بمتابعة الاخ المصور العظيم فتح العليم دفع الله .....

وبعد طول نقاشات واخذ ورد فنى اجاز مكتب الاشراف الفنى للبرنامج الديكور الجديد .... وفى هذه الاثناء كانت تجرى عملية التسليم والتسلم بين حامد وسماح لمسئولية الاشراف حيث انتقلت سماح منتجة على الهواء .....

ولتحويل التصميم من الكومبيوتر الى ارض الاستديو لابد من توفر الملايين كاش ... وكل برامج التلفزيون جاءت فى وقت واحد تطلب التمويل لديكوراتها ....اصبحنا فى موقف حرج .... فنحن نتفهم تماما موقف ادارة القناة لكننا لا نريد ان نقف مكتوفى الايدى بلا تمويل .....ماذا نفعل ؟؟ ذهبن زيارة ا الى قندهار ....سوق قندهار بامبدة .... ( طبعا ناس منير وشعراوى محرومين من الزيارات دى هههههههههه ) ...

.ومن ثم تفتقت فكرة ان نحاول نملك ناس البرنامج الوضع ....ففوجئنا بان العديدين ابدوا استعدادهم للمساهمة المادية .... تشاورنا سريعا مع خالدة وامبدى حول كيفية السداد وانطلقت المبادرة ليلا حتى الواحدة صباحا ...... فى اليوم التالى وعند الساعة الحادية عشر صباحا تاثر المخرج محمد زين زوج الاخت عواطف وحزنت نهى عطا المنان وبكى رجل اخر ( .... ) لاننا ارجعناهم دون ان نستلم مساهمتهم ..... اتدرون لماذا ارجعناهم ؟ لان الاخرين قد سبقوهم صباحا واكملوا المبلغ وزاد وخشينا ان لا نستطيع سدادها ......كلهم ساهموا من كل التخصصات : منتجين معدين مذيعين مدراء انتاج اداريين مخرجين .... الخ منهم من دفع خمسمائة ج ومنهم من دفع مليون ومنهم من احضر اثنين مليون ارجعنا واحد واستلمنا واحد ....اثنان لم يعرفهما احد سواى حتى الان الحا على ان اقول لهما كم المبلغ المطلوب وهما سيحضرانه كاملا .... كلا منهما قال لى ذلك لوحده .... لكننا عندما تشاورنا فى قندهار وكوز الالمونيوم فى جردل الالمونيوم الملئ بالزبادى مع السفن اب كنا قد اتفقنا ان تكون المبادرة جماعية ليحس كل فرد بعظمة التضحية لما يحب .......لقد دفعوا مدخراتهم او استدانوها وجاءوا بها لانهم يحبون البرنامج .... لانهم تاكدوا انهم ناس مفيدين ... لانهم يريدون استمرار الكيان الذى جمعهم بحب وود ونضافة .... الكيان الذى فجر طاقاتهم الابداعية ......

ياترى هل كنا نتوقع مثل هذه الاستجابة العظيمة المعجزة ان كان صحيحا ان هؤلاء الناس فى البرنامج من المحسوبية والمجاملة وغير الناضجين كما كتب و افترى علينا د فيصل كامل الذى لم يعتذر لنا حتى هذه اللحظة وما درى كم المنا واذانا وخذلنا تخذيلا ... وما درى ان من تبرع له بتلك المعلومات قد كذب عليه وضلله ..... واضاع عليه مشروعا كبيرا كنا على وشكه ....

لا والله ان العاملين معى ليسو نتاج المحسوبية والمجاملة ..... الخ ..... انهم شباب دفاق ملئ حيوية والق وعنفوان .... انهم مختارون من عصارة الجنون والصدق الفنى الوهاج ...... لا يحفلون باجازات ولا مواعيد ترحيل ولا وجبات ولا تغيظهم طول الاجراءات ورهق السلم .....لا يلحون فى حوافز وبدل ماموريات ... ولا ياكلون المال الحرام ولا يرتشون ولا يذلون انفسهم لمدير ولا وزير ولا والى ...يكتبون السيناريو الاولى والبحث والمراجع والجدول الزمنى للانتاج وقائمة التصوير وقائمة التصنيف والمشاهدة وقائمة المونتاج والتعليق الصوتى والتصحيح اللغوى والسيناريو النهائى ......يعقدون الاجتماعات والتشاور وتبادل المعلومات ..... يزورون بعضهم اجتماعيا ....تتم محاسبتهم ومعاقبتهم يوميا بلا ضجر ولا ضغينة ولا هتاف ....كل منهم يعرف دوره بفن ....
وكثر كثير .....
ان وصفهم على عسير .....


نرجع لموضوع الديكور .....

شكرا ندوة حسن

شكرا حامد عثمان حامد

ومحمد النور الذى ذهب السوق وجاب الدفار بالمواد المطلوبة وشالا فى كتفو شيل ....
ويحى ادم احد الجنود المجهولين المحتسبين .... الذى نظم للعمال والنجارين ثلاث وجبات يوميا حتى انتهوا وبالهم رايق وهم يشعرون بالاهتمام بهم .....