المذيعة وصلت متأخرة

[ابو عبد الحفيظ]

في حلقة اليوم الاثنين 2 فبراير وصلت المذيعة ميرال الي داخل الاستديو بعد مضي 20 دقيقة علي بداية البرنامج وعذرها ان الطريق زحمة .

رايكم شنو في الكلام ده ؟


تخريمة : اذكر في احدي حلقات عزيزي المشاهد كان ضيف الحلقة علي مااذكر الكوميدي طارق الامين ووصل مع بداية البرنامج ورفض المخرج الهمام حامد عثمان دخوله الاستديو فكان درس لهذا الضيف في احترام المواعيد .

[مامون مهنا]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تخريمة : ؟؟؟؟؟؟؟؟؟؟؟؟!!!!!!؟؟؟

[منير عبد القادر]

رايكم شنو في الكلام ده ؟
.

والله رأينا في النهاية مجرد رأي يا شعراوي نحنا مشاهدين بس عندهم تجي هي متأخرة يجي المخرج متأخر المسألة اصبحت بيتهم (وجزء من انفاس الحرية ) فقط نحن معنا الريموت والجد كنت بشوف في العربية ولم اشاهد تلفزيون السودان

[نانا]

اقترح فى الحلقة الجاية استضافة مدير الادارة العامة للمرور لمحاسبته على تاخير المزيعة

تخريمة ..هى الزحمة دى تابعة لى منو فى الخدمة المدنية

[ابو عبد الحفيظ]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تخريمة : ؟؟؟؟؟؟؟؟؟؟؟؟!!!!!!؟؟؟

إن في علامات الاستفهام والتعجب لكلام
لك الشكر اخي ماو علي الاضافة القوية

[ابو عبد الحفيظ]

والله رأينا في النهاية مجرد رأي يا شعراوي نحنا مشاهدين بس عندهم تجي هي متأخرة يجي المخرج متأخر المسألة اصبحت بيتهم (وجزء من انفاس الحرية ) فقط نحن معنا الريموت والجد كنت بشوف في العربية ولم اشاهد تلفزيون السودان

وفي احيان كثيرة ارائنا كمشاهدين مرفوضة وغير مقبولة وربما تكون جالبة للزعل والقطيعة والامتناع الجماعي عن المشاركة في المنتدي

[ابو عبد الحفيظ]

اقترح فى الحلقة الجاية استضافة مدير الادارة العامة للمرور لمحاسبته على تاخير المزيعة

تخريمة ..هى الزحمة دى تابعة لى منو فى الخدمة المدنية

السؤال لماذا دخولها للاستديو ؟ طالما جات متأخرة الا يتم مراجعة لفقرات البرنامج قبل مدة من بدايته ولا ماضروري ؟ افتونا يااصحاب الشأن

[شرف محمد الحسن]

في حلقة اليوم الاثنين 2 فبراير وصلت المذيعة ميرال الي داخل الاستديو بعد مضي 20 دقيقة علي بداية البرنامج وعذرها ان الطريق زحمة .

رايكم شنو في الكلام ده ؟
.

نانا ،، و إعترفت عندها قمرية أو ( قمري ) بينقل ليها الأخبار !!!
إنت البجيب ليك الكلام دا منو ،، يا أبو عبد الحفيظ .......؟؟؟؟؟

[ابو عبد الحفيظ]

نانا ،، و إعترفت عندها قمرية أو ( قمري ) بينقل ليها الأخبار !!!
إنت البجيب ليك الكلام دا منو ،، يا أبو عبد الحفيظ .......؟؟؟؟؟

ياشرف الكلام ده كان علي الهواء مباشرةً عبر البرنامج
كنت اتابع البرنامج منذ بدايته وكان نشأت لوحده في تقديم البرنامج
وبعد مرور عشرين دقيقة دخلت المذيعة وقالت انها اتأخرت لزحمة الطريق
والكلام ده كله عبر بث مباشر شاهده العشرات
مابقول الملاين عشان مافي زول يزعل :arf:

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
نقطة سوداء فى جبين المرور والتلفزيون والبلد بحاله وسجلت على الهواء واحد صفر ضدنا كلنا اصابة من ضربة حره مباشرة
مذيعه على الهواء مفروض تحضر قبل البرنامج يبث بنصف ساعة اقله
ولكن عدم الاهتمام واللامبالاه
من الجميع
تخريمه
لو اتحاسبت ولا ما دخلوها بكره يقولو التلفزيون يمارس العنصرية
ولا شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو عبد الحفيظ]

ولا يمكن يكون خرق لبند من بنود نيفاشا

ياريت النور معني يقول لينا حاجة

[شرف محمد الحسن]

ياشرف الكلام ده كان علي الهواء مباشرةً عبر البرنامج
كنت اتابع البرنامج منذ بدايته وكان نشأت لوحده في تقديم البرنامج
وبعد مرور عشرين دقيقة دخلت المذيعة وقالت انها اتأخرت لزحمة الطريق
والكلام ده كله عبر بث مباشر شاهده العشرات
مابقول الملاين عشان مافي زول يزعل :arf:

أولاً : دي شفافية عالية جداً ونوع من التفاعلية الرائعة من ميرال ،، نحييها عليها ..
ثانياً : نشأت كان أداؤه رائعاً بل لم اكن انتبه اصلاً ان المذيعة اتأخرت ؟؟
ثالثاً : لم يحدث ان تأخرت مذيعه أو مذيع في بيتنا ، حتى تكون كارثه ..
رابعاً : رب تأخيره وفيها خيرها ،، انا بقترح على النور معني ان يبدأ المذيع الثاني بعد ثلث ساعة ، لأن أداء نشأت لوحده كان رائعاً ..:yes::yes::yes:
التخريمة :
[COLOR="DarkRed"]نجي للملايين ..
وما ادراك الملايين ..
ما اتحرقت يا شعراوي ،، واتصب فيها الجاز .....

[ابو عبد الحفيظ]

[color="navy"]
أولاً : دي شفافية عالية جداً ونوع من التفاعلية الرائعة من ميرال ،، نحييها عليها ..


الله يمسيك بالخير المخرج القوي حامد عثمان عندما تأخر ضيف لاحظ ضيف الحلقة حتي لحظة بداية البرنامج مش بعد 20 دقيقة منعه من دخول الاستديو وواصل البرنامج
هييييع عفيت منك يالجعلي
والتسيب والاهمال اصبح شئ يمدح به الشخص ويوصف بالروعة !!!!!!

[color="navy"]
ثانياً : نشأت كان أداؤه رائعاً بل لم اكن انتبه اصلاً ان المذيعة اتأخرت ؟؟


نعم قمة في الروعة والتميز وكان الاروع لو اكمل الحلقة لوحده وهو قادر ومتمكن وذو امكانيات واداء قوي

[color="navy"]
ثالثاً : لم يحدث ان تأخرت مذيعه أو مذيع في بيتنا ، حتى تكون كارثه ..


وهل يجوز لهم أن يتاخرو عن موعد البرنامج ؟؟

[لميس]

في حلقة اليوم الاثنين 2 فبراير وصلت المذيعة ميرال الي داخل الاستديو بعد مضي 20 دقيقة علي بداية البرنامج وعذرها ان الطريق زحمة .

رايكم شنو في الكلام ده ؟


تخريمة : اذكر في احدي حلقات عزيزي المشاهد كان ضيف الحلقة علي مااذكر الكوميدي طارق الامين ووصل مع بداية البرنامج ورفض المخرج الهمام حامد عثمان دخوله الاستديو فكان درس لهذا الضيف في احترام المواعيد .

]رائيي ان ميرال دفعتي دي مابيدها حاجه والمواصلات بالجد مشكله في بلدنا دي وانا واحده من الناس بعاني منها

[ابو عبد الحفيظ]

]رائيي ان ميرال دفعتي دي مابيدها حاجه والمواصلات بالجد مشكله في بلدنا دي وانا واحده من الناس بعاني منها

شكراً اخي هدرماسوا علي المرور بس برضو احترام مواعيد العمل واجب والزحمة معروفة والواحد يعمل حسابو ويطلع من بدري احتراماً لعمله وللمشاهد

[ابو عبد الحفيظ]

كنت اتمني ان يخيب الاستاذ النور ظني ويرد علي الموضوع ولكنه اكتفي بالاطلاع علي الموضوع ولكن نحن نعتبرها إجابة وواضحة كمان .


تخريمة : ده انا غلباااااااان

[عمر عائس]

تحياتي اخي شعراوي....
ليست دفاعا عن ميرال ولا اود ايجاد مبررات كافيه لتصحيح ماهو خطأ....لاول مره في تاريخ البرنامج يدخل مقدم متاخر عن زمن البرنامج....وهذا مايجعلني اوافق شرف الدين الراي بانها ليست كارثه....فكل قواعد النظام والانضباط قابله للاختراق رغم الاجتهاد....اؤكد ان كل الزملاء يحرصون علي التواجد داخل الحوش منذ الساعه الواحده اي قبل ساعتين من زمن البرنامج وهذا بلا توجيه من احد.....لم ندر ولم تدر انت كذلك الاسباب المنطقيه التي جعلت ميرال تتاخر ثلث الساعه لنحكم انه ياتي في اطار الفوضي وعدم احترام الزمن والعمل....كم منا دخل مكان عمله متاخرا في مره من المرات؟.... هذا طالما كان الحديث عن مكان العمل رغم الاختلاف عن العمل فيي التلفزيون والارتباط ببرنامج يبث علي الهواء ولكن الحديث هنا عن الانضباط واحترام العمل نفسه.......
احي فيك اهتمامك الكبير وحرصك علي كل ما يتعلق بالفضائيه السودانيه قبل بيتنا....ولعمري هي غيرة لو وجدت عند عامة الشعب...لكان وضعنا مختلفا....
فقط اتمني الا يكون للحديث عن تاخر ميرال علاقه ببوست الهدنه ...والانفعال المصاحب له....بنظرتي البسيطه اراه كذلك.....ولك العتبي مني...

[ابو عبد الحفيظ]

احي فيك اهتمامك الكبير وحرصك علي كل ما يتعلق بالفضائيه السودانيه قبل بيتنا....ولعمري هي غيرة لو وجدت عند عامة الشعب...لكان وضعنا مختلفا....
فقط اتمني الا يكون للحديث عن تاخر ميرال علاقه ببوست الهدنه ...والانفعال المصاحب له....بنظرتي البسيطه اراه كذلك.....ولك العتبي مني...

واحي فيك تميزك وادائك القوي والمتميز وهي كلمة حق
وصدقني اخي عمر لا علاقة للموضوع ببوست الهدنة وميرال جات متأخرة والبوست شغال :arf:
وفي نفس هذه الفترة كتبت اشادات واليوم مقترح للبرنامج
هي ليست خصومة حقيقية انما في اطار الاخوانيات كما قال الاخ النور ونحن نؤكد ذلك
اخي العزيز عمر اطمئن فالكل هنا ينشد الاصلاح والتميز
والهم واحد بس دعواتكم وماتنسوني من القطع :arf:

[البطري]

أخي شعراوي بعد التحية والإحترام
أنت تعرف الخرطوم بطبيعتها المرورية الخانقة عندما كنت موجودا" هنا
وفي الفترة الأخيرة إزداد عدد العربات بصورة جنونية
والله يخلي لينا شركات البيع بالتقسيط
فعندما يتأخر أحد عن عمله لا تلومه أبدا" وبالذات إذا كان ساكن خلف الكباري
وفي حال الأخت ميرال نجد أنها تسكن في أخر الكلاكلات والتلفزيون في أمدرمان
لكن بحسب ما اعرفه هنالك ترحيل خاص بالمذيعين مسؤول عن إيصالهم قبل وقت كافي وإرجاعهم
وانا لا أستطيع الحكم علي ميرال قبل سماع مبرراتها التي دفعتها لهذا التأخير
وبعدين حصل كتييير في التلفزيون إنو البرنامج يبدأ والمذيع لسة ما وصل خصوصأ" في الأخبار
فأي محطة تلفزيونية معرضة لحالات طارئة مما يستوجب وضع خطط بديلة لأي طارئ متوقع
والله من وراء القصد وهو يهدي السبيل...

[هدرماسوا]

شكراً اخي هدرماسوا علي المرور بس برضو احترام مواعيد العمل واجب والزحمة معروفة والواحد يعمل حسابو ويطلع من بدري احتراماً لعمله وللمشاهد
مساء النور ياريس دي لميس تشابه عليك الهارمونيون ولا شنو معقول انا اكتب (وانا واحده من الناس )
ياباني ده شكلو رسل ليك شربوتو داك ههههههههههه

[وائل محمد الحسن]

السؤال لماذا دخولها للاستديو ؟ طالما جات متأخرة الا يتم مراجعة لفقرات البرنامج قبل مدة من بدايته ولا ماضروري ؟ افتونا يااصحاب الشأن

ريسنا العزيز اخبارك وينك ووين ايامك ....... مقطع صفري

اولا للاجابة علي تساؤلاتك حسب علمي البسيط ان هناك ترحيل لمذيعي بيتنا

لمن لا يملكون سيارات خاصة وتتحرك العربة من التلفزيون علي حسب بعد سكن المذيع

ليكون في التلفزيون قيل وقت كافي جدا اما اذا حصل تاخير لا قدر الله بسبب زحمة الشوارع

وامتلاك ربع سكان الخرطوم لسيارات وضيق الشوارع وتفلتات السائقين وتعطل اشارات المرور

ومزاجيات رجال المرور فما ذنب المذيع في ذلك وانت تعلم ان الشي الوحيد الذي لا يمكن السيطرة عليه

هو ازدحام المرور اللهم الا ان يشتري التلفزيون هليوكبتر للترحيلات او ان يجبر كل المذيعين بالسكن

في الموردة او بانت هههههههه

اما بالنسبة لمراجعة الفقرات فانه يتم ارسال الاسكريبت للمذيع قبل يوم او يومين ومعه التقديم الذي

يحتوي علي معلومات عن محتوي الفقرات وبعض المعلومات الاضافية ان تتطلب الامر

ولك مودتي

[شرف محمد الحسن]

وهل يجوز لهم أن يتاخرو عن موعد البرنامج ؟؟

بالله يا أبو عبد الحفيظ ،، خلينا نخلي موضوع التأخير دا جانباً شويه !!!
و أسألك سؤال ، جوابني عليه بصراحة :
أنت كمشاهد جالس وبتشاهد في - بيتنا - والأمور ماشه عاديه مع نشأت ، وبعد ثلث ساعة دخلت ميرال ، واعتذرت وواصلت التقديم ،،،، السؤال : إنت إتضررت بشنو ؟؟؟
ولو ميرال دي ما اعتذرت ، انت كنت حاتعرف كيف انها اتأخرت ؟؟
بالله رد فقط كمشاهد بيشاهد ، لا بيعرف الحوش ولا ( القمري ) ..
................

[اوكير]

تسلم اخى ابو النون

[اوكير]

ليس دفاعا عن ميرال
نحن هنا في هيئة اذاعة وتلفزيون ولاية الجزيرة وبالاخص في قطاع التلفزيون وبالرغم من كل الظروف توجد عربة تسمى عربة الوردية هي المسئولة عن جمع العاملين في الوردية في جميع الاقسام والمذيعين قبل زمن كافي جدا يمكن المكلفين من الوصول للمحطة وترتيب انفسهم ويمكن السائق من الوصول مهما كانت الاسباب ازدحام او اعطال والمسئولية في التاخير لا تقع ابدا على عاتق المكلف والمعنى واضح وشكرا

[ابو جعفر]

عادي لانه حصل في تلفزيون السودان

[عمر عائس]

واحي فيك تميزك وادائك القوي والمتميز وهي كلمة حق
وصدقني اخي عمر لا علاقة للموضوع ببوست الهدنة وميرال جات متأخرة والبوست شغال :arf:
وفي نفس هذه الفترة كتبت اشادات واليوم مقترح للبرنامج
هي ليست خصومة حقيقية انما في اطار الاخوانيات كما قال الاخ النور ونحن نؤكد ذلك
اخي العزيز عمر اطمئن فالكل هنا ينشد الاصلاح والتميز
والهم واحد بس دعواتكم وماتنسوني من القطع :arf:

اشكرك اخي الحبيب واشكر اطراءك وارجو ان اكون وزملائي دائما عند حسن ظنكم.......

ادرك ان الجميع ينشد الاصلاح وان همهم واحد ان يتشرفون دائما بسودانهم وان اتت في كثير من الاحيان المناكفات خشنة.......
القطع دي موضوعها طويييييييييييييل....
يا وائل الجماعه وافقوا ولا شنو.......

الزول (الكبير)المننط عينيه دا منو؟؟؟
هههههههه..........
والله دي عجبتني....اخدت ليك حقك يا وائل....اتذكرت؟؟.........انا ما متذكر؟؟؟؟؟تاني هههههه

[الحضري]

فقط نحن معنا الريموت والجد كنت بشوف في العربية ولم اشاهد تلفزيون السودان

زي ما قلت يا منير --
جوله حول الدوله ما بين النيل الازرق وهارموني وزول واحد و تلفزيونكم عندكم وريموتنا عندنا , مع مراعاة فروق الوقت عند اعادة البرنامج , يعني المشاهد ما شفش حاجه --

[عمر عائس]

ليس دفاعا عن ميرال
نحن هنا في هيئة اذاعة وتلفزيون ولاية الجزيرة وبالاخص في قطاع التلفزيون وبالرغم من كل الظروف توجد عربة تسمى عربة الوردية هي المسئولة عن جمع العاملين في الوردية في جميع الاقسام والمذيعين قبل زمن كافي جدا يمكن المكلفين من الوصول للمحطة وترتيب انفسهم ويمكن السائق من الوصول مهما كانت الاسباب ازدحام او اعطال والمسئولية في التاخير لا تقع ابدا على عاتق المكلف والمعنى واضح وشكرا

احيك اخي اوكير وكل الزملاء بهيئة اذاعة تلفزيون الجزيره التي ننتمي اليها موطنا وحبا...

ليست فينا من يرمي المسؤؤلية علي السائق.....وايضا هنا وخصوصا برنامج بيتنا فقد خصصت لترحيل المقدمين عربة خاصه ليست لها اي ارتباط بورديات فقط كل مسؤليتها ترحيل المقدمين ذهابا وايابا....وقبل زمن كاف....وكما ذكرت في موضع اخر ان كل الزملاء يحرصون علي التواجد قبل ساعتين من زمن البرنامج ولم يحصل ان من قبل ان تاخر واحد منهم.....وطالما تعودت ميرال ولمدة عام فترة ارتباطها بالبرنامج ونتمني لها وللمشاهدين المزيد...و طالما تعودت ان تخرج في زمن معين يمكنها من الحضور قبل زمن مريح بالنسبة لها...كيف لنا ان نحكم عليها يوم تاخرها لاسباب لم نعلمها بالفوضي وعدم احترام العمل والزمن....تحدثت وعلي الهواء عن ان السبب هو المواصلات ولكن هل فينا من يعلم سبب خروجها قبل وقت كاف....ام انها خرجت في وقتها المعتاد وحدث غير الطبيعي المعتاد ولا نلومها في هذه الحاله....دمت اخي قريبا امنياتي لك ولكل الزملاء هناك بالتوفيق والابداع ......وتلك المؤسسة عودتنا دائما ان ترمينا بخيرة شبابها ويكفينا فخرا ان وائلا ومصعب منها......

[ابو عبد الحفيظ]

الاخوة الاعزاء انا اتكلم عن الحالة وليس ميرال في شخصها نحترمها جداً ونعتبرها وجه مشرق للجنوب اخي عائس هون عليك نحن لم نخرق بند من بنود نيفاشا :arf:
وذكرت في بداية حديثي موقف الاستاذ المخرج حامد عثمان عندما تأخر ضيفه منعه من دخول الاستديو واعرف الكثيرين من المذيعين والمذيعات صدرت ضدهم عقوبات بسبب تأخيرهم وتم ايقافهم عقاباً لتأخيرهم لا اريد ذكر اسماء فالاسماء ومدد الايقاف موجودة عندي .
الا اذا كان هنا الوضع مختلف ويتعلق بشئ من نيفاشا فهذا موضوع آخر لا دخل لنا فيه .

[ابو عبد الحفيظ]

اما بالنسبة لمراجعة الفقرات فانه يتم ارسال الاسكريبت للمذيع قبل يوم او يومين ومعه التقديم الذي

يحتوي علي معلومات عن محتوي الفقرات وبعض المعلومات الاضافية ان تتطلب الامر


اخي العزيز وائل لك الشكر علي التوضيح وافادتي والكثير من المشاهدين بهذه المعلومة

[ابو عبد الحفيظ]

بالله يا أبو عبد الحفيظ ،، خلينا نخلي موضوع التأخير دا جانباً شويه !!!
و أسألك سؤال ، جوابني عليه بصراحة :
أنت كمشاهد جالس وبتشاهد في - بيتنا - والأمور ماشه عاديه مع نشأت ، وبعد ثلث ساعة دخلت ميرال ، واعتذرت وواصلت التقديم ،،،، السؤال : إنت إتضررت بشنو ؟؟؟
ولو ميرال دي ما اعتذرت ، انت كنت حاتعرف كيف انها اتأخرت ؟؟
بالله رد فقط كمشاهد بيشاهد ، لا بيعرف الحوش ولا ( القمري ) ..
................

اخي العزيز شرف
نعم تضررت ادائها لم يكن جيداً وارجوك شاهد حلقة الامس بعد انضمام ميرال للتقديم ومن ثم احكم
ولو كنت المسئول لتركت نشات يواصل التقديم وحده لاقتداره وحفاظاً علي شكل الحلقة فميرال كانت مرتبكة من لحظة دخولها وحتي نهاية البرنامج وقول الحق ياشرف
اما اجابتي علي سؤالك الاخير ارجو ان تسال الاخ حامد عثمان فقد زارني في سكني بالمدينة المنورة ويعرف كيف نتابع برامج الفضائية وكذلك الاخوان معز عباس ومحمد جمال الدين فغرفتي عبارة عن غرفة مونتاج من اجهزة تسجيل ومشاهدة .
وأسال النور معني عن ملاحظات بلغتها له من قبل اثناء البرنامج عبر اتصالات هاتفية ملاحظات دقيقة جداً اخوك عينو نجيضة :arf:

واسأل العنبة الرامية فوق بيتنا
وجيت اوادعك ياقماري :arf:

[عمر عائس]

الاخوة الاعزاء انا اتكلم عن الحالة وليس ميرال في شخصها نحترمها جداً ونعتبرها وجه مشرق للجنوب اخي عائس هون عليك نحن لم نخرق بند من بنود نيفاشا :arf:
وذكرت في بداية حديثي موقف الاستاذ المخرج حامد عثمان عندما تأخر ضيفه منعه من دخول الاستديو واعرف الكثيرين من المذيعين والمذيعات صدرت ضدهم عقوبات بسبب تأخيرهم وتم ايقافهم عقاباً لتأخيرهم لا اريد ذكر اسماء فالاسماء ومدد الايقاف موجودة عندي .
الا اذا كان هنا الوضع مختلف ويتعلق بشئ من نيفاشا فهذا موضوع آخر لا دخل لنا فيه .

بل هون عليك انت اخي شعراوي فليس فينا من ذكر خيرا او شرا نيفاشا وبنودها...وليست فينا من يتعامل مع ميرال غير انها جديرة بمكانتها واستحقتها بلا نظر لبنود سياسية خفيه.....
اما الايقافات التي ذكرتها هل تمت بمحاسبه ام بمجرد التاخير فقط....فلا يعقل ان تكون كل الحالات علاجها الايقاف....فالمذيع انسان وليست اله مبرمجه لتتغلب علي كل الظروف...وهذه الظروف ليست كلها مقنعه كما انها ليست كلها تسيب.....والمعالجات العنيفه غير مطلوبه دائما بمثلما الحكمة ....

[ابو عبد الحفيظ]

وبعدين حصل كتييير في التلفزيون إنو البرنامج يبدأ والمذيع لسة ما وصل خصوصأ" في الأخبار


يعني الموضوع عادي ؟
وانا مقوم نفسي كده ليه ؟:arf:

[batota]

نعيش كتير و نشوف كتير ..
احترام المواعيد واجب وخاصة في مهنة زي دي ..

[منير عبد القادر]

يعني الموضوع عادي ؟
وانا مقوم نفسي كده ليه ؟:arf:

يا أخي انا قلت ليك اسمع كلامي وما توجع قلبك ساكت تلفزيونهم عندهم وريموتك عندك والله في نفس زمن برنامج بيتنا في برنامج جميل في الجزيرة الوثائقية على الاقل بتطلع بمعلومة مفيدة
اسمع الكلام واترحم على البيت السعيد واقعد ساكت

[الحضري]

مساء النور ياريس دي لميس تشابه عليك الهارمونيون ولا شنو معقول انا اكتب (وانا واحده من الناس )
ياباني ده شكلو رسل ليك شربوتو داك ههههههههههه

أهاهاها الله يجازي محنك هدرماسو , ما تخلييييييها تعدي , يعني تاني كان حصلت كاعه في منتدى الفضائيه نقووول السبب شربوت ياباني --
المساطيل مدورين الشيشه ودخاخينم تولول , المسطول قال لي اخوه والله ناس البيئه لو شافونا يخلونا نسد ثقب الاوزون على حسابنا --

[ابو عبد الحفيظ]

اما الايقافات التي ذكرتها هل تمت بمحاسبه ام بمجرد التاخير فقط....فلا يعقل ان تكون كل الحالات علاجها الايقاف....فالمذيع انسان وليست اله مبرمجه لتتغلب علي كل الظروف...وهذه الظروف ليست كلها مقنعه كما انها ليست كلها تسيب.....والمعالجات العنيفه غير مطلوبه دائما بمثلما الحكمة ....

ونحن لم نقل اوقفوها ولايحق لنا ان نقول ذلك انما ضربت لك أمثلة بعقوبات كانت حدها الايقاف لمدد ولو اوقفنا كل من يتأخر لاصبح التلفزيون بدون مذيعين


تخريمة : عارف أصغر صحيفة ؟؟؟

[عمر عائس]

تخريمة : عارف أصغر صحيفة ؟؟؟[/right][/size][/color][/QUOTE]

دي حلوه ........


كدي اسأل تقوي ......انا عارف...

[شرف محمد الحسن]

فغرفتي عبارة عن غرفة مونتاج من اجهزة تسجيل ومشاهدة .
وأسال النور معني عن ملاحظات بلغتها له من قبل اثناء البرنامج عبر اتصالات هاتفية ملاحظات دقيقة جداً اخوك عينو نجيضة :arf:

واسأل العنبة الرامية فوق بيتنا
وجيت اوادعك ياقماري :arf:


ونحن نسعد ويشرفنا ملاحظاتك ومشاهدتك ،،

تخريمة :
كدي ما تورينا عندك شنو من الاجهزة ، يمكن نقدر ندعم ناس الجرافيك ديل ..

تخريمة جانبية :
عنبة يا ريس !!! عنبة !!
قال ليهو ( ما تخش بين البصلة وقشرتها ) رد عليهو ( بدك تؤول التفاح و إشرتها ) ..
عولمة .:

[ابو عبد الحفيظ]

ونحن نسعد ويشرفنا ملاحظاتك ومشاهدتك ،،

تخريمة :
كدي ما تورينا عندك شنو من الاجهزة ، يمكن نقدر ندعم ناس الجرافيك ديل ..
[/color]

جميع امكانياتنا ( البشرية ) وكل الاجهزة في خدمتكم ودعم لقسم الجرافيك


تخريمة : مصعب محمود برضو جا متأخر بس مش في البرنامج هنا في البوست
منور اخوي مصعب ومالك غايب ؟؟

[النور معنى النور]

هسة ياخوانا فى ذمتكم دة موضوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اصلو نحن بقينا فاضين بعد دة .......
والمرة دى معاى قسم الذيعين كلو ....... والعجب لو جاك رئيسهم الاسطورة جعفر امبدى .... يومين ويكون معانا هو والتجانى ......


واقول ليك مقدما يا ابو الشا : لو استمريت فى هذا البوست فلن نتوقف ابدا ... وستضطر لتاجيل مشاريع استقرارك ......

[النور معنى النور]

في حلقة اليوم الاثنين 2 فبراير وصلت المذيعة ميرال الي داخل الاستديو بعد مضي 20 دقيقة علي بداية البرنامج وعذرها ان الطريق زحمة .

رايكم شنو في الكلام ده ؟


تخريمة : اذكر في احدي حلقات عزيزي المشاهد كان ضيف الحلقة علي مااذكر الكوميدي طارق الامين ووصل مع بداية البرنامج ورفض المخرج الهمام حامد عثمان دخوله الاستديو فكان درس لهذا الضيف في احترام المواعيد .

ليس من الحكمة للمنتدى خلق عدائيات مع جهات خارجية تربطنا بها اقوى العلاقات الابداعية .....

تصرف حامد لم يكن صحيحا .... ولم يكن سليما ....
ليس من المعقول اان تقوم انت باحراج ضيوفك بنفسك ..... بينما مخرجين اخرين مشهود لهم بالاندماج مع ضيوفهم والقرب منهم حتى يفعلوا لك كل ما تريده لنجاح التسجيل او العرض تالمباشر ......

كان من الممكن ترتيب الامر كما حدث مع ضيوف عديدين اخرين ......

على العموم كان هذا اختلاف راى سابق .....والمخرج له تبريره ....


يا شعراوى انها قصة ربما يكون حكاها لك حامد او سمعتها من اخرين .... لكن ليس من الحكمة التشهير بذلك المبدع العزيز طارق الامين هنا فى هذا المنتدى المحترم باهله ......وكان يمكن الاشارة فقط بالتلميح .......

ان هذه الاشارة لا تفت فى عضد الاخ حامد ولا قوة شخصيته المحبوبة لانها مربوطة بعمل الخير والانجازات البرامجية المميزة لكنها اشارة لتوخى الحكمة فى النشر .......


اقترح ان يعدل العضو شعراوى ما كتبه ويحذف الاسم المشهر به ....وكذلك ما جاء من تصريح بالاسم نفسه على قلم منير فى بوست انتهاء الهدنة ........
اوالا فاننى ادعو الاخ المشرف العام والمراقب لاجراء اللازم نحو ذلك حفاظا على مكتسبات المنتدى ......


الا هل بلغت .... اللهم فاشهد

[شرف محمد الحسن]

واقول ليك مقدما يا ابو الشا : لو استمريت فى هذا البوست فلن نتوقف ابدا ... وستضطر لتاجيل مشاريع استقرارك ......



يا معني : هو أبو الشا ( شريف محمد الحسن ) ما شغال معاك كويس وقال بياكل معاك الظلط ..
مالك قايم عليهو و محذرووووووووووو .!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

[منير عبد القادر]

....وكذلك ما جاء من تصريح بالاسم نفسه على قلم منير فى بوست انتهاء الهدنة ........


ان شاء الله يا النور معني

[ابو عبد الحفيظ]

يا شعراوى انها قصة ربما يكون حكاها لك حامد او سمعتها من اخرين .... لكن ليس من الحكمة التشهير بذلك المبدع العزيز طارق الامين هنا فى هذا المنتدى المحترم باهله ......وكان يمكن الاشارة فقط بالتلميح .......

ان هذه الاشارة لا تفت فى عضد الاخ حامد ولا قوة شخصيته المحبوبة لانها مربوطة بعمل الخير والانجازات البرامجية المميزة لكنها اشارة لتوخى الحكمة فى النشر .......


اهداء للاستاذ النور معني شفاه الله ويعود لينا سالماً وفريق برنامج بيتكم

[فقط الأعضاء المسجلين والمفعلين يمكنهم رؤية الروابط]

[الكاشف]

الريس ابو عبد الحفيظ كيف حالك واحوالك وناسف للغياب الطويل ولكن انت عارف حال دواماتنا
ميرال دي تجي وقت ماتجي انت اطلع منها بس
السلام والتنمية
سلام سلام نيفاشا سلام

[ابو عبد الحفيظ]

رفعت الموضوع عشان اعيد قرايتو مرة تانية :smile::smile: