الناس ديل .... جابو القروش من وين ...!!!

[عماد ساتي]

الناس ديل جابو القروش من وين ...؟؟؟

سؤال يدور بخاطر كل سوداني داخل او خارج السودان ... إذا كنت خارج السودان ومشيت تلقى الناس تتكلم بالمليونات والمليارات وانت فى ذهول حتى الذين داخل السودان مذهولون والسؤال يتردد هنا وهناك جابوها من وين؟؟؟

الحكومة حدث ولا حرج ... مكاتب الحكومة فخمة للغاية اثاث وموكيت وسجاد وكمبيوترات شاشاتها LCD ومكيفات سبليت ... وزارات زمان كل خمس موظفين فى تربيزة وكمان متكوله بحجر حسى مكاتب بارتشنات وحتى كمان معطرات للجو :D:D دى بدون العربات الواقفه بره والسكيورتي الحارسها.

تمشى فى الشارع تشعر بأن بعض الأشخاص (ناس الحكومة والحركة) ثراءهم فاحش بمعنى الكلمة وناس محمد احمد فقرهم فاحش بمعنى الكلمة ايضاً . ناس الثراء الفاحش يتنقلون بالمارسيدسات والهمرات :D والكورولا والاتوس خلوها للغلابه وناس الفقر الفاحش يتنقلون بالكارو والركشات يعنى الهمر الواحدة تساوى فى السعر قيمة كل ركشات الخرطوم وما ننسى ناس ندى القلعة باللكزسات ... والأيام دى اشكال ندى القلعة كتروا حيث لكل حى بالخرطوم مغنيتين ونصف بدون ناس حماده بت :D:D

العمارات اشكال وانواع على احدث طراز من الرخام الإيطالي وبيوت ناس محمد احمد مطلبة بالكاكي (بالزبالة) ... ما تسألينى يا روعه الزبالة دى شنو :D:D وعشان يوسعوا شويه لآستقبال الضيوف بعملوا راكوبة خشم الباب.

ناس الثراء الفاحش تلقاهم مع اولادهم يأكلوا فى المطاعم الفخمة حيث الوجبه تساوى راتب موظف من الديم تجدهم فى كافتيريا ليالى التركى فى شارع 15 وامواج ومؤمن فى شارع المطار والجكن فى البوادى فى نمرة 2 ... اما ناس محمد احمد تلقاهم قدام الدكاكين بيعملوا البوش مع الشطة والدكوه وطبعا ما بفطروا خالص وما بعرفوا حاجة اسمها فطور اما الغداء فاحياناً بوش واحياناً باذنجان مطبوخ واحياناً مافى بتموها مويه.

اها يا جماعه بعد دا كلو .... قولوا لىّ الناس ديل ... جابو القروش من وين ؟؟؟؟

تحياتي

[ابوعمار]

الاخ العزيز عمده والله الكلام ده انا زاتى محيرنى كدى خلينى اقيف جنبك وانتظر الاجابه
اها يا جماعه بعد دا كلو .... قولوا لىّ الناس ديل ... جابو القروش من وين ؟؟؟؟

[منير عبد القادر]

الناس ديل جابو القروش من وين ...؟؟؟

سؤال يدور بخاطر كل سوداني داخل او خارج السودان ... إذا كنت خارج السودان ومشيت تلقى الناس تتكلم بالمليونات والمليارات وانت فى ذهول حتى الذين داخل السودان مذهولون والسؤال يتردد هنا وهناك جابوها من وين؟؟؟

الحكومة حدث ولا حرج ... مكاتب الحكومة فخمة للغاية اثاث وموكيت وسجاد وكمبيوترات شاشاتها LCD ومكيفات سبليت ... وزارات زمان كل خمس موظفين فى تربيزة وكمان متكوله بحجر حسى مكاتب بارتشنات وحتى كمان معطرات للجو :D:D دى بدون العربات الواقفه بره والسكيورتي الحارسها.

تمشى فى الشارع تشعر بأن بعض الأشخاص (ناس الحكومة والحركة) ثراءهم فاحش بمعنى الكلمة وناس محمد احمد فقرهم فاحش بمعنى الكلمة ايضاً . ناس الثراء الفاحش يتنقلون بالمارسيدسات والهمرات :D والكورولا والاتوس خلوها للغلابه وناس الفقر الفاحش يتنقلون بالكارو والركشات يعنى الهمر الواحدة تساوى فى السعر قيمة كل ركشات الخرطوم وما ننسى ناس ندى القلعة باللكزسات ... والأيام دى اشكال ندى القلعة كتروا حيث لكل حى بالخرطوم مغنيتين ونصف بدون ناس حماده بت :D:D

العمارات اشكال وانواع على احدث طراز من الرخام الإيطالي وبيوت ناس محمد احمد مطلبة بالكاكي (بالزبالة) ... ما تسألينى يا روعه الزبالة دى شنو :D:D وعشان يوسعوا شويه لآستقبال الضيوف بعملوا راكوبة خشم الباب.

ناس الثراء الفاحش تلقاهم مع اولادهم يأكلوا فى المطاعم الفخمة حيث الوجبه تساوى راتب موظف من الديم تجدهم فى كافتيريا ليالى التركى فى شارع 15 وامواج ومؤمن فى شارع المطار والجكن فى البوادى فى نمرة 2 ... اما ناس محمد احمد تلقاهم قدام الدكاكين بيعملوا البوش مع الشطة والدكوه وطبعا ما بفطروا خالص وما بعرفوا حاجة اسمها فطور اما الغداء فاحياناً بوش واحياناً باذنجان مطبوخ واحياناً مافى بتموها مويه.

اها يا جماعه بعد دا كلو .... قولوا لىّ الناس ديل ... جابو القروش من وين ؟؟؟؟

تحياتي



والله يا عماد الاجابة سهلة جداً لكن الكلام بدخلنا في السياسة وأنا ما بحب السياسة ولا السياسيين عشان كده بتصل عليك في التلفون واقوليك الناس ديل حرامية عشان ما في زول يسمع وبعدين نروح في حديد خلي بالك 000

قلما يرودني هذا السؤال علما بان الواضح ما فاضح وان الارزاق بين الله سبحانه وتعالي وقوله الكريم (إنا فضلنا بعضكم على بعض في الرزق ) هي الاجابة الكافية وما خفية الله اعلم به 000 وقتها سيسأل من يسال الناس من اين لك هذا يوم لا ينفع مال ولا بنون إلا من 000000000

ايقن أن الحلال بين والحرام بين وستجد أن اجابة السؤال موجودة ولك التحية اخي الكريم

[ود القبايل]

الاخ عماد ساتي
تحياتي
انا مع الاخ منير اجابته شافيه وكافيه ... والله يكفينا شر الحرام ......

[فنطوط]

سلام يا بطرس
وضح سؤالك انت عاوز تعرف الاجابة عشان تعمل زيهم ولا من باب العلم

[أرض الخير]

الله يزيدهم ويدينا ياعماد زيهم واكثر ...........................قول امين

[ابو عبد الحفيظ]

اللهم بارك لنا فيما رزقتنا وزدنا منه ، وصراحة موضوع الثراء الغير منطقي في السودان شئ يشيب الواحد وكذلك الفقر المدقع

[مامون مهنا]

الموضوع بسيط الناس ديل قسمو الثروة وانتهى الموضوع ....

اما السُلطة فهى متاحة لمن نالوا الثروة .....

وللباقين (السَلطة ) ...

[ود الفحل]

أولاً الأخت لبنى أصلح لها الدعاء بتاعها وأقول ليها قولي ربنا يدينا رزق الحلال أما يدينا زيهم فيها علامة إستفهام ؟ نفس السؤال اللذي يدور في خاطر الأخ عماد إحنا مافي داعي نقعد نقول جابوا الفلوس من وين لكن لازم نخطط بجدية للمستقبل ولازم كل واحد فينا يعمل حسابه في القرش المعاهوا لأن الزمن بقى صعب جداً والآن وأنا أقرأ المقال بتاع جابو القروش من وين جالس معي دكتور جامعي صديق يادوب جاي من السودان بيحكي عن قريبته دكتورة هنا أرسلت توكيل لأخوها علشان يبيع قطعة الأرض بتاعتها ويلحقوا يدفعوا مصاريف دخول بنتهم الوحيدة للجامعة قام عرس بالقروش واحدة مهندسة على مرته أم أولاده وعمل عرس مكلف طبعاً مادافع حاجة من جيبه ..وهكذا
بعض الناس هناك بتلم القروش بنفس الطريقة..
علشان كده لبنى نقول ربنا يدينا رزق الحلال ولايكلنا إلى أنفسنا فنعجز ولايكلنا إلى الناس فنضيع ..أم يدينا زيهم ماعايزين إذا رزقن جاي بالطرق الغير سليمه ..
ولكم ودي .. لم القروش كويس ووفروا ..علشان أولادكم ..
ود الفحل

[محمد عبيد ادريس]

الاخ عماد ساتى والاخوه المتداخلون ...

تحيه طيبه لكم وانتم تتحسرون على حالنا ولكن نحمد الله على ما قسمه الله لنا ...

واعتقد هذا السؤال سوف يدخلنا فى ( ان تبدوا لكم تسؤكم)

مودتى.....

[ود القبايل]

الاخ عماد ساتى والاخوه المتداخلون ...

تحيه طيبه لكم وانتم تتحسرون على حالنا ولكن نحمد الله على ما قسمه الله لنا ...

واعتقد هذا السؤال سوف يدخلنا فى ( ان تبدوا لكم تسؤكم)

مودتى.....


ده الكلام المختصر المفيد وجزاك الله خيرا ................

[ود الفحل]

الدنيا كده ...ربنا سبحانه وتعالى في كتابه الكريم يقول أيقسمون رحمة ربك نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضاً سخريا ...صدق الله العظيم ...
هذه أرزاق يقسمها رب العالمين بين الناس
والله يرزق من يشاء بغير حساب ...
ندعوا الله أن يوسع رزقنا ويكفينا شر الحسد ..
وأن يرزقنا القناعة بما نملك ..ولاننظر لما هو فوقنا ..ننظر لما هو دوننا
حتى نعرف مدى نعمة الله سبحانه وتعالى علينا ..
أخوكم ود الفحل

[شمعة امل]

اخى عماد ساتى هو سؤال منطقى
و لكنك لن تجد له اجابة شافية
نسأل الله الرزق الحلال و الطيب

[مامون مهنا]

ده الكلام المختصر المفيد وجزاك الله خيرا ................


كفاية اختصارااااااااات

[شهد الملائكة]

صحي الناس ديل جابوا القروش من وين ؟

[ود الفحل]

أيه ياشهود تاني حنرجع نبتدي من أول وجديد ونسأل نفس السؤال الناس ديل جابوا الفلوس منين ...مافي داعي نتعب مخنا وفكرن ونضيع وقتنا في سؤال ماحنستفاد منه شيئ .. اللي عايز يغنى يضع أهداف ويشتغل عليها وتكون أمام نصب عينيه .. ويبتدي صغير ثم يكبر بإذن الله إنما نقعد نعاين في الناس ونقول جابوا القروش منين..سؤوال ماليهو معنى لأن لو عرفت الإجابة حتعمل شنوا وإجابة السؤال متنوعة على حسب مصادر الفلوس لكل الناس دي لأنه أكيد مصدر قروش متنوع ..
لكم جميعاً تحياتي وقفلوا على الموضوع ده ..وأكرر Do Not Chase the Snake It will Bite you
ود الفحل.......

[ود القبايل]

كفاية اختصارااااااااات

:(:(:(:(:(

[abuferas1]

فلندع جميعا" :
(اللهم اكفنا بحلالك عن حرامك وبفضلك عمن سواك)

[عماد ساتي]

كل المتداخلين مافى واحد اجاب على السؤال ما عدا الأخ ماو... اعتقد بان الإجابه معروفه ولكن ....الجماعه كلهم عملوا ( دعونى اعيش) :d:d

تحياتي

[ياباني]

آآآآخوي ...انت ما سمعت ؟؟؟؟
بني الانقاذ علي خمس....
1-تاكل ما تشبع
2-تلبس مرقع
3-عندك ما عندك تدفع
4-تتكلم ... تتلبع
5-ولدك يمشي الجنوب ما يرجع
والجبايات والاتاوات المفروضه علي محمد احمد دي ما يا ها الببنو بيها....وعندنا بلدينا وقت الحصاد مشي الحواشه لقي ناس الامن والمحافظ وكميه من العساكر عشان يحصلو حق الطريق ودمغه الجريح ال لاببري لايموت دهوكميه من المسميات المختلفه لجبايه عرق الغلبان ده وقام بلدينا قال ليهم الحواشه دي بتلع قمح ولا منشورات:D:D:D]

[فارس]

اللهم اكفني بحلالك عن حرامك واغنني بفضلك عمن سواك ..

عايز الرزق يجيك اكثر من الاستغفار والدعاء ...

المال فتنة وسيسال صاحبه من اين اتي به وفيما انفقه ...

لاحظنا الكثيرين الذين لم يكن لديهم قطعة ارض جرداء اصبحوا الان يتحدثون بالمليارات ... لا اريد ان اعرف من اين اتوا به وفي اي شي انفقوه .. وكل شاة معلقة من عصبتها ..

افضل شي انك تعيش نظيف وتموت نظيف ... اخسر دنياك لكن كن حريص لان تكسب آخرتك ...
ودمتم ،،

[بانديد]

القصه ومافيها اصبح مافى معيار للتسلسل
يازى ماقلت ثراء فاحش أو فقر مطقع وطبعاً فى
النص مافى وانا حقيقه زيك محتار لكن بتخيل فى
مابتخيل الناس قابلهم بالصدفه سلطان بروناى

[ود الليدية]

الناس ديل جابو القروش من وين ...؟؟؟

سؤال يدور بخاطر كل سوداني داخل او خارج السودان ... إذا كنت خارج السودان ومشيت تلقى الناس تتكلم بالمليونات والمليارات وانت فى ذهول حتى الذين داخل السودان مذهولون والسؤال يتردد هنا وهناك جابوها من وين؟؟؟

الحكومة حدث ولا حرج ... مكاتب الحكومة فخمة للغاية اثاث وموكيت وسجاد وكمبيوترات شاشاتها LCD ومكيفات سبليت ... وزارات زمان كل خمس موظفين فى تربيزة وكمان متكوله بحجر حسى مكاتب بارتشنات وحتى كمان معطرات للجو :D:D دى بدون العربات الواقفه بره والسكيورتي الحارسها.

تمشى فى الشارع تشعر بأن بعض الأشخاص (ناس الحكومة والحركة) ثراءهم فاحش بمعنى الكلمة وناس محمد احمد فقرهم فاحش بمعنى الكلمة ايضاً . ناس الثراء الفاحش يتنقلون بالمارسيدسات والهمرات :D والكورولا والاتوس خلوها للغلابه وناس الفقر الفاحش يتنقلون بالكارو والركشات يعنى الهمر الواحدة تساوى فى السعر قيمة كل ركشات الخرطوم وما ننسى ناس ندى القلعة باللكزسات ... والأيام دى اشكال ندى القلعة كتروا حيث لكل حى بالخرطوم مغنيتين ونصف بدون ناس حماده بت :D:D

العمارات اشكال وانواع على احدث طراز من الرخام الإيطالي وبيوت ناس محمد احمد مطلبة بالكاكي (بالزبالة) ... ما تسألينى يا روعه الزبالة دى شنو :D:D وعشان يوسعوا شويه لآستقبال الضيوف بعملوا راكوبة خشم الباب.

ناس الثراء الفاحش تلقاهم مع اولادهم يأكلوا فى المطاعم الفخمة حيث الوجبه تساوى راتب موظف من الديم تجدهم فى كافتيريا ليالى التركى فى شارع 15 وامواج ومؤمن فى شارع المطار والجكن فى البوادى فى نمرة 2 ... اما ناس محمد احمد تلقاهم قدام الدكاكين بيعملوا البوش مع الشطة والدكوه وطبعا ما بفطروا خالص وما بعرفوا حاجة اسمها فطور اما الغداء فاحياناً بوش واحياناً باذنجان مطبوخ واحياناً مافى بتموها مويه.

اها يا جماعه بعد دا كلو .... قولوا لىّ الناس ديل ... جابو القروش من وين ؟؟؟؟

تحياتي

اخى العزيز*
عماد ساتي لك تقديرى
تعجبنى كتاباتك؛ ردودك؛ تتكلم بجراءة من صميم الواقع
هم الكيزان ديل ما بشبعوا ولي متين حياكلو كده
هو البسرق لو اتذكر انو بحرم اطفال من اللبن، السكر ، و في ناس بتاكل وجبة واحدة فى اليوم ما اظن يسرق
ويسرق لي شنو ما اخرته امراض وكوم تراب وبعدين راجيهو
الحساب الاكبرمع علام الغيوب
اللهم اكفني بحلالك عن حرامك واغنني بفضلك عمن سواك

[محمد عبيد ادريس]

كل المتداخلين مافى واحد اجاب على السؤال ما عدا الأخ ماو... اعتقد بان الإجابه معروفه ولكن ....الجماعه كلهم عملوا ( دعونى اعيش) :d:d

تحياتي

الاخ عماد ساتى .. تحيه طيبه ..

لماذا تريد ان تزيد من الذنوب لدينا المال مال الله وان هم نهبوه او اتو به من جهدهم فان الله سائلهم يوم حسابه لماذا ندخل فى مهاترات من اجل ان نخفف عنهم الذنوب ان وجدت ....

اجب انت لنعلم من اين اتو بها ولتكن امامهم امام الله فى القصاص بينكم .

صقور الجديان فىالوجدان ...

مودتى ....

[محمد عبيد ادريس]

كفاية اختصارااااااااات

الاخ الحبيب ماو .. التحيه والتقدير ....

لماذا لا تفك الشفره .. وتاتى بالمفيد بدل الاختصارات على الاختصار..

صقور الجديان فى الوجدان ...

مودتى ...

[عماد ساتي]

يا جماعه انا مازلت اسأل (الناس ديل جابو القروش من وين؟؟؟).

تحياتي

[العربى]

نخليها على الله

[همس الاماسي]

عزيزي عماد ساتي:

حقيقة قد توقفت في ان اشارك في هذا المنتدي لما يقارب الشهرين لاسباب خاصة.لكن موضوعك اثارني ووجدت دون اشعر اود المشاركة والمساهمة في هذا الموضوع برائ شخصي جدا .
هذا الموضوع ثري للنقاش . طالعت معظم الردود فمنهم من يتكي علي جدار ليكتب حروف باهتة بعيده عن الحقيقة ومنهم اخذ بمقولة (انا مالي)ومنهم من كتب كلماته بكل شجاعة لما يطابق مبادئه.

كلنا نعلم ان الذي يحدث وسوف يحدث عباره عن انكسار ثلاث طبقات لتدمج في طبقتين, اما غني او فقير وهذه المرحله تم الوصول اليها منذ زمن وذلك للوصول الي منطق معين اما معنا او ليست معنا وفي الحالتين معروف ان الناتج سوف يؤدي الي احدي الطبقتين من كان معنا كان له الثراءوالسلطة ومن كان ضدنا له القح والفقر.
انظر بنفسك الي الراسماليين الموجودين علي الساحة حاليا خلال كم من الزمن تجمعت ثرواتهم (............)وانظر الي الراسماليين المعروفين في السابق تجد ان حتي حالهم تدهور عن ما كان عليه في السابق لان كل التساهيل تذهب الي من يغني في سربهم.

بكل وضوح نجد ان القائميين علي كراسي السلطه هم من فعلوا هذا وذلك بمختلف الطرق وعبر شخصيات مختلفةيزداد ثراها يوم بعد يوم . وكلما ازداد ثراهم طفحت طبقة محمداحمد الكيل وازدادو عنت ومشقة.
ولكن نسال الله العلي القدير ان لا ترد دعوة مظلوم, وان يفتح الله في رزق محمداحمدحتي ولو علي القليل توفير قوت يومه له ولعائلته.
ودمتم
مع خالص حبي وتحياتي

[عماد ساتي]

العزيز همس الأماسى ... والله كفيت ووفيت ومشاركة قيمة جداً.
واتمنى ان تواصل الكتابة فى المنتدى

تحياتي