المساعد الشخصي الرقمي

مشاهدة النسخة كاملة : عم التنقو

امبيسا
31-Oct-2007, 09:43 PM
عم التنقو بقي غسال
شد الشارع كلو حبال
وقال الدسته كمان بريال

غسل الصوف لمن كشه
وعند المكوه كمان اتشه
---------------------------
عمك تنقو بقى حلاق
يسن الموس في عضم الساق
عاوز يكسب زيادة سمعة
بقى خصيص في زيادة الصلعة
وبالورنيش يديها لمعة
-------------------------------
عم التنقو شخصية كاركاتيرية في مجلة الصبيات يقوم برسمه أستاذنا شرحبيل أحمد

:d:d
حسكو
01-Nov-2007, 04:24 AM
ههههههههههههههههههههههههه

شخصية طريفه جدا
أرض الخير
02-Nov-2007, 11:36 AM
هههههههههههههههههههه
ههههههههههههههههههههههههههههههههههههههه

طيب معاكم عمك تنقو ................مع الغربة .........

عمك تنقو في ساعة كربة
قال حرم طلقت الغربة

سلام يا كفيل سلام يا اقامة
اعيش في امدر مرفوع القامه

لا اجي حج ولا بجي عمرة
ومافي جواز اخير بالمرة

نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب

ربط الفيديو معاهو الدش
وقال حرمت اعيش في غش

دفع الجمرك كم مليون
وعمك وشو بقي كم لون

قال يا بلدنا حنينة زمان
اية الحاصل في السودان ؟؟

رهن البيت ونزل السوق
وقال حيتاجر في الطايووق

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز

وبي نص حركة وبنك البركة
عمك لاص وضرب الربكة

وقال انا بس عاوز راس مالي
عشان بالمبلغ اربي عيالي

وعمك دار ما خلا بصيرة
وكان في اول صف تاشيرة

قال يا نفط وسلام يا سلام
تكون القصة كلام في كلام
امبيسا
03-Nov-2007, 09:16 AM
هههههههههههههههههههههههههههههههههههه
والله حلوه ههههههههه ويديك العافيه
manda
03-Nov-2007, 11:29 AM
يا ناس عم التنقو ..

كيفكم وكيف عمنا ..

يا حليل زمن مجلة الصبيان .. والاستاذ شرحبيل احمد الله يديه العافية ..

(كنت متمنى من زمان جهة تتبنى شخصية عم التنقوا وتحيك قصصة الكوميدية الرائعة هذه إلى مسلسل ذو حلقات متفردة بهذا العمل الرائع.. )

منو يقدر يسعدني في الحاجة دي ..
اللاعب الماهر
04-Nov-2007, 07:14 PM
حلوة هههههههههههههه شديد ضيفلينا تاني لوسمحت
الزمخشري
16-Nov-2007, 10:27 AM
ههههههها
راجعتونا للأيام الخوالي وأيام الطفولة الجميلة وزكرياتها البرئيه
لكم التحية-أمبيسا،لبني.
الشقيل
25-Nov-2007, 01:22 PM
أختيي أمبيسا ولبنى محجوب يديكم العافية صراحة أضحكتونا وفرقتوا علينا حقيقة عدتم لنا لزمن طويل أيام الواحد يستقطع من حق الفطور والمصاريف عشان يشتري مجلة الصبيان ، وهاكم دي من المختزن عندي:

عمك تنقو بقي خزاف
عمل أزيار بالطين اللين وجاف
ناس الحلة إتلموا عليه
مثل الطين مسكوه عجنوه
toundy
31-Dec-2007, 10:26 AM
عم التنقو بقي غسال
شد الشارع كلو حبال
وقال الدسته كمان بريال

غسل الصوف لمن كشه
وعند المكوه كمان اتشه
---------------------------
عمك تنقو بقى حلاق
يسن الموس في عضم الساق
عاوز يكسب زيادة سمعة
بقى خصيص في زيادة الصلعة
وبالورنيش يديها لمعة
-------------------------------
عم التنقو شخصية كاركاتيرية في مجلة الصبيات يقوم برسمه أستاذنا شرحبيل أحمد

:d:d

امبيسا بلالي
امبس ابوحرير غالي
يويو امبيسا بلالي
كل سنة وانت طيب ووامبيسا
تســــــــــــــــــــــــــــــــــــــلم

كمبووووووووووو
toundy
31-Dec-2007, 10:30 AM
هههههههههههههههههههه
ههههههههههههههههههههههههههههههههههههههه

طيب معاكم عمك تنقو ................مع الغربة .........

عمك تنقو في ساعة كربة
قال حرم طلقت الغربة

سلام يا كفيل سلام يا اقامة
اعيش في امدر مرفوع القامه

لا اجي حج ولا بجي عمرة
ومافي جواز اخير بالمرة

نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب

ربط الفيديو معاهو الدش
وقال حرمت اعيش في غش

دفع الجمرك كم مليون
وعمك وشو بقي كم لون

قال يا بلدنا حنينة زمان
اية الحاصل في السودان ؟؟

رهن البيت ونزل السوق
وقال حيتاجر في الطايووق

وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز

وبي نص حركة وبنك البركة
عمك لاص وضرب الربكة

وقال انا بس عاوز راس مالي
عشان بالمبلغ اربي عيالي

وعمك دار ما خلا بصيرة
وكان في اول صف تاشيرة

قال يا نفط وسلام يا سلام
تكون القصة كلام في كلام

تســــــــــــــــــــــــــلمي كتير يا الغالية لبنى
كل سنة وانتي طيبة
بالمناسبة في عضو حبيبنا معانا هنا اسمو عمك تنقو
له كل الحب والترحيب
كمبووووووووووو
عماد ساتي
31-Dec-2007, 10:46 AM
يا جماعة نسيتوا زوجته العازه واللا شنو ؟؟؟

تحياتي
امبيسا
31-Dec-2007, 12:42 PM
مشكور يا حبيبنا والله يديك العافية
alnagm11
07-Mar-2009, 11:47 PM
مشكورين شباب كانت أيام

عمو التنقو

تحياتى alnagm11
سمار النيل
09-Mar-2009, 10:17 PM
عم التنقو بقي غسال
شد الشارع كلو حبال
وقال الدسته كمان بريال

غسل الصوف لمن كشه
وعند المكوه كمان اتشه
---------------------------
عمك تنقو بقى حلاق
يسن الموس في عضم الساق
عاوز يكسب زيادة سمعة
بقى خصيص في زيادة الصلعة
وبالورنيش يديها لمعة
-------------------------------
عم التنقو شخصية كاركاتيرية في مجلة الصبيات يقوم برسمه أستاذنا شرحبيل أحمد

:d:d

يا امبيسا الصورة جميلة جدا والتعليق اجمل تسلم