شرف زعلان منى .............

[النور معنى النور]

يوم الخميس .... فجأة قال لى حامد غثمان انو شرف الدين محمد الحسن زعلان منك زعل شديد وداير يطرشق !!!!!!!!!!!! ( مامتاكد هل فعلا قال داير يطرشق ولا دى زيادة من عندى ؟ هههه ) ......

بعد شوية وبعد ان تاكد حامد انو القنبلة بتاعتو جابت مفعول كويس اذا به يفجر عدة قنابل متتالية : فلان زعلان ... فلان حردان ... احرجت دة .... ما سلفت دة ... ما سقت معاك فلان قندهار ... الخ .....

طبعا لمن ليس هو قريب منه فان الاخ حامد بتاع بلنتيات وقنابل اخوانية ( مع الاصدقاء بس ) .... لكن النصيحة برجع عنها سريع .......بعدين .... هو ما بستحمل ردود الاصدقاء بالمثل .... بيتجرس جرس .... هههههههههههه



اها يا جماعة فى زول تانى زعلان غير شرف ؟؟؟

ثم ياخى افرض شرف زعل ..... على الاقل نشوف انفعالاتو الجمالية وموسيقاهو الداخلية ......هههههههههههه

لكن يا حامد صحى جد كدة : انت قلت لى داير يطرشق ... ولا ح يطرشق ... ولا طرشق خلاص ؟؟؟؟؟؟؟

[هيثم عبد اللطيف]

من خلال معرفتي البسيطة ومن خلال المنتدي استطيع ان اؤكد لك بان الاخ شرف انسان يتحمل المزاح بكل روح رياضية لاكن احتمال كبير يكون في واحد عمل فيك مقلب

[شرف محمد الحسن]

ثم ياخى افرض شرف زعل ..... على الاقل نشوف انفعالاتو الجمالية وموسيقاهو الداخلية ......هههههههههههه


أيوووووووووووه يا معني ... زعلان وعايز أطرشق ..
و ما دام جبتها لهنا ، نخلي ناس المنتدى يحكموا :
يا جماعة : معني دا عزمني عيزمومة خاصة ومعاي الأسرة ، لمطعم فخم خمسة نجوم ،، ومن يومها وانا منتظر يوم العشاء دا ،، باكل زبادي بس ، وبشرب سفن اب ،
و هجرت اللحمة تماما استعدادا لعيزومة معني ..
وجاتني دعوة تانية كاربة جداً ،، فوتّها عشان وعد معني ..
تخيلوا الحصل شنوا ؟؟؟
صاحبنا دق طناش وعامل فيها ( أوكامبو) لا بيسمع ولا بشوف ..
وناس البيت كرهوني بيوم النقه ( أقصد الدعوة ) ..
ولما واجهت معني قال شنو : أنا فعلاً عازمكم لكن الحساب عليك .. تخيلوا ..
أنا قلت ليكم وأي حكم علي او على معني انا موافق ..

...

أها يا هيثم ورينا حمكم بعد ما عرفت ..

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
انا من قريت عنوان البوست بره قلت الليله !!!!!!!!!!!!!!
شرف منو ده يا ربى ده الزعلان يكونشى شرف والاسد !!!!!!!!!!!!!؟؟؟؟؟؟؟؟؟؟؟؟؟؟
طبعا ما ختر ولا مشى الهوينى فى بالى الرايح بفعل سخونة الجيب والجو بتاتا بتاتيتا
انو ده شرف محمد الحسن !!!!!!!!!!!!!!
لكن لما لقيت اسم النور معنى وحامد عثمان
قلت ده شرف اخونا.
وطيب يا ربى الزعلو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دى قوية وبما انى بطلت التدخين والقهوة بالليل ....
اعمل ايه رحت شارب كوز مويه كارب من الحجم العائلى ..........
طيب يا النور اوع يكون حامد قال انا زعلان ولا حاجة ..؟؟؟؟؟
ياخ حمد ا لله على السلامة .
واها يا شرف العشاء طبعا وطار كرامة النور ما عملها ؟؟؟؟؟؟؟؟؟؟؟؟؟؟؟؟
تعال لى بجاى انا بوريك مواعيد الكرامة متين وانا ماشى معاهو اعزل ليهو الخروف ..
اوع يقول ليك الهادى داير يمقلبكم وكده هو قال لى انو حيقول كده لو انا كلمت الناس ..
قال شنو ما داير يتعب الناس معاهو والنصيحة لله هو جد ما بحب يتعب الناس حتى لمن لازم السرير الابيض خش المنتدى تانى يوم عشان يطمئن الناس ..
لكن يا شرف انت لو تعتبت ولا ما تعبت بوريك بس لمن نتلاقى .

[ابومرام]

شنو يا النور شرف زعلان منى والشريف مبسوط منى عشان انا بريد فنى (مغ الاعتذار لندى القلعة) الزعلانيين كتار والمبسوطين اكتر فقط اكثر من الدعاء حتى يغفر الله لك الله





انت كان زعلان انا ما بزعل وانت كان مبسوط يا سيدى بالاكتر

[وائل محمد الحسن]

أيوووووووووووه يا معني ... زعلان وعايز أطرشق ..
و ما دام جبتها لهنا ، نخلي ناس المنتدى يحكموا :
يا جماعة : معني دا عزمني عيزمومة خاصة ومعاي الأسرة ، لمطعم فخم خمسة نجوم ،، ومن يومها وانا منتظر يوم العشاء دا ،، باكل زبادي بس ، وبشرب سفن اب ،
و هجرت اللحمة تماما استعدادا لعيزومة معني ..
وجاتني دعوة تانية كاربة جداً ،، فوتّها عشان وعد معني ..
تخيلوا الحصل شنوا ؟؟؟
صاحبنا دق طناش وعامل فيها ( أوكامبو) لا بيسمع ولا بشوف ..
وناس البيت كرهوني بيوم النقه ( أقصد الدعوة ) ..
ولما واجهت معني قال شنو : أنا فعلاً عازمكم لكن الحساب عليك .. تخيلوا ..
أنا قلت ليكم وأي حكم علي او على معني انا موافق ..

...

أها يا هيثم ورينا حمكم بعد ما عرفت ..

ياخي حرام عليك ياشرف الزول ماتزنقو خلي القطعة تنزل

ولو زاغ وما اظن ابقي اتكلم

[مامون مهنا]

هو شرف براااااااااااااااااااااااهـــــــــــــــو الزعلاااااااااااااااااااااااااان ما كتااااااااااااااااااااااااار :yes::yes::yes:

[شرف محمد الحسن]

هو شرف براااااااااااااااااااااااهـــــــــــــــو الزعلاااااااااااااااااااااااااان ما كتااااااااااااااااااااااااار :yes::yes::yes:

قول إثنين يا معني ....

[النور معنى النور]

من خلال معرفتي البسيطة ومن خلال المنتدي استطيع ان اؤكد لك بان الاخ شرف انسان يتحمل المزاح بكل روح رياضية لاكن احتمال كبير يكون في واحد عمل فيك مقلب

يا ربى يكون الغمل فينى مقلب منو يا ابو الهاء ؟
اوع يكون اولو حاء ؟
ولا يمكن ماء ؟ ماء ناء ياء راء ؟
يا ربى ؟؟؟؟؟؟؟؟؟؟؟؟؟


لا ههههههههههههه ولا حاجة ....











ههههههههههههههههههههههههههههههههههههههههههههه

[النور معنى النور]

قول إثنين يا معني ....

الاول ماو .... التانى منو يا ود ( فارس ) ؟؟
غايتو ماو دة بطنو غرييييييييييييييييييييييقة ..... هههههههههههه

[النور معنى النور]

ياخي حرام عليك ياشرف الزول ماتزنقو خلي القطعة تنزل

ولو زاغ وما اظن ابقي اتكلم



القطعة ياتا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[النور معنى النور]

شنو يا النور شرف زعلان منى والشريف مبسوط منى عشان انا بريد فنى (مغ الاعتذار لندى القلعة) الزعلانيين كتار والمبسوطين اكتر فقط اكثر من الدعاء حتى يغفر الله لك الله





انت كان زعلان انا ما بزعل وانت كان مبسوط يا سيدى بالاكتر



انتو بت لندن باعت الاغنية دى لندى القلعة بتين ؟؟؟؟

شكرا شريف على المرور اللطيف .....

[النور معنى النور]

بسم الله الرحمن الرحيم اللهم صل على محمد وعلى آله وصحبه أجمعين
انا من قريت عنوان البوست بره قلت الليله !!!!!!!!!!!!!!
شرف منو ده يا ربى ده الزعلان يكونشى شرف والاسد !!!!!!!!!!!!!؟؟؟؟؟؟؟؟؟؟؟؟؟؟
طبعا ما ختر ولا مشى الهوينى فى بالى الرايح بفعل سخونة الجيب والجو بتاتا بتاتيتا
انو ده شرف محمد الحسن !!!!!!!!!!!!!!
لكن لما لقيت اسم النور معنى وحامد عثمان
قلت ده شرف اخونا.
وطيب يا ربى الزعلو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دى قوية وبما انى بطلت التدخين والقهوة بالليل ....
اعمل ايه رحت شارب كوز مويه كارب من الحجم العائلى ..........
طيب يا النور اوع يكون حامد قال انا زعلان ولا حاجة ..؟؟؟؟؟
ياخ حمد ا لله على السلامة .
واها يا شرف العشاء طبعا وطار كرامة النور ما عملها ؟؟؟؟؟؟؟؟؟؟؟؟؟؟؟؟
تعال لى بجاى انا بوريك مواعيد الكرامة متين وانا ماشى معاهو اعزل ليهو الخروف ..
اوع يقول ليك الهادى داير يمقلبكم وكده هو قال لى انو حيقول كده لو انا كلمت الناس ..
قال شنو ما داير يتعب الناس معاهو والنصيحة لله هو جد ما بحب يتعب الناس حتى لمن لازم السرير الابيض خش المنتدى تانى يوم عشان يطمئن الناس ..
لكن يا شرف انت لو تعتبت ولا ما تعبت بوريك بس لمن نتلاقى .


شوفوا يا جماعة الهادى دة بيهابش كيف ؟
داير يخلينا نهيج ونولع تانى بعدما اعتزلنا وروقنا بعد ضغط الدم الجابو لينا المرحوم منير المدير العام لشركة الطوب .......

اها انا ح اعمل نفسى ما فاهم حاجة لحدى الناس ما تشارك فى الاستطلاع حول الهزار ........اوكى ؟؟

[النور معنى النور]

أيوووووووووووه يا معني ... زعلان وعايز أطرشق ..
و ما دام جبتها لهنا ، نخلي ناس المنتدى يحكموا :
يا جماعة : معني دا عزمني عيزمومة خاصة ومعاي الأسرة ، لمطعم فخم خمسة نجوم ،، ومن يومها وانا منتظر يوم العشاء دا ،، باكل زبادي بس ، وبشرب سفن اب ،
و هجرت اللحمة تماما استعدادا لعيزومة معني ..
وجاتني دعوة تانية كاربة جداً ،، فوتّها عشان وعد معني ..
تخيلوا الحصل شنوا ؟؟؟
صاحبنا دق طناش وعامل فيها ( أوكامبو) لا بيسمع ولا بشوف ..
وناس البيت كرهوني بيوم النقه ( أقصد الدعوة ) ..
ولما واجهت معني قال شنو : أنا فعلاً عازمكم لكن الحساب عليك .. تخيلوا ..
أنا قلت ليكم وأي حكم علي او على معني انا موافق ..

...

أها يا هيثم ورينا حمكم بعد ما عرفت ..

بهدؤ شديد وبنفس برودة اعصابك - يا من لم تحتقل بيوم المراة العالمى ولم تعط اختنا وشريكتك حقها من التكريم والتقدير - بهدؤ شديد احسب الكلمات الدلالية التى تشير الى الطعام والاكل فى كلامك اعلاه فاجده كثيرا جدا ومهول ..... معقووووووووووووول ..... معقول انت شرف انت ؟؟؟؟ لا اصدق !!!

انظر معى :

عزمني
عيزمومة
لمطعم فخم
خمسة نجوم ( وليس اى مطغم !!!! )
يوم العشاء
باكل
زبادي بس
وبشرب
سفن اب ( رغم انها امريكية ....... بالله دى مش عمالة ؟ ويكتبها كمان؟ )
اللحمة
لعيزومة معني
وجاتني دعوة تانية ( يا الهى ؟ )
وعد معني

وناس البيت كرهوني بيوم النقه ( أقصد الدعوة ) : ( لم يكتف بنفسه بل كل الاسرة !!! )
عازمكم



هذا ويقود تحليلنا لمضمون خطاب السيد شرق الدين الى انه استخدم عبارات قوية الدلالة لضمان وصول رسالته باقوى درجة ..... مثل قوله :


أيوووووووووووه .... ( تعبير قوى يدل على العطش الشديد للماء البارد )

... زعلان وعايز أطرشق .. ( عديييييييييل كدة )

يا جماعة : ..... ( هنا يخاطب الجماعة يخاطب ضمير الامة الجمعى فى محاولة يائسة للاستقطاب )




الداير يواصل تحليل مضمون شرف ( فقط ههههههه ) يواصل .....
تعبت من الكتابة ....
ومت من الضحك

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين

كعادته دايما ما يخلط الهزر بالجد حتى لاتفهم من السياق شيئا
الم اقل لكم !!!!!!!!!!!!!!!!!!!
الهادى ده بهابش كيف ؟؟؟؟؟؟
ياجماعة انا كلمنى حامد عثمان وقال النور ناوى يعمل الكرامة .
وهو مصر انو ما يتعب الناس ولا يكلفهم !!!
ياخى ما تخليهم يتعبوا وانت لو ما تعبوا واتكلفوا ليك يتعبوا لى منو ؟؟؟؟؟؟؟؟؟؟؟؟
ونتيجة الاستطلاع على فكرة لحدى اسه 100% الناس مع الهزار ؟؟؟
لكن انا جاديكا جدا .!!!!!
وخلى بالك انا بضبح للناس ب30
لكن ليك انت مجانا .
واعزل ليك خروف يغنى عليهو الشاعر بس انت اشر وما بورى زول المواعيد متين ليك على اكلم نفر نفرين بس .
وبعد الكرامة تنتهى !!!!
قلت لى شرف مالو ؟؟؟؟؟؟؟؟؟؟؟؟؟؟؟

[النور معنى النور]

يا صديقى هدهد ... لك الود الكبير على الحيوية والتجاوب ....
ياخى الحمد لله انو الناس مع الهزار .... لكن لازم الناس ال طواااااااااااالى بيعترضوا على البوستات السخنة يخشوا يقولوا رايهم فى الاستطلاع عشان ما نعمل حاجة الناس كارهاها .... ولا شنو يا ااااااااااا المارين مرور الكرام ......؟ انت مفتح معاى يا ود جنابو احمد دفع الله ؟ ماتقول لى عرفت كيف ..... خلينى كدة بس ... انا مرتاح ....

بعدين ..................
ياخى هو منو الجاب خروف ورجعناهو ؟ ياهو المندى بتاع هيثم دفع الله ولا حاجة تانية ؟ .... ثم نحن بعد شوية ماشين نتغدى قى بيت جعفر امبدى .... لييييييييييه انا ما عارف ....؟؟؟

[النور معنى النور]

نتلاقى فى شارغ الفيل بالموردة .....
اهو شماراتك جابت ليك الكرامة لحدى عندك .... كدة حبايب ..... بعد دة مشيت ولا ما مشيت على كيفك .... غايتو دى كرامتك .... كرامتك الخايف عليها ....هههههههههههههه

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
تحية بحجم عيزومتك لشرف اخى النور و بعد؟؟؟؟؟؟؟؟؟؟؟؟؟؟؟
اخوتى
فى محاولة يائسة منه النور يخطب ودى بالاشارة لمعرفته بالمرحوم والدى

ويضرب على الحديد وهو سخن .!!!!!!!!!!!
ووالدى رحمه الله حين يذكر اسمه امامى تنحنى نفسى وقلبى قبل جسمى اجلالا لذكره كيف لا ورضا الله فى رضاه .؟؟؟؟؟؟؟؟؟؟؟؟؟؟؟؟؟!!!!!!!!!!!
دى مرقت منها يالنور بس ما تعول كتير على الحتة دى انا عندى محاور تانية بواصل بيها ......
هاك اخر الاخبار
قالو بيتنا ماشى دارفور .
وتحية وتحيات لجعفر امبدى صاحب الرقم الاوفر حظا بين كل من تعرفهم

وبرضو راجل عند كلمتو .....
ما زى ناس حامد عثمان ....

[شرف محمد الحسن]

=النور معنى النور;

بهدؤ شديد وبنفس برودة اعصابك -

شاهدين يا جماعة ،، قال أنا - باااااااارد - والدليل أهو مكتوبة ...
تعال أمسحها ( عارفك بتعملها ) ...
عرفتوا منو البيعمل المشاكل ....

يايا من لم تحتقل بيوم المراة العالمى ولم تعط اختنا وشريكتك حقها من التكريم والتقدير -

جاي تصطاد في المويه العكره ، وانت طالع فوق السماء ومقابل كوبري توتي ،،
إعلم أنني بحتفل بيوم المرأة كل يوم وكل ساعة وكل لحظة ،، لأنها تاج رأسنا و هبة الخالق العظيمة ، وشريكة الحياة ..
مُش زي ناس بيتذكروه مره واحده في السنة ، أو كان ضغطته ارتفع و ما وجد زول ينزله ليهو زي مرأته فيتذكر المناسبه ..
( قال اليوم العالمي قال ) ،، طيب وين اليوم العالمي دا من برنامج بيتنا ،، ما كان تعطو كل النساء اجازة اسبوع بمناسبة اليوم العالمي للمرأة ... عالم تكتب ما تختشي !!!!!!!!!!

معقووووووووووووول ..... معقول انت شرف انت ؟؟؟؟ لا اصدق !!!

مالك ما شايفني نسيت النظارة ، ولا عايز تنسى وعودك الفشنك ...

انظر معى :

أها اها ،، جينا للاستعطاف وكسب الناس ،،،

يا جماعة : ..... ( هنا يخاطب الجماعة يخاطب ضمير الامة الجمعى فى محاولة يائسة للاستقطاب )

لأن الناس ديل هم نبضنا البنمشي بيهو ، موش البتمشوا عليه ،،،

تعبت من الكتابة ....

ما قلتوا ( .... ) شد حيلك شويه ...

ومت من الضحك
[COLOR="Navy"]الحمد لله الذي أخرج من سواد حبر شرف ما يظهر بياض نواجذ النور معني ...

وأسأل الله أن يُخرج من جيبه ما يوفي به وعده الذي وعده ،، وكمان الموبايل الهديه القال حجيبها لي ..... قولوا آميييييييييييييييييييييييين

نسيت حاجة تاني ،،،
ولا خليها بعدين ، هسي يسلم الموبايل و يعمل الدعوة ...

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين

ندمت ندامة الكسعى لما عزمت وما مشيت الى العزومة
قرضت اصابعى ندما واسفا على انى اكثرت الخصومة
ولما كنت قد لاقيت جعفر وعلمت بدقستى صرت محموما
خرجت الى الشوارع فى خيالى امزق من ندامتى الهدوما
ولكن يا معنى لست ارضى اذا مالم تقاسمنى الهموما
وتحكى لى بتفصيل ممل بذات النهج كيف قضيت يوما
وتزداد الندامة فى جرابى وتختال العيون لكى تنوما
واوقن اننى ضيعت عمرى لانى لم اصدق بالعزومة