شعر حلمنتيشي مضحك

[ود الفحل]

آه
آه علي قلبي وعلي أملاً حملتو دهور
قطعت بحور
سواد الليل علي ليلين
صبرت كتير و راجي النور
يا قطعة البلور
يا رنة الطنبور
يا سستر بنات الحور
يا صاحبة مسز شنتور
ويا قصبة جروف اهلي
عليك إسم الله يا حاكم علي ما تجور
-----
شفتك يوم عجبتيني
قلت اقول أنا الفي أولي داير اخطب
ده ما معقول !!
بقيت ساكت و فرحان بيكي
احدث زول و أدس من زول
دا عادا حبا أصيل و عريق
لف و دار عليهو الحول
لكن صحيح الدنيا ما بتصفي و تروق للزول
لو ربطوا المعاك محلول
أتقدم و اتراجع و اتردد
لمن حصل محصول
إتمحن وقف
فكر مشلول قليبي المكيل بالملح مكيول

--------

يا لينة يا شتلة فريع البان
يا املا بنيتو عليك و عشت زمان
أفكر فيهو لمن بان
بقيت للحسرة و الآهات
يا درة دامر المجذوب
يا زينة الطالبات و يا امل السنين الفات
ويا طفلي الرضيع المات
إتحسرت اتبهدلت ما خليت
ودمع العين نزل
وكت قات لي oh too late !!
ضيعني الدكتور عشا البايتات
وعاد خطبوكي لزولا عريض و كبير
وعلمو كتير و لابس ليهو نظارات
عربيتو تسوي حي وا ليل
وحافظ الكيميا في راسو
و حاكي أشنابو نص رباط
و عاد شغال و حالتو كويسة باني البيت
رضيتو بيهو طوالي
و ما قولتيلو oh too late !!

------

بعد الحصل قات لي : يا مولانا ادعو لينا معاك
يجازيك الله يا فلانة !
زماني و فات و دايراني اجيب أبريقي و أتوضا
و أفرش الفروة و اتمسكن و أصنقر ليكي للدعوات ؟
زمان ما كنت بدعو ليك و افكر فيك
لكن الليلة بدعو عليك
بركة البغدادي ود جابر و كية فيكي يا فلانة
أبوك لا يرضي لا يخاطر
ومما تجيبي شوط الخطبة في خشمك
يعاين ليك و يحمر فيك يتكربن
يشيل كرباجو يتكرب
ويمسكك من طريف التوب
طرفو الطويل نازل حدا العرقوب
و أمك عاد تقول حي ووب
و تتعارض
سجمنا الليلة يا أبو فلانة !!
يقول ليها يا فلانة
كان عارضتيني طلقانة
تقولو لا لا خليتك براك زعلان
و تقعد تج و يجرك كر علي الديوان
وتصرخي جآك بلا خجلة التقول شيطان
لامن يسمعوا الجيران ينطوا الحوش يدقوا الباب
ويطانش تقول طرشان
يكسروا الباب يدخلوا عليه
يقول ليهم : حلفت يمين البصلني قريب هدي السكين !
يزحوا بعيد يختوا الخمسة في الإتنين
وتسمع جيت و تسمع واي و يا با كفاي عليك الله !
وتسمع جو و تسمع حي و حي حي حي و حي حي ووب !
وتسمع جيت و تسمع واي و يا با كفاي
وتسمع جو و تسمع حي و حي حي ووب !
وتسمع جيت و تسمع واي
وتسمع جو و تسمع حي
وتسمع جيت وتسمع جو ديميعاتك يصبن جو
و أمك برة تنبح هو!!
وقت ينقطع سوطو و تفتري تب
يملص ليكي مركوبو
يقول فيك كب
يمسكك طب
و يكفتك طاخ
ويكنكش فيك
يخنقك خنقة بت الكلب!

[خالد النو]

السادة منظمى ومرتادى المنتدى تحية طيبة
سعيد جدا بان اكون صديق للمنتدى العامر بكم
تقبلو فائق شكرى واحترامى
خالد النو
مصور / التلفزيون القومى

[ود الفحل]

نرحب بيك ياسيد خالد وفرصة سعيدة وبلغ بالله تحياتنا لأبن كومى الدكتور حمزة عوض الله عباس .. وكل الفريق العامل ..لكم جميعاً ألف مليون تحية وسلام ..
أخوك ود الفحل
أعتقد أنت حضرت الحلقة اللي أتقالت فيها القصيدة من شاعرها نفسه..

[اللاعب الماهر]

لاكن والله الشعر حلو ابدعت فيو ممكن تكتب تاني

[الكردفاني]

هاهاهاهاهاهاها أهو ده الحب ولا بلاش!
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[بت البلد]

ابدااااع ودالفحل تسلم كتييييييييييييييييييييييييييييير .................

[ود الفحل]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة بت البلد[فقط الأعضاء المسجلين والمفعلين يمكنهم رؤية الروابط]ابدااااع ودالفحل تسلم كتييييييييييييييييييييييييييييير .................
بكل ماجاء من كلمات وبكل مااحتوته قواميس اللغة من عبارات الثناء والشكر ارفع لكي آسمى آيات الشكر والتقدير على كل حرف طرقت فيه اناملك الكريمة الكي بورد لكي يعبر عن الإعجاب بمانكتب وشكر بما نقرأ وعن نفس طيبة كريمة بداخلك فلك اختي العزيزة بنت البلد خالص الود والتقدير وخالص الدعوات بالتوفيق الدائم والنجاح وجمعنا الله وإياكم في اطيب الاوقات واسعدها في ربوع سوداننا الحبيب .
اخيكم ود الفحل
[فقط الأعضاء المسجلين والمفعلين يمكنهم رؤية الروابط]

[بت البلد]

.



الاهبي ببوشك شبعينا -------وجودي بالطعام لجائعنا
نريد لدفس البطن بوشا------نكون باكله كالمجاهدينا
ولن نرشي سواه و لو بلحم—فلسنا في اللحوم بطامعينا
اذاما لاح طيف اللحم يوما---نبحلق فوقه لااكلينا
(ننونو)كالكدايس عند لحم-----وننبح كاكلاب مشاكلينا
فيا لحما يقد الجيب قدا------كفاية مغصتك السويتا فينا
فان بطوننا يا لحم ابت------علي الافوال بعدك ان تلينا
تمطقت الخشوم لاكل بوش—تدنكل بالشطوط و الطحينا
وزغردة البطون لاكل فول---تصوت تارة و تحوط حينا
اذا ما البوش جهز فوق صحن—تخر له الاصابع ساجدينا
وتركع في نواحية الايادي -----يصوم عن الكلام (البوز) فينا
سلي عنا المطاعم في البراري ---سلي الفوال يخبرك اليقينا
بانا نورد المعدات جوعي -------و نصدرهن تخما قد كفينا
ونشرب اذا شربنا الشلي طاعما---ويشرب غيرنا كدرا و طينا
وان سوف تذكرنا السفاسف -------مدنكلة لنا و مسفسفينا
وان غدا وان اليوم اكل------------وبعد غدا نكون الاكلينا
فما شر السفاسف ام ليلي ---------اذا كانت مدنكلة تجينا
يزين صحنها بصل و توم -------وماء الجبن لاح لناظرينا
مدنكلة كان الزيت فيها----------اذا ما الماء خالطها سخينا
فاني قد خبرت الاكل دهرا------وخضت غمارة طورا و حينا
بفتيان يرون الاكل مجدا -------و شيب في الطعام مجربينا
نسفسف ما ترضي الناس عنا ---ونهجم كالاسود اذا دعينا
فبوش قد اكلت بسوق بري -----وفول قد اكلت بطور سينا
هبشت الجيب بعدها –بكيت----يرن امام صاحبة رنينا
فما حظ المفلس غير شوم ----يعيش العمر مكتئبا حزينا
اذا ما كان بالامكان يوما-----اعبي الجيب اجعله متينا
لكنت ملات هذا البطن لحما---وهامبيرقر و تفاحا و تينا
لصرت مفتل العضلات ماكن----و منتفخ الجضوم فتي سميتا
و كنت و ليس بالامكان هذا -----وكنت حسبت هذا الفول طينا
اراني قد فطمت بماء فول ----- ولسنا لبيرقر بمناسبينا
فهل عربية الجازولين تمشي ؟ اذا كبولا يوما موية

[ود الفحل]

فهل عربية الجازولين تمشي ؟ اذا كبولا يوما موية
لا طبعاً ما بتمشي يابت البلد
بس قصيدة جميله معبره عن الواقع كثير سلمت يداك وانمالك التي خطتها على الكي بورد
اخيكم ود الفحل

[ابو جعفر]

بسم الله الرحمن الرحيم

والله متعتنا يا ود الفحل بالحلمتيش ده

تشكرااات وما تقيف على كدا