قاموس الأمثال الشعبية السودانية..

[manda]

بسم الله نبدأ..

تنويه: (هذه المجموعة منقحة ولا تتعارض مع بوست الأمثال المثبت)..

المجموعة الأولى..

العترة بتصلح المشية

التور كان وقع تكتر سكاكينو

الجمل ما بشوف عوجة رقبتو

الواقعة من السما بتتلقاها الواطا

العود كان مافيه شق مابقول طق

اب سنة يضحك على اب سنتين

القفة ام اضنين بشولوها نفرين

جارك القريب ولا ود امك البعيد

النسيبة عين شمس

الصابر يعرس مرة راجل

التسوى كريت تلقاه فى جلدها

قلِ العروض جفا

الزارعه الله فى الحجر بتقوم

بال المطلقة فى الرجوع

بليلة مباشر ولا ضبيحة مكاشر

بيت الجدرى ولا بيت النقرى

الماشفتو فى بيت ابوك بخلعك

الشينة منكورة

الواضح مافاضح

العرجة لى مراحا

ــــــــــــــــــــــــــــــــ

ونواصل المجموعات التالية..

[manda]

المجموعة الثانية..

المرة بدقوها باختها

الماعندو لسان فقرى وفلسان

عيب الزاد ولا عيب سيدو

السترة والفضيحة متباريات

سيد الرايحة بفتش خشم البقرة

الببارى الجداد بوديهو الكوش

فى الوش حبايب وفى القفا دبايب

سمحة البتعرّف

الماعندو ضهر بينضرب على بطنو

الماعندها بنيه مدفونه وهى حيه

السمح سمح كان زرعوا يقوم قمح

والشين شين كان غسل وشو مرتين

الاختشو ماتو

البحر بشيل عوامو

القلم مابزيل بلم

الطول طول النخله والعقل عقل السخله

العارف عزو مستريح

ولدا ما ولدتو .. من عرقوبك إن عميت مابيقودك

المابتلحقو جدعو

والما بتلوكو بلعوا

ـــــــــــــــــــــ

ونتواصل مع مجموعات أخرى ..

[manda]

المجموعة الثالثة..


رسلوه ينادي الداية جا يوم السماية

كان دار أبوك خربت شيل ليك منها شليّة

الحسنة في الملعون زي الشرة في القندول

فى الوش حبايب وفى القفا دبايب

الراجل افجخي بصلة قبل ما يبقي اصلة

مشينا لمكة تغنينا سللت طواقينا

وجه المابيك ما بغابيك

بلدا مابلدك أمشي فيها عريان

في جاه الملوك نلوك

لسانك حصانك إن مسكتو صانك .. وإن طلقتو هانك

الما بعـرف ما بدوهُو يغـرف

الغايب عذرو معاهو

سمح القول في خشم سيدو.

لا بطقّـع ولا بجيب الحجـــار .

الحبل بنقطع محل رقييق

التسوي بايدك يغلب اجاويدك

البيلدا المحن لابد يلولي صغارن

تمر الفكي..السيدو شايلو و مشتهي

الداير تهري اسكت خلي

الغلبها راجلها جات تأدب حامها


ــــــــــــــــــــــــــ

ونتابع البقية ..

[manda]

المجموعة الرابعة ..



اكل البعجبك والبس البعجب الناس

المايهدي الكريم تعبان

الما بدورك في الظلام يحدر لك

بورة مجيهة ولا عرسة مجهجهة (بدون تعليق)

إيد على إيد ..بتجدع بعيد

لالوب بلدنا ..ولا تمر الناس

الفاتك ..فـوتو

القـلِب إن غـاب..الجِـتـّة بالخـراب

المفارق عينو قوية

الإيد الواحدة ما بتصفق

الفُـقرا اتقاسـموا النبـقة

سهَر الجداد ولا نومو

ضربني بكى سبقني اشتكى

السواي مو حداث

نوم الظالم عبادة

حوا والدة

ود الوز عوام

اكفي القدره علي فمها تطلع البنت لامها

السّمـِح مُـوْ أكـّـال

الصدق إن ما نجّـاك ..الكضب ما بحلك


ــــــــــــــــــــــــــ


ونتواصل احبتي ..

[manda]

المجموعة الخامسة ..


خادم الفكى مجبورة على الصلاة

علمناهم الشحده سبقونا على الابواب

الضايق قرصت الدبيب يخاف من جر الحبل

ضل الدليب رماى بعيد

حليمه رجعت لى قديمه

كان جريت جري الوحوش غير رزقك ما بتحوش

اتنين كان قالوا ليك اضانك مافى اهبشها

الزارعه الله فى الحجر بتقوم

المريسه ما بتلقى شرابا

جابوا فزع بقى وجع

المفقوع يبكي برا دموع

الباع بلادو اخيرلو النجعه بي اولادو

منعوها من الزواعة باتت بره


ــــــــــــــــــــــــــــــــ


ولكم أجمل تحياي احبتي ..


ما خلصت الأمثال لكن بنجيكم بالباقي منها..

[ابواحمد]

تسلم اخي وان توثق للامثال الشعبيه ...:yes::jap::smile:

[الق المعانى]

مشكور علي المجهود العظيم اخي ماندا والماعندو كبير يشتري ليهو كبير والنسى قديمو تاه

[manda]

التحية لكم أحبتي ..

أبو أحمد .. نائبنا العظيم..

لك التجلة أخي وسعدت بمرورك ..

ـــــــــــــــــــــــــــــــ


ألق المعاني ..

تشكري وتكرمي على الثناء.. والنسى قديمة تاه..

فعلاً .. تاه..

سعد بمروركم..

[manda]

وين الناس..

الأمثال دي حا نفرد ليها مساحة لنتعرف عليه عن قرب..

وبعمق..

[عاشقه امدرمان]

ماندا الحاضر في كل الاقسام مشاءالله
تقبل مروري
وكل الشكر وفي انتظارك

[manda]

تسلمي عاشقة .. ولك الودو..

سنحاول أن نقدم الجديد..

[piano man]

ياسلاااام اخي ماندا
تسلم علي البوست القيم ومنتظرين المزيد من روائعك
تقبل مروري
تحياتي
piano man

[هيثم عبد اللطيف]

تشكر اخي ماندا علي البوست الجميل والمفيد والرائع
الزارعه الله فى الحجر بتقوم

[مزاجيه]

طــــــرح جميــــــل ورآئـــع والله ..
واستمتعــــت فعـــــلآ بقرآءت الامثــآل ..
يديــــــــــك ربــــي العــآفيــــه .. وبإنتظــآآآر المزيــــد والقـــــآدم ..

[manda]

ياسلاااام اخي ماندا
تسلم علي البوست القيم ومنتظرين المزيد من روائعك
تقبل مروري
تحياتي
piano man

تسلم بياو مان.

ولك التحية والتقدير ..

لو لا جهودكم لما توصلنا إلى هذه المرحلة..

سعدت بمرورك..

[manda]

تشكر اخي ماندا علي البوست الجميل والمفيد والرائع
الزارعه الله فى الحجر بتقوم

اشكرك اخي يثم يا رائع..
سلمت يمناك.

وربنا ما يحرمنا طلتك..

[manda]

طــــــرح جميــــــل ورآئـــع والله ..
واستمتعــــت فعـــــلآ بقرآءت الامثــآل ..
يديــــــــــك ربــــي العــآفيــــه .. وبإنتظــآآآر المزيــــد والقـــــآدم ..

تسلمي مزاجيه ..

سعدت بملامستك هذا البوست..

وسعدت اكثر باستمتاعك الثر والجميل..

[manda]

الاستمتاع بكل ما يحكييه لنا مثلنا التراثي السوداني ..

والجمال في أمثالنا السوانية الكثيرة..

[manda]

رفع هذا البوست لكي نتعرف أكثر على امثالنا السودانية عن قرب..

ولكم ودي احبتي ..

متمنى لكم متعة حقيقية مع أمثالنا..

[معروف اوشي]

جميل اخي ماندا هذا التوثيق التجميعي لامثالنا
الجميلة رشيقة اللفظ و عميقة المعني و قوية الدلالة
و المثقلة بالعبرة و الحكمة ..



نكشة :

على اي اسس جمعت هذه الامثال علي مجموعات ؟!! .. هل كل مجموعة
ذات علاقات معينة ببعضها البعض .. ؟!!

( عليك النبي ترد علي بشكل واااااااااااااااااااااضح .. سمح ؟!! :arf: )

[الكردفاني]

[فقط الأعضاء المسجلين والمفعلين يمكنهم رؤية الروابط]
ماندا

[manda]

نعم الحال يا أحباب..

وين الناس الحلوين..

محتاجين مزيداً من الأمثال العريقة..

مودتي ..

رفع هذا البوست لنتعرف علن قرب لهذه الأمثال..

مودتي..

[تيسير محمد حسين]

تسلم ماندا على البوست الرائع وانت تذكرنا بالقديم نقول
(من نسى قديمو تاااه )

[manda]

تسلم ماندا على البوست الرائع وانت تذكرنا بالقديم نقول
(من نسى قديمو تاااه )

بوركتي اي تيسير..

لكن صحي في مثل بقول ..

قوقيغ القعونج ما بزيد العوم غرق..

دي حوبتي نسرين المفلهمة..

لكن على قول المثل الجايا من السماء بتتلقاها الواطة..

والجمرة بتحرق الواطيها..

والنار بتلدي الرماد..



وكتير بنعشق ..

بس محال نكمل العشق التراثي السوداني..

[ابواحمد]

ايد علي ايد بتجدع بعيد ......
:yes::yes::yes:

[manda]

ايد علي ايد بتجدع بعيد ......
:yes::yes::yes:

تشكر كتير يا رائع..

عسى أن اجيد .. فن من فنونك يا راقي..

[ابواحمد]

رفع هذا البوست لكي نتعرف أكثر على امثالنا السودانية عن قرب..

ولكم ودي احبتي ..

متمنى لكم متعة حقيقية مع أمثالنا..

ونحن نتمني للجميع الاستفاده والزياده ما امكن .........

[الكردفاني]

ركـــــاب سرجيـــــن وقيــــــــــع!

[manda]

سنخوض التجربة مرة أخرى..

عسى ولعل أن نبارك وجود الاحباب بيننا

مزيداً من الأمثال..

[حمامة المدينة]

المحترم ماندا لك الشكر وانت تتحفنا بهذه التحف الرائعة
اول شئ في امثال انا ما فاهماها اشرح لي معناها:
الباع بلادو اخيرلو النجعه بي اولادو ... و منعوها من الزواعة باتت بره
بدون تعليق : ما لقيت زول يشرحها لي
وبعدين: الفُـقرا اتقاسـموا النبـقة : بيني وبينك النبق كان قدر التفاح و البطيخ ولا شنو!!!
ومني : الكلام لك واسمعي يا جاره

[manda]

تسلمي حمامة..

التقدير لك أولاً وثانياً .. فحو ما اطلعتي عليه ..

قد يكون هنا أناس افقه مني فيه..

وارشح لك مجموع ليس بأعرف منهم وهم أصحاب تجارب فريدة وتفاسير واضحة..

وهم :

الكردفاني ..

أبو نون..

هند عثمان..

أبو هبة.. (اديب الأسمر)..

أبو عبد الحفيظ..

وأخرون ربما سقطت اسمائهم عفواً..


ولك ودي..

واحترامي ..

ومودتي..

[الكردفاني]

تسلمي حمامة..
التقدير لك أولاً وثانياً .. فحو ما اطلعتي عليه ..
قد يكون هنا أناس افقه مني فيه..
وارشح لك مجموع ليس بأعرف منهم وهم أصحاب تجارب فريدة وتفاسير واضحة..
وهم :
الكردفاني ..
أبو نون..
هند عثمان..
أبو هبة.. (اديب الأسمر)..
أبو عبد الحفيظ..
وأخرون ربما سقطت اسمائهم عفواً..
ولك ودي..
واحترامي ..
ومودتي..



ولك الود والتقدير اخي الغالي مانــــــــــــــــــــــــــدا.
مودتي

[حمامة المدينة]

[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط]المشاركة الأصلية كتبت بواسطة الكردفاني[فقط الأعضاء المسجلين والمفعلين يمكنهم رؤية الروابط]
ولك الود والتقدير اخي الغالي مانــــــــــــــــــــــــــدا.
مودتي
[فقط الأعضاء المسجلين والمفعلين يمكنهم رؤية الروابط]



ياكردفاني شنو دخلت سلمت واتخارجت ؟
انت اول زول ماندا رشحك للإجابة ... ودخلت وطلعت !!!!
طيب جاوب على سؤالي شنو خاليني زي الاطرش في الزفة

[manda]

جاوبوها يا ناس..

الكردفاني.. وين ليك زمن ما بنتا..

مودتي..

[بت الشيخ]

امثـالنا السودانية التي تنـطق حـكم ومـواعظ ,,,كن بخير سيدي.

[manda]

امثـالنا السودانية التي تنـطق حـكم ومـواعظ ,,,كن بخير سيدي.

تكرمي ستي..

ولك التقدير كله..

مع خالص مودتي..

[ابوبكر وديدى]

جهد مقدر اخي manda كما عودتنا
دائما ! مختارات رائعة من الامثال
الشعبية السودانية • وهذا الجانب
من ثقافات الشعوب ( الحكم والامثال
الشعبية) يحظى باهتمام خاص من قبل
مراكز البحث المتخصصة اذ تعكس
نمط التفكير الجماعى
نظرة كل شعب وأمة الى الظواهر
والقضايا الاجتماعية وغير ذلك من
الامور !
وبهذا الصددانتهز فرصة هذا
البوست التوثيقي
الجميل لاشير الى مجلة
(تراث الشرق)
العلميةالتى تصدر مرتين فى العام
فى مدينة( سان بطرسبورغ) الروسية
من فبل معهد الثقافات الشرقية ، اذ
نشرت فى عددها الاخير ادناه مقالة
[فقط الأعضاء المسجلين والمفعلين يمكنهم رؤية الروابط]
بقلم البروفسور غيراسيموف عنوانها
(الأمثال السودانية الشعبية) !
لك جزيل الشكر والتقدير اخى ماندا •
• تحياتى •

[manda]

جهد مقدر اخي manda كما عودتنا
دائما ! مختارات رائعة من الامثال
الشعبية السودانية • وهذا الجانب
من ثقافات الشعوب ( الحكم والامثال
الشعبية) يحظى باهتمام خاص من قبل
مراكز البحث المتخصصة اذ تعكس
نمط التفكير الجماعى
نظرة كل شعب وأمة الى الظواهر
والقضايا الاجتماعية وغير ذلك من
الامور !
وبهذا الصددانتهز فرصة هذا
البوست التوثيقي
الجميل لاشير الى مجلة
(تراث الشرق)
العلميةالتى تصدر مرتين فى العام
فى مدينة( سان بطرسبورغ) الروسية
من فبل معهد الثقافات الشرقية ، اذ
نشرت فى عددها الاخير ادناه مقالة
[فقط الأعضاء المسجلين والمفعلين يمكنهم رؤية الروابط]
بقلم البروفسور غيراسيموف عنوانها
(الأمثال السودانية الشعبية) !
لك جزيل الشكر والتقدير اخى ماندا •
• تحياتى •


اشكرك بشدة أخي الغالي وديدي,,

كما عودتنا دائماً.. أن تأتينا بالجديد..

وتبلغنا أخبار بلادنا عند الروس..

فهم شعب يوثق لكل ما هو فريد بخاصة في السودان..

فالتحية لك ولهم وللكاتب الرائع / البروفسور غيراسيموف ..


التقدير لك ولكل الأحباب..

مودتي..

[manda]

حبيبنا الغالي أبو بكر وديدي..

لك ايات من الجمال..

افتقدناك كثيراً..

اتحفنا بما هو جديد وفريد..


لنرفع هذا البوست لكي نرى التجديد ونتعرف على المزيد..


مودتي..