عملية جرد لبيتنا

[وائل محمد الحسن]

ايام ويمر علي برنامج بيتنا ثلاثة اشهر بالتمام والكمال وقد تتبادر الي اذهان البعض

مجموعة من الاسئلة التي تحتاج للاجابة من كل سكان بيتنا داخل التلفزيون وايضا

خارج التلفزيون وهم السكان الاهم والشريحة المميزة يعني عندها حق الفيتو

اها نبدا عملية الجرد في يوم الاول من ابريل اها رايكم شنو ؟؟؟؟؟؟؟؟؟؟؟

[رجاء داؤد]

كلام جميل وائل ... ياريت يكون الجرد دا استبيان يعد من قبل الدعم الفني للمنتدى يكون التصويت لغير العاملين بالبرنامج ... وكان علينا نحن عارفين كل إيجابيات البرنامج وبنعمل ليل ونهار على تحاشي السلبيات .. ولذلك نحنا محتاجين لوجهة نظر المشاهد المحايد

[وائل محمد الحسن]

تسلمي رجاء علي المرور

اين الباقين ؟؟؟؟؟؟؟؟؟؟؟؟؟؟؟؟؟؟؟

[الريح محمد]

موجودين ....... الفكرة جيدة ومراجعة الدفاتر مهمة لتحقيق الاستمرارية
ربنا يديك العافية اخي وائل

[شرف محمد الحسن]

بمناسبة الجرد في ( بيتنا )
ما تحسبو كمبيوتر ( النور معني ) معاكم ..
سمعنا قالوا معطل ( عشان كدا ما بخش كومي )

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
الاخوة فى فريق انتاج واعداد وتقديم برنامج بيتنا
تحية واحتراما
اولا وقبل الدخول فى المسالب لابد من ذكر الايجابيات الجرافيك حقق طفرة نوعية ظاهرة للعيان
كما ان التنوع الذى حدث فى فقرات بيتنا متميز ويستحق الاشادة
الديكور يعبر عن شكل البيت باقسامه المختلفة وديكوره العصرى وان كان يفتقد الى لمسة فلكلورية تعطى بعدا تاريخيا للبيت السودانى فالتنوع مطلوب وحبذا لو صاحبيت الديكور جلسة قهوة فهى ترمز للمقيل واطفال يتلاعبون فى براءة حتى من غير صوت
اما بالنسبة للتقديم فالملاحظ ان التقديم اصبح فى مستوى جيد ومتنامى وان شابته بعض الهنات التى لاترقى لمستوى ان تعيقه وتمت معالجتها بالمتابعة .
الفقرات جيدة ومتنوعة وتميزت بانها لاتنحصر داخل الخرطوم وانما اصبحت تخرج للولايات وتنقل المشاهد معها ولكن الانتقائية مطلوبة حتى تخرج الفقرات ذات اثر وفائدة على المجتمع .
اما الفقرة الجقرية فارى انها يمكن ان تستمر بصورة جديدة من خلال اغنية الحقيبة واثرها على التغيرات الاجتماعية ولكن بضيوف ومتحدثين مختلفين باعتبار ان فن الحقيبة ساهم فى تشكيل الشخصية السودانية وترك اثرا عليها لايمكن تجاوزه بكل الاحوال .
ومن خلال الطرح يمكن معالجة ظاهرة انحطاط القيم الاجتماعية فى الاغنية السودانية بالمقارنة الى اغنية الحقيبة .
الافلام الوثائقية او التسجيلية يمكن ان تعالج الكثير من الظواهر الاجتماعية بالعرض وتصاحبها بالمعالجة مع ملاحظة ان تكرار المادة يخدم تثبيت الفائدةولكن كثرة التكرار تفسد المضمون .
انتهاج خط واضح فى نسق البرنامج من ما يحسب له لا عليه .
واخيرا هذه رؤيتى المتواضعة لبرنامج بيتنا فى ايجاز بلا تفاصيل وهى رؤية مشاهد لاخبير اتمنى ان اكون وفقت فى عرضها مع امنياتى للبرنامج واسرته بالنجاح والتقدم

[وائل محمد الحسن]

بمناسبة الجرد في ( بيتنا )
ما تحسبو كمبيوتر ( النور معني ) معاكم ..
سمعنا قالوا معطل ( عشان كدا ما بخش كومي )

تسلم شرف بعد طول غياب الحكاية شنو والله منتظرك عشان اسالك الحصل

في العيزومة شنو بتاعة النور معني والا طلعت شمار في مرقة .

انت قاصد ياتو واحد كمبيوتر المكتب والا اللابتوب الشخصي بتاعو لو بتاع المكتب

والله جوة الجرد وشكرا علي توضيح غيابو من المنتدي بس هو خش قبل

يومين وغير الصورة الشخصية والتوقيع بتاعو بدون مايعلق علي اي موضوع

[وائل محمد الحسن]

تسلم ابو نون علي المرور وسرد مجموعة من الايجابيات وفي انتظار السلبيات

[وائل محمد الحسن]

الاعضاء الذين شاهدو الموضوع ولم يعلقو


منير عبد القادر, HaZeL EyED, حامد عثمان حامد, سارة شمو, , عمر عائس, , ودالامتداد, نهي عطا

[تجانى]

ما قتلو فريق البرنامج ما يشارك فى التصويت وانا مع الراى ده

[تجانى]

معليش ............. قصدى ما قلتو ............ اللخبطة حاصلة الايام دى يا وائل وانت عارف

[شرف محمد الحسن]

هو خش قبل

يومين وغير الصورة الشخصية والتوقيع بتاعو بدون مايعلق علي اي موضوع

ههههههههههههه
طبعاً لازم ..
أصلوا ما بيحب كلام الناس البقولوا الناس ..
لأن الصورة القديمة إتخدت في مناسبة تخص حامد عثمات ..
وكان معاهو في الصورة ( المشرف الجديد لمنتدى بيتنا ) ..
وطبعا حامد ما حيفوت القصة .. وحيقول في مؤامرة ..
عشان كدا بيكون سحبها ....... هههههههههه

[شرف محمد الحسن]

تسلم شرف بعد طول غياب الحكاية شنو والله منتظرك عشان اسالك الحصل

في العيزومة شنو بتاعة النور معني والا طلعت شمار في مرقة .



لا لا لا ،،،،،،،،
العيزومة كانت بقيدومها ...
مرتبة ومدنكلة على مستوى حالي من المحترفين ..
وكان معانا الخبير الفني ( تاج السر ) والخبير التجاري ( الجندي )
والجماعة كانوا معاي آخر كرم ومحبة بحكم أني المحتفى به ..
وعشان يذيقوني من كافة الأصناف ،، أصروا أدفع معاهم (الشيرين )..
والحمد لله ، الحمد لله ،

أما الجرد فهو عملية كويسة ،،
ونحن طبعاً عندي سهم في البيت ،،
والأخ أبو نون رمى بأسهمنا في الأول ،، يشكر على تقدير ه المقدر ..
لكنا نأمل في مزيد من الجرد بكل أنواعه ( ربح وخسارة)

[نهى عطا المنان]

فى زول بيتكلم عن نفسو يا وائل؟
نحن ننتظر الراى من الاخرين
ارجو ان يتفاعل الجميع مع هذا البوست
وين الناس الكانو بقولو البيت بيتنا اختفو وين؟والسبب شنو؟

[وائل محمد الحسن]

معليش ............. قصدى ما قلتو ............ اللخبطة حاصلة الايام دى يا وائل وانت عارف

والله انا عارف سبب لخبطتك الايام دي معذووووووووووووووووووووووووووور

الجماعة كيف ؟ هههههههههههههههه

[وائل محمد الحسن]

أما الجرد فهو عملية كويسة ،،
ونحن طبعاً عندي سهم في البيت ،،
والأخ أبو نون رمى بأسهمنا في الأول ،، يشكر على تقدير ه المقدر ..
لكنا نأمل في مزيد من الجرد بكل أنواعه ( ربح وخسارة)

تسلم يا غالي ونحن في انتظار سهمك سدد اينما تشاء ووقتما تشاء

وكمان في انتظار الغايب الاكبر

[وائل محمد الحسن]

ههههههههههههه
طبعاً لازم ..
أصلوا ما بيحب كلام الناس البقولوا الناس ..
لأن الصورة القديمة إتخدت في مناسبة تخص حامد عثمات ..
وكان معاهو في الصورة ( المشرف الجديد لمنتدى بيتنا ) ..
وطبعا حامد ما حيفوت القصة .. وحيقول في مؤامرة ..
عشان كدا بيكون سحبها ....... هههههههههه

ههههههههههههههههه والله لقيتك

نحن زاتنا بنحب الشلليات والعزومات والشواءات قلت لي عزموك وين اوعة

يكون ودوك ..........................

[وائل محمد الحسن]

حنبد الجرد بمجموعة من الاسئلة

* هل شعار البرنامج ملائم لمحتوي ومضمون البرنامج وهل فيه لمحة جمالية

* الي اي مدي استطاع البرنامج استغلال الفواصل في دعم فكرته

* شكل تسلسل الفقرات واختيار موضوعاتها

* الافلام الوثائقية

* المذيعين وهل هناك تقدم في اختياراتهم

* اختفاء فقرة التحقيقات من البرنامج ادت الي اختلال تموسق البرنامج ام العكس

* الفقرات التفاعلية

* الفقرات المباشرة (في ضيافتنا وكدة احلي والصحافة )

* الديكور والاضاءة

* ايقاع البرنامج

[شرف محمد الحسن]

+ وائل محمد الحسن;
حنبد الجرد بمجموعة من الاسئلة

* هل شعار البرنامج ملائم لمحتوي ومضمون البرنامج وهل فيه لمحة جمالية

* الي اي مدي استطاع البرنامج استغلال الفواصل في دعم فكرته

* شكل تسلسل الفقرات واختيار موضوعاتها

* الافلام الوثائقية

* المذيعين وهل هناك تقدم في اختياراتهم

* اختفاء فقرة التحقيقات من البرنامج ادت الي اختلال تموسق البرنامج ام العكس

* الفقرات التفاعلية

* الفقرات المباشرة (في ضيافتنا وكدة احلي والصحافة )

* الديكور والاضاءة

* ايقاع البرنامج

والله يا وائل الكلام دا كويس جدا ،، وعايز أضيف شوية تخصيص ( لو سمحت ):
بمعنى ، أن تقسم التخصصات كالآتي :

1- الشكل الفني ،، ويشمل :
ا/ الشعار والفواصل والخلفيات والكتابات .
ب/ الديكور والاضاءة
ج/ الموسيقى والمؤثرات الصوتية
د/ الألوان :مدى مناسبتها لعرض مواضيع البرنامج

2- الإعداد : ويشمل :
ا/ شكل الاعداد بصوره عامة للبرنامج .
ب/ المواضيع وملائمتها لطبيعة البرنامج
ج / حوجة المجتمع للمواضيع المطروحة .
د / مستوى السياق اللغوي والأدبي ، و مناسبتها لطبيعة البرنامج ( يعني اللغة المستخدمة : فصيح ، دارجي ، خلط بين الاثنين ، بالاضافة لاستخدام العبارات المؤثرة ) .

المذيعين :
ا / مدى ملائمة المذيع لبرنامج بيتنا .
ب / مستوى أداء المذيعين
ج/ مين المذيع الأصلح لإدارة: فقرات البرنامج ، المذيع الخارجي ، مذيع الحوارات .
د / ازياء المذيعين
ه/ مذيع خارج بيتنا توقعته داخل بيتنا ، ومذيع بيتنا توقعته لبرنامج آخر .

الإخراج :
أ/ مدى إحساس المشاهد بانجذاب عام للبرنامج
ب/ ايقاع البرنامج / مناسب / بطئ / سريع
ج/ عرض المواد المصورة / كافي / غير كافي
د/ الصوت في البرنامج / واضح / مزعج / مناسب - غير مناسب
ه/ الصورة في الاستديو : جميلة / ما جيده - ظهور اشياء لا ترغب مافي داعي لاظهارها ،المذيع والضيوف .

أشياء أخرى :
- فقرات غير موجودة تتمنى أن تضاف
- مواضيع يمكن استعابها في الفقرات الموجودة
- فقرات ترى ان لا داعي لوجودها
- زمن البرنامج الذي يُعرض فيه
- زمن البرنامج : مناسب : طويل : قصير
- أي أشياء أخرى ...

[manda]

التحية لكم احبتي ..

والله لقيت جنس كلام ..

وحاجات اول مرة نسمع بيها..

لكن برنامج بيتا (........) حا نرجع باجابات كل الاطروحات دي ..

ولكم الشكر احبتي .. الأخ الاعالامي / وائل محمد حسن ..

والأخ المخرج/ شرف محمد..

ولي رجعت يا حلوين..

[الكردفاني]

أستاذ وائل تحية وتقدير بما تبذله من جهد في الرقي ببيتنا.
وإن شاءالله كل البيوت تكون سمحة زي بيتنا!
وبالتوفيق
تحياتي
الكردفاني

[ابومرام]

انتو يا اخوانا وائل داقبل ما يجى بيتنا كان شغال فى دكان فى مدنى ولا شنو بعدين وائل معذور لانو لم يحضر زمن الفطاحلة ناس الصباغ والجزلى والله يا وائل لو سمعك الجزلى بتردد مفردة الجرد دى كان عمل عمايل ياخى ربنا ما كترالا المفردات فى اللغة خاطبنا بكلمة احسن ( تقويم تصويب والذى منو )


تخريمة ؛ انا رديت بس عشان البوست بتاعك عارف انى من ناس البيت وشهادتى مجروحة

[وائل محمد الحسن]

انتو يا اخوانا وائل داقبل ما يجى بيتنا كان شغال فى دكان فى مدنى ولا شنو بعدين وائل معذور لانو لم يحضر زمن الفطاحلة ناس الصباغ والجزلى والله يا وائل لو سمعك الجزلى بتردد مفردة الجرد دى كان عمل عمايل ياخى ربنا ما كترالا المفردات فى اللغة خاطبنا بكلمة احسن ( تقويم تصويب والذى منو )


تخريمة ؛ انا رديت بس عشان البوست بتاعك عارف انى من ناس البيت وشهادتى مجروحة


كتر خيرك ابو مرام علي المرور تانيا اخي ابومرام منو القال ليك انو الشغل عيب ايا كان نوعو

مهما كان صغرو في نفسك لانو ليهو اهميتو في المجتمع والواحد ممكن يبدع في اي مجال

قيل قديما حب ماتعمل كي تعمل ما تحب اما بالنسبة لكلمة جرد فاحيطك علما اخي انها كلمة فصيحة

حتي الثمالة وتعني في اللغة

جرد ... يجرد .... جردا

حالة تقتضي تعرية عامل ما من خاصية معينة، كما في رفع الفعل المضارع المعلل بتجرده من الناصب

والجازم وقد حمل اللفظ على غيره مما شاركه في معناه، وهو قولهم : جرّد السيف من غِمْدِه : سلّه .

وتجرّدت السنبلة وانجردت : خرجت من لفائفها . وانجردت الإبل من أوبارها إذا سقطت عنها

والذي جمع الاستعمالين اللغوي والاصطلاحي المعنى المتمثل بـ بُدُوّ ظاهر الشيء من دون أن يسبقه

شيء يستره، شأنه في ذلك شأن السيف الذي تجرّد من غمده فبدا ظاهراً لا يستره ساتر .


اما الاساتذة الصباغ والجزلي فلكم كنت اتمني ان اتتلمذ لكي انهل من فيض خبرتهما واستزيد من معين تجاربهما وفعلا زمن الفطاحلة فاتنا وكلمة جرد اشمل

لان التصويب والتقويم في الاغلب في الشي المغلوط او الذي جانب الصواب فمن اين لك بفكرة

ان جميع الاعضاء قد اتفقو علي ان البرنامج يحتاج للتقويم لان التقويم ياتي بعد الجرد اصلا

وبالنسبة لشهادتك فهي غير مجروحة لان الجرد يكون لصاحب الشي وكلنا من سكان البيت

مشاهدين وعاملين في البرنامج

[رجاء داؤد]

انتو يا ناس الباشمهندس وائل دا كان استاذ عربي ولا شنو؟

[ابومرام]

لا حول الله دا كلوا يطلع منك يا وائل والله ليهم حق ناس الجرائد والنقد الفنى يعنى بكرة لو واحد قام اتجرا وانتقد فى الصحف الله يكون فى عونوا بعدين يا وائل المصطلح سوقى وبلدى بحت يستعمله اصحاب المحال التجارية والسوق عامة بكرة حا نجرد تعالوا نجرد الدكان الجرد متين وخلافه ياخى خلى صدرك واسع وافقك اوسع لانك فى اول السلم والراجيك كتير لو من هسى قعدت تجقلب الله يكون فى عونك
بعدين انا لم اتطرق اصلا لعيب الشغل والعمل عباده فقط اتخيلت واذيعك سرا انا شخصيا قبل التلفزيون درست المرحلة الثانوية والجامعة كلها من طبيلية خشب امام احد الدكاكين فى سوق امدرمان ولم ولن اتعفف من ذلك
ومشكور ياخى على المحاضرة السيبووائلية فى اللغة العربية ومنكم نستفيد ونستزيد فى اصول اللغة والله لو عارفين انك بارع فيها لهذا الحد كنا استغنينا عن استاذ اللغة العربية فى مادة دليل بيتنا
وياخى خلى روحك رياضية ووسع صدرك للكل

[وائل محمد الحسن]

لا حول الله دا كلوا يطلع منك يا وائل والله ليهم حق ناس الجرائد والنقد الفنى يعنى بكرة لو واحد قام اتجرا وانتقد فى الصحف الله يكون فى عونوا بعدين يا وائل المصطلح سوقى وبلدى بحت يستعمله اصحاب المحال التجارية والسوق عامة بكرة حا نجرد تعالوا نجرد الدكان الجرد متين وخلافه ياخى خلى صدرك واسع وافقك اوسع لانك فى اول السلم والراجيك كتير لو من هسى قعدت تجقلب الله يكون فى عونك
بعدين انا لم اتطرق اصلا لعيب الشغل والعمل عباده فقط اتخيلت واذيعك سرا انا شخصيا قبل التلفزيون درست المرحلة الثانوية والجامعة كلها من طبيلية خشب امام احد الدكاكين فى سوق امدرمان ولم ولن اتعفف من ذلك
ومشكور ياخى على المحاضرة السيبووائلية فى اللغة العربية ومنكم نستفيد ونستزيد فى اصول اللغة والله لو عارفين انك بارع فيها لهذا الحد كنا استغنينا عن استاذ اللغة العربية فى مادة دليل بيتنا
وياخى خلى روحك رياضية ووسع صدرك للكل

اولا عزيزي شريف انت ما انتقدتني في عملي كمذيع عشان انا ارد عليك انا رديت عليك من باب

اني كاتب الموضوع العنوانو ما عجبك وحاولت اشرح ليك انو الكلمة دي ما كلمة سوقية

انا ماعارف اصرارك علي الغلط دة سببو شنو ياعزيزي مش عشان كلمة يرددها العامة معناها

انها كلمة سوقية الله يسامحك ياخي نحن بنتباهي انو لغتنا العامية هي الاقرب للفصحي من

بين كل اللهجات العربية والكلمة فصيحة فصيحة ارددها ليك كم مرة والله فصيحة

بعدين انا ماعارف فكرة اني رديت عليك بضيق صدر جاتك من وين ارجع لي ردي انا كل العملتو

اني وضحت ليك بعض ما غاب عنك في معني الكلمة ومشاركتك في البوست

اما عن ترشيحك لي للعمل كاستاذ للغة العربية فهي مهنة والدي ومن خلال ريعها تربيت

ولكم كانت واحدة من امنياتي ولكن غلب عليها حب الاعلام..... ولي عودة

[وائل محمد الحسن]

انتو يا ناس الباشمهندس وائل دا كان استاذ عربي ولا شنو؟

شكرا ليكي علي الاطراء رجا وتسلمي علي المرور

شكرا ليكي علي الاطراء رجا وتسلمي علي المرور

[ابو نون]

والله يا وائل الكلام دا كويس جدا ،، وعايز أضيف شوية تخصيص ( لو سمحت ):
بمعنى ، أن تقسم التخصصات كالآتي :
بسم الله الرحمن الرحيم اللهم صل على محمد وعلى آله وصحبه أجمعين
حنبدا الجرد امام كل وحدة
1- الشكل الفني ،، ويشمل :
ا/ الشعار والفواصل والخلفيات والكتابات .الشعار مافى اجمل من كده اما الخلفيات والكتابات دى مسائل فنية انا مالى فيها ب/ الديكور والاضاءة الديكور ما زلت اصر على جلسة الجبنة والعنقريب الهبابى لانو البيوت كلها ما ديلوكس ومصر على وجود الاطفال حتى لو صورة وكلمة بيتنا الورا دى مافى ليها داعى مافى بيت مكتوب فى حيطته بيتنا اما الاضاء ممتازة ج/ الموسيقى والمؤثرات الصوتية تحتاج الى مراجعة تخيل انك فى بيتك ماذا تحب ان تسمع مع مراعاة اختلاف الاذواق د/ الألوان :مدى مناسبتها لعرض مواضيع البرنامج
مسائل فنية ايضا انما احساسى بها انها مريحه

2- الإعداد : ويشمل :
ا/ شكل الاعداد بصوره عامة للبرنامج .متميزب/ المواضيع وملائمتها لطبيعة البرنامج لاشك فى ملائمة المواضيع للبرنامج بالذات فقرات ست البيت والصحة والاستشارة والتحقيق ج / حوجة المجتمع للمواضيع المطروحة .تحقيق شعار وحدة فى تنوع وتنوع فى وحدة هو ما يحتاجه المجتمع ولم تكتمل هذه الاطروحة بعد رغم اجتهاد الاتيام فى تحقيقها ولكن تحتاج الى الابتكار فى عرضها ببساطة عبر الفقراتد / مستوى السياق اللغوي والأدبي ، و مناسبتها لطبيعة البرنامج ( يعني اللغة المستخدمة : فصيح ، دارجي ، خلط بين الاثنين ، بالاضافة لاستخدام العبارات المؤثرة ) .
عبارت البيت المعتادة افضل ما يمكن استعمالها فى البرنامج والتى يلتزم بها تقريبا كل التيم

المذيعين :
ا / مدى ملائمة المذيع لبرنامج بيتنا .الثنائيات فى تقدم مطرد وهناك ملاحظات بسيطة ساذكرها لوائل ليوصلها الى باقى المذيعين ب / مستوى أداء المذيعين متميز ومتنامى
ج/ مين المذيع الأصلح لإدارة: فقرات البرنامج ، المذيع الخارجي ، مذيع الحوارات .المذيع الخارجى دى بالذات دايرة مراجعة وارشح نهى عطا وتجانى د / ازياء المذيعين متناسقة ليست بالصارخة ولا الباهتة وهى محكومة بشكل الديكور والاضاءة
ه/ مذيع خارج بيتنا توقعته داخل بيتنا ، ومذيع بيتنا توقعته لبرنامج آخر .


الإخراج :
أ/ مدى إحساس المشاهد بانجذاب عام للبرنامج التنافس واضح بين المخرجين ويظهر فى اختلاف الحلقات بصورة واضحة ب/ ايقاع البرنامج / مناسب / بطئ / سريع ايقاع البرنامج متوسط واظن ذلك يتوقف على تنوع الفقرات اى انها مسالة نسبية ج/ عرض المواد المصورة / كافي / غير كافي المواد المصورة عرضها ملائم
د/ الصوت في البرنامج / واضح / مزعج / مناسب - غير مناسب متغير باستمرار بالذات عند الانتقال ويصل حد الازعاج ه/ الصورة في الاستديو : جميلة / ما جيده - ظهور اشياء لا ترغب مافي داعي لاظهارها ،المذيع والضيوف .
ذكرت ما يخصها فى اول حديثى والن كنت ارغب فى وجود فلكلور يزين البيت قطع متناثرة
مشلعيب وكابدللو .......الخ

أشياء أخرى :
- فقرات غير موجودة تتمنى أن تضاف فقرة تعنى بعرض اغانى الحقيبة التى تخدم الغرض الاجتماعى وكذلك اغانى البنات وتطورها واسباب تغيرها وكذلك فقرة تربوية درامية او استعراضية
- مواضيع يمكن استعابها في الفقرات الموجودة
فقرة الدنيا بخير لابد من زيادة زمنها لتسهيل ورود كمية من الاتصالات
- فقرات ترى ان لا داعي لوجودها
- زمن البرنامج الذي يُعرض فيه
- زمن البرنامج : مناسب : طويل : قصير مناسب
- أي أشياء أخرى ...
هذا مجرد رؤية مشاهد اضافة الى ما ذكرته فى سابق كلامى اتمنى ان اكون وفقت فى عرضها
والتحية لكل التيم العامل فى برنامج بيتنا وعلى راسهم الغايب قلما هذه الايام ومزيدا من التجويد

[ابومرام]

عليك الله يا وائل رسل لينا مختار الصحاح دا عشان نستفيد منو انت عندك علاقة بابو الاسود الدؤلى

[النور معنى النور]

شكرا ابو نون
احسنت والله احسنت
مشاركتك هى الطريقة ال بتريحنى ... من حيث الشكل وليس المحتوى ... المحتوى هو راى خاص بالمشارك يقوله كما يشاء ... لكن الشكل الذى يحظى باستجابة مباشرة لدينا هو هذا كما كتبه شرف وطبق عليه ابو نون ..... يعنى كويس معانا الزول يقول لينا الحاجة دى حلوة والحاجة دى ما حلوة والبديل كالاتى ......

تصنيف شرف عملى ليت كل من يهمه امر تجديد بيتنا ان يشارك .... بما فيهم العاملين بالبرنامج .... فالاخت رجا داوود طلبت من قسم الدعم الفنى اجراء استبيان احصائى لغير العاملين بالبرنامج والاستبيان سيتم ان شاء الله ..... وهذا لا يعنى ان لا يشارك العاملون فى هذا البوست كما فهم الاخ شريف محمد الحسن ( ابو مرام ) منتج فريق الخميس ......

فلنشارك جميعا بالراى ......ابو نون نموذجا .....

شرف هو المسئول عن المؤثرات البصرية لبرنامج بيتنا لذلك اطلب منه تولى الردود فى هذا البوست عن الجوانب الفنية .......ويمكنه طلب النجدة من الاخ المخرج المنسق الفنى للبرنامج حامد عثمان

الاخت رجاء داوود معدة فريق الخميس وكاتبة سيناريو افلام وثائقية ومحررة اخبار ميدانية وماموريات سفرية وموجهة لمذيعيها على الهواء يوم الخميس ...... لذلك اطلب منها الردود على جوانب الاعداد ....ويمكنها طلب الدعم من الاخ المحرر العام نائب المنتج المنفذ ومنسق تاهيل المذيعين اسطورة زمانه :| جعفر امبدى ابوبكر ....


ويا خوفى على توازنكم لو دخل عليكم امبدى .... وشارك وحاور وداخل .....حينها سيدخل منير الى غياهب التاريخ .... منير الذى جنى عليه حامد عثمان بكثرة النفخ والطبيل .... حتى شاد له الشركة الوهمية للطوب الاحمر .....


منير وامبدى ؟ هذا سجال لا استطيعه .... ونهر لا اقدر على السباحة فيه .... انا التمتام المسكين ال امى واحدة .......ههههههههههههههههههههههههههههههههههههههههههه ههههههههههههه

[نهى عطا المنان]

بالنسبة لكلمة جرد فاحيطك علما اخي انها كلمة فصيحة

حتي الثمالة وتعني في اللغة

جرد ... يجرد .... جردا

حالة تقتضي تعرية عامل ما من خاصية معينة، كما في رفع الفعل المضارع المعلل بتجرده من الناصب

والجازم وقد حمل اللفظ على غيره مما شاركه في معناه، وهو قولهم : جرّد السيف من غِمْدِه : سلّه .

وتجرّدت السنبلة وانجردت : خرجت من لفائفها . وانجردت الإبل من أوبارها إذا سقطت عنها

والذي جمع الاستعمالين اللغوي والاصطلاحي المعنى المتمثل بـ بُدُوّ ظاهر الشيء من دون أن يسبقه

شيء يستره، شأنه في ذلك شأن السيف الذي تجرّد من غمده فبدا ظاهراً لا يستره ساتر .





هييييييييييييييييييع سيبويه يا خترى

[وائل محمد الحسن]

والله ياستاذ النور دايما تثبت لي انك زول ختييييييييييييييييييييييييييييييييير

دة الكلام والله كلام زي ضرب القنابل والله انا الايام الفاتت يئست من دخولك المنتدي وقلت ماحتخش الا

بدخول الاخري (فلانة)

لكن خيبت ظني ههههههههههههه

[وائل محمد الحسن]

كو كو كو كو كرو كرو

انتو الناس دي مشت وين هيييييييييييي اصحو النوم خلوهو

[النور معنى النور]

بالنسبة لبداية الحلقة : دائما نبداها بملخص الحلقة .....

هل كدة تمام ؟ نواصل كدة ؟

اذا مافى راى اخر معناها موافقين ......

[النور معنى النور]

الختام نفضل ان يكون مادة موسيقية ..... منوعات ....حتى يفصلنا عن البرنامج الدينى عند الخامسة تمتما ......

بعض الناس لا يرون ذلك ..... ويرفضون اى مادة غنائية فى بيتنا لانه برنامج توجيهى .......

ماذا ترى انت ؟

[النور معنى النور]

نعتقد ان البرنامج يحتاج بشدة الى جانب الترفيه ......

نكات ....

دراما ....

الخ

ولكن لا توجد رؤية واضحة لذلك ..........

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين

البداية هامة لانها تضع المشاهد فى حالة تشويق وتمهد لحضور الحلقة فى كالمقدمة
لاى كتاب او خطبة او درس لا غنى عنها
اما الختام فافضل ان يكون مسابقة اجتماعية
سؤال واحد لكل يوم
تتم اجابته الاسبوع المقبل
الدراما يفترض ان تكون تربوية وتعالج مشاكل اجتماعية
فى شكل اسكتشات خفيفة ويمكن الاستعانة بفرقة الهيلا هوب
وغيرها من الفرق شانتير مثلا

[وائل محمد الحسن]

اها والباقيين وييييييييييييييين

[النور معنى النور]

بسم الله الرحمن الرحيم اللهم صل على محمد وعلى آله وصحبه أجمعين

البداية هامة لانها تضع المشاهد فى حالة تشويق وتمهد لحضور الحلقة فى كالمقدمة
لاى كتاب او خطبة او درس لا غنى عنها
اما الختام فافضل ان يكون مسابقة اجتماعية
سؤال واحد لكل يوم
تتم اجابته الاسبوع المقبل
الدراما يفترض ان تكون تربوية وتعالج مشاكل اجتماعية
فى شكل اسكتشات خفيفة ويمكن الاستعانة بفرقة الهيلا هوب
وغيرها من الفرق شانتير مثلا



كدى يا وائل فكر معاى فى موضوع المسابقة دة .....

[كجام اجبر]

المسابقة بدخلنا في فرز وبعدين بنسمع انو في محابة او كمان دخلتنا في تلفونات ونحن في نهاية حلقتنا لزوم التوديع وكدي انا بري دي راي شخصي انو تكون هنالك مشاعل قيمية تخص البيت يعني نودع المشاهد برسالة في شكل ايقاع خفيف ولزوم التشويق وبرضو نخليو يشاركنا بتطبيق قيم المشعل علي مستوي الاسرة ..بس ياوائل لازم يكون مشعل يحمل معاني ورسائل تظل تعشعش في مخيلت المشاهد ويترنم بها في الشارع والبيت ومكان العمل وبعدين كل اسبوع يكون في محور معين او تيمة نتدارسها ونسعي الي توصيلها بمعالجات مختلفة حتي ترسخ في الذهن وبعدين نشوف غيرها شنو ............ رايييييييييييييييييييييييييييييييييييييييييييييييي ييييييييييييييييييييييييييييييييي






بدور ادفق اقعدوا عافي

[مامون مهنا]

ياجماعة هوى السلام عليكم ورحمة الله وبركاته ,,,
ارى ان نعمل على اخراج وتنفيذ فكرة الاستبيان ويجب ان تشمل كل النقاط التى وردت فى مشاركة الاخ شرف محمد الحسن فان لم يكن لديكم مانع اقترح ان نفرد بوست خاص نطلب فيه من اعضاء كومى تصميم مقترح استبيان شامل وافى فورا دون تردد حتى نستطيع المشاركة بارائنا بوضوح .

[ابو نون]

بسم الله الرحمن الرحيم اللهم صل على محمد وعلى آله وصحبه أجمعين
اثنى اقتراح اخى ماو

[شرف محمد الحسن]

تمام يا مشرفنا .. دا المطلوب .. واذا في نقاط معقدة ولا ماواضحة ممكن نوضحها ، لكن رأي أحباءنا في كومي هو الهدف الذهبي لنا ,,

[ميسون محمد]

البيت جميل وعاجبنا شديد مشكورين كل العاملين في البرنامج وبقول ليكم رفعتو راسنا في السماء لاني بشوف في البرنامج السودان الحبيب
دمتم رفعه للوطن:yes::yes::yes:

[وائل محمد الحسن]

ياجماعة هوى السلام عليكم ورحمة الله وبركاته ,,,
ارى ان نعمل على اخراج وتنفيذ فكرة الاستبيان ويجب ان تشمل كل النقاط التى وردت فى مشاركة الاخ شرف محمد الحسن فان لم يكن لديكم مانع اقترح ان نفرد بوست خاص نطلب فيه من اعضاء كومى تصميم مقترح استبيان شامل وافى فورا دون تردد حتى نستطيع المشاركة بارائنا بوضوح .

والله الفكرة حلوة جد وسنقوم بتنفيزها