المساعد الشخصي الرقمي

مشاهدة النسخة كاملة : النور وافادات مخشبة

وليد فضل
10-Apr-2009, 11:58 AM
نحمد الله كثيرا على الابتلاء ولعله الابتلاء اخرج لنا واحد سريع التوصيل الى باحات النور مهدنا له الحصول على معلومة فى اختبار حقيقى وتبرع بسذاجة يحسد عليها فى توصيلها الى حيث ما ينبغى
وقال الجيلى علاقتى متوترة مع النور( توتر جيد بل تواتر جيد بل توارد جيد )

نادر خضر لم يحضر لانه يجهز لشريط عالى المقام رفض كل دعم الراسمالية لانتاج الشريط فى انفه وشموخ بالمناسبة حصاد لانتاج الكاسيت يملكها ابن خالة نادر خضر ونادر رفض الانتاج من هناك عارفين ليه (لانو شغل الاقارب بجيب العقارب ) وتحياتى لفاروق الزاهر

بدون انفعال اين توصيات ورشة بيتنا اين هوية بيتنا هل عمق بيتنا مفهوم الهوية السودانية ام تناول القشرة المرة ... كيف صار بيتنا مترهلا وهل اصبح الهم مجرد اقفال الجردل على عبوة ساعتين حتى ان كان الجردل مليئا بالحرجل ...
استقطاب مبدعى السودان وتخشيبهم فى ضل دليب بيتنا مسئولية المنتج الفخرى الذى تفرغ لجلب معدين لعزيزى المشاهد والغريب فى الامر المعد تمسك بكل الجمال او الطوفان واعطيناه الضو الاخضر يشوت فى اتجاهين ....
الاستقطاب تم بطريقة العاطفة والابوة ( انا ما عندى خاطر عندك ) يا جبار الخواطر .....

المنتج السينارست لم ندعوه للنفير لان النفير غير مدعوم بالكامل على الاقل لن يكون مثل نفير الجودية فى سوق الناقة ... وبرضو تعال خشب لينا القاعدين هنا............كان عندى خاطر عندك .. عشان خاطرنا ترجع ..... ولنا عودة للادارة الاقتصادية ..........
الهادى قاعد معاى وقال ليك جيب اللابتوب.............
النور معنى النور
10-Apr-2009, 12:26 PM
يا سلام عيك يا وليد لما تكتب .......
يا سلام حقيقى ......
متعة جد والله


ياخى قعدت اضحك لما راسى لف بسبب ( الضغط )

لكن الغريب يا وليد وبصراحة اسلوبك فى الكتابة حدث فيهو تطور رهيب .... بذكرنى باسلوب جميل لزول كدة كنا بنعزو عزة شديدة قبل ان يجرح شعورنا بشوية فهم خاطئ ثم استمرأ ذلك دون ان يطيب لنا خاطرا .......

واصل اخى ....
افتح الملفات ...
قديمها
وجديدها .....

انا عارف انك ليك زمن كدة عاوز تفضفض ... وتطلع الجواك .....وتنتعش ... علك تستعيد بعض توازنك الداخلى .....بعد هزة مصعب الكارورى المفاجئة ...... ههههههههههههههههههه


الادارات كلها تمتنع عن التدخل ... ادارة كومى وادارة بيتنا وادارة المريخ وادارة التجمع وادارة الحركة وادارة ابىى .......وبالذات المشرفين والمراقبين ..... العايز يخش بصفتو الشخصية على كيفو ....


وسعوا السكة للاخ وليد فضل ليبدا الفضفضة وضرب النار برامجيا واستنفاريا وجماليا .....
وله منا الاخوة والمحبة ..... ومن حقنا ان نتركه يفضفض كما يشاء ......هههههههههههههههههههه



دة لو اصلا عندو حاجة مفيدة ....
وليد فضل
10-Apr-2009, 12:39 PM
لكن كيف تبرع النور المخشب لدعوة مصعب لبرنامج عزيزى المشاهد باى الصفات هل ينوب النور علاء الضى من خلف الكواليس ام اعتقادا منه انه الاب الروحى لمصعب كارورى ام الامر مربوط بزهاب محمود عبد الله الى بيتنا موعودا بالوظيفة والمخصصات (لكن مصعب عندو وظيفة) لذلك جاء الستجداء على شاكلة عشان خاطرى عندك
النور معنى النور
10-Apr-2009, 12:59 PM
لكن كيف تبرع النور المخشب لدعوة مصعب لبرنامج عزيزى المشاهد باى الصفات هل ينوب النور علاء الضى من خلف الكواليس ام اعتقادا منه انه الاب الروحى لمصعب كارورى ام الامر مربوط بزهاب محمود عبد الله الى بيتنا موعودا بالوظيفة والمخصصات (لكن مصعب عندو وظيفة) لذلك جاء الستجداء على شاكلة عشان خاطرى عندك



النتيجة ال انت عاوز توصلنى ليها انا فهمتها .... لكن ما ح اطاوعك وابرد نارك الا لما تقول الروب فى نهاية المطاف هههههههههههههههههههههههههه
النور معنى النور
10-Apr-2009, 01:03 PM
لكن كيف تبرع النور المخشب لدعوة مصعب لبرنامج عزيزى المشاهد باى الصفات هل ينوب النور علاء الضى من خلف الكواليس ام اعتقادا منه انه الاب الروحى لمصعب كارورى ام الامر مربوط بزهاب محمود عبد الله الى بيتنا موعودا بالوظيفة والمخصصات (لكن مصعب عندو وظيفة) لذلك جاء الستجداء على شاكلة عشان خاطرى عندك


انت يا وليد عارف انو علا الضى لا بقرا المنتدى ولا بخش ولا بحترم كتاباتنا ومناداتنا ليهو .... فما داعى تقحمو ...... كومى لا تعنى شبئا لعلا ....... ليه ما عارف ؟؟؟ الكرهو فى كومى منو ما عارف ؟ ؟؟؟ انت عارف ؟
نهى عطا المنان
10-Apr-2009, 01:19 PM
الادارات كلها تمتنع عن التدخل ... ادارة كومى وادارة بيتنا وادارة المريخ وادارة التجمع وادارة الحركة وادارة ابىى .......وبالذات المشرفين والمراقبين ..... العايز يخش بصفتو الشخصية على كيفو ....


وسعوا السكة للاخ وليد فضل ليبدا الفضفضة وضرب النار برامجيا واستنفاريا وجماليا .....
وله منا الاخوة والمحبة ..... ومن حقنا ان نتركه يفضفض كما يشاء ......هههههههههههههههههههه
....

وسعنا وممتنعين عن التدخل ومستمتعين بالفرجه
عندما يدخل وليد فضل والنور معنى نصمت ونستمتع بالمتابعه
تقبلو تحياتى
تخريمه بالله طوالى انتاقرو كده الله لا حرمنا من نقاركم
وليد فضل
10-Apr-2009, 01:35 PM
لسه يا النور دوما بخونك تفكيرك معاى لسه انت ما عرفت انا عاوز اوديك وين .... حا نمشى اماكن كثيرة عندك فيها زكريات حلوة معانا لكن بنختم بى حديقة البحيرة الجميلة فى شارع النيا بامدرمان ياخ دى فيها قعدة لذيذة بشكل......

صاح يا نهى عطاء (اقعدوا فراجة ) ..........
بس اقول ليكم حاجة ليه ما تقولوا حاجة جواكم كتير ......
هو ليه النور عاوز الناس تتفرج ما كل زول يقول العندو امكن انا انسى ....
بالمناسبة انا بضمن ليك ادارة المريخ ما بتتدخل لانو انا اسع بره التوليفه بتاعتهم وديل ناس بعرفوا المؤسسية شغل عشان خاطرى دة ما سمعوا بيهو .....
عاوز زول من تيم كل الجمال .. يتكلم ويحلل لى علاقة النور معنى مع وليد ذاكى الدين من بداية كل الجمال لغاية ما النور ترك كل الجمال (زول محايد يا شباب ما يكون منكوب ذى وليد فضل)

اها انا بقعد اتفرج مع نهى عطاء ..واحد يتكلم غيرى....
وليد فضل
10-Apr-2009, 01:39 PM
الانتظار لنصف ساعة بعد الصلاة بنجى
ابو نون
10-Apr-2009, 01:39 PM
بسم الله الرحمن الرحيم اللهم صل على محمد وعلى آله وصحبه أجمعين
ارى تحت الرماد وميض نار واخشى ان يكون لها ضرام
وليد فضل
10-Apr-2009, 03:57 PM
مافى وميض نار يا ابونون لانو النور كما فعل من قبل (بدفن دقن)
ابو نون
10-Apr-2009, 04:11 PM
بسم الله الرحمن الرحيم اللهم صل على محمد وعلى آله وصحبه أجمعين
والله النور شايفو بين المتواجدين وما خش علينا ننتظر ردو ونشوف
النور معنى النور
10-Apr-2009, 04:39 PM
كنت فى منتدى الادارة يا ابو نون شوية متابعات وكدة
النور معنى النور
10-Apr-2009, 04:48 PM
والله يا وليد نفسى كانت مفتوحة للاخر ..... لكن موضوع تقرير الاحد دة تنشن بى شديد .... وخرب مودى عديل ............اشعر بمرارة خيانة الامانة .... معليش عودتونا الشفافية ..... احتاج شوية راحة وتغيير جو ......انتو الاتنين كان لقيتو ليكم موضوع اكتبوه ... برد عليكم بعدين ..... اصلكم فاضين وما عندكم شغلة ..... عطالة مقنعة .... بالله انتو شغالين ىشنو بالظبط ؟؟؟؟؟؟
النور معنى النور
10-Apr-2009, 04:56 PM
نحمد الله كثيرا على الابتلاء ولعله الابتلاء اخرج لنا واحد سريع التوصيل الى باحات النور مهدنا له الحصول على معلومة فى اختبار حقيقى وتبرع بسذاجة يحسد عليها فى توصيلها الى حيث ما ينبغى
وقال الجيلى علاقتى متوترة مع النور( توتر جيد بل تواتر جيد بل توارد جيد )

نادر خضر لم يحضر لانه يجهز لشريط عالى المقام رفض كل دعم الراسمالية لانتاج الشريط فى انفه وشموخ بالمناسبة حصاد لانتاج الكاسيت يملكها ابن خالة نادر خضر ونادر رفض الانتاج من هناك عارفين ليه (لانو شغل الاقارب بجيب العقارب ) وتحياتى لفاروق الزاهر

بدون انفعال اين توصيات ورشة بيتنا اين هوية بيتنا هل عمق بيتنا مفهوم الهوية السودانية ام تناول القشرة المرة ... كيف صار بيتنا مترهلا وهل اصبح الهم مجرد اقفال الجردل على عبوة ساعتين حتى ان كان الجردل مليئا بالحرجل ...
استقطاب مبدعى السودان وتخشيبهم فى ضل دليب بيتنا مسئولية المنتج الفخرى الذى تفرغ لجلب معدين لعزيزى المشاهد والغريب فى الامر المعد تمسك بكل الجمال او الطوفان واعطيناه الضو الاخضر يشوت فى اتجاهين ....
الاستقطاب تم بطريقة العاطفة والابوة ( انا ما عندى خاطر عندك ) يا جبار الخواطر .....

المنتج السينارست لم ندعوه للنفير لان النفير غير مدعوم بالكامل على الاقل لن يكون مثل نفير الجودية فى سوق الناقة ... وبرضو تعال خشب لينا القاعدين هنا............كان عندى خاطر عندك .. عشان خاطرنا ترجع ..... ولنا عودة للادارة الاقتصادية ..........
الهادى قاعد معاى وقال ليك جيب اللابتوب.............



تعنى يا وليد انو بيتنا لم يعمق مفهوم الهوية السودانية ؟

هل فعلا هذا صحيح ؟

اذا كنت جادى ....فهذا يعنى ضرورة مراجعة الاهداف والوسائل والمعالجات لتحديد الانحرافات وتصويبها .....



اريد ان اعرف حقيقى .....فى اطار الجرد زى ما قال وائل المشرف
النور معنى النور
10-Apr-2009, 05:06 PM
المنتج السينارست لم ندعوه للنفير لان النفير غير مدعوم بالكامل على الاقل لن يكون مثل نفير الجودية فى سوق الناقة ... وبرضو تعال خشب لينا القاعدين هنا............كان عندى خاطر عندك .. عشان خاطرنا ترجع ..... ولنا عودة للادارة الاقتصادية .......................

ليس عندى رد الا ان اقول :
هههههههههههههههههههههههههههههههههههههههههههههه
هههههههههههههههههههههههههههههههههههههههههههههه

اها نجهتونا ..... قالوا عشرة محلات فى السوق دة اتحرقت اول امس ...........ههههههههههههههههه
وليد فضل
10-Apr-2009, 06:18 PM
ابونون قال فى زول بتفرج وبطلع صحى يا حامد مالك بره ابقى داخل يا حامد ما تعمل ليك عمل خير واصلح بين الدكتورة والنور مش انت سبب القطيعة بينهم
النور معنى النور
10-Apr-2009, 09:46 PM
ابونون قال فى زول بتفرج وبطلع صحى يا حامد مالك بره ابقى داخل يا حامد ما تعمل ليك عمل خير واصلح بين الدكتورة والنور مش انت سبب القطيعة بينهم

حامد دة كان زمان ....
الان اصبح نمر من ورق .....
عافى منك يا بت خليفة
النور معنى النور
10-Apr-2009, 09:55 PM
الان اصبح عندنا نمر من ورق ومصنع للطوب ..... بتاع منير ما تنسوهو ....
وبكدة الاخ المدير العام ما ح يتحير لما يعود عودة نهائية ....
فبامكان الاخ ابو عبد الحفيظ الاختيار بين مصنع الورق او المصنع الوهمى للطوب الاحمر ......


غايتو انتو يا ناس المنتدى حيرتونا الزول يمشى ويجى يلقاكم فى حركاتكم ذااااتا : ابوعبد الحفيظ ما رجع السودان - نانا ما ريحت لجنة الاستقبال وقالت ليهم انا قريبة فى دبى . - حرسم ما انتهت حلقاتو الرائعة وما يئس -ووووووووووووو
وليد فضل
10-Apr-2009, 09:59 PM
تقرير ابو مرام بتاع الاحد عمل هلع للنور

انت يا ابو نون دخلك شنو فى الموضوع دة ..

وصاحبنا النور لو متنشن اسمع السى دى بتاع صفوت الجيلى ..

انا جادى فى الاسئلة يا النور معنى ماذا قدم بيتنا لتعميق مفاهيم الهوية السودانية وهل لبيتنا نفسه هوية ....وعشان الناس البخشوا هنا ما يفتكروا انى مرفود من بيتنا او حاجة ذى دى عشان كدة بكتب كدة ...بستشهد بالرجل الذى خشب مبدعى السودان فى بيتنا النور معنى لانى كنت بعد فقرة فى بيتنا وتركتها بمحض ارادتى رغم رجاءات النور حتى الامس القريب ... صاح يا النور معنى انت القاضى والجلاد ....
بيتنا ينقصه الكثير من التكتيك التلفزيونى المحترف ولعل وجوده فى الوسط الان بفضل تلقائية مذيعيه وقبولهم عند المشاهد ..... لكنه خيط رفيع متى انقطع كان الطوفان ....
اقبلوها نصائح اخوية بعيدة عن الغرض والمرض فقد ولد البرنامج امام يدى حينما كنت اجلس مع النور وسيف حسين يقرأ التصور للنور معنى امام ام نوار ست القهوة ... وانا حريص على اجادته ويحزننى سقوطه ...
وليكتب شرف محمد الحسن ... بجراءة وما اجمل جراءته
واطلقوا العنان لحامد ليقول ....
وصالحوا الدكتورة التى كتبت اجمل العبارات فى منتدى الفضائية قبل كومى فى حقكم ...

فى حديثا الجد والهزل انظروا للثانية معينا لجبروت الدهر وفى الاولى تبصرة الا لمن ابى
وليد فضل
10-Apr-2009, 10:05 PM
نعم حامد نمر من ورق والورق صينى بنتقد من قلم الرصاص
الصين اجادت فى الصعود الى الاعلى ولكن صناعتها رديئة الجودة
حامد نمر صينى .........
يتلصص فى البوستات ....
صعب عندما يتحدث لكنه حذر جدا خصوصا عندما يمس الموضوع الجماعة ديك....
ارجو من ابونون رصد دخول حامد وخروجه
انتو مشرف بيتنا وين الليلة
ابو نون
10-Apr-2009, 11:45 PM
والله يا وليد نفسى كانت مفتوحة للاخر ..... لكن موضوع تقرير الاحد دة تنشن بى شديد .... وخرب مودى عديل ............اشعر بمرارة خيانة الامانة .... معليش عودتونا الشفافية ..... احتاج شوية راحة وتغيير جو ......انتو الاتنين كان لقيتو ليكم موضوع اكتبوه ... برد عليكم بعدين ..... اصلكم فاضين وما عندكم شغلة ..... عطالة مقنعة .... بالله انتو شغالين ىشنو بالظبط ؟؟؟؟؟؟
بسم الله الرحمن الرحيم اللهم صل على محمد وعلى آله وصحبه أجمعين
نرد عليك بلغة اهلنا الرباطاب مع الاعتذار لهم
قاعدين عشان نرد على مواضيعك فاتح ليك مية جبهة قبل الزول يرد فى موضوع يلاقيك نزلت التانى
وشغلنا فى كومى ده بيعتبر قمة العمل لانو شغالين من اجل ان تسمو افكارنا وترتقى لندفع بعملنا الى مرحلة التميز فينعكس ذلك على الدولة التى تدفع لنا لنعمل يعنى بالواضح تواجدنا فى كومى لو لم يكن يفيدنا ويفيد غيرنا ويفيد عملنا لتركناه بحق وليس كما يفعل البعض يغيب شهرا ويظهر يوما ويفجر قنابلا
برضو فى اطار الاخوانيات بدون زعل لكن الحق يقال ولو على انفسنا
وائل محمد الحسن
14-Apr-2009, 03:55 PM
والله ياوليد الموضوع عجبني شديد بس حبيت اشوف نهايتو شنو

بس شكلو الموضوع جرجر مواضيع تانية في نفس الاهمية كدي براحة شوية شوية

في ناس الردم دة مابقدرو عليو حبة حبة زيد غرورك