اللهجة العامية السودانية ...

[الخطيب]

اللهجة العامية في السودان

الكتاب للدكتور عون الشريف قاسم

لعلمي بصعوبة امتلاك الكثير لهذا العمل فكرت في نقل ما أستطيع منه إليكم ، ولتعم الفائدة أرجو أن استأذن الدكتور في النقل وساكون بأذن الله ناقلا ما جاء حرفيا في كتابه كما أرجو منكم عدم التردد في السؤال عن أي معنى تبحثون عنه وطبعا اصلوا أنا ما جايب حاجة من راسي كلو في كراسي حق الدكتور

أرجو أن تستفيدوا منه ....

[الخطيب]

النحت

ما عليك شئ : معليش
على شأن: عشان وعلشان
لأي شئ هو : ليشنو
هذه الساعة : هسع
بلا شئ : بلاش
هي وهو لك : هيلك وهولك
أي شئ هو : شنو

[الخطيب]

الزيادة
تشبط : تشعبط
سلطّ : تسلبط
سمّر : سمكر
عنق : عنقرة
لوح : لولح
طوح : طوطح

[ود القبايل]

أيوه : آآآي وجننونا بيها السعوديين ....
تشكرات أخونا الخطيب
تشكرات دي بالتركي ...

[فنطوط]

[فقط الأعضاء المسجلين والمفعلين يمكنهم رؤية الروابط]

اخي الخطيب لك كل تقديري

[أرض الخير]

مشكور ياخطيب ...........ولك التحية .....................

[الشقيل]

اخونا الخطيب مشكور على طرحك لهذا الموضوع الجيد ، لكي نعرف اللهجات أغلبها لكن نفسي أعرف لهجات الشمالية إذا عندكم منها زودونا....... يديك العافية.



تخريمة: انا ما عارف اياك إنت الخطيب البعرفه ولا خطيبا تاني؟

[الكردفاني]

تشكر يا الخطيب علي إهتمامك بموضوع اللهجات في السودان.
تحياتي

[ابو عبد الحفيظ]

الخطيب وينك اختفيت ؟؟

[عماد ساتي]

وازيدك يالخطيب

جميلة : سمحه
الأرض: الواطه
كيفك : كيفينك
فاطمة : فاطنه

وتحياتي

[الخطيب]

التحية هنا عبر هذا البوست ...
لكل الأعضاء المشاركين ..
والتحية لأعضاء منتديات كومي...
وآسف جداً لإنشغالي في الفترة السابقة ...
الشقيل ... (عمنا مدثر) اشتقنا ليك ... وينك يا راجل ...
ونواصل ...

[الخطيب]

القلب
ضج : جضّ
زواج : جواز
نضج : نجض
ملعقة : معلقة

[الخطيب]

الحذف
ولد : ود
بنت : بت
امرأة : مرة
نصف : نص
انت : ات
قلت : قتّ
كنت : كتّ
فرد :فد

[الخطيب]

إبدال الحروف
جعيص : جعيس
كظم : كضم
جأر : جعر
سأل : سعل
فقأ : فقع
انفقأ : انفقع
أين : وين
أديته : وديته
آمين : يامين
حبلت المرأة : حملت
منبر : بنبر
بهته : بهطه
ثلاثة : تلاته
حديث : حديس
تلعثم : تلعسم
جحش: دحش
جيش : ديش
حمزة : همزة
وجه : وش
خديجة : خجيجة
دجاجة : جدادة
حطّ : خت
زغرد : زغرت
انشدح : انشتح
ذنب : ضنب
زهري : ظهري
سرّة : صرّة
ذكر : زكر
ذمّه : زمه
شمس : شمش
رخيص : رخيس
سبق : صبق
رفض : رفد
ظل : ضل
ظهر : ضهر
بقر : بغر
وقت : وكت
قتل : كتل
إسماعيل : سماعين
فاطمة: فاطنة
جنب : جمب

[الخطيب]

والأمثال كثيرة مثل :
الأسد : اللسد
كتابه : كتابو
وقت : وكت
لعن : نعل
ارتمى : اترمى
غطس : غتس

[عاشقه امدرمان]

شكرا شديد علي الموضوع يا خطيب وشنو عدم الاسئله دي كاننا في امتحان

[اللاعب الماهر]

شمس : شمش

لوحدوا : برا هوا

ايش تبغى : دا ير شنو

كاتشب : كشب

شمة : صعود

[الخطيب]

عاشقة أم درمان ...
شكراً للمرور والمتابعة ..

اللاعب الماهر ..
لك التحية ... وأشكر لك مشاركتك في الموضوع ..
وفي إنتظار المزيد ...

[الخطيب]

أعذروني عن توقفي ...
ونواصل ...

نأتى للمعاني الدارجية :
اجي لفظ تستعمله النساء تعبيرا عن الدهشة
أوكشه : اصلها تركي وتعنى كعب الحذاء وأيضا الشيء المبتذل والأمر القذر
أ’مبو : لفظ يخاطب به الأطفال يعنون به الشرب والماء وهى من الكلمة القبطية أممبو بمعنى اشرب
أ’مبوح : صوت البقر
اندراوه : انجذاب واضطراب
أهيف : الجنيه وفى الأصل الدينار
أها : لفظ قبطي بمعنى نعم ( حرف جواب )
همبريب : نسمة من الريح منعشة
هلس : الدنيء الحقير

[الخطيب]

جاط : ازعج واحدث فوضى والجوطة بمعنى الازعاج ولعلها من جاظ ( اختال وتكبر في مشيه فهو جوّاظ )
خجّ : هزّه وحركه من جنب إلى جنب
خشلعة : اصلها شخلعة وتعنى تبذّل وتثنّي وخلاعة
خمج : بمعنى فسد
فرندقس : فوضى وخروج على المألوف
شعشع : الشارب – ألم به سكر خفيف
شطح : جاوز الحد
شفته : لصوص العصابات
شقيش : اصلها شق وتعنى صدعه وفرقه وشقيش تعني الي اي شق تتجه في السوال عن الرواح
شوبار : الفروع والشوائب الأكثر التفافا التي تتفرع من سيقان الزرع
دزّ : ساق امامه
دنقر : انحنى وطأطأ راسه ( يقولون في العراق دنكر بنفس المعنى ) ويا حليل العراق وان شاءالله ما يدنكر ( دى من عندى )
زتت : تباهى وتكبر

[الخطيب]

شره : الميل الشديد إلى الطعام
أُورو : اسم علم ومنها ود اورو حى بأم درمان التى تنطق ودّدرو
أوضه : غرفة وهى تركية
أوهاج : الحاج
إير : عضو التذكير من الرجل
بابح : لفظة تقال للطفل قبل ان يحسن الكلام عند نفاذ الشئ
بارجُغُل : السمين المنفوخ في ترهّل
بال : القلب والخاطر
بانت : حى في ام درمان وهو اختصار للرجال بانت اى ظهرت
بتاع وبتاعة : جمع باتع وهو ما يخص الانسان ، وهى في الاصل متاع وقلبت الميم باء
بجو بجو : طائر البقر المسمى البليبلى
بدنة : النسب والحسب ( الفرع القبلى )

[الخطيب]

برجل : تبرجل برجله اضطرب
برجُوبة : الطين اللّين الملكوك تغوص فيه الأرجل
برسيمة : ضاحكة ودودة
برشم : قطع أو شلخ في الخد
برضو : كلمة تركية برده وبردو وتعنى مرة أخرى
برطع : جرى
برطم : انتفخ من الغضب
برطوش : نوع خفيف من الاحذية
برع : برعت المرأة شعرها – بدأت تنقض شعرها الممشط لتمشطه من جديد
برقوق : جمل مشهور بالبطانة تنسب إليه الابل الجيدة
بريّة : لفظة تستعملها النساء لارادة البرء لمريض أو تقال لدرء الشر عن إنسان مهدد بالخطر وتستعمل مع المذكر والمؤنث

[الخطيب]

بزبز : بسبس – الماء سال وتسرب
بس : بمعنى حسب
بِس : لفظة تقال لطرد القط
بشّة : مجموعة من النساء في فرح او كره
بشتن : افسد الامر وبهدله
بشق : وسع على نفسه وعياله
بشويش : بالتدريج - تصغير بشوية والشوية شئ واضيفت اليه الشين
بضنجان : باذنجان

[اين قلبى]

تسلم يا غالى بس كلمة يا زول دى جاية من وين

[الخطيب]

تسلم يا غالى بس كلمة يا زول دى جاية من وين

تشكر على المرور الجميل ... أما بالنسبة لسؤالك ....

كلمة زول :::: :
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

هي في الأصل مفردةٌ عربيّةٌ فصيحة، ولها في لسانِ العرب أكثر من سبعة عشر معني، فالزول تعني :
1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال
2- والزول : الخفيف الحركات قال أبو منصور الثعالبي في حديثه عن الممادحِ والمحاسن، حين ذكر أطوار الإنسان : فإذا كان حركاً ظريفاً متوقداً فهو : زول.
3- والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.
4- والزول : العجب ، ألا تري أن السوداني إذا استغرب شيئاً قال : يا زول؟! يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .
5- والزول : الشجاع الذي يتزايل الناس من شجاعته.
6- والزول : الخفيف الظريف الذي يعجب الناس من ظرفه .
7- والزول : الغلام الظريف .
8- الداهية .
9- معالجة الأمر كالمزاولة .
10- التظرف .
11 - الحركة .
12- الصقر .
13- والزولة : المرأة الظريفة.
14- المرأة البرزة ( الجميلة) الفَطِنَة الزكية قال الطرماح بن حكيم:
وأدت إلي القول منهن زولة****تلاحن أو ترنو لقول الملاحن
والملاحنة هي الفطنة.
15- والزولة : الفتية من الإبل أو النساء ، قال رؤبة بن العجاج:
قد عتق الأجدع بعد رق **** بقارح أو زولة معق
16- ووصيفة زولة : إذا كانت نافذة الرسائل.
17- ويقولون فلان رامي الزوائل : إذا كان خبيراً بالنساء ، قال الشاعر:
وكنت امرأً أرمي الزوائل مرةً****فأصبحت قد ودعت رمي الزوائل
فهذا رجل كان يجتذب النساء في شبيبته بحسنه فلما أسن أنصرف عن ذلك .
فالزول والعمامة شعار سوداني- وأكرم به- ونحن نسعد ونفخر أن يكون شعارنا كلمة عربية فصيحة في قمة الفصاحة
هي ( الزول) ، وسنة نبوية وعادة إسلامية عربية أصيلة هي ( العمامة) والعمامة لباس النبي صلي الله عليه وسلم

[الخطيب]

بطّط : فرطح
بطُن : العندو ظهر ما بنضرب على بطنو اى سند : عندو بطن – اصابه اسهال
بعزق : بدّد واصلا سريانية ارامية
بُعُلُّو : ود ام بعلو – مخلوق خرافى يخيفون به الاطفال وفى المصرية بعبع واللفظ قبطى من بوبو وهو اسم عفريت مصري قديم
بعُو : الحجر الذى ينشق عنه الدوم وتصغيره البعيو ويطلق على الرجل القصير ( القزم )
بغُم : يقولون مافى زول يقول بغم : يعنى يفتح فمه بكلمة
بق : النور اضاء فجأة
بُق : ملء الفم ، البقّة مقدار ملء الفم بالماء
بلس فهو بلاّس : الجاسوس والمجبر الاجير
بلش : الامر تركه
بلع : انزله من حلقومه إلى بطنه
بلعوم : الموضع المعروف في الحلق ، قال مجانين: ما أم كوما قبيح نا الباير ام بلعوم اى مشاغبة عالية الصوت
بلغم : بصاق لزج
بلقعة : بخترة ودلع وعبث
بُلُوبُلُو : طير ابيض اللون
بلوة : مصيبة
بلية : البلاء والمصيبة

[الخطيب]

اديته : جاء زكرها فى ابدال الحروف اما عن المعنى
ادّى : اعطى
اديّنى الشئ : ادّى لى الشئ
اما
ودّى : اوصل

اسماعيل : سماعين ( جاءت تحت باب ابدال الحروف )واخيرا
اهيف هى كما جاءت فى القاموس واضيف بانها سودانية عامية وعربية عامية

اخى ودعقاب
التكل ،التبانه والدانقه لم اجدهم وبفتش ليك معناهم
اما الزقاق : فهو الطريق الضيق ، والزّقاق فى البادية مقدّمة بيت الشعر وتسمى ايضا الحجيل

[الخطيب]

بكش : كذّب اصلها بشك
بُكس : لكمة بجماع اليد
بلّية : كرة من الزجاج صغيرة يلعب بها الصبية وهى من ball الانجليزية
بُمبار : مصران محاط بالشحم يحشى ويشوى واصلها تركى
بنبر : اصلها منبر وهو مقعد من الخشب
بنّت : نسّق ونظم

[الخطيب]

بنجُوس : الطفل الصغير ولعلها جنوبية
بنقر : زاع صيته واشتهر
بنقو : الحشيش وهى من بنك الفارسية
بُنية : الضرب بجمع اليد واصلها فرنسية poignee
بهل : تدفق
بوبح : ظهر واكتمل
بُوبار : التظاهر والمبالغة في الكلام رياء
بوجن : الهدوم وخلافها – خلط النظيف بالقذر
بُور : الارض التى لم تزرع
بُورة : الهياج والتفاف الناس

[الخطيب]

بوار : الكساد والفتاة البايرة التى بارت سوقها ولم تجد سوقها قالت : يايُمّة كيف الشُّورا ..طالت علينا البورا .. شدُّو وقاموا ناس احمد البلُولة
بُوز : مقدمة الفم وهى فارسية الاصل بمعنى الشفة أو الفم وما حولهما
بُوزة : المريسة وغيرها من المشروبات المخمرة
بوس : قبّل وهى فارسية معربة
بوّش : تدهور لعلها من التركية بوش الذى لا خير فيه

[الخطيب]

بوّظ : افسد لعلها من بوزمق التركية وتعنى الافساد
بوّع : قطع المسافة وطوى الطريق

[الخطيب]

قُراد : دويبة تتعلق بالبعير ونحوه وهى كالقمل للانسان
قرطع : ضرب من سيل الابل
طرقع : الاناء ضربه فتناثر مايعلو من مادة (الطلس )
كرطع : جرى جريا خاصا يسمى الكرضعة
كرع : (فى الماء) مّد عنقه وتناول الماء بفيه من موضعه - كرع - شرب الماء بصوت يتردد فى الحلق

[الكردفاني]

وراك: ماذا ورائك؟
عييت: تعبت
شقيش: إلي أين؟

[مستر قوقل]

تشكر يااستاذ الخطيب

[سمل ود الولياب]

الكلمات النوبيه الموجوده فى القاموس .
وسوف أقوم تباعاً وبالترتيب الأبجدى الموجود فى القاموس بتتبع الكلمات النوبيه والشرح الموضح أمامها . وأتمنى أن أبحث وأعرض عليكم نتيجة البحث بالترتيب الموجوده بالقاموس الذى تتجاوز صفحاته أل 800 صفحه .
وإليكم نتيجة البحث الأولى من بداية القاموس . ( س ) ( ن ) تعنى بالترتيب سودانيه ونوبيه . برجاء مراجعة كشاف الرموز الذى نقلته لكم فى البدايه .
ملحوظــه : ـ الكلمات التاليه منقوله بالنص من القاموس .
1 ـ آبرى ==== نوع من الكِسره شديدة الحموضه فى شكل رقائق يُنقع ويشرب مائه . من أقوالهم (( ماعندو صبر يبل الآبرى ) ! أى قليل الصبر .
ومنه نوع يسمى ( حلو مُر ) . وذكر عبد المجيد عابدون فى كتابه من أصول اللهجات العربيه فى منطقة النوبيه المصريه ( آبريه جَرجيدا ) وهو نوع من الخبز المُحمر الرقيق يبل بالماء لأنه مُرطب . ويسمى فى منطقة وادى العرب ( الأبريق ) . وكلمة أبرى يبدو أنها نوبية الأصل .
2 ـ أبوق === ( س ن ) من ألفاظ الساقيه ويعرف بالخرين وهى نوبيل الأصل من ( الأبق ) ( ن ) وتعنى منفذ الماء من الجدول الى الحوض فى الساقيه .. ويوصف الرجل العبيط ( الشمال ) بأنه أبق .
3 ـ أتبرا ( س ) إسم بلد فى مديرية النيل . وقد تكون اخذت من إحدى اللغات القديمه esse كما يستدل من أول الكلمه بمعنى ماء فى النوبيه .
4 ـ أتى ( س ن ) بول البقل ( الصفراء )
5 ـ إداميت ( ن ) عيداد لصرار الأغنام . قال أحمدون ( الما بكمشها سيد وَبَره وإداميت )
6 ـ أدق وأدك ( ن ) زمن تغيير النَوبه فى الساقيه للثور .
7 ـ أدوب ( س ن ) تور الساقيه . قال ود شورانى يتغزل ( يِندى نَدَاك ياالشتله ام أدوبا نح (آى صوت ) .
8 ـ أرادا ( س ) شجره تكثر بالنوبه
9 ـ أربل ( س ن ) لوحة جرافه من أدوات الساقيه يستعمل فى دفن البذور وتسوى به أحواض السواقى وهى نوبيه .
10 أربود ( شمال ن ) أرض مالحه قاحله . وأراربد الأغبر القاحل فى العربيه الفصيحه . وأربود عربيه .
11 ـ آرتى ( ن ) جزيره وترد فى إسم عدد من الأمكن .
12 ـ أرتيق ضل الضُحى . قال الشايقى ( داير أسوى قهوتى فى أرتيق عَشَى
( عشيه ). وقال البدوى ( يا أرتيق الدار اللُماضى وفصاحى ) آى إتخذوا المجالس فى ظل البيوت وأصبحت عادتهم الثرثره والفُصاح .
13 ـ الأرتيق (شمال ) ربطة الدولاب فى الساقيه وهى من النوبيه . قال الشايقى ( وقَدَحَك الخًتًر وماسك الأرتيق ) .
14 ـ أرقو ( س ن ) جزيره كبيره جنوب دنقلا العُرضى وهى مكونه من مقطعين ( أرى ) بمعنى تيار النهر و ( قو ) بمعنى صاحب . أى مكان التيار الشديد .
15 ـ أرَقَ ( شمال ) خراب ولافائده منها . ويكون ذلك بعد الحصاد والطلاقات . وهى نوبيه الأصل . قال الشايقى ( ساقيتنا الكانت أرق ) .
16 أرقوق ( س ن ) عود يوضع على رقبة هور واحد تجر مه الساقيه . أو هو الثور بمفرده فى الساقيه . ( وقديق أرقو ) . قال الشايقى ( مثل تور النقر فى الأرقو سَايق وَحدانى فَرادى ) .
17 ـ أركاق ( س) أربع قوائم أو أعواد تحمل الساقيه وهى نوبية الأصل.
قال حاج الماحى ( يالسته البنوا الدين وقفوا أركاقو . وقال أيضاً ( رفع السما غير أركَج ياعاقلين إتفرجوا ) .
18 ـ أرنيقه ( س ن ) الشعبه التى توضع عمودياً فى منتصف الغرفه لتسند السقف . جمع أرانيق . قال الشاعر ( البيت يضلم أوعَ دَقيش الأرانيق ) .
19 ـ أروتى ( س ن ) الصبى الذى يقود الساقيه . ويقولون أيضاً ( س ) أو رَتى وهى نوبيه .
20 ـ سَد ( س شمال ) باقى شجيرات القمح بعد الحصاد فى منطقة حلفا القديمه والشايقيه وهى نوبيه .

[الكردفاني]

ذاهب: جاهز
ظاتو: ذاته
أتيتو: أعطيته

[الكردفاني]

عوووووووووك: للنداء

[الق المعانى]

موضوع مهم جدا .لك الشكر اخي الخطيب.

[الكردفاني]

أبومروة (بضم الميم والراء): نداء للأستغاثة أو طلب المرؤة.
الفجة (بكسر الفاء والجيم): المكان أو الموضع. ‏

[ود كوستينا]

تسلم الكردفاني يامميز في أي قسم ..

ويسلموو أيضاً أخونا الخطيب وينو الراجل دا ياجماعة مختفي ...

[الكردفاني]

مشكور أخي عبدالقادر علي الإطراء.
الشكشاكة: بداية نزول المطر.
الزيفة (بكسر الزاي): الحالة برودة الطقس بعد هطول الأمطار ويصاحبها هواء بارد.
الكتاحة: العاصفة الترابية الخفيفة.
مودتي

[الزمخشري]

[فقط الأعضاء المسجلين والمفعلين يمكنهم رؤية الروابط]
[فقط الأعضاء المسجلين والمفعلين يمكنهم رؤية الروابط]

[ابو نون]

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين

لغة اهل النيل والزراعه
التلقيحه هي العاصفه التي تحمل الغبار والاتربه وتحجب الرؤيه وهي غالبا تاتي في فصل الخريف

النو او الريح المصري هو ريح الشتاء الشمالي
والشرقي هو ريح الشتاء الشرقي
والغربي هو ريح الشتاء الغربي
اما ريح الصعيد فهو الريح الجنوبي او الجنوبي الغربي
والريس بجيب الهواء من قرونو i

[حميدي الحلفاوي]

أعذروني عن توقفي ...
ونواصل ...

نأتى للمعاني الدارجية :
اجي لفظ تستعمله النساء تعبيرا عن الدهشة
أوكشه : اصلها تركي وتعنى كعب الحذاء وأيضا الشيء المبتذل والأمر القذر
أ’مبو : لفظ يخاطب به الأطفال يعنون به الشرب والماء وهى من الكلمة القبطية أممبو بمعنى اشرب
أ’مبوح : صوت البقر
اندراوه : انجذاب واضطراب
أهيف : الجنيه وفى الأصل الدينار
أها : لفظ قبطي بمعنى نعم ( حرف جواب )
همبريب : نسمة من الريح منعشة
هلس : الدنيء الحقير
حبيبنا وصديقنا الخطيب(العريس) طبعا عارفك ليك شهرين عريس وماحتجي بجاي وعجبتني كلمة((أٌكشه)) دي لأنو كنا ننطقها بالمرحله الثانويه قبل الجامعه ولكن والله ماعرفتا معناها إلا كان من البوست ده كنا بنقول فلان ده أكشه ولا شنو لو حدث منه تصرف غاظنا شديد وحرق رزنا ههههههههه المهم باالله هي تركيه عشان كده الأتراك ((أوكش ههههههههه)) المهم ياالخطيب لامن تجي راجع عايزك الكتاب ده تترجمو على حسابي للرطانه أو إنجليزيه لأني مافهمت عربي السودانيين ديل وأصلو مافاهم حاجه في العربي ده غير عبارات التفاهم برضو بالله عليك مُش كتر خيرنا بنتكلم عربي مع رطانتنا ورطانة ناس بلير وناس صُركوزي الفرنسي لالالا معليش سر كوزي أنا ماعارف الراجل ده العاجبو شنو في كوزو ده لامن عامل ليهو سر خلاص الأسرار كملت... (سر) كوزو ده شنو مابتعارفو يالخطيب ...طيب عليك الله انا مابعرف زي ماك عارف لقوقال ده كدى فتش عبر القوقال ولا كان مرتو قوقاله...أها مايهو العربي الجاب الكلام ده ههههه أخي لك شكري وتقديري وإحترامي الدائم والمستمر وتعود لينا بالسلامه وبجيك بهناك لكن بعد ماتصل....بلدياتي اول سؤال وأنا حاجز اول واحد بعد عودتك...ماسر زواجك عام 2008 وكان 2012 حسب معلوماتي الموثوقه من الشرقيه هههههههههههههه حضوري ومروري بعد غياب وجات متأخره سوري يابلدياتي عارفني مابجامل حدا حتى ولو شقيقي لو مابيستحق المجامله وإنتا عارف((( المجامله فهم وثقافه ومعرفه طويله بشخص متفرد ومتميز ))) قبل كل شئ وأنت بحق متميز ومتفرد حتى في التواصل هههههههه مايكبر راسك صائم ولافاطر مع العرس ؟؟؟ ههههههه

[أرض الخير]

معقول الكلمات دي كلهات سودانية ...
البوست جميل لكن يوجد كثير من الكلمات لاول مره اسمع بها ..
ويوجد ما اعرفه ..ايضا ....
يسلموا الحضور ....

[ابو نون]

اين الخطيب قاموس اللهجات السودانيه ياانتربول كومي

[عاشقه امدرمان]

ياسلاااااااااااااااااااااااااام ياسلام

[البارون]

النحت

ما عليك شئ : معليش
على شأن: عشان وعلشان
لأي شئ هو : ليشنو
هذه الساعة : هسع
بلا شئ : بلاش
هي وهو لك : هيلك وهولك
أي شئ هو : شنو
دي اضافة حقيقية ارجو ان لاتتوقف من الاضافة عشان الواحد طول من كلام البطانة

[د.ابن النفيس]

[فقط الأعضاء المسجلين والمفعلين يمكنهم رؤية الروابط]

[الخطيب]

آسف جداً أحبتي على طول الغياب ..

بس إنشغلت لأمور المنتديات الأخرى ...

والإخوة في الإدارة يعلمون ذلك ...


(يا صاحبي دي ما دعاية بس أكيد حأواصل) ...


تقبلوا اعتذاري ...

[manda]

حمال التقيلة..

يا حبيبنا وينك يعني تخلينا مشلهتين كدا..

طيب دي حالة شنو دي ..

خلاص ممكن تدينا حاجة كدا سريعة عشان نطمى بيها..

يا خطيب الكلام دا كله بس فسرو لي بالعربية الفصحى..

ــــــــــــــــــــــ

واكد لك امتناني يا رائع..

[مامون مهنا]

اخى رضوان حسن فى انتظارك بشوق ولهفة .