إحترافية ذبابه [الأرشيف] - ..:: منتديات كومى ::..

عمر عائس

13-Jun-2009, 12:21 PM

العنوان المثير أو الخط الرئيسي من فنون الصحافه ودروسها الأساسيه ويجب ألا يكون مخلاً أو غير معادل لمتن الخبر...

قرأت من قبل في المنتدي موضوعاً يتعلق بغزو الذباب لاستوديوهات التلفزيون...تذكرت ذلك واليوم أتابع فقرة مراَة الصحافه في قناة الجزيره والذبابة تتجول علي رأس مقدم الفقره وأسمه هيثم...فأدركت أن الأمر لا يتعلق بإمكانات مادية وبف باف وغيره....

الذبابة مارست عملها بإحترافية عاليه وظلت تتجول (ولفترة قصيره) أعلي رأس المقدم وليست أمام وجهه (كذبابتنا الشليقه) التي تجعل المقدم أو المذيع يجتهد في (مناحاتها)بدلاً من تكريس جهده فيما يجب عليه القيام به...(المناحاه دي يا ناس الخرتوم معناها الهش..ويقال مناحاة الذباب أي هشه..وائل بكون عارف الحاجه دي ...علي سيرة عائشه الفلاتيه والكاشف أخوها)..

ويبدو أن الذبابة تلقت دروساً متقدمه من مركز الجزيره للتدريب في كيفية القيام بعملها ..ونخشي أن يكون حبيبنا مصعب قد عاني من أمر التدريب والتجريب ذلك...

عموماً وملخص الموضوع الذباب موجود هنا وهناك....

بعيداً عن هذه الذبابة (المرطبه)..أهم ما جاء في الفقره ما كتبه عبد الباري عطوان تعليقاً علي الإنتخابات الإيرانيه ...وأنه يجب علينا كعرب النظرة والإستفادة من وضعية إيران كدولة مستقله والنظر إلي مكانتها الساميه وسط الدول العظمي ومكانتنا المتواضعه قياساً بها ...وما لفت نظره ونظري أن جميع المترشحين الأربعه إتفقوا في برامجهم علي أمر واحد هو العمل علي تنمية وتطور بلادهم.. وذلك بلا شك يقود إلي مزيد من الإستقلاليه لتظل إيران هي المرعبه لدول الرعب نفسه...إنتهي

عماد ساتي

13-Jun-2009, 01:25 PM

الأستاذ عمر ... موضوع ذبابة تلفزيون السودان والجزيرة دى اعتقد انه لا مفر منها خاصة مع الكاميرات hd ... وبعد شويه ممكن نشوف حتى الباعوض ونحنا كمشاهدين اعتدنا عليها ولا تحلو الأخبار بدونها. [فقط الأعضاء المسجلين والمفعلين يمكنهم رؤية الروابط]

تحياتي

شرف محمد الحسن

13-Jun-2009, 01:30 PM

يا جماعة انتو الذباب دا معقدكم مالكم ....
دا بيسموه - الذبابة المنزلية - يعني بنت البيت ،، ولو كان اسمه ذباب الشوارع كان معليش ..
الغريبة امس شاهدت مسلسل مصري في القناة المغربية وكانت الذبابة خالفة 0كراعها- وجالسة علي كتف البطل ،لا في حد بهش ، والاغرب انو البطل كان - بيه - غني ، والموضوع كان عادي ..
وقبل فترة شفت - أوباما - الرئيس الامريكي ، بيهش في ذبابة ( امريكية ) والدنيا قاعدة ما قامت ، ولا في حرب على الارهاب ( أقصد الذباب ) ولا فرضوا عليه عقوبات في مجلس الامن ...

ايمن بشير خليفه

15-Jun-2009, 02:32 PM

الحبيب عايس
ياهباش يانباش .... ماقلنا مافى داعى .... الضبان البتتكلم عنو ماعادى .... قول لى كيف .... اول حاجة هو مظلوم لانو ظهر قبل الانفلونزات باشكالها المختلفة ومنظمة الصحة العالمية ماعملت ليهو راو ... والميديا العالمية اشتغلت على افلام لكل الحشرات والزواحف وتجاهلته تمام ... شفنا فليم عن النحل ... عن النمل .... العقارب ... وبنات امشبتو اقصد العناكب .... وعن الدبايب اقصد الثعابين وعن الديدان وعن السحالى .... ماخلو شيتا ماهبشوهو .... بعدين وين المشكلة ياعمر ياخوى شغالة مجانى لاعندها ولا عندها اضافى ..... بلا تصلح اللياقة بتاعت الناس اتخيل معاى تقديم يكون كالاتى .
مذيع : اعزائى المشاهدين .... حركة يد اعلى وجهه تشيح الذبابة بالاتجاه الاخر ....صوت ذيذيذيذيييذ
مذيع : الان نقدم لكم الفقرة التالية .... حركة اليد الاخرى فى اتجاه معاكس للاول .... صوت ذيذيذيذيذيذ
وهكذا تتابع المشاهد لقطة عامة ومتوسطة ومخصصة شفت الذبابة خطيرة كيف يعنى بتصلح لياقتكم وبتعمل ليكم عضلات تبش ... اضافة الى انها تذيد من تركيز المذيعين لانهم بيكونو بيذيعو وبيفكرو الذبابة حتجى من ياتو ناحية بعد طردها اول مرة بالجنبة ولا بالجنبة دى .
مع محبتى

وائل محمد الحسن

15-Jun-2009, 08:09 PM

والله يا عمر الموضوع غاية في اللطافة والله انا افتكرت الضبان دة عندنا برانا والله في واحدة انا كنت مفتكرة موظفة في الدرجة الاولي الخاصة جنس ماهي متحكرة في نص الاستديو طبعا ياعمر ذبابة الجزيرة دي بتكون بتتكلم لغات وعندها شهادات خبرة من ال cnn وال cnbc عشان كدة بتشتغل باحترافية وفنيات تلفزيونية كبيرة لكن حقتنا دي عندها جنس غتاتة والله لو قعدت ساعة ما تجي عليك بس ساعة ماتسمع استاندباي تبدا الشغل والواحد زي ما قال ايمن بكون منتظرا زي الطالب المنتظر ورقة الامتحان هههههه الله يجازي محنك يا عائس

هند عثمان

16-Jun-2009, 08:18 AM

سورى لدخولى بدون إحم و لا دستور

بس حقيقى الذبابة شكلها ما ظريف خالص خصوصاً لما بتتدخل فى شغل الشيف :no:

حقيقى بتحرق روح الواحد لو ما قادر يهشها ما يعمل ليهم حلويات عالأقل :funky:

و لا شنو يا جماعة ؟؟؟

تجانى

16-Jun-2009, 01:53 PM

الله يجازيك يا عايس ...... يعنى موضوعين فى موضوع ... ذبابة وانتخابات ايران ... والاهتمام والتركيز من الاخوان جا على الذبابة .. اما انتخابات ناس نجاد وموسوى وعظمة الدولة الاسلامية فما لقت رواج ... خلاص تانى افتح كل موضوع براهو ... وما تختبر الناس كده

الريح محمد

22-Jun-2009, 01:37 AM

كدي نخرم بيكم شوية من تلفزيون السودان لحدي البيت الابيض القريييييييييب دا
محطة cnbc الفضائية نقلت نفسها للبيت الابيض لاجراء مقابلة مع الرئيس الامريكي اوباما
فجاءة
اقتحمت الصالة ذبابة جريئة جدا جدا ولا اجدع واحدة من بتاعات القومي ما بتجروء علي كدة
تعامل اوباما معها بديبلوماسية
اصرت الذبابة على ازعاجه
سحق اوباما الذبابة
تمت
زززززززززززززززززززززز
................................

عماد ساتي

22-Jun-2009, 01:47 AM

معتز

22-Jun-2009, 02:48 AM

هههههههههههههههههههههههههههه

الحبيب عمر عايس

تصدق البوست ده ذكرنى زمان فى مدينتنا

كان فى محل مكتوب علية ( الرافدين لاسبيرات العجلات والليمون البارد )

لانى ما قدرت اعرف ( علاقة الضبان بأنتخابات ايران)

أما عن الذبابة التى تحدث عنها الاحباء فى بيتنا. فطالما هو بيتنا

فمن الطبيعى وجود الذباب فى البيت وهو جذء أصيل من البرنامج

(ممكن بعد يومين نشوف فار جارى )

شرف محمد الحسن

22-Jun-2009, 08:49 AM

كويس ذبابة البيت الابيض دى جات فى زمن اوباما ... لانو لو جات فى زمن بوش كان طلع مسدسه [فقط الأعضاء المسجلين والمفعلين يمكنهم رؤية الروابط] دا لو ما اتهم بعض الدول بتصدير الذباب الارهابي لمهاجمة امريكا وكان حصلت عراق 2 وعراق 3 وهلمجرا.

تحياتي

طبعاً ،،،، و حيقول جاءت ( نازحة من السودان ) بسبب الابادة الجماعية للذباب ( وانت عارف يا عمدة ) ناسنا ما عندهم مبيد أصلاً للذباب :gna::gna: