لو كنت رئيس او رئيسة جمهورية السودان ...كيف تحكم السودان ؟؟

[عماد ساتي]

بصراحة كيف كنت ستحكم السودان وماذا كنت حتفعل لراحة المواطنين. لأبداء الآراء والتفاعل.

سيكون ردى بعد ان اعرف آرائكم.

تحياتي لكم جميعاً

[محمد عبيد ادريس]

اخى عماد ساتى ... تحيه رئاسيه ( على وزن الفلل الرئاسيه) ..
من اصعب شعوب العالم الشعب السودانى وذلك لما يمتاز به من اختلاف فى كثير من الموروثات والعادات والافكار السياسيه وغيرها .. لذا وضع توليفه لحكم مثل هذه النوعيه من الشعوب من الصعوبه بمكان ..

لذا عن نفسى اقدم ليك استقالتى من الان ....
::::::: واحد صحبى دائما ما كان يقول شعب السودان الا يحكم بواسطه الملائكه وبرضو تجد المعارضين ::::::::

مودتى ....

[ود الفحل]

'طبعاً النقطة الأولى يجب الوضع في الإعتبار حاجة مهمة هو أن الشعب السوداني مؤشر خالف تعرف عالي جداً .
مؤشر الحسد عالي جداً
يعني الواحد يحسدك على الحاجة الكويسة اللي أنت عملتها ويشنفها ليك لأنه هو مابيقدر يعمل زيها.
والله حصل معي أيام الحكومة الإئتلافية بسأل واحد من أحد الأحزاب الحاكمة وهو في موقع قيادي ومعروف لدى الشباب ..ليه ماعايزين ناس الجبهة يدخلوا في الحكومة قام قال ليا ياأخي ديل ناس بتوع شغل والواحد البتختوا في حته بيشتغله مظبوط يقوم يكسبوا الدوائر كلها .
هذه هي العقلية السودانية ..ولذلك الرأي لكم اللي عايز يتولى هذه المهمة الله يوفقه ..
ولكم ودي ..
ود الفحل .........

[عماد ساتي]

يا جماعة شنو الحكايه ... مافى زول فيكم عايز يكون رئيس الجمهورية اوعى تكونوا هرشتو ؟؟؟ والمصيبة لو عايزين تعملوا انقلاب تحت تحت هههه :D

تحياتي

[abuferas1]

انا لو بقيت رئيس اول شي حاعمله: حاخفف اعباء المعيشة - يعني اللي عنده ياكل واللي ما عنده برضو ياكل. وبس

[عماد ساتي]

انا لو بقيت رئيس اول شي حاعمله: حاخفف اعباء المعيشة - يعني اللي عنده ياكل واللي ما عنده برضو ياكل. وبس

الأخ ابوفراس ... دا الكلام انت اول واحد يضع احدى سلبيات الحكومة وصدقنى لو نزلت انتخابات كثير برشحوك عشان دى بس.

تحياتي