المساعد الشخصي الرقمي

مشاهدة النسخة كاملة : مع اسرة بيتنا وجهاً لوجه

ابو عبد الحفيظ
16-Jul-2009, 02:06 PM
سعدت جداً بمقابلة افراد اسرة بيتنا افراداً وجماعات اول من قابلته كان ربان السفينة وقائدها النور معني النور وصاحبنا لوليمة شرف الفخمة وطبعا الزول اتصدم كان مفتكرني 4X5 وفي نفس اليوم التقيت بالمذيعة تقوي محجوب في استقبال التلفزيون وبعدها التقيت بالمذيعة نهي عطا مشرفة منتدي الاسرة وفي نهار السبت كان اللقاء الكبير في بيت الشفيف ايمن بشير ولكن قبله التقيت بالنور في مكتبه ومعه ابوروان وبروف رحمة والاخوان نشأت ووائل واحد مخرجي البرنامج والذي اشاد بالمنتدي ورواده وهذه شهادة نعتز بها وذهبت للاستديو بمعية الاخ ابو روان وكانت البداية من الكنترول وجلست بجوار المنتج تاج السر وعلي يمينه المخرج كردش ودودي جمعة وعلي يساري كانت المعدة هاجر الهادي علي مااظن وداخل الاستديو التقيت بالاخوان نشأت الامام وعواطف محمد عبد الله والمذيعة الجديدة ميادة والاخوة المصورين ومع نهاية الحلقة توجهت مع الاخ نشات لمنزل الاخ ايمن بشير حيث كان اللقاء الجامع فاستقبلنا الرجل واكرمنا بكرم اهل كردفان وكان الحضور النور معني وشرف محمد الحسن ونشات الامام ووائل محمد الحسن وابونون وابو روان ووليد فضل وانضم في خواتيم الجلسة مصعب محمود .

محطات :
* النور معني كان مفتكرني زول طويييل وعرييييض وكرشة متدلية :arf:
* نشأت الامام قال لي وين العمة والجلابية
* ابونون لغاية هسي مصر انو انا اكبر منه :arf:
* نهي عطا قالت لي مفتكراك بعكاز :gna:
* وائل خلاني مع العجائز اتصلت عليه وقلت ليهو انا عايز زول في سني اتونس معاهو ههههه
* ابراهيم الصديق مدير القناة طالب باحتفال والتصوير ليتم النشر في المنتدي :smile:
* تقوي محجوب اقتنعت اخيراً بانني اصغر منها بثلاثة شهور هههههه
* نشات ووائل وعواطف ونهي الشاشة مكبراهم شديييييد
* جعفر امبدي قدم لنا الدعوة لحضور العقد والغداء ومابكلمكم المكان الا بعد الغداء
حميدي الحلفاوي
16-Jul-2009, 02:33 PM
ههههههههههههههههههههههههههه أنا واحد صحبي هسي مرينا منا هنا بس أظنو الشمار والمرقه زاتو مالحقني...وحامد عثمان ليه ماجى..وعمر عائس ليه ماظهر... وليد كولن باول ليه جاي في الأخير ههههههههههه جيت أبصم عشان لقيت نفسي ماري بهنا..ولي عوده شبيه بعودة النميري ..وحضور وليد فضل دائما يجي في الأخير زي الشرطه في الأفلام الأجنبيه هههههههههه وكلام أبو النون إنتا أكبر منه في العمر دي صحيحه..شايف التوبه ( اقصد الطوبه) ديييييك تحت الشجره...طيب أنا ماشايفه... مودتي وتحيتي...
تخريمه دبل قبين: العزومه دي ريحتها كده عقد يازواج ومابراك معزوم أنا عندي هنا واحد عازمو حتتجنن لامن تعرف الخبر..
وناسي الهناك بلغهم سلامي وتحيتي ومودتي خلاص كفاك إستديوهات جننتني جن وقربت أعمل خروج وعوده وتباشري لك هههههههه
عمر عائس
16-Jul-2009, 04:34 PM
اشكر سؤالك حميد...واشكر الاخ وائل الذي هاتفني في ذات اليوم وكنت حينها يادوب صاحي من النوم الضهر كده بسبب السهر حتي الصباح في مناسبة احد الاصدقاء بودالماجدي وتحسرت علي عدم المشاركه في الجلسه ....واتمني ان تمتد اجازة الاخ شعراوي لنلتقيه ....بس السؤال دا ما يكون( مطب)...ههههههههه
ابو عبد الحفيظ
16-Jul-2009, 11:05 PM
وحامد عثمان ليه ماجى..وعمر عائس ليه ماظهر... وليد كولن باول ليه جاي في الأخير

حامد عثمان كان في موعد تاني بينا نفس اليوم وعزومتو في قندهار الاسبوع الجاي
عمر عائس شرح اسباب غيابه اسفل البوست
وليد فضل ماجا متأخر اقرأ البوست مرة اخري


تخريمه دبل قبين: العزومه دي ريحتها كده عقد يازواج ومابراك معزوم


برضو اقرأ البوست مرة تانية انا قلت عزمني لحضور عقده
واكيد مابراي معزوم لانو ده عرس
ابو عبد الحفيظ
16-Jul-2009, 11:10 PM
تحسرت علي عدم المشاركه في الجلسه ....واتمني ان تمتد اجازة الاخ شعراوي لنلتقيه ....


قالو النوم سلطان والجايات اكتر ان شاء الله ومن هسي انت معزوم في عزومة حامد عثمان ووليد فضل ، ولو طلعت اشاعة التنقلات صحيحة حتلاقينا معاك صبح وليل :arf:
قنديلاويه
17-Jul-2009, 01:08 PM
حمدلله على السلامه ياريس ومعليش جات متأخره لكن على قول عائس الجايات اكتر من الرايحات ونحن في انتظار ان تفي الوعد.....:smile:
نهى عطا المنان
17-Jul-2009, 01:20 PM
الريس منور البلد ...انشالله اجازتك تطول ونعمل احتفال بمقدمك يليق بمقامك
تخريمه :بعد شفناك تانى ناس فلان ما يقدرو يزورو فى العمر ..واتكشف الاكبر منو..بالذات الناس القالو الموضوع فيه صبغه :arf:
النور معنى النور
17-Jul-2009, 09:45 PM
يا حميدى انت متاكد الجانا دة هو نفسو ابو عبد الحفيظ ؟؟ يعنى ياهو زاتو ؟؟؟ حاجة غريبة .... لانو المعانا دة شاب صغير جدا .....ههههههههههههههههههه
وائل محمد الحسن
19-Jul-2009, 08:13 PM
طبعا اشاعة الشيب والكبر دي مروجنها اتنين واحد من المشرفين والتاني من الاداريين تاني يابونون ماعندك طريقة شفنا بي عينا هههههههههه
ابواحمد
21-Jul-2009, 10:46 AM
الريس منور البلد ...انشالله اجازتك تطول ونعمل احتفال بمقدمك يليق بمقامك
تخريمه :بعد شفناك تانى ناس فلان ما يقدرو يزورو فى العمر ..واتكشف الاكبر منو..بالذات الناس القالو الموضوع فيه صبغه :arf:


يا استاذه نهي شنو التحول 180 درجه دا؟الزول دا مصبغ..وجيتو ليكم دي من الكوافير:smile::jap:
طبعا اشاعة الشيب والكبر دي مروجنها اتنين واحد من المشرفين والتاني من الاداريين تاني يابونون ماعندك طريقة شفنا بي عينا هههههههههه

طيب ياوائل انت تقدر ليه كم ؟؟؟؟؟:gna::arf:
مامون مهنا
22-Jul-2009, 01:01 PM
بصراحة الشعب السودانى شعب عظيم وطيب واصيل ومحترم واجمل ما يميزنا البساطة فعندما نلتقى تذوب كل الفوارق الاجتماعية والاثنية والعقائدية ونكون الشعب السودانى هذا المتفرد فى طباعه ونسيجه فليتنا نعمل على الحفاظ على هذه الموروثات وتنميتها وتغذيتها لاجيالنا القادمة وكم انا فخور بسودانيتى وانتمائى لمنتديات كومى نسيج القومية الاخذ فى النمو بوعى وادراك ,,,
ابو عبد الحفيظ
22-Jul-2009, 01:02 PM
وتتواصل اللقاءات باسرة بيتنا الرائعين
يوم الاثنين الماضي كان يوماً مشهوداً لاسرة بيتنا حيث كان الاحتفال بزواج الوجيه جعفر امبدي وكنت حضوراً بدعوة كريمة منه وبمعيتي الابن عبد الحفيظ الذي كاد ان يخطف النجومية من العريس :arf:

اول من التقيته كان الجميل عمر عائس وبعد السلام والمجاملة اخذنا مقاعدنا لتناول وجبة الغداء وطبعاً عائس يتميز بالهدوء الشديد :smile:
ثم جلسنا انا والاخ شرف خارج القاعة نتجاذب اطراف الحديث لفترة طويلة من الزمن ثم عدنا مرة اخري للصالة .
وبعد الغداء كنت بجوار الاخ النور معني ولحظات وانضمو الينا حرم الاستاذ النور والاخوات عواطف محمد عبد الله ونسرين حسن التي اتهمتني بالتزوير في الشكل :arf:
وبعدهم بقليل انضمت نهي عطا وميرال تيتو وبلالة البشاري ومصعب محمود ونشات الامام ووزير العريس وائل محمد الحسن ومن ثم تجاني خضر الذي التقيه لاول مرة
كما التقيت في هذه الجلسة بالمخرج الفذ سيف الدين حسن والمصور الفاتح مهدي والمذيع رضا مصطفي الشيخ والاستاذ علاء الدين الضي المنتج المنفذ لبرامج المنوعات ومذيعة النشرة الجوية سوزان سليمان
ولحظات انضمت للجلسة المذيعة الجديدة عضوة المنتدي براءة حنين ( ميسون محمد ) والمذيعة الجديدة ميادة وتخلفت عن المناسبة الاخت تقوي محجوب لعطل في سيارتها
نرجو من الاخوان مصعب وميرال دعمنا بالصور حيث كان التصوير حصري عليهم :gna:
صديق حسين
01-Aug-2009, 08:34 AM
تسلم والله يا شعراوي واهنئك بهذه الزيارة الناجحة بكل المقاييس ولقائك بهؤلاء الكوكبة النيرة من اعضاء التلفزيون واكيد هذه الزيارة ستضيف لك الكثير والكثير وانشاء الله ينعكس هذا كله على منتديات كومي الرائدة ويسهم في تطورها اكثر واكثر .
ابو عبد الحفيظ
01-Aug-2009, 11:21 PM
تسلم والله يا شعراوي واهنئك بهذه الزيارة الناجحة بكل المقاييس ولقائك بهؤلاء الكوكبة النيرة من اعضاء التلفزيون واكيد هذه الزيارة ستضيف لك الكثير والكثير وانشاء الله ينعكس هذا كله على منتديات كومي الرائدة ويسهم في تطورها اكثر واكثر .

اكيد الجايات اكتر باذن الله بس انت تابع كومي كويس
صديق حسين
02-Aug-2009, 08:58 AM
اكيد الجايات اكتر باذن الله بس انت تابع كومي كويس

اكيد يا شعراوي ---- متابعين ومنتظرين
ابو عبد الحفيظ
23-Jan-2010, 01:12 AM
تم رفع الموضوع



لكم التحية

وشكراً