المساعد الشخصي الرقمي

مشاهدة النسخة كاملة : عرس أمبدي ،، صور - حصرياً ..

شرف محمد الحسن
22-Jul-2009, 02:16 PM
صور عرس امبدي - حصرياً ،، إلتقطت عدد كبير من الصور ، سأوافيكم بها تباعاً - ان شاء الله
شرف محمد الحسن
22-Jul-2009, 03:00 PM
اليكم صور الفطور ،، مشينا أنا و أبو مرام ، والصادق أبو عيده ،،، راكبين عربية ابو مرام ،،
أما نشأت سبقنا بعربيتة مع صلاح ، ودودي ،،،
صاحبكم نشأت ( تاه ) دخل بيت عرس تاني ،،، ولأنه معروف ( كمذيع ) ناس العرس رحبت و هاك يا دعوات وسلام ،،، المهم لما اتخارج منهم ، رجع خلف قوي بعربيته ( المغسلة نضيف ) ودخل في الطين ( وكان طين مركز ) ...


[فقط الأعضاء المسجلين والمفعلين يمكنهم رؤية الروابط]
نهى عطا المنان
22-Jul-2009, 04:19 PM
حااااااااااااااجه روعه شرف محمد الحسن
صور جميله عيشتنا القصص
مشكور يا راقى
نور العين
22-Jul-2009, 09:41 PM
مبرووووك استاذ امبدى
ومشكور اخ شرف محمد الحسن
عقبال باقى الشباب يارب

الفطور حاجه تمام خاصه صحن العصيده
حميدي الحلفاوي
23-Jul-2009, 01:24 AM
[فقط الأعضاء المسجلين والمفعلين يمكنهم رؤية الروابط]
مليون مبروك أخي الغالي امبدي (((بارك الله لك...وبارك عليك...وجمع بينكما في خير))
رائع ياشرف والصينيه دي جننتني وأنا عزوبي سيوبر ديلوكس وصدقني البيض مع اللحمه دي بس الدايرو من الصينيه دي والباقي خليتو لناس نشأت ودودي وشرف تعال بجاي جنبي وماعليك بالباقي بس ماتنسى تجيب معاك شامبيون هههههههههههه مودتي وتحيتي وشكري وتقديري لك على اللفته الرائعه
شرف محمد الحسن
23-Jul-2009, 12:27 PM
الصور الجايه دي ، من حديقة الموردة العريقة ، حيث توجد قاعة الخليل الفخمة التي احتوت الضيوف و الاحتفال بالعرس ...

[فقط الأعضاء المسجلين والمفعلين يمكنهم رؤية الروابط]
هيثم عبد اللطيف
23-Jul-2009, 02:15 PM
ياسلام علي التغطية المميزة اخوي الحبيب شرف محمد الحسن مع تمنياتنا القلبية الحارة للحبيب جعفر بحياة زوجية سعيدة وبيت مال وعيال انشاء الله
نشأت الإمام
26-Jul-2009, 11:04 AM
كده يا شرف..؟
يعني موضوع (الروحه) ده في داعي ليهو.. انتو ما كنتوا معانا فيهو.. ولا كيف يعني صورتنا واحنا رايحين.. هاهاهاهاههاهاهاااهها
لكن بالجد كان موقف طريف..
طبعاً الصيوان في نفس شارع ناس امبدي.. وقبل منزلهم بكم بيت كده..
انا بيت امبدي بعرفوا.. لكن قلت نحن السودانيين.. عادي بتلقى المناسبه عند الجيران.. (لزوم التوسيع وكده).. يعني بيوت الجيران كلها بتكون تبع المناسبه.. هاهاهاهاهاها
ياخي نزلت ومعاي صلاح والاخ دودي.. و(تووووووش) في الصيوان.. السلام عليكم.. اهلاً مرحب يا شباب.. اتفضلوا.. تعالوا جاي.. وعمك كبير قام سلم علينا.. ودايرين يقعدونا في صينية.. لحدي الوكت داك نحنا ما عارفين اننا رايحين.. قلنا ليهو بس نسلم على العريس وكده.. الراجل عاين لينا عين غريبة كده.. ونحنا ما فهمنا حاجه.. وما عرفنا سر النظره !!
لما طلعنا بالجهة التانيه للصيوان لقينا انو بيت ناس امبدي لسه بعيد من الحته دي.. واكتشفنا انو نحنا دخلنا غلط.. !!!
انا وصلاح قلنا نرجع للعربية في الجهة التانيه.. دودي حلف بالتقطعو.. ما يرجع يشق الصيوان تاني.. قال نمشي هناك برجلينا.. قلنا ليهو المشوار بعيد.. قال حتى ولو.. احسن من يرجع والصيوان كلو يعرف انو غلط في العنوان.. !!
المهم رجعنا انا وصلاح وقال لينا لفوا وتعالوا لي انا بنتظركم هنا..
رجعنا وشقينا الصيوان ، وهناك تعالت الأصوات: ما بدري يا استاذ.. الفطور (حرم) جاهز.. اعتذرنا ليهم وقلنا حا نجي راجعين..
الوكت داك.. شرف وشريف كانوا وصلوا.. صلاح قال لي حقو نخليهم يدخلوا ونعمل فيها ماشين مشوار وراجعين.. زي نكتة الغتيت الماشي قدام الناس بالليل وفي عود قدا ليهو عينو.. والكانوا معاهو كلهم غتيتين.. لما طلعوا من الضلمة كلهم كانت واحده من عيونهم مقدوده.. ومافيهم واحد قال للوراهو اعمل حسابك.. هاهاهاهاها
الجميل في الموضوع.. انو بعد وصلنا عرس امبدي.. حكينا ليهم عن المناسبه التانيه المشيناها.. واكتشفنا انها مناسبه خاصة (بعروس).. وعندها اكتشفنا انو الراجل لما قلنا ليهو ماشين نسلم على العريس عاين لينا بالطريقه العجيبه دي ليه..!!! هاهاهاهاهاهاهااه يكون ابو العروس وكده....
نشأت الإمام
29-Jul-2009, 10:15 AM
شرف (والأسد) وينك يا حبوب.. منتظرين باقي الصور
ابومرام
29-Jul-2009, 12:14 PM
معقولة يا شرف ما لقيت غير الجزمة انا اصلى من زمان كنت شاكى انك احوص ههههههههه
صديق حسين
01-Aug-2009, 08:36 AM
الف مبروك للاخ امبدي بيت مال وعيال انشاء الله
النور معنى النور
01-Aug-2009, 02:08 PM
كده يا شرف..؟
يعني موضوع (الروحه) ده في داعي ليهو.. انتو ما كنتوا معانا فيهو.. ولا كيف يعني صورتنا واحنا رايحين.. هاهاهاهاههاهاهاااهها
لكن بالجد كان موقف طريف..
طبعاً الصيوان في نفس شارع ناس امبدي.. وقبل منزلهم بكم بيت كده..
انا بيت امبدي بعرفوا.. لكن قلت نحن السودانيين.. عادي بتلقى المناسبه عند الجيران.. (لزوم التوسيع وكده).. يعني بيوت الجيران كلها بتكون تبع المناسبه.. هاهاهاهاهاها
ياخي نزلت ومعاي صلاح والاخ دودي.. و(تووووووش) في الصيوان.. السلام عليكم.. اهلاً مرحب يا شباب.. اتفضلوا.. تعالوا جاي.. وعمك كبير قام سلم علينا.. ودايرين يقعدونا في صينية.. لحدي الوكت داك نحنا ما عارفين اننا رايحين.. قلنا ليهو بس نسلم على العريس وكده.. الراجل عاين لينا عين غريبة كده.. ونحنا ما فهمنا حاجه.. وما عرفنا سر النظره !!
لما طلعنا بالجهة التانيه للصيوان لقينا انو بيت ناس امبدي لسه بعيد من الحته دي.. واكتشفنا انو نحنا دخلنا غلط.. !!!
انا وصلاح قلنا نرجع للعربية في الجهة التانيه.. دودي حلف بالتقطعو.. ما يرجع يشق الصيوان تاني.. قال نمشي هناك برجلينا.. قلنا ليهو المشوار بعيد.. قال حتى ولو.. احسن من يرجع والصيوان كلو يعرف انو غلط في العنوان.. !!
المهم رجعنا انا وصلاح وقال لينا لفوا وتعالوا لي انا بنتظركم هنا..
رجعنا وشقينا الصيوان ، وهناك تعالت الأصوات: ما بدري يا استاذ.. الفطور (حرم) جاهز.. اعتذرنا ليهم وقلنا حا نجي راجعين..
الوكت داك.. شرف وشريف كانوا وصلوا.. صلاح قال لي حقو نخليهم يدخلوا ونعمل فيها ماشين مشوار وراجعين.. زي نكتة الغتيت الماشي قدام الناس بالليل وفي عود قدا ليهو عينو.. والكانوا معاهو كلهم غتيتين.. لما طلعوا من الضلمة كلهم كانت واحده من عيونهم مقدوده.. ومافيهم واحد قال للوراهو اعمل حسابك.. هاهاهاهاها
الجميل في الموضوع.. انو بعد وصلنا عرس امبدي.. حكينا ليهم عن المناسبه التانيه المشيناها.. واكتشفنا انها مناسبه خاصة (بعروس).. وعندها اكتشفنا انو الراجل لما قلنا ليهو ماشين نسلم على العريس عاين لينا بالطريقه العجيبه دي ليه..!!! هاهاهاهاهاهاهااه يكون ابو العروس وكده....


هههههههههههههههههه لى كام يوم كدة ما قادر اضحك .... قريت مقالك الجميل دة يا نشات ضحكت ضحك فى الدنيا دى .............. هههههه تحفة والله
النور معنى النور
30-Sep-2009, 03:26 PM
ياخى حمد لله على السلامة يا جعفر امبدى
انشا الله بيت مال وعيال

شرف يا غالى ما تحرمنا من لقطاتك الجميلة
ابومرام
07-Oct-2009, 08:54 PM
يا شرف الجزمة بقت قديمة وجبنه واحدة جديدة ما تجى تصور فى فرح تانى
حسن خندقاوي
10-Oct-2009, 01:22 PM
الف الف مبرووووووووووووك جعفر امبدي ...
وربنا يحقق ليك كل الاماني الفي بالك...
وتقبل التهاني من سحر والاسرة
وانشاءالله بيت مال وعيال

[فقط الأعضاء المسجلين والمفعلين يمكنهم رؤية الروابط]
Mohamed Suliman
20-Oct-2009, 03:02 PM
شكرا ابو مرام علي التقطيه الحصريه لهذا العرس التاريخي لاخونا جعفر ا مبدي وعقبال كل شباب التلفزيون .
شرف محمد الحسن
21-Oct-2009, 10:04 AM
شكرا ابو مرام علي التقطيه الحصريه لهذا العرس التاريخي لاخونا جعفر ا مبدي وعقبال كل شباب التلفزيون .

ابو مرام مين يا محمد سليمان !!

صباح الخير ......