عندك موبايل؟؟عمرك كم؟؟

[Raw3a]

اخواني و اخواتي المبدعين..

عندي ليكم موضوع و ان شاء الله نقدر نتبادل فيه النقاش و نعرف

آراء بعض..

موضوعي ليكم يا اعزائي الموباااااااااااااااااايل..او لاخواني في السعودية الجوال :D

الموبايل يا جماعة زي ما احنا عارفين انو مهم و دي ما فيها اتنين تلاتة..

ولكن برضو عارفين انو سلاح ذو حدين..يعني زي الانترنت..وذلك بسبب استخدام

تقنية البلوتوث في اسباب و العياذ بالله جد مخزية..يلى يا جماعة احنا الحمد لله

كبار عاقلين و واعيين واكيد كل انسان قادر ان يمنع اي شيء ما جميل

من الوصول لي جهازو المحمول..

ده كلو يا جماعة كلام معروووووووووووف..ولسه ده ما موضوعنا..

نقاشنا و موضوعنا يا جماعة عن الاطفال و انا بالجد اعني كلمة اطفال

الاصبح الموبايل عندهم اقتناؤه مهم زي اي حاجة اساسية تانية..

و اطفال دي بعني بيها الفئات العمرية من 10 سنين الى 15 سنة..

و دي الفترة البنكون فيها لسة احنا في المدرسة..

يعني سير حياتنا معروف البيت المدرسة ..المدرسة البيت..و لوفي طلعة بتكون مع الاهل..

اذا ليه يا جماعة الموبايل في العمر ده و هو ما عندو اهمية..خاصة للبنات؟؟؟

يعني اغلب البنات كانو اهلهم ما بيوافقوا ان يكون عندهم موبايل الا لمن

يدخلو الجامعة..وانا منهم..وكتار غيري بعرفهم..وكان في رفض قاطع لي امتلاك

موبايل في العمر ده..

اما الان بالجد انتشرت ظاهرة الموبايلات في ايدي الاطفال و بدون داعي..

لان احنا ما بنضمن البيقع في يدهم من تقنية البلوتوث..او حتى ما بنضمن ان

الموبايل ده ما يشغل اخوانا الصغار عن المذاكرة و الدروس..

اها يا جماعة رايكم شنو ؟ :confused:

و لكم تحياتي ..

[احمد بناوي]

التحيه للعزيزة روعه وهي دائما تحيي المواضيع الهادفه في المنتدى
وحكاية الموبايل مع من هم دون 18 سنة انا ارى انه ليس هنالك داعي من حمله
للاسباب اللتي ذكرتيها وهي ملزمتهم لاهلهم بعدين الاطفال في سن زي ده
بيقتدو بالناس الاكبر منهم بتلقاهم كان اولاد ماشيين بي موضة الترقيم
والبنات اي وحده بقت عايزة يكون عندها الزول اللي بيتصل بيها
ماهو كده فتحنا باب ماكان من المفترض انو ينفتح ليهم
وفتحناهو بايدينا ودي بجد بتعمل مشكله لقدام لانها بتخرب الطباع الحلوه
الغرسناها فيهم والانترنت في السن ده برضو خطر لنفس الاسباب
اما عن البلوتوث وما يعرض عليه حدث ولا حرج
عموما كده احنا بنضيع ابنائنا برانا
بحيث انو بيفلتو من الرقابه بدون موبايل احنا عارفين هم بيعملو ايه
اما لما يكون في موبايل الحكاية بقت سايبه وقد يحدث مالاتحمد عقباه


لي عوده يا روعه وموضوعك الروعه وزي ماعرفتك طول عمرك روعه

[ود ابجديد]

اختنا المبدعة روعة
تطرقتي لموضوع في غاية الاهمية
بالاضافة لكل الكلام الكتبتيهو
المفروض والدين الطفل ما يلبو للاطفال بكل رغباتم يعني مثلا طفل في عمر 15 سنة داير الموبايل لي شنو لانو مافي اي داعي لامتلاكلو للموبايل في السنة
وانا شفتا اطفال والله عندهم موبايلات احدث وعندو امكانيات عالية من بعض موبايلات الناس الكبار.
شكرا
وراجعين ليكم تاني

[ابواحمد]

اختي الحبيبه عندنا مهم انك تعرف طفلك او ولدك لما يتاخر عليك ولكن لا اري الحاجه كبيره له ...خاصه الاطفال في عمر المراهقه يشغلهم ويصرفهم عن الدراسه ......واري الموبايل يكون للطالب في الجامعه وان كان ايضا صغيرا لانه دون الثامنة عشرا .........فطالما الضرر اكثر من الفائده اكون معكم في رؤيتكم............

[كاندي]

روعة ياروعة ودي هدية مني ليكي
استخدميها توقيع

[فقط الأعضاء المسجلين والمفعلين يمكنهم رؤية الروابط]

[عبدالله كنه]

الرائعة روعة

اول حاجة بمناسبة الموبايلات دي
ماعندك موبايل عشان إتصل عليك وأوضح ليك رأيي في ظاهرة الموبايلات :D :D



ثانيا مشكورة للمشاركة الرائعة وحقيقة الموبايل ظاهرة تستحق الوقوف عندها كثيرا سوي أن كانت عند الأطفال أو عند الكبار وقد أصبح مدخلا لأشياء كثيرة لايتسع المجال لذكرها ويمكن سؤالي الأول لروعة علي الرغم من الدعابة التي به الا أن به شئ مهم من المفهوم الذي حواه هذا البوست

لك التحية وبجيك صادي

[Raw3a]

التحيه للعزيزة روعه وهي دائما تحيي المواضيع الهادفه في المنتدى
وحكاية الموبايل مع من هم دون 18 سنة انا ارى انه ليس هنالك داعي من حمله
للاسباب اللتي ذكرتيها وهي ملزمتهم لاهلهم بعدين الاطفال في سن زي ده
بيقتدو بالناس الاكبر منهم بتلقاهم كان اولاد ماشيين بي موضة الترقيم
والبنات اي وحده بقت عايزة يكون عندها الزول اللي بيتصل بيها
ماهو كده فتحنا باب ماكان من المفترض انو ينفتح ليهم
وفتحناهو بايدينا ودي بجد بتعمل مشكله لقدام لانها بتخرب الطباع الحلوه
الغرسناها فيهم والانترنت في السن ده برضو خطر لنفس الاسباب
اما عن البلوتوث وما يعرض عليه حدث ولا حرج
عموما كده احنا بنضيع ابنائنا برانا
بحيث انو بيفلتو من الرقابه بدون موبايل احنا عارفين هم بيعملو ايه
اما لما يكون في موبايل الحكاية بقت سايبه وقد يحدث مالاتحمد عقباه


لي عوده يا روعه وموضوعك الروعه وزي ماعرفتك طول عمرك روعه



احمد اشكرك على المروووووووووووووور

و تسلم بالجد ما خليت لي حاجة اقولها

لكن دي ظاهرة

يعني مشكلة

في رايك حلها ممكن يتم كيف ؟؟ :confused:

[Raw3a]

اختنا المبدعة روعة
تطرقتي لموضوع في غاية الاهمية
بالاضافة لكل الكلام الكتبتيهو
المفروض والدين الطفل ما يلبو للاطفال بكل رغباتم يعني مثلا طفل في عمر 15 سنة داير الموبايل لي شنو لانو مافي اي داعي لامتلاكلو للموبايل في السنة
وانا شفتا اطفال والله عندهم موبايلات احدث وعندو امكانيات عالية من بعض موبايلات الناس الكبار.
شكرا
وراجعين ليكم تاني



تشكرااااااااااااااااات على المرور ود ابجديد

ماهو انا سبب طرحي للموضوع ده شنو

ان لقيت طفل عمرو 13 سنة

و في عز ايام الامتحانات

قاعد قصاااااااااااااااااد الكمبيوتر و موصلو بالنت

عشان ينزل العاب فيهو

طيب ما اعترضنا لكن هل ده الوقت المناسب

يعني هل الالعاب اهم ليهو من المذاكرة..

بالجد دي ازمة و ماشة في زيادة

لك الشكر يا مبدع

[Raw3a]

اختي الحبيبه عندنا مهم انك تعرف طفلك او ولدك لما يتاخر عليك ولكن لا اري الحاجه كبيره له ...خاصه الاطفال في عمر المراهقه يشغلهم ويصرفهم عن الدراسه ......واري الموبايل يكون للطالب في الجامعه وان كان ايضا صغيرا لانه دون الثامنة عشرا .........فطالما الضرر اكثر من الفائده اكون معكم في رؤيتكم............



ابو احمد

اشكر جدا على المرور

من ناحية ان ضرر الموبايل في العمر ده اكبر من نفعو

دي حقيقة ملموسة جدا..

لكن حتى لو وجدنا بعض العذر ما كتير بعض العذر بس

للاولاد في هذا العمر لحمل الموبايل

يمكن حقيقة ان الولد بيطلع و ممكن الاهل يطلبوهو عشان يطمئنو عليه

لكن ليييييييييييييييييه للبنات في العمر ده؟؟

ده باب غير الجحيم ما بجيب شيء

لان العمر ده خطر جدا..

لك التحايا ابو احمد

[Raw3a]

روعة ياروعة ودي هدية مني ليكي
استخدميها توقيع

[فقط الأعضاء المسجلين والمفعلين يمكنهم رؤية الروابط]



تسلم كاندي اشكرك على المرور

و اشكرك على الصورة بالجد جميلة

[ود البلد]

انتو الظاهر ما متخيلين

الحياة بقت ما بتمشي بدون

موبايلات وبقت عند بعض الناس

أهم من الأكل والشراب

[Raw3a]

الرائعة روعة

اول حاجة بمناسبة الموبايلات دي
ماعندك موبايل عشان إتصل عليك وأوضح ليك رأيي في ظاهرة الموبايلات :D :D



ثانيا مشكورة للمشاركة الرائعة وحقيقة الموبايل ظاهرة تستحق الوقوف عندها كثيرا سوي أن كانت عند الأطفال أو عند الكبار وقد أصبح مدخلا لأشياء كثيرة لايتسع المجال لذكرها ويمكن سؤالي الأول لروعة علي الرغم من الدعابة التي به الا أن به شئ مهم من المفهوم الذي حواه هذا البوست

لك التحية وبجيك صادي




عبدالله كنة

اشكرك والله على المرور

و اشكرك لموافقتي الراي

و عندي موبايل لكن ما حافظة رقمو :D :D


و في انتظار انك تجي صادي

بالمناسبة صادي معناها شنو ؟؟ :D

[Raw3a]

انتو الظاهر ما متخيلين

الحياة بقت ما بتمشي بدون

موبايلات وبقت عند بعض الناس

أهم من الأكل والشراب


ود البلد اشكرك يا رااااائع على المرور

و بالجد نحن لو ما عارفين ان الناس بقت كده

يعني مهووسة بالموبايلات ما كنت طرحت الموضوع ده

و طلبت اراءكم

بس بالنسبة للكبار ما فيها اشكال

لكن نقطة حوارنا الاطفال

رايك شنو ؟؟ :confused:

[ود البلد]

كلامك سليم

وما بنقدر نغالطك

[Raw3a]

تسلم يا رائع

[عبدالله كنه]

عبدالله كنة


و في انتظار انك تجي صادي

بالمناسبة صادي معناها شنو ؟؟ :D


صـادٍ وكـــأسي بالهمومِ دِهــاقُ
والقلبُ رُغماً للشجونِ يُـــسـاقُ


[فقط الأعضاء المسجلين والمفعلين يمكنهم رؤية الروابط]

والله أعلم

[Raw3a]

صح لسانك والله


اشكرك حتى النخاع


لكن برضو ترجمها لي


بالسوداني ؟؟ [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[الشايقي ود كسلا]

تسلمي اختي روعة لهذا الموضوع الجيد والمفيد
حيث نعلم بأن الهاتف النقال ( الجوال ) سلاح ذو حدين أن احسنت استعماله نفعك وان
اسأت استعماله ضراك وغير الاسباب التي زكرتيها اختي الكريمة روعة فهنالك اضرار
مرضية للجوال ايضا وهي الاشعه التي تصدر منه في شكل زبزبات قد تصيب مستخدمه
بسرطان في الرأس أو جلطة في الرأس ويأتي ذالك في المكالمات الطويلة لذالك استخدام السماعة المرفقة مع الجوال مهم جدا

اما بخصوص الاسباب التي زكرتيها اختي روعة
انا في رأيي أنه إذا أحسن إستخدامه فسيكون مفيد لأنه كما نعلم يقرب البعيد.. لكن يجب على كل ولي أمر أن يعي مايفعل, و أن لا يثق في أبنائه ثقة عمياء.. فهنالك الكثير ممن إنحرف بسبب هذا الهاتف.. لأنه بلارقيب, فأي فتاة أو فتى لايوجد لديه ورع أوتدين سوف يسئ إستخدامه بالطبع, ففي هذه الحالة لابد من إشراف الوالدين ومتابعتهم من دون أن يشعروا أبنائهم بتلك المتابعة حتى لا يشعر الأبناء بالكبت أو بعدم الثقة..

تحياتي

[عبدالله كنه]

صح لسانك والله


اشكرك حتى النخاع


لكن برضو ترجمها لي


بالسوداني ؟؟ [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


بالسوداني كمان ياروعة
[فقط الأعضاء المسجلين والمفعلين يمكنهم رؤية الروابط]

ياربي الناس ديل كلمهم لو ماشربوا حيموتو بالعطش يعني ولا شنو

.

[شمعة امل]

اخواني و اخواتي المبدعين..

عندي ليكم موضوع و ان شاء الله نقدر نتبادل فيه النقاش و نعرف

آراء بعض..

موضوعي ليكم يا اعزائي الموباااااااااااااااااايل..او لاخواني في السعودية الجوال :D

الموبايل يا جماعة زي ما احنا عارفين انو مهم و دي ما فيها اتنين تلاتة..

ولكن برضو عارفين انو سلاح ذو حدين..يعني زي الانترنت..وذلك بسبب استخدام

تقنية البلوتوث في اسباب و العياذ بالله جد مخزية..يلى يا جماعة احنا الحمد لله

كبار عاقلين و واعيين واكيد كل انسان قادر ان يمنع اي شيء ما جميل

من الوصول لي جهازو المحمول..

ده كلو يا جماعة كلام معروووووووووووف..ولسه ده ما موضوعنا..

نقاشنا و موضوعنا يا جماعة عن الاطفال و انا بالجد اعني كلمة اطفال

الاصبح الموبايل عندهم اقتناؤه مهم زي اي حاجة اساسية تانية..

و اطفال دي بعني بيها الفئات العمرية من 10 سنين الى 15 سنة..

و دي الفترة البنكون فيها لسة احنا في المدرسة..

يعني سير حياتنا معروف البيت المدرسة ..المدرسة البيت..و لوفي طلعة بتكون مع الاهل..

اذا ليه يا جماعة الموبايل في العمر ده و هو ما عندو اهمية..خاصة للبنات؟؟؟

يعني اغلب البنات كانو اهلهم ما بيوافقوا ان يكون عندهم موبايل الا لمن

يدخلو الجامعة..وانا منهم..وكتار غيري بعرفهم..وكان في رفض قاطع لي امتلاك

موبايل في العمر ده..

اما الان بالجد انتشرت ظاهرة الموبايلات في ايدي الاطفال و بدون داعي..

لان احنا ما بنضمن البيقع في يدهم من تقنية البلوتوث..او حتى ما بنضمن ان

الموبايل ده ما يشغل اخوانا الصغار عن المذاكرة و الدروس..

اها يا جماعة رايكم شنو ؟ :confused:

و لكم تحياتي ..


و الله بالجد انتى روعة

لكن المشكلة عشان تتحل لازم تبتدى من جزورها
فنحن للأسف بنجد انو الاهل هم السبب لأنو كما ذكرتى انتى انو اهلك ما سمحو ليك بأنك تشيلى موبايل الا بعد ما دخلتى الجامعة و انا ما سمحو لى الا بعد ما مشيت فترة فى الجامعة اذا الاهل هم السبب فانا بما انى رب اسرة يجب ان اكون راعيا لرعيتى
و انظر الى ابعاد اى موضوع فقبل ما اجيب لواحد موبايل و عمرو 15 سنة مثلا اعرف انو ممكن يستفيد منو فى شنوو حا يعمل بيه شنو اذا كان للاصحاب بيكون فى تلفون ثاب فى البيت او ممكن صاحبك يتصل عليك فى تلفون اخوك الكبر او والدك
لذلك يجب على الاهل ان ينظرو للموضوع قبل ما يجيبو لاولداتهم تلفون
فلك الاحترام اختى روعة على هذا الموضوع المهم

[Raw3a]

تسلمي اختي روعة لهذا الموضوع الجيد والمفيد
حيث نعلم بأن الهاتف النقال ( الجوال ) سلاح ذو حدين أن احسنت استعماله نفعك وان
اسأت استعماله ضراك وغير الاسباب التي زكرتيها اختي الكريمة روعة فهنالك اضرار
مرضية للجوال ايضا وهي الاشعه التي تصدر منه في شكل زبزبات قد تصيب مستخدمه
بسرطان في الرأس أو جلطة في الرأس ويأتي ذالك في المكالمات الطويلة لذالك استخدام السماعة المرفقة مع الجوال مهم جدا

اما بخصوص الاسباب التي زكرتيها اختي روعة
انا في رأيي أنه إذا أحسن إستخدامه فسيكون مفيد لأنه كما نعلم يقرب البعيد.. لكن يجب على كل ولي أمر أن يعي مايفعل, و أن لا يثق في أبنائه ثقة عمياء.. فهنالك الكثير ممن إنحرف بسبب هذا الهاتف.. لأنه بلارقيب, فأي فتاة أو فتى لايوجد لديه ورع أوتدين سوف يسئ إستخدامه بالطبع, ففي هذه الحالة لابد من إشراف الوالدين ومتابعتهم من دون أن يشعروا أبنائهم بتلك المتابعة حتى لا يشعر الأبناء بالكبت أو بعدم الثقة..

تحياتي



اشكرك والله يا شايقي

كلامك اصاب كبد الحقيقة

و فعلا زي ما قلت كثيرين انحرفوا بسبب الموبايل

لا لشيء

لكن لصغر سنهم

و عدم و عيهم للمتداول في الموبايلات

اعني الجانب السيء منها

و لك تحياتي

[Raw3a]

بالسوداني كمان ياروعة
[فقط الأعضاء المسجلين والمفعلين يمكنهم رؤية الروابط]

ياربي الناس ديل كلمهم لو ماشربوا حيموتو بالعطش يعني ولا شنو

.




خلاص طيب فهمت [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

يعني الموضوع متعلق بالموية ؟؟ :D

[Raw3a]

و الله بالجد انتى روعة

لكن المشكلة عشان تتحل لازم تبتدى من جزورها
فنحن للأسف بنجد انو الاهل هم السبب لأنو كما ذكرتى انتى انو اهلك ما سمحو ليك بأنك تشيلى موبايل الا بعد ما دخلتى الجامعة و انا ما سمحو لى الا بعد ما مشيت فترة فى الجامعة اذا الاهل هم السبب فانا بما انى رب اسرة يجب ان اكون راعيا لرعيتى
و انظر الى ابعاد اى موضوع فقبل ما اجيب لواحد موبايل و عمرو 15 سنة مثلا اعرف انو ممكن يستفيد منو فى شنوو حا يعمل بيه شنو اذا كان للاصحاب بيكون فى تلفون ثاب فى البيت او ممكن صاحبك يتصل عليك فى تلفون اخوك الكبر او والدك
لذلك يجب على الاهل ان ينظرو للموضوع قبل ما يجيبو لاولداتهم تلفون
فلك الاحترام اختى روعة على هذا الموضوع المهم



تحياتي ليك يا غالية

و اشكرك على المرور

و كلامك سليم 100 %

يعني بالجد التوعية و الحد من الظاهرة دي

ببتدأ من الاهل

يعني الاهل مفروض يوقفوا مجاراة الابناء في الطلب ده

الى ان يصل الابناء لدرجة من الادراك و الوعي

الممكن ان يحمي بيهو نفسو

من الجوانب السلبية للموبايل



و تحياتي ليك يا غالية

[scooby]

والله يا روعه انتي عقدتينا عديل

لانو مواضيعك كلها هادفه ومشوقه

لكن المشكله في انو الاباء بقو ما بحسبوها كل واحد بفتكر انو لو ماجاب لي اولادو الموبايل
كده ممكن يكون حارمهم وما في والد برضي انو يكون حارم اولادو والمشكله انو في نوع من
الاباء بياخدوها من ناحيه مظاهر وديل هم الخاربين الشغله لانو بسبب ديل النوع التاني من الاباء
وهو النوع الما داير يحرم اولادو بيقع في المشكله وهي انو اولادو شايفين انو في ناس في عمرهم
شايلين موبايلات لي هم لا والاباء بحنيتهم بلبو ليهم الطلبات.
بس الحاجه الكويسه انو اغلب الاطفال في السن الانتي قلتيها اصبحو اوعي لانو الزمن اختلف ودا
عصر النت والتكنلوجيا.
ونحنا في حته ما حنقدر نخفي الظاهره دي لكن نأمل انو نربي الاولاد علي انو يتعاملو مع الموبايل
بالطريقه التي ترضي الله ورسوله وما يستخدموها بطرقه غلط.




وندعو الله انو يحفظنا ويحفظ اولادنا




ومشكوره يا روعه علي الموضوع الجميل

[محمد عبيد ادريس]

الاخت روعه ... تحياتى ...

لا اختلف مع كثير من الذين ادلو بدلوهم فى الموضوع ولكن من حقك علينا المشاركه بالراى وخاصة ان الموضوع حساس جدا

ما انعم الله به من نعم كثيره واهمها العلم والتقدم التكنلوجى من امثال الكمبيوتر والانترنيت وكذلك الموبايل ... اما سؤ الاستخدام فهذا من انفسنا واذا استطاع الشخص ان يتعامل مع هذه المكتسبات العلميه بالطرق الصحيحه فلا حرج وبالتاكيد بلا مشاكل ايضا ...

اما بالنسبه لاهمية الموبايل فنحن معك ونؤكد مدى اهميته لما يختصره من زمن نحن فى امس الحوجه له وكذلك يخرج الانسان من كثير من المازق ... اما حوجه الاطفال له فلا اعتقد بالاهميه القصوى الا اذا كان من باب المظاهر ليس الا اما من تسمح له سنه لاستعمال الموبايل ان يخضع لمراقبه خاصه وليعلم بانه تحت المراقبه حتى لا يتفاعل مع اصدقاء السوء الذين يجرونه لتلك الهاويه .. وهذا لا يمنع انه يرى موبايلات اصدقائه ويرى العجب العجاب ولكن ياتى هنا دور التقويم الصحيح والتربيه التى تجعله يبعد عن مثل هذه الاشياء لحسن خلقه وليس من اجل الرقابه المفروضه عليه فقط ..

اذا التركيز على التربيه والاهتمام بالابناء يقلل من كثير من الضرر الذى يواجه ابناءنا من المجتمع المتعولم ..( وان لا نجعل شماعه ظروف الحياه لهتنا عنهم فنحن الخاسرون بلا شك ....)

مودتى .......

[Raw3a]

والله يا روعه انتي عقدتينا عديل

لانو مواضيعك كلها هادفه ومشوقه

لكن المشكله في انو الاباء بقو ما بحسبوها كل واحد بفتكر انو لو ماجاب لي اولادو الموبايل
كده ممكن يكون حارمهم وما في والد برضي انو يكون حارم اولادو والمشكله انو في نوع من
الاباء بياخدوها من ناحيه مظاهر وديل هم الخاربين الشغله لانو بسبب ديل النوع التاني من الاباء
وهو النوع الما داير يحرم اولادو بيقع في المشكله وهي انو اولادو شايفين انو في ناس في عمرهم
شايلين موبايلات لي هم لا والاباء بحنيتهم بلبو ليهم الطلبات.
بس الحاجه الكويسه انو اغلب الاطفال في السن الانتي قلتيها اصبحو اوعي لانو الزمن اختلف ودا
عصر النت والتكنلوجيا.
ونحنا في حته ما حنقدر نخفي الظاهره دي لكن نأمل انو نربي الاولاد علي انو يتعاملو مع الموبايل
بالطريقه التي ترضي الله ورسوله وما يستخدموها بطرقه غلط.




وندعو الله انو يحفظنا ويحفظ اولادنا




ومشكوره يا روعه علي الموضوع الجميل




سكوبي اشكرك جدا على المرور و على التعليق الرائع

صح كلامك سليم 100 %

لكن في كثير من الاباء الانت ذكرتهم قد يكونو ما سامعين الحاصل

في عالم الموبايلات

و فعلا بي حسن نية ممكن الاب يجيب لي البنت او الولد

موبايل و آخر صيحة كمان

و الاحلى ان مرات بكون موبايل الولد احدث من موبايل ابوهو :D

صح يا سكوبي نحن في عالم التطور و الانترنت

لكن ابدا ما ننسى خطورة مرحلة المراهقة الما بتتغير لا بي نت و لا غيرو :D

لكن هل في رأيك ان الموبايل في العمر ده مهم ؟؟

بعيدا عن المظاهر و تلبية احلام الابناء ؟؟

[Raw3a]

الاخت روعه ... تحياتى ...

لا اختلف مع كثير من الذين ادلو بدلوهم فى الموضوع ولكن من حقك علينا المشاركه بالراى وخاصة ان الموضوع حساس جدا

ما انعم الله به من نعم كثيره واهمها العلم والتقدم التكنلوجى من امثال الكمبيوتر والانترنيت وكذلك الموبايل ... اما سؤ الاستخدام فهذا من انفسنا واذا استطاع الشخص ان يتعامل مع هذه المكتسبات العلميه بالطرق الصحيحه فلا حرج وبالتاكيد بلا مشاكل ايضا ...

اما بالنسبه لاهمية الموبايل فنحن معك ونؤكد مدى اهميته لما يختصره من زمن نحن فى امس الحوجه له وكذلك يخرج الانسان من كثير من المازق ... اما حوجه الاطفال له فلا اعتقد بالاهميه القصوى الا اذا كان من باب المظاهر ليس الا اما من تسمح له سنه لاستعمال الموبايل ان يخضع لمراقبه خاصه وليعلم بانه تحت المراقبه حتى لا يتفاعل مع اصدقاء السوء الذين يجرونه لتلك الهاويه .. وهذا لا يمنع انه يرى موبايلات اصدقائه ويرى العجب العجاب ولكن ياتى هنا دور التقويم الصحيح والتربيه التى تجعله يبعد عن مثل هذه الاشياء لحسن خلقه وليس من اجل الرقابه المفروضه عليه فقط ..

اذا التركيز على التربيه والاهتمام بالابناء يقلل من كثير من الضرر الذى يواجه ابناءنا من المجتمع المتعولم ..( وان لا نجعل شماعه ظروف الحياه لهتنا عنهم فنحن الخاسرون بلا شك ....)

مودتى .......



اشكرك جدا يا رائع على المرور و التعليق الجميل

و كلامك فعلا اصاب كبد الحقيقة

و التربية السليمة بتلعب دور كبير في السيطرة على الذات

و الرقابة الذاتية بتكون ناتج عن التربية السليمة

لكن يا محمد يبقى اصدقاء السوء لهم الدور الاكبر وراء الوقوع في المصايب

و جر الابناء لي مستويات من الانحراف..بالرغم من النشأة الطيبة

بالجد اصدقاء السوء مشكلة في حد ذاتها..

اشكرك مرة اخري على المرور و تحياتي