الراكوبة,,

[وردة الجوري]

بسم الله الرحمن الرحيم
السلام عليكم ورحمة الله وبركاته
الراكوبة فى الثقافة الشعبية السودانية يقصد بها تلك الغرف التي يتم بناؤها او تشييدها بالاخشاب وبما ان الرواكيب وهو جمع راكوبة ارتبطت بثقافة الانسان في الريف السوداني الا انها من الاشياء التي لم يتنازل عنها المواطن السوداني الذي انتقل الى المدينة واستقر بها لذلك نجد الراكوبة تحتل موقعها الاستراتيجى داخل المنازل الفخمة.
وتعتبر الراكوبة من اكثر الاماكن التي يجد فيها افراد الاسرة راحتهم وذلك لان تصميمها الشعبى مريح كما انها غالبا لاتحتاج الي مراوح او تكييف لانها مهياة بطبيعتها لتكون ذات برودة طبيعية .
الراكوبة فى الخريف
لقد دخلت الراكوبة ثقافة الامثال السودانية فمثلا يقال عن الشخص الذي لايعتمد علية ماتشكر لي الراكوبة فى الخريف وجاء هذا المثل من ان الراكوبة لاقبل لها بالامطار التى تهطل في فصل الخريف.
وبما ان الراكوبة غير قادرة على حماية من بداخلها فى فصل الخريف فانها بذلك تشبه ذلك الشخص الذى لا يستحق ان تعتمد علية فى المواقف الصعبة والحرجة فهو مثل الراكوبة فى الخريف.
الرواكيب فى الاغنية السودانية
للرواكيب ايضا حضورها فى الغناء السوداني الحديث فقد ارتبطت الرواكيب بواحدة من اشهر اغنيات الفنان الراحل مصطفى سيد احمد وهى اغنية التي كتبها الشاعر حافظ عباس (( الطيور)) والتى تقول احد مقاطعها (( والرواكيب الصغيرة تبقى اكبر من مدن )) وهنا يبدو واضحا تفاؤول الشاعر ورهانة على مستقبل برؤى لاتخلو من بعد سياسى
مسميات مختلفة
وللرواكيب اكثر من اسم فى الثقافة الشعبية السودانية فهناك من يسميها (( بالكريقة )) وهذا اسم تتداولة بعض قبائل الشمال وبعض القبائل الاخرى تسميها بالكرنق.
الراكوبة هتاف كروى
ولكن اطرف ماارتبط بالراكوبة هو ذلك الوصف الذى نستخدمة جماهير كرة القدم عندما تريد ان تصف احد مدافعى الفريق الخصم بانة فالصو فيقال انة راكوبة وليس هناك وصف اقسى من ذلك على لاعبى كرة القدم الذين يلعبون فى منطقة الدفاع ويتطور هذا الوصف ليصبح هتافا تردده الجماهير ومفادة (( الراكوبة كشفنا عيوبا ))
تحياتى

مع خالص ودي:smile:

[حميدي الحلفاوي]

أختي بت الجوري مشاركه رائعه ومميزه ومتميزه بحضورها في زمننا الأني وإنتي كده عكستي صوره جميله للكثيرين من كثر الماعارفين الراكوابه بالذات من جيل العصر( كتيبة ثمح..وثمح بدل سمح) ومشاركه أسميها (إنقاذ الراكوبه من الضياع) حتى ولو بقت راكوبة غسيل عدة المطبخ هههههههه مودتي وتحيتي وتقديري وإحترامي وجميعها مفخخه أختنا الصغيره بت الجوري ومغلفه بالود والشكر والتواصل النقي والصافي في وجهه الكريم فقط
تخريمه: حكاية الكوره والراكوبه للدفاع الضعيف هو سببو لأن الراكوبه أقل هواء أو رياح بسيطه بيطيح بيها وبتتكسر على راس مستخديمها ههههههههههه دي إضافه لاينفي توضيحك

[نزار احمد]

كلنا عارفين انو حياة الإنسان فينا مليانه بالمشاكل والمشاغل والهموم وحاجات تانية كتيرة قد تحمي الزول من الترفيه عن النفس والطلوع من عالم المسؤولية والضغوطات الحولنا .. محاجين حقيقة للضحك والونسة الخفيفة والشمارات والنكات وكل حاجة بترفه لينا عن نفسنا ،،

عشان كدا أنا فكرت يا شباب نعمل لينا راكوبة هنا نجي كل يوم نتونس فيها ونضحك ونفرفش فرفشة جديدة
لكن الراكوبة دي الحاجات العندي نقصت ما لقيت طريقة أتمها داير لي أول حاجة أربعة ( قنايات ) كبيرة من سوق ليبيا القريب من سوق ليبيا بالله يا شباب يمد رجلو يجيبها لينا معاه الله الاخت تيسير سوق ليبيا قريب منتيك ودايرين حصير 5 لفات عشان شايف جاي جاي ناس الشمارات والناس البتحب القعدة كتااااااااااااااار ودايرين زير من السوق الشعبي ( الله نسيت حاجة مهمة شديد ) المنقد بتاع الفحم حنشد الجبنة والشاي وين ؟؟؟ :000: ، ما قلت ليكم أنا نساي ، ، ، اى برضو قرببببببببببت أنسي كبابي الشاي والجبنة ، البجيبا لينا يجيب كبابي كبار وفناجين القهوة ديرنا حاجة كده تشرفنا بالله واحد منكم يتناولها كويس .. أها تاني في حاجة ناقصة عشان الراكوبة دي لمن نجيها ما نلقي حاجة ناقصة معليش يا جماعه الخرطوش البرنشبيه دايرننا نقعد في السخانة دي كيف؟
تخريمه
تعالو نشرب الجبنة في راكوبة التراث السوداني تعالو ياناس كومي

[معروف اوشي]

[فقط الأعضاء المسجلين والمفعلين يمكنهم رؤية الروابط]


تظل الراكوبة سمة مميزة من سمات الثقافة السودانية .. و ما زالت تشكل
حضورا" كبيرا" خاصة في الريف .. !!
الراكوبة .. العنقريب الهبابي .. الزير الناقع .. و القهوة الماخمج ..
مفردات تظل في الوجدان .. !!

مع الف تحية نزار .. مشكووور :smile:

[نزار احمد]

[فقط الأعضاء المسجلين والمفعلين يمكنهم رؤية الروابط]


تظل الراكوبة سمة مميزة من سمات الثقافة السودانية .. و ما زالت تشكل
حضورا" كبيرا" خاصة في الريف .. !!
الراكوبة .. العنقريب الهبابي .. الزير الناقع .. و القهوة الماخمج ..
مفردات تظل في الوجدان .. !!

مع الف تحية نزار .. مشكووور :smile:

مشكور معروف علي الراكوبة الجميلة ولاكن اين الازيار والمشلعيب

[معروف اوشي]

مشكووووووورة وردة الجوري وين انتي ؟!! :smile::smile:

[عبدالمنعم الطاهر]

[فقط الأعضاء المسجلين والمفعلين يمكنهم رؤية الروابط]


تظل الراكوبة سمة مميزة من سمات الثقافة السودانية .. و ما زالت تشكل
حضورا" كبيرا" خاصة في الريف .. !!
الراكوبة .. العنقريب الهبابي .. الزير الناقع .. و القهوة الماخمج ..
مفردات تظل في الوجدان .. !!

مع الف تحية نزار .. مشكووور :smile:


يا معروف
ما لقيت لينا راكوبه احسن من دي
واسعه و(شويه) تغري ناس كده يجونا

[تيسير محمد حسين]

الراكوبه
فعلا أصبحت من التراث وبدأت تختفي
شكرا نزار على ( النفير ) العاملوا للراكوبه
كان على القنايات ماعندك مشكله , هسه بجيبها ليك
تسلم نزار

[تيسير محمد حسين]

[فقط الأعضاء المسجلين والمفعلين يمكنهم رؤية الروابط]


تظل الراكوبة سمة مميزة من سمات الثقافة السودانية .. و ما زالت تشكل
حضورا" كبيرا" خاصة في الريف .. !!
الراكوبة .. العنقريب الهبابي .. الزير الناقع .. و القهوة الماخمج ..
مفردات تظل في الوجدان .. !!

مع الف تحية نزار .. مشكووور :smile:

راكوبتك دي لكن مابتشيل الناس
كدي بعد نجيب الحاجات نحاول نوسعها
بعدين لازم نقفل الفتحه الورا دي من الشمس, ماكدي؟
ولا بتقول ( الرواكيب الصغيره تبقى أكبر من مدن )

[تيسير محمد حسين]

وردة الجوري
وين مشيتي وخليتي الراكوبه
فاضيه من غيرك , أرجعي

[نزار احمد]

بسم الله الرحمن الرحيم
السلام عليكم ورحمة الله وبركاته
الراكوبة فى الثقافة الشعبية السودانية يقصد بها تلك الغرف التي يتم بناؤها او تشييدها بالاخشاب وبما ان الرواكيب وهو جمع راكوبة ارتبطت بثقافة الانسان في الريف السوداني الا انها من الاشياء التي لم يتنازل عنها المواطن السوداني الذي انتقل الى المدينة واستقر بها لذلك نجد الراكوبة تحتل موقعها الاستراتيجى داخل المنازل الفخمة.
وتعتبر الراكوبة من اكثر الاماكن التي يجد فيها افراد الاسرة راحتهم وذلك لان تصميمها الشعبى مريح كما انها غالبا لاتحتاج الي مراوح او تكييف لانها مهياة بطبيعتها لتكون ذات برودة طبيعية .
الراكوبة فى الخريف
لقد دخلت الراكوبة ثقافة الامثال السودانية فمثلا يقال عن الشخص الذي لايعتمد علية ماتشكر لي الراكوبة فى الخريف وجاء هذا المثل من ان الراكوبة لاقبل لها بالامطار التى تهطل في فصل الخريف.
وبما ان الراكوبة غير قادرة على حماية من بداخلها فى فصل الخريف فانها بذلك تشبه ذلك الشخص الذى لا يستحق ان تعتمد علية فى المواقف الصعبة والحرجة فهو مثل الراكوبة فى الخريف.
الرواكيب فى الاغنية السودانية
للرواكيب ايضا حضورها فى الغناء السوداني الحديث فقد ارتبطت الرواكيب بواحدة من اشهر اغنيات الفنان الراحل مصطفى سيد احمد وهى اغنية التي كتبها الشاعر حافظ عباس (( الطيور)) والتى تقول احد مقاطعها (( والرواكيب الصغيرة تبقى اكبر من مدن )) وهنا يبدو واضحا تفاؤول الشاعر ورهانة على مستقبل برؤى لاتخلو من بعد سياسى
مسميات مختلفة
وللرواكيب اكثر من اسم فى الثقافة الشعبية السودانية فهناك من يسميها (( بالكريقة )) وهذا اسم تتداولة بعض قبائل الشمال وبعض القبائل الاخرى تسميها بالكرنق.
الراكوبة هتاف كروى
ولكن اطرف ماارتبط بالراكوبة هو ذلك الوصف الذى نستخدمة جماهير كرة القدم عندما تريد ان تصف احد مدافعى الفريق الخصم بانة فالصو فيقال انة راكوبة وليس هناك وصف اقسى من ذلك على لاعبى كرة القدم الذين يلعبون فى منطقة الدفاع ويتطور هذا الوصف ليصبح هتافا تردده الجماهير ومفادة (( الراكوبة كشفنا عيوبا ))
تحياتى

مع خالص ودي:smile:


مشكــــــــــــــــــــــــــــــــورة وردة الجوري علي الراكوبة لاكن راكوبتيك مافيها عناقريب لية؟.

[تيسير محمد حسين]

أول مره أعرف انو ناس الكوره بقولوا للواحد المابلعب كويس راكوبه لا دي جديده أخانا نزار .

[هنوها]

ذكرتونا الزمن الجميل الراكوبة اصبحت تراث

تفاصيل حلوة جدا:smile::smile:

[تيسير محمد حسين]

ذكرتونا الزمن الجميل الراكوبة اصبحت تراث

تفاصيل حلوة جدا:smile::smile:

حبابك عشره هنوها
نورت كومي
و منتدى التراث
وضويتي الراكوبه
أها معانا في النفير ؟

[نزار احمد]

سلامات اين الشباب ناس تيسير ومعروفِ

[ابواحمد]

سمحه القعده في الراكوبه والشراب من الزير وكما لو فيها غمده ...................
:yes::yes::yes::yes:

[تيسير محمد حسين]

الراكوبه الليله فااااااااااااااااااااااااااااااضيه
وين ناس الراكوبه ووين ست الراكوبه (وردة الجوري )

[ابوبكر وديدى]

والراكوبة كمان اسم تسريحة -- يعنى الواحد يكون عندو 10 شعيرات بس--يقوم وبعناية يغطى بيها صلعتو --- مشكلتا انها بتتفرتك بمجرد نسمة عابرة او هوا بسيط -- عشان كدة سموها تسريحة الراكوبة -:smile::smile:
الراكوبة فى السنين الاخيرة اصبحت كلمة مشهورة فى الخارج بفضل صحيفة الكترونية سودانية اسمها الراكوبة -- يكتبوفيها ناس راقين -- كانت صلتنا بالسودان -- مع احترامنا للباقين -- انا هسه ما بقرا شئ الا منتدياتنا كومى -- انا ا دين الحاربو الراكوبه:no::no::no: وحتعود انشا الله واسمها مسجل محفوظ --- ولى شنى -- تشكراتنا كتير يا اخت وردة على فكرتك

[sir.joe]

رغم اندثارها لكنها مهمة وراكوبتنا في البيت الكهربا القاطعة لمت القهوة الخبيز تلقا الناس دي كلها جارية ليها كمان تكون جميلة وجديدة كده ومفروشة رملة حاجة ما تخلص

[ابواحمد]

الكشه جاتكم ياناس الراكوبه ............