كلمات سوداااااااانية اصيلة.

[وردة الجوري]

بسم الله الرحمن الرحيم


كتير بنكون مشينا لي أهلنا في القريه ولا لي حبوباتنا ويقوموا يسألوك بتعرف الحاجه الفلانيه ؟؟؟؟

وتتفاجاء بي إنك أول مره تسمع الاسم دا بما إنو كل الناس الحولك بيعرفوهو


جيتكم الليله بموضوع قد يكون إتعرض كتير في المنتديات ولكن هو من أكثر المواضيع الهادفه

وهو انو نكتب في البوست دا كل كلمه تلاقينا من كلمات جدودنا ونستفيد من معرفتنا لي معناها


وانا حأبدي بعرض الاسئله عليكم وإنتوا تجاوبوا علي البتعرفوهو منهم

لما الكلمات الانا بعرضها تكون إتجاوبت يجي واحد فيكم يضيف لينا كلمات جديده

ونبقي نختبر نفسنا ومعرفتنا


يلا حبدأ ليكم ..


الموليتة، الضريسا، الكتوش، القرقريبة،المشلعيب، المرحاكة، الجقر، عتيد البرم، المسلَّة ،الخُرُج ، البربندي، الِّلبا، القلاَّبة، الكجَّامة، الفرار


منتظره ردودكم وأجوبتكم ..

[معروف اوشي]

مــــــــوضوع لذيذ جدا" جدا"

تحياتي برائحة القهوة المعتقة

وردة الجـــــــــوري



بعض الكلمات اول مرة اسمع بيها و بعضها سمعت به ولا اذكر المعنى و بعضعها اعرفها



الموليتة ........... .....................

الضريسا،............ نوع من النباتات الزاحفة الطفيلية تتميز بثمراتها الشوكية الصغيرة

الكتوش .............................

القرقريبة .................. اداة صغيرة معدنية او خشبية تستخدم في صناعة الكسرة .

المشلعيب ............... تصنع من السعف من ثلاثة اذرع تعلق فى مكان عال و تضع به
( حلة الطبيخ ) لتحفظ من التلف .

المرحاكة .............. اداة حجرية لطحن او جرش الذرة او القمح

الجقر ................ نوع من الفيران الكبيرة الحجم

عتيد البرم .......................................

المسلَّة .................................. ابرة كبيرة تستخدم في خياطة المفروشات .

الخُرُج ............................. تصنع من القماش و بها جيبين كبيرين متقابلين متصلين
بمساحة في الوسط توضع على الدواب لحمل الحاجيات

البربندي ..............................

الِّلبا .............................

القلاَّبة .........................

الكجَّامة ........................

الفرار .......................... نوع من الفؤوس


( انت بتجيبي الكلام دة من وين )



تحياتي



معـــــروووف

[محمد بخيت]

اشتم رائحة معتقة تخرج من هذا البوست تحية وتقدير على التناول الجميل ولي عودة..... تحياتي

[وردة الجوري]

يسرني مروركم وتعليقكم وبجيبها من الحبوباااات هههههه بعد الاعضاء مااشوف كيف ثقافتهم في التراث السوداني بعدين ح اقول معناها

[هند عثمان]

الموليتة .دى شنو يارب
الضريسا عارفاها
، الكتوش لاا
، القرقريبة عارفاها
،المشلعيب سمعت بيه
، المرحاكة سمعت بيها
، الجقر سمعت بيه
، عتيد البرم أول مرة أسمع دى
، المسلَّة إبرة كبيرة بتهيألى
،الخُرُج زى السمعت بيه
، البربندي مابعرفه
، الِّلبا آه عارفاه
القلاَّبة لا
الكجَّامة سمعت بى
الفرار زى الفاس صح

و الله شكلى تمام .. ماطلعت شهادة عربية :gna: :yes:
هاهاهاها
ميرسى يا جورى على موضوعك الحلو
وتسلمى يا راقية
تحياتى ،،
كِبرياء أُنثى

[وردة الجوري]

الضريسا: نوع من انواع الشوك
القرقريبة: قطعة من الخشب لعواسة الكسرة
المشلعيب: حبل بطريقة معينة يعلق علي العرش ليحفظ الطعام
المرحاكة: اداء للطحن
الجقر: الفأر
عتيد البرم
المسلَّة: ابرة كبيرة لخياطة الشوالات
الخُرُج: يربط علي السرج علي الدابة ويحمل فيه الاشياء
الفرار: الفأس الصغير

انا كمان حاليا بس عرفت دهههههه

[ابو نبيل]

موضوع شيق وجميل انت بت حبوبات ولا شنو
الموليته ........ عندنا فى الجزيره نبات يعمل بيه سلطه الموليته وطعمها مر تقريبا
البربندى ........ او البرموندى عباره عن وتت او حديده تربط بها الماشيه
القلابه ......... عباره عن اداة تعمل من الاسلاك او شرك لصيد الطيور
الكجامه ........ هو كذالك اداة صيد للطيور بس اكبر واكثر حد وفى بعض المناطق تعمل شرك للفار
اللبا ............ هو اول ما ينزل من اللبن
تخريمه شفتى ما انتى براك تربية حبوبات ودى من غير مساعدة صديق او ؟؟؟؟؟

[ودالامتداد]

وانا الكنت مفتكرك شهادة عربية وما بتعرفى غير الايسكريم والجلكسى
اهو طلعتى مثقفة بلديا اكثر مننا يالسلام على المحافظة على التراث..
مشعليب ومرحاكة قالت الحاجات دى يمكن انتهت
قبل عشرات السنين
انا عن نفسى نص الحاجات ما عرفتها
جورى انت بتعرفى العتوت

تشكرى على البوست المبالغة
ومصيرى بكرة ارجع لية

[وردة الجوري]

تخريمه شفتى ما انتى براك تربية حبوبات ودى من غير مساعدة صديق او ؟؟؟؟؟هههههههه كويس عجبتني والله..

[ياسر الصافي]

جوري
البوست عتيق
وأشتم فيه رائحة الدعاش
واتخيل بيناتنا رزاز من الماضي
والشمش خوخت

اللبا هو اللبن الأول عندما تلد الغنماية ولا البقرة

صدقيني البوست خطريييييي عديل

ليك مؤنة عام من المودة:yes::yes:

[مامون مهنا]

موضوع شيق ولذيذ بطعم اصالتنا يديكم العافية وردة الجورى ,,,,,

الكنش : هو المفراكة وخاصة الكبيرة

المشلعيب : هو عبارة عن سلة تعلق فى سقف البيت (القطية او الدردر او الركوبة) لحفظ الطعام .

الدوكة : هى الصاج الذى تصنع عليه الكسرة

المنقد : هو الكانون (يوضع عليه الفحم ويشعل لاغراض اعداد الطعام والشراب)

اللداية : هى عبارة عن 3 حجارة كبيرة تشعل فيها اعواد الحطب لاعداد الطعام و الشراب .

البرمة (الدبنقا) : هى اناء فخارى يشبه الزير لحفظ المشروبات .

الصريف : هو سور من القش .

الدردر (القطية) : بيت او غرفة من القش .

المراح : هو مجموعة الاغنام او الابقار .


اها رائك شنو فى اخوك المشرف العام :jap::jap:

[مزاجيه]

مــــوضوعـــك جميـــل ومفيــد وـالله ..!!

خــــاصة للنـــاس ـاللـي مـآبعرفـو كتيـــر فـــي ـاللغــــه ــالســــودـانيـــة ــالأصيــــلة .. زي كــدـآ :arf: ..

تسلمي وربــي يديك العافية ..!!

[الكردفاني]

بوست جميل جدا ،،،،
واضيف اهذه الكلمات:
الشربوت
أم فتفت
أم مُرين
الدكوة
وكل سنة وانتم طيبين
تخريمة:
(ممنوع دخول ناس فستان الغنماية) هههههههههه

[ودالامتداد]

كردفانى يا خطير شنو ياحبة انت سواق ترلة ولا شنو
الشربوت مشروب خطير مصنوع من التمر الكشوش كردفاتى بتعرف الكشوش
ام فتفت برضو بتاعت ....... يعنى نفس طريقة المرارة بى دى من الكرشة وديك من الكبدة يعنى بوش بتاع مرارة
ام مرين .................... يمكن العتى ماعرفتها
الدكوة ياخ مالك ياعماد دى ما لزوم الام فتفت
هى زبدة الفول السودانى او اللوز السودانى
مشكور ياعمدة
وفوق

[sir.joe]

موضوع جميل جدا جدا ويالله علينا بالجديد

[ودالامتداد]

اقتباس:
المشاركة الأصلية كتبت بواسطة sir.joe [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
موضوع جميل جدا جدا ويالله علينا بالجديد





شفت كيف يا سيرجو
خليك بى جاى وماتنسى تجيب معاك كلمات الحبوبات القبيل داك
انت يا امجد صحى كردفانى ما بيعرف الشربوت ولا عايز يعيش الحالة

[sir.joe]

اقتباس:
المشاركة الأصلية كتبت بواسطة ودالامتداد [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
اقتباس:
المشاركة الأصلية كتبت بواسطة sir.joe [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
موضوع جميل جدا جدا ويالله علينا بالجديد





شفت كيف يا سيرجو
خليك بى جاى وماتنسى تجيب معاك كلمات الحبوبات القبيل داك
انت يا امجد صحى كردفانى ما بيعرف الشربوت ولا عايز يعيش الحالة







هاها ها قال ما بعرفو ده بدفنو في الباقة قبل اسبوع من العيد
:gna::gna::gna:

[ودالامتداد]

اقتباس:
المشاركة الأصلية كتبت بواسطة sir.joe [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
اقتباس:
المشاركة الأصلية كتبت بواسطة ودالامتداد [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
اقتباس:
المشاركة الأصلية كتبت بواسطة sir.joe [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
موضوع جميل جدا جدا ويالله علينا بالجديد






شفت كيف يا سيرجو
خليك بى جاى وماتنسى تجيب معاك كلمات الحبوبات القبيل داك
انت يا امجد صحى كردفانى ما بيعرف الشربوت ولا عايز يعيش الحالة







هاها ها قال ما بعرفو ده بدفنو في الباقة قبل اسبوع من العيد
:gna::gna::gna:




قبل اسبوع كمان معلم كبير زى ما اتوقعت يا امجد الباقة لمن قوائمها تختفى وتبقى زى الكورة
ههههههههههههههههههههههههههههههههههههههههههههه
مشكور امجد على الشمار الفواح

[بت البلد]

القرقريبة، بتاعت العواسه (الكسره)
المشلعيب يوضع في الراكوبة وتحفظ فيه الاشياء بعيدا عن النمل والحشركات
، المرحاكة، او المحراكة :- لطن العيش
الجقر:- فار كبيييييييييييييييير
الفرار :- فاس لتقطيع اللحم
،