المساعد الشخصي الرقمي

مشاهدة النسخة كاملة : الخرطوم .. أسعار الأراضي بشرق النيل .. !!

معروف اوشي
16-Sep-2009, 01:31 AM
الخرطوم .. أسعار الأراضي بشرق النيل .. !!




[فقط الأعضاء المسجلين والمفعلين يمكنهم رؤية الروابط]






تعد منطقة شرق النيل من اهدأ المناطق السكنية في اسعارها لابتعادها عن المصانع والحركة، ويعتبر صلاح البشير تاجر عقارات تفاوت الاسعار حسب المربعات والمساحات والمواقع، حيث يصل سعر القطعة بمنطقة الفيحاء الى (130) ألفاً في مربعي (1) و(2) ويتراجع الى (75) الفاً في مربع (9)، ولا يتعدى في الجريف (250) الف جنيه للقطعة وتوجد اخرى سعرها (120) الف جنيه، بيما يصل سعر القطعة في حي النصر إلى (75) الف جنيه.. أما الحاج يوسف المايقوما فلا تقل القطعة مساحة (400) متر عن (60) الفاً، وتبلغ في الامتداد (65) الفاً.



الرأي العام

تخريمة :
نــــااار يا حبيبي نااار .. على رأي عبدالحليم حافظ ..!!
مودتـــ معروف ــــي
مغتربه
16-Sep-2009, 04:25 AM
مشكوووووووووووووووووووور معروف
وبالله زيدنا من زي الاخبار دي
معروف اوشي
16-Sep-2009, 11:34 AM
مشكوووووووووووووووووووور معروف
وبالله زيدنا من زي الاخبار دي





حاضر يا مغتربة تجيك الاخبار لحد عندك ... تشكرين على المرور
شكلك كدة ناوية تشتري ليك قطعة .. و لا عايزة تعملي و كالة عقارات ... مودتي ... معروف
هيثم عبد اللطيف
16-Sep-2009, 02:14 PM
ياعبد المعروف شنو شابكنا الف الف الف ههههههههه يعني شنو الكلام دا يعني مثلا الفيحا القطعة بي 130 مليون ؟؟؟؟؟ ولا كيف يامعلم افيدنا
صديق حسين
16-Sep-2009, 02:27 PM
اها طيب بعد مشاريع شركة سوقطرة بقت الاسعار كيق خاصة في مشروع جديد ليهم بعد مشروع النسيم والنخيل اسمو طيبة .
الكردفاني
16-Sep-2009, 04:39 PM
الخرطوم .. أسعار الأراضي بشرق النيل .. !!




[فقط الأعضاء المسجلين والمفعلين يمكنهم رؤية الروابط]






تعد منطقة شرق النيل من اهدأ المناطق السكنية في اسعارها لابتعادها عن المصانع والحركة، ويعتبر صلاح البشير تاجر عقارات تفاوت الاسعار حسب المربعات والمساحات والمواقع، حيث يصل سعر القطعة بمنطقة الفيحاء الى (130) ألفاً في مربعي (1) و(2) ويتراجع الى (75) الفاً في مربع (9)، ولا يتعدى في الجريف (250) الف جنيه للقطعة وتوجد اخرى سعرها (120) الف جنيه، بيما يصل سعر القطعة في حي النصر إلى (75) الف جنيه.. أما الحاج يوسف المايقوما فلا تقل القطعة مساحة (400) متر عن (60) الفاً، وتبلغ في الامتداد (65) الفاً.



الرأي العام

تخريمة :
نــــااار يا حبيبي نااار .. على رأي عبدالحليم حافظ ..!!
مودتـــ معروف ــــي




والله يامعروف دي مش نار، دي حمم بركانية عديل كدة، قطعة أرض سكنية ب 250 الف جنيه (250 مليون بالقديم)! شئ عجيب ، وحالتها في الأطراف وليس في وسط بحري.
أخير الولايات يامعرووف.. قطعة 600 متر مربع فقط بمبلع 10 الف جنيه وقريبة من الخدمات (مياه وكهرباء ومواصلات)
لك خالص الود
معروف اوشي
16-Sep-2009, 10:13 PM
ياعبد المعروف شنو شابكنا الف الف الف ههههههههه يعني شنو الكلام دا يعني مثلا الفيحا القطعة بي 130 مليون ؟؟؟؟؟ ولا كيف يامعلم افيدنا


و انت قايل الفيحاء دي وين ؟!!!
ما تسمع الاسم السمح ده دي عيييك ( بلفندى على رأي حبوبة )
يعني سقط لقط ... و بي 130 مليون ..
نااااااااار يا حبيبي ....هيثم مشكور ستة فلل و سبعة قصور ... مودتي
معروف اوشي
16-Sep-2009, 10:19 PM
اها طيب بعد مشاريع شركة سوقطرة بقت الاسعار كيق خاصة في مشروع جديد ليهم بعد مشروع النسيم والنخيل اسمو طيبة .


و الله الشركات دي ذاتا سبب الاسعار الغالية
يعني معقولة ؟!!!
المشاريع دى للناس القادرة و المقتدرين .. غايتو لو داير بيت عندهم
الإ تستلف من قارون شخصيا" ..
الخرطوم من اغلى المدن في العالم من حيث اسعار الاراضي .. حاجة تحير
عاصمة بتغرق في نقطتين مطرة و اسعارها ناااااااااار ..
مشكور اخي صديق حسين على المرور .. تحياتي و مودتي ... معرووف
معروف اوشي
16-Sep-2009, 10:25 PM
والله يامعروف دي مش نار، دي حمم بركانية عديل كدة، قطعة أرض سكنية ب 250 الف جنيه (250 مليون بالقديم)! شئ عجيب ، وحالتها في الأطراف وليس في وسط بحري.
أخير الولايات يامعرووف.. قطعة 600 متر مربع فقط بمبلع 10 الف جنيه وقريبة من الخدمات (مياه وكهرباء ومواصلات)
لك خالص الود




فعلا" يعني قطعة في اطراف العاصمة تشتريها بي 250 الف .. اها تبنيها من وين ؟!!!
و تلقى الخدمات مافي و ووو .. تعرف المبلغ ده في دول تانية ممكن يجيب ليك
فيللا جاهزة براحة ..
الولايات كويسة و رخيصة جدا" لحدي الآن .. الله يستر ما يصلها انفولنزا الاسعار الغالية
هي كمان ...
مشكور... اخي الكردفاني تحياتي .... معروف
الكردفاني
17-Sep-2009, 12:14 AM
تسلم أخوي معروووف.. الله يستر علينا من حمي الأسعار.
وودع قوم سيب الخرطوم
مع الود
alnagm11
17-Sep-2009, 12:27 AM
شكراً معروف يعنى الناس المغتربين واللامين شوية قريشات مافى ليهم طريقة

يعنى يرجعو يشتغلو سنتين تلاته ويجو يلقو السعر زاد بس يقولو واى

تحياتى alnagm11
معروف اوشي
17-Sep-2009, 01:26 AM
تسلم أخوي معروووف.. الله يستر علينا من حمي الأسعار.
وودع قوم سيب الخرطوم
مع الود



و الله الخرطوم .. مدينة محيّرة ...
تشكر الكردفاني .. سلمت من كل شر .. مودتي
معروف اوشي
17-Sep-2009, 01:28 AM
شكراً معروف يعنى الناس المغتربين واللامين شوية قريشات مافى ليهم طريقة

يعنى يرجعو يشتغلو سنتين تلاته ويجو يلقو السعر زاد بس يقولو واى

تحياتى alnagm11


زي ما قلت .. نهي كهي طريقة ما في .. اي شيء في الخرطوم ممكن يرخص
الا الاراضي دي ما ظنيت ... ماشة لي فوق حتصل وين ما معروفة ؟!!
تشكرات النجم 11 .. تحياتي
هند عثمان
17-Sep-2009, 01:36 AM
معرووف لخبطنا هسي انا قريت البوست افتكرته رخيص
الفهم في عملتنا ما ساهل
عايزة واحد يتابع كل سنة
يعني بالقديم وقت العيشة بي قرش
القروش دي تجي كم :smile:
عشان نقدر حجم الحمم البتقولو عليها
معروف اوشي
17-Sep-2009, 01:49 AM
معرووف لخبطنا هسي انا قريت البوست افتكرته رخيص
الفهم في عملتنا ما ساهل
عايزة واحد يتابع كل سنة
يعني بالقديم وقت العيشة بي قرش
القروش دي تجي كم :smile:
عشان نقدر حجم الحمم البتقولو عليها




يا عزيزتي هند .. هو في حاجة رخيصة في البلد ؟؟!!
الا المواطن المغلوب على امره ؟!!
الخرطوم لما تبقي اغلي من اكبر عواصم الدنيا في اسعار الاراضي
يبقى ده الاسمو .. الدهشة و الحيرة ...
هسي العيشة عاملة زي ما بقولو زي فرشة الاسنان وبي
200 قرش ..!!!
يا حليل زمن العيشة بي قرش ..!!!
الف شكر اختي هند ... مودتي
هند عثمان
17-Sep-2009, 01:54 AM
يا عزيزتي هند .. هو في حاجة رخيصة في البلد ؟؟!!
الا المواطن المغلوب على امره ؟!!
الخرطوم لما تبقي اغلي من اكبر عواصم الدنيا في اسعار الاراضي
يبقى ده الاسمو .. الدهشة و الحيرة ...
هسي العيشة عاملة زي ما بقولو زي فرشة الاسنان وبي
200 قرش ..!!!
يا حليل زمن العيشة بي قرش ..!!!
الف شكر اختي هند ... مودتي

و الله سمعنا علي الغلي
يعني الواحد يعيش متغرب طول العمر و لا ايه الحكايه
بسيرة العيش ذكرتني حكاية ماري انطونيت
الملكة قبل الثورة الفرنسية
مشو ليها قالو ليها الشعب جعان مش لاقي عيش ياكلو
قاتليهم خليهم ياكلو كيك هههههههه
اها نحن حكومتنا عايزة تعودنا
علي اكل الكيك لمن نزهج منو
برضو لزوم العولمة يمكن
معروف اوشي
17-Sep-2009, 02:02 AM
و الله سمعنا علي الغلي
يعني الواحد يعيش متغرب طول العمر و لا ايه الحكايه
بسيرة العيش ذكرتني حكاية ماري انطونيت
الملكة قبل الثورة الفرنسية
مشو ليها قالو ليها الشعب جعان مش لاقي عيش ياكلو
قاتليهم خليهم ياكلو كيك هههههههه
اها نحن حكومتنا عايزة تعودنا
علي اكل الكيك لمن نزهج منو
برضو لزوم العولمة يمكن




و الله يا هند لو كيك مالو ؟!!
ديل بيأكلونا نيم ؟!! الخوف النيم ذاتو يغلى بعد شوية ؟!!! هاهاهاها .
بلد غريبة جدا" ... تسمع الغلاء و الاسعار الخرافية تقول دي هونغ كونغ ...!!!
تشكرين على المرور .. مودتي
مغتربه
17-Sep-2009, 06:13 AM
يامعروف بالله الدور الجاي شوف لينا المناسب خلينا من المليارات الطشاش دي ,,,والله الا قارون ولا حاجه كبيره كده تقدر تشتريها ,,,
تخريمه


بالله قايل ود الجبل معانا ولاشنو!!
معروف اوشي
18-Sep-2009, 01:24 AM
يامعروف بالله الدور الجاي شوف لينا المناسب خلينا من المليارات الطشاش دي ,,,والله الا قارون ولا حاجه كبيره كده تقدر تشتريها ,,,
تخريمه


بالله قايل ود الجبل معانا ولاشنو!!



اختي مغتربة .. الف شكر على التعليق .. اسعد الله اوقاتك بكل خير
حاضر من عينيا .. بس كدة ؟ّّ!!! نشوف ليكم المناسب ؟ ..
لاكين خرطوم الغلاء الفاحش دي و الله لو دايرة حاجة مناسبة الا
تسكني سقط لقط .. ( بلفندى على قول حبوبة ) ..
انت يا مغتربة قالوا غنيانة ..! .. مودتي .. معروف
الكردفاني
18-Sep-2009, 03:10 PM
هاهاهاها تعرف يامعروف مغتربة دي إلا تشوف ليها في الولايات القريبة من الخرطوم، لزوم أبو الرخا وكدة!
تحياتي لكم
معروف اوشي
19-Sep-2009, 03:16 AM
هاهاهاها تعرف يامعروف مغتربة دي إلا تشوف ليها في الولايات القريبة من الخرطوم، لزوم أبو الرخا وكدة!
تحياتي لكم


المشكلة يا كردفاني يا اخوي اي شيء تجي
فيهو سيرة الخرطوم دي غالي .. ولايات قريبة من الخرطوم معناها غالية ..
ولاية واراب كيف ؟!!!
مودتي
ابو نبيل
19-Sep-2009, 02:29 PM
تسلم يا اخونا معروووف بس المنطق شنو الارضى فى الخرطوم بهذه الاسعار ولا توجد خدمات صرف صحى ولا اسفلت والكهرباء والماء برضو مش ولا بد مش حاجه تحير انا اعرف كذا واح راح اشترى شقه فى القاهره وقال ارخص وافضل فى الخدمات من الخرطوم دا سمو كلام دا
معروف اوشي
19-Sep-2009, 02:40 PM
تسلم يا اخونا معروووف بس المنطق شنو الارضى فى الخرطوم بهذه الاسعار ولا توجد خدمات صرف صحى ولا اسفلت والكهرباء والماء برضو مش ولا بد مش حاجه تحير انا اعرف كذا واح راح اشترى شقه فى القاهره وقال ارخص وافضل فى الخدمات من الخرطوم دا سمو كلام دا



تسلم ابو نبيل على المرور
و الله لا ادري .. المنطق شنو ؟!! في الاسعار الخرافية دي .. ما عارفو طمع ؟!!
جشع ؟؟!! ولا فوضى اسعار و لا شنو ؟!! ما عرفت .. و على قولك الخدمات زيرو
زيرو .. و زي ما قلت انا برضو بعرف ناس كتيرين مشوا سكنوا في القاهرة لانو الشقق
رخيصة كان شرا و لا ايجار و طبعا" الخدمات احسن من الخرطوم و الحياة رخيصة جدا"
حاجة تحير ..
مودتي
الكردفاني
21-Sep-2009, 11:08 PM
لك الشكر أبو نبيل ومسألة إرتفاع الأسعار في الخرطوم ناتج عن العرض والطلب فنجد أن الطلب أكبر من العرض علي أراضي الخرطوم لذلك الأسعار دائما في إرتفاع رغم عدم وجود الخدمات، وأيضا هناك أسباب أخري متداخلة.
مع الود
معروف اوشي
22-Sep-2009, 01:10 AM
لك الشكر أبو نبيل ومسألة إرتفاع الأسعار في الخرطوم ناتج عن العرض والطلب فنجد أن الطلب أكبر من العرض علي أراضي الخرطوم لذلك الأسعار دائما في إرتفاع رغم عدم وجود الخدمات، وأيضا هناك أسباب أخري متداخلة.
مع الود




الكردفاني تحليلك واقعي لانو الناس دي كلها اتكبت في الخرطوم ...
و الطلب كتير زي ما قلت .. لاكين تفتكر الطلب هنا اكتر من القاهرة ؟!!!
اتخيل ايام العيد الخرطوم فاضية و يا دوب تبقى قدر ناسها بعد ناس
الولايات ما يرجعوا البلد.. ظريف المدينة قال ناس الخرطوم ايام العيد
بيتفسوا الصعداء ( حلوة مش ؟!! ) و يقولوا ( الحمد لله مشوا .. الله لا عادهم !! )
و قالوا ناس الولايات ذاتهم بيقولوا ( الله يفكنا من الخرطوم و بلاويها !! )
هاهاهاهاها .. ودي
ابو نبيل
22-Sep-2009, 04:36 PM
متشكرين يا شباب على التواصل والايضاح وكل سنه والجميع بالف خير وعيدكم سعيد بس لينا عوده لموضوع الاراضى ان شاء الله
معروف اوشي
22-Sep-2009, 05:37 PM
متشكرين يا شباب على التواصل والايضاح وكل سنه والجميع بالف خير وعيدكم سعيد بس لينا عوده لموضوع الاراضى ان شاء الله




ابو نبيل تشكرات كتير على التواصل و التعليق
و كل سنة و انت طيب و ينعاد علينا و عليكم بالخير و البركات
مودتي .... معروف