حكاية مذيعات البيت الحزين والثوب السوداني

[الكاشف]

برنامج البيت السعيد كما يدعون ، كل لحظة تتفرج علي البرنامج يجيك اكتئاب ملل وضعف شديد في التقديم باستثناء واحد من المقدمين الشباب اما البنات فحدث ولا حرج باين اختاروهم بعناية شديدة وطالما البرنامج من المفترض يخاطب الاسرة السودانية يعني المفروض ناصل لكل ماهو سوداني صح ؟؟
لماذا لاترتدي مذيعات البرنامج الثوب السوداني للمرأة السودانية وهو مايميزها عن جميع نساء الدنيا ؟؟؟؟
مع الاشارة بان هناك مذيعة واحدة فقط حريصة علي ارتداء الثوب وهي مختفية هذه الايام

[عزة السودان]

المفروض طالما هو برنامج خاص بالاسرة السودانية يلتزمو بالتوب السوداني وهي حاجة اصيلة للمرأة السودانية ولا مش كده يالنور معني ؟؟؟؟

[عباس عبد الرحمن]

الأعزاء كلكم
وددت التعليق على قصة الثوب السوداني، واستناداً على أنه بيت سعيد وسوداني، فلنسأل أنفسنا بروية: هل كل البنات في البيت السوداني يلبسن الثوب؟
دون شك الاجابة لا.. فالبيت السوداني غني بتنوعاته الثقافية.. ودعك من هذا.. لدينا عرف عن لبس الثوب للبنت بعد الزواج يكون واجباً.. لكن قبل ذلك لا اظن.. فالبرنامج يعكس مختلف الفئات العمرية.. فالبنات الصغيرات وما دون سن الزواج قلما يرتدين الثوب..
ولا مش كده يا عزه!!

[كلك حلو]

الأعزاء كلكم
وددت التعليق على قصة الثوب السوداني، واستناداً على أنه بيت سعيد وسوداني، فلنسأل أنفسنا بروية: هل كل البنات في البيت السوداني يلبسن الثوب؟
دون شك الاجابة لا.. فالبيت السوداني غني بتنوعاته الثقافية.. ودعك من هذا.. لدينا عرف عن لبس الثوب للبنت بعد الزواج يكون واجباً.. لكن قبل ذلك لا اظن.. فالبرنامج يعكس مختلف الفئات العمرية.. فالبنات الصغيرات وما دون سن الزواج قلما يرتدين الثوب..
ولا مش كده يا عزه!!

اخالفك الرأي اخي عباس هذا البرنامج يخص الاسرة السودانية وليس شرطاً ان تكون البنت متزوجة لتلبس التوب السوداني وحسب مااعلم احداهن متزوجة واخري مطلقة وبرضها مابتلبس التوب لو اخدنا بمقياسك للبس التوب او تجيب لينا فتوي عن لبس المطلقة للتوب السوداني :d:d

[النجومي]

انا من رائي يلبسوهم نقاب ويريحونا من وجوههم المكشرة دي

[الشقيل]

مشكور اخونا الكاشف على طرحك لموضوع الثوب السوداني الذي يفترض أن تلبسه مقدمات البيت السعيد ، صراحة الثوب السوداني يمكن أن يكون سمة بارزة وعنوان للمرأة السودانية حيث أنهن في قناة فضائية يراها الجميع ولو أنه غير ساتر بالمعنى الواضح لكن أحسن من البلوزة والإسكيرت ، لكن اغلب المذيعات - على ما اعتقد - يعتبرن أن الثوب السوداني لايجاري العصر الحديث ، وحقيقة أعجبتني الدكتورة حرم شداد فهي مثال للمذيعة المثالية تحاورا وطرحا للمواضيع الهامة وحشمة.

[امواج]

التوب السوداني عنوان للمرأة السودانية ومذيعات البت السعيد المفروض يلزموهم بلبس التوب وحكاية معرسات ومطلقات وفتيات ماسبب

[ابو عبد الحفيظ]

النور معني الراي شنو ؟؟ نرجو الالتزام بالتوب السوداني قدر مااستطعتم نحن في انتظار ردك

[النور معنى النور]

برنامج البيت السعيد كما يدعون ، كل لحظة تتفرج علي البرنامج يجيك اكتئاب ملل وضعف شديد في التقديم باستثناء واحد من المقدمين الشباب اما البنات فحدث ولا حرج باين اختاروهم بعناية شديدة وطالما البرنامج من المفترض يخاطب الاسرة السودانية يعني المفروض ناصل لكل ماهو سوداني صح ؟؟
لماذا لاترتدي مذيعات البرنامج الثوب السوداني للمرأة السودانية وهو مايميزها عن جميع نساء الدنيا ؟؟؟؟
مع الاشارة بان هناك مذيعة واحدة فقط حريصة علي ارتداء الثوب وهي مختفية هذه الايام

الراى لكم فى مستوى المذيعين لانه لكى ينجح فى عمله يجب ان يقبله المشاهد ... ودائما نتعامل بجدية مع الملاحظات المقدمة حولهم ...

عموما نحن كنا قد اعلنا قبل شهر واكثر عن حاجتنا لمذيعين جدد ( غير قدامى ) ..وقد تقدم حوالى الف طلب ( الف بالقديم ) ..اليوم الاربعاء وصلت التصفية الى حوالى ستين مرشح ...واللجنة برئاسة يس ابراهيم وعضوية كل من اسماعيل عيساوى وسيف الدين حسن وسيف الدولة الملثم ودكتور محمد الحسن على ودكتور محمد الامين الشريف ومهندس سيف الدولة الطيب واخرين ..

[النور معنى النور]

النور معني الراي شنو ؟؟ نرجو الالتزام بالتوب السوداني قدر مااستطعتم نحن في انتظار ردك

فى الاول اتفقوا بعدين ورونا النتيجة عشان نعمل بيها

[النور معنى النور]

التوب السوداني عنوان للمرأة السودانية ومذيعات البت السعيد المفروض يلزموهم بلبس التوب وحكاية معرسات ومطلقات وفتيات ماسبب


فكروا كويس فى حكاية الالزام دى ...
وما تنسوا التجربة السابقة لمدير التلفزيون الاسبق الطيب مصطفى الذى الزم بقرار صارم جميع الرجال بلبس الجلابية والنساء التوب ..
.ماذا كانت النتيجة بعد تركه للتلفزيون ؟؟ خلع الجميع الجلابية , والتوب اصبح احد الخيارات ...

لماذا حدث ذلك ؟؟؟؟؟؟؟ لانه بدون قناعة وبدون رضا وبدون مشاركة ..

فكروا كويس ...

[الكاشف]

لك الشكر اخي النور معني علي الرد وهذا قل مانجده من شخص مسئول ولن نبخل عليكم برأي او ملاحظة وكده الحمد لله صوتنا وصلكم ونكون مطمئنين علي اي شئ نكتبه
ولي عودة للرد عليك في بعض التفاصيل واصرارنا علي ارتداء التوب السوداني لمذيعات البيت السعيد بصورة خاصة طالما البرنامج خاص بالبيت والاسرة السودانية

[SaHaR]

بصراحه أنا بفضل أشوف مذيعات البيت السعيد لابسات توب مش لأنو عنوان للمرأه السودانيه لأني بصراحه بيجيني إكتئاب لما اشوف اللبس اللي بيلبسوهو المذيعات :(:(:(
سؤالي للأستاذ النور معنى النور.... مافي زول متخصص في لبس المذيعين والمذيعات في التلفزيون زي بقية التلفزيونات ؟؟؟؟؟؟؟؟؟؟؟؟؟؟؟؟؟
على حد علمي :rolleyes: كتير ما بشوف في نهاية بعض البرامج (طبعاً في قنوات أخرى) بيكتبو ملابس المذيعه أو المذيع من المحلات الفلانيه وطبعا ده بيعتبر اعلان كمان للمحلات دي..ليه التلفزيون ما بيهتم بالنقطه دي ((((((مظهر المذيعات)))))) (مع إنو وللأمانه إتصلح شويه)

[عماد ساتي]

لاشك بان الثوب السوداني مميز جداً ولكن اعتقد بانه ليس بالضرورة يفرض على المذيعة (كانت هناك محاولة ايضاً لمذيعى تلفزيون السودان للظهور بالجلابية والعمة وذهبت ادراج الرياح).
ما الداعى لإجبار المذيعة للبس الثوب والشارع العام يعج بغير الثوب ؟؟؟. لا نريد للثوب السوداني ان يكون يونيفورم للعمل.

تحياتي

[عباس عبد الرحمن]

يا اخوانا..
عليكم الله شوفوا الشارع السوداني.. وينو التوب البلبسنو البنات امات تمنطاشرات وكم وعشرينات.. من غير المتزوجات؟؟؟؟؟
خلو الناس على طبيعتها أحسن..
اذكر انو عواطف المتزوجة كانت بتلبس توب
لكن هنادي ونسرين واقبال ما بلبسن.. القصة خاضعة لحاجات عندها علاقة بالسن وكده، ونحنا بنتكلم عن بيت سعيد.. بيت بكل تفاصيلو.. توب.. موضة.. وما بنقدر ننكر الكلام ده..

[النور معنى النور]

يللا يا جماعة ... والله نحن راجين رايكم النهائى عشان ننفذو ....
اقترح مواصلة النقاش ...
اقترح تعملو استمارة استبيان للاعضاء ...ونحن ملزمين بالنتيجة شرط مشاركة جميع اعضاء منتديات كومى .... ما ينقص زول ....حتى لو كان اسمو (فاروق) وهو دائما (زاهر ).

[ابو حلا]

ماهي المعايير الاساسية في اختيار المذيعين الجدد ؟؟

[ابو حلا]

انا ضد فكرة الزام المذيعات بارتداء الثوب ولكن المطلوب هو حشمة واناقة والاولي لا تنقص مذيعات البيت السعيد ولكن الثانية يفتقدوها بشدة من حيث تناسب الالوان وانسجامها مع طلة الوجه فالموضوع الاساسي اخي النور في التقييم العام من حيث الاداء والمظهر (الطله الجميلة) ، فالسودان اخي النور غني بالمواهب والجمال المحتشم الذي يفوق امكانيات عواطف وغيرهم

[ابو حلا]

مشكلة الكرة السودانية في عدم وجود الكشافين والباحثين عن المواهب ونفس المشكلة في المجال الاعلامي فهنالك المواهب التي تحتاج الي من يكتشفها فابحثوا عنها ولن تندموا في الوطن القارة

[مانقو]

السلام عليكم احبتى الاعزاء...
اولا اريد ان اضيف اضافه بسيطه للاخوه والاخوات انُ المشكله ليست فى الثوب السودانى او غيره المشكله فى المذيع اذا كان يجد قبولا من المشاهدين حضوره امام الكامرا الطريقه التى يؤدى بها تقديمه للبرنامج يعنى مثلا فى الاخبار يكون فى خبر بتاع مزابح ومجازر وهو يبتسم ويوزع الابتسامات مثلا لكل مقام مقال.
ثانياً يجب ان يكون الزى مقبولاً بغض النظر عن انه ثوب سودانى او غيره حتى الالوان تكون مقبوله مع الشكل لكى تجذب عين المشاهد.
ثالثاً اعتقد بان الاخوان والاخوات فى البرنامج صراحة ما قصروا وكل يوم فى تطور وهم بيستفيدوا قطعا من ملاحظاتكم وارائكم وما نبقى محبطين من المفترض ان نشجعهم لكى يرتقوا بهذا البرنامج .
خامساً اخى النور معن النور المشكله ما فى التصفيه ولا فى الاتقدمه 1000 واتصفو منهم 60 وغيره الحتجيبها انت واللجنه المعك حتكون مثل المضو لكن الفى ممكن تثقلهم بكورسات وماشاء الله فى عمالقه فى التلفزيون ممكن يستفيدوا منهم بتقديم محاضرات وكيفية الوقوف امام الكامرا وانا بتكلم بصفه عامه ليس البيت السعيد فحسب. كل مره بنجيب جداد وتانى نغيرهم ما بنستفيد شئ وهنالك مزيعات شكلاً فقط .
واخيراً يجب ان يدرسوا كيفية التعامل مع الكامرا وكيفية جذب المشاهد للبرنامج وايضاً من المفترض يكون هنالك علاقات مع بقية التلفزيونات الاخرى التى سبقتنا فى الاماكنيات واستفادوا من الخبرات الاجنبيه .
وهل ممكن استجلاب مزيعات عربيات للبرنامج التلفزيونيه وايه المانع اذا استجلبوا حتى تكون هنالك منافسه ونستفيد منهم ؟
لماذا دائما نقول نحن اول من انشأ كذا وكذا والان نحن كذا؟
وشكراً على القراْه والمتابعه
وسامحونى على الاطاله
ودمتم جميعا
احترامات وتقديرات
اخوكم

[النور معنى النور]

مشكلة الكرة السودانية في عدم وجود الكشافين والباحثين عن المواهب ونفس المشكلة في المجال الاعلامي فهنالك المواهب التي تحتاج الي من يكتشفها فابحثوا عنها ولن تندموا في الوطن القارة

دى نقطة فى غاية الدقة والصدق ....
كلامك صاح يا ابو حلا مية فى المية ...

ساعدونا ...
وليساعدنا كل اعضاء كومى ويشتغلوا معانا كشافين ...
هو نحن يا اخوانا مش كلنا هدفنا التلفزيون يكون لذيذ وسمح ؟ طيب يللا يدكم معانا ...
بس بضوابط وترتيب مش مجاملات واهل وصحوبيات .... يعنى ... نحاول .. ههههههه

[ابو عبد الحفيظ]

دى نقطة فى غاية الدقة والصدق ....
كلامك صاح يا ابو حلا مية فى المية ...

ساعدونا ...
وليساعدنا كل اعضاء كومى ويشتغلوا معانا كشافين ...
هو نحن يا اخوانا مش كلنا هدفنا التلفزيون يكون لذيذ وسمح ؟ طيب يللا يدكم معانا ...
بس بضوابط وترتيب مش مجاملات واهل وصحوبيات .... يعنى ... نحاول .. ههههههه

عدنا بعد طول غياب اخي استاذ النور
سؤال شخصي ههههه
ماهي قصة ال17 جنيه ؟؟؟ ههههه

[اعلامية صغيرة]

يللا يا جماعة ... والله نحن راجين رايكم النهائى عشان ننفذو ....
اقترح مواصلة النقاش ...
اقترح تعملو استمارة استبيان للاعضاء ...ونحن ملزمين بالنتيجة شرط مشاركة جميع اعضاء منتديات كومى .... ما ينقص زول ....حتى لو كان اسمو (فاروق) وهو دائما (زاهر ).


ممكن اعمل ليك الاستمارة لو ممكن ىيااستاذ النور



وانا فى راى الشخصى انوا التوب ممكن يجى مع واحدة ومع التانية عكس
وبعدين لم يخلوا الزول على راحتوا احسن
وياجماعة ديل بنات صغار على التوب (هسع انا بحن على تقوى التوب ماجاى معها هى صغيرة كدة عليوا)
وبعدين البلزم شنو على لبسوا
البس لو محترم سواء انا كان توب ولااسكير مافارق

عشات كدة مافى داعى للتفيد
وانا متاكدة انو المذيعات ديل مابيلبسوا تياب الافى الاستديوا

استاذى الرائع النور انت صاحب القرار اكيد لكين ورينا وجهة نظراك شنو توب ولا باتوب



وصلوا على الحبيب

[ايمن بشير خليفه]

قبل ان ادخل فى حكاية التوب والمذيعات افتو لينا فى قصة جحا وولدو والحمار بعدين نرجع لحكاية التوب والاسكيرت والبلوزة .
مايعجبك ليس بالضرورة ان يعجبنى ولكن لنتفق اولا
سارتر

[ابو عبد الحفيظ]

الاخت اعلامية
طرح موضوع ارتداء التوب في استفتاء عبر المنتدي واجمع المستفتون علي ارتداء المذيعات للتوب السوداني وعلي ضوءه قرر القائمين علي امر البرنامج ارتداء المذيعات علي لبس التوب واكيد حيتعودن علي لبس التوب السوداني وان لم يستطعن اللبس فبالامكان اختيار اخريات قادرات علي لبس الزي السوداني الاصيل

[نانا]

قلتها فى اول حلقة من البرنامج مزيعات ولس مزيعين المزيعات كلهن ضعاف جدا جدا وما تلك النور بيقول ورونا ورونا نوريك شنو يا زعيم

[نشأت الإمام]

الآن الثوب هو سيد الموقف في البيت السعيد
غداً ستعود عواطف.. وهنادي واقبال ونسرين..
وكلهن يرتدين الثياب..
وبارك الله في تقوى التي امسك بالراية الان.. وميرال ترتدي ثوبها الجنوبي المميز