قصيدة يا وطن

[سمل ود الولياب]

يا وطن

اجيك مشتاق
وشايلك عيد
,وداير اشوف معاك جديد
اجيك الليله
شايلك شيله
شايلك فى العيون زفه
,وشايلك فى القليب ..عفـه
اجيك شايلك
وكنت دوام
معاي ..جواي
مهاجر فى المطر والريح
تصيح ..واصيح
بصوت سودانى ..حزنه فصيح
وكنت معاي
وفى جواي
تكورك - ياوطن - ديمه
وتنزل فى العيون غيمه
,واجيك الليله ..ليك مشتاق
اجيك مشتاق
ودايرك ياوطن ..معلوم
ودايرك ..ياوطن ..مفهوم
ودايرك ياوطن سالم
ولامهموم
ولامقسوم
ولامهضوم
ولامظلموم
ولاظالم
ودايك ياوطن للناس
جميع الناس
ودايرك يا وطن للناس
جميع الناس
وطن حريه
فيه حقوق ومسؤوليه
فيه كمان ديمقراطيه
واشتراكيه سودانيه
من حالنا
واحوالنا
ومن تاريخ بعانخى الفاتح المغوار
ومن حلفا الى مروى ..ومن سنار
ومن وطنيه سودانيه وليابية تفدى الجار
وتفتح بيته للجائع وللمحروم وللمطرود
وللمحتار
ودايرك ياوطن اخدر
وديمه خدار
ودايرك ياوطن عامر
وديمه عمار
واجيك مشتـــــــــــــاق
واجيك مشتـــــــــــــاق
ولانى عميل
ولامحتال ..ولا سراق
وحاشاي
بل اقول ...حاشاك
واجيك مشتاق
ووشي نضيف
وقلبى عفيف
وشايلك فوق كتيفى ..رغيف
ومويه ونور
والقى الناس ..وليك حامدين
وبيك شاكرين
وانت دوام وطن مشكور
واجيك مشتاق
والقاك.. ياوطن تانى
وانت بقيت وطن تانى
وعالم تانى ..يا سودان
وانت الفيه ..خير وامان
وانت الفيه ..صرت مكان
وصرت زمان
لكل الناس
واجيك مشتاق
وانت بقيت وطن اجمل
وناس انبل
والقاك تانى ..يا سودان
وطن مشيول على الاعناق
ومرسوم بسمه فى الاحداق
ومكتوب جوه ..........فى الاعماق
واجيــك مشتـــــــــــــــــاق



واجيكم احمل الاشواق

[سمل ود الولياب]

تهنئة عيدالاضحى للمنتدى

القول موصولٌ أليكم إخوتي**** في منتدى ابعث أليكم من فؤادي تحية **** أدعو لكم بالخير والإسعادِ
اكتب أليكم شاكراً ومهنئاً **** ومباركاً لكموا على الأعيادِ

بالعتق يشملنا ويحيى نفوسنا**** ننجو من النيران بالإبعادِ

قوى بأمرك يا ألهى نفوسنا ****لقيامها في الليل للأورادِ
فنفوسنا دوماً تكون ضعيفةً **** لبعادها عن منهج الإرشادِ
وولوجها درب المهالك والردى **** ولسيرها في غيها بتمادِ
أمارةٌ بالسوء وهى مريبةٌ **** للخير تبدى جفوةً وعنادِ
فاجعلها يا ربى تكون مطيعة****تنجو بفعل الخير يوم معادى
نرفع أليك اكفنا بدعائنا ****نرجو بك التوفيق والإسناد
قد قلت ادعوني فهذا دعائنا ****أنت المجيب فهل لنا من زادِ
أعنى به تقوى تضى نفوسنا **** تنأ بها عن ريبةٍ وفسادِ
بل جئت في أي الكتاب بأيةٍ **** بيا النداء للمسرفين تنادى
لا تقنطوا من رحمتي إذ أنني **** ربٌ رحيمٌ غافرٌ لعبادي
فبحقها يا ربى أمحو ذنوبنا **** امنحنا رأياً صائباً وسدادِ
أيد بنصرك يا ألهى بلادنا ****في وجه كل مكائدٍ ومعادِ
ثم الصلاة مع السلام على النبي ****خير الأنام وسيد الأسياد
وعلى صحابته الكرام وأهله****مازا ر حي منتدى اونادى
أو سار ركب من حجيجٍ قاصدٍ **** خير البقاع وقبلة الأمجادِ
أو صاح في البيت الحرام مؤذن ****أو سمعت الأذان صوت الحادي
أو باح ابن الولياب بقوله ****يا ربى ارحمني وحل قيادي