المساعد الشخصي الرقمي

مشاهدة النسخة كاملة : اكلات ماذالت فى الذاكره

صديق اورناصر
16-Aug-2007, 11:26 AM
اليكم بعض الاكلات التى ماذالت فى الذاكره وفى اعتقادى النظام الغذائى لكبارنا كان من افضل الاغذيه لانها كانت من الطبيعه اقصد كانو يستعملون الاسمده البلديه فى الزراعه ومن هنا ادعوكم جميعا بان تبادرو بتوعية اهلنا فى كومى وجميع انحا السودان بان يبتعدو هن هذه الطريقه السيئه فى الزراعه باستعمال الكيماويات ؛ ومن هذه الاكلات على سبيل المثال اذكر فقط الاسامى والباب مفتوح للجميع 0(السبروق) (البوكه)(الكراره)(الكداد)(الفروق)(الفريف) فى كيفية الطبخ ولكم ودى
عماد ساتي
16-Aug-2007, 12:07 PM
يا سلام يا صديق

ذكرتنا الزمن الحلو بالله تذكر (الكداد) طبعا الجيل الجديد دا ما بعرف الحاجات الحلوة دى ....

تحياتي
ابو عبد الحفيظ
19-Aug-2007, 12:14 AM
مشكووور علي المشاركة ابو بشار انا طبعاً مدمن تركين
عماد ساتي
19-Aug-2007, 02:08 AM
وانا زيك يا ريس تركين نجيد ونىء

تحياتي
الشايقي ود كسلا
19-Aug-2007, 06:56 AM
تسلم يا رائع

وماتنسي التمليكة والكداد ولسان الطير ( لسان الطير ديه كان قش بقوم في فصل الخريف ) وملاح الكول

لك ودي
ود ابجديد
22-Aug-2007, 11:24 AM
شكرا يا صديق
يا شعراوي انا برضو معاك في التركين بس انا الوحيد الباكلو في البيت وما حصل اكلتو في البيت الا مع ناس الخال علي العموم لمنت تجي الاجازة نشوف قصة التركين
أرض الخير
25-Aug-2007, 11:38 AM
ربنا يوفقكم

كلام جميل لك التحية اخ صديق
عفراء سيدأحمد دياب
05-Dec-2007, 07:40 PM
رحم الله يمه.....
حبوبتي ام ابوي......
كل الاكلات المذكوره اعلاه.....
قامت بطبخها لنا....
وواظبت على ما استسغناها.....
وتجنبت ما عفناهو.....
وهي الله يرحمها.....
كانت طبتخه بشهادة الجميع.....
بس العاوز يضوق الاكلات دي.....
ويتكيف....ويتمنجه.....
يمشي ناس عماد ساتي عديييييل....
عمتي الله يديها العافيه.....
بريمو في الاكلات دي.....
وياسلام لمن تظبط ليك الملوحه.....
والشيه والفرك.....
والدمعه بالفطير.....
ياحليل زمن لمتنا وصغرتنا......
ربنا يديهم كلهم الصحه والعافيه.....
ونرجع ونلم الشمل تاني.....
ونعلم اولادنا معنى المحنه والمحبه....الصادقه
ولد التاوي
15-Feb-2008, 01:22 PM
بلعكس يا استاذ عماد ساتى الجيل الجديد بحب الكداد والتركين
مستر قوقل
25-Feb-2008, 07:46 PM
انا مامن الجيل الجيييد يعني القاعدين تذكروه بس فسر شويه ذي الفريف ده شنو?
الكردفاني
28-Feb-2008, 01:07 AM
مشكور أورناصر علي الأكلات اللذيذة.
معروف اوشي
27-Dec-2009, 01:50 AM
غايتوووو الكداد و الكرارة و السبروق ديل رهيبين
حاجة ما تخلص ...

و احلي حاجة فيهم الكداد و ماكلو في اجازتي الفاتت بتاعت العيد
في البلد ...


قلتو لي الفريف ده يطلع شنووو يا الحبان ؟!! :o_o:
يويو
29-Dec-2009, 10:53 AM
يا سلام عليك أورناصر دايرين كداد
وأنا ياعماد من الجيل الجديد يعني عاااااارفيييييييييييييييييييييين
محمد بخيت
29-Dec-2009, 11:36 AM
طبعا الكداد ده حاجة رهيبة وماتنسى ال(.......) تحياتي
بت البلد
29-Dec-2009, 11:52 AM
والله لو فاهمة حاجة من كلامكم ده الله يقتلني انتوا يا جماعه هنا في رضانه ولاحاجة كدي اتكموا عربي بلييييييييييييييييييييييييز
im not speak dnglaoy
انت يا محمد بخيت شايقي الدخلك في كلام الدناقله ده شنو ؟
basma
29-Dec-2009, 11:59 AM
السبروق) (البوكه)(الكراره)(الكداد)(الفروق)(الفريف) ديل شنو ياجماعه
السودانيه الاكلات دى عندها اسم تانى؟ لانى ماعرفت ولا واحد ولامتذكره انى اكلتهم
بس النصيحه انا بحب التركين شدييييييييييييييييييييييييييد وبالذات لو ماما العملتوا يم يم عدييييييييييل كده
يويو
29-Dec-2009, 03:59 PM
والله لو فاهمة حاجة من كلامكم ده الله يقتلني انتوا يا جماعه هنا في رضانه ولاحاجة كدي اتكموا عربي بلييييييييييييييييييييييييز
im not speak dnglaoy
انت يا محمد بخيت شايقي الدخلك في كلام الدناقله ده شنو ؟


أنتي إسمك بت البلد وما عارفه الحاصل الموضوع موضوع أكلات
يعني مجموعة ملاحاااات مع القراصه فهمتي
معروف اوشي
04-Jan-2010, 02:35 AM
طبعا الكداد ده حاجة رهيبة وماتنسى ال(.......) تحياتي



الكداد تحفة فعلا" !! :gna:

قلت لي ( الـ ....... ) شنووو ؟!!! :o_o:

:shocked:
معروف اوشي
04-Jan-2010, 02:39 AM
والله لو فاهمة حاجة من كلامكم ده الله يقتلني انتوا يا جماعه هنا في رضانه ولاحاجة كدي اتكموا عربي بلييييييييييييييييييييييييز
im not speak dnglaoy
انت يا محمد بخيت شايقي الدخلك في كلام الدناقله ده شنو ؟





ما فاهمة ؟!!! :shocked: امال بت البلد كيفن يا اللخت ؟!! :shocked:
اصلوووو ما بكلمك و الكلاااام ده عربي يا اللخت ما دنقلاوي !! :evil:


لووووووول محمد بخيت شايقي ؟!!! :shocked:
بت البلد محمد بخيت دي قريبي و كدة ... توضيح بسيط عشانك .. :yes:

كسرة :
غايتوو حلملم ناس اختي ماندا و محمد نجيب الشايقي و اختي سير جيو
و اهو بوست شمااارات كااارب ....... حضرو شعوركم يا ناس الشمارات !! :gna:
:sleep:
معروف اوشي
04-Jan-2010, 02:41 AM
السبروق) (البوكه)(الكراره)(الكداد)(الفروق)(الفريف) ديل شنو ياجماعه
السودانيه الاكلات دى عندها اسم تانى؟ لانى ماعرفت ولا واحد ولامتذكره انى اكلتهم
بس النصيحه انا بحب التركين شدييييييييييييييييييييييييييد وبالذات لو ماما العملتوا يم يم عدييييييييييل كده




بسمة !! :shocked: عجوووزة ( حسب الصورة ) و ما عارفة ديل :shocked:

ما عندها اسم تاااااني ؟!! :sleep:


اسألي منهم الماما :yes::yes: