من الخرطوم ضحك وحزن

[نانا]

وصلت الخرطوم واكثر ما ادهشنى فيها انخفاض درجة الحرارة حتى وصلت 9 درجات مساءا هربنا من البرودة ووجدناها امامنا واسواء من توقعى احزننى جدا مرور عد
الاضحى على اغلب السودانين بدون اضحية بسب ضبابية الحكومة تجاه الحمى النزفية
وتضارب الراعى تجاه رعيته مما افقد الثقة فى الحكومة كبرى المك نمر نموزج رائع للانجاز السريع وكبرى المنشية كذلك ...شاهدت قناة الشروف وايقنت ان تلفزيون السودان يسير بخطى ثابته قناة الشروق زكرتنى بالجمعية الادبية فى المدارس حتى متالقات النيل الازرق تدهور مستواهم جدا نسرين سوركتى غير محتشمة اغلب الاحيان ثوبها نازل وتتعمد ذلك سلمى ملكة متوجة للتمتمة والتلعثم القناة لن تحصد شيئا جديدا مثل الفريق الاحمر ......ترباس غنى ومعه عاصم الينا قدمها الكوبانى قمة فى كل شى برافو التلفزيون .... حامد عثمان دعواتك لنا بالصبر الجميل من البيت السعيد... اسمها ابتهال تقدم فى البيت السعيد عزيزتى لن تكونى مزيعة لانك غير نوهله لذلك .......
سارة فضالله لم تجيد المحاورة مع معتصم جعفر فى الاخبار وظهرت مرتبكة ( وقالت المنتخب سيسافر للتاهل الى اسبانيا ثم الى غانا ) دى نفهمها كيف يا سارة فضل الله لعنة الارتباك اصابت المزيعة الاول فى التلفزيون ......... تركين فى الحج حراااام عليكم دى عملتوها كيف...اوقفنى رجل شرطة سودانى امام بنك السودان وقال لى الرخصة اخرجت له رخصتى الامريكية قال لى ( اخير تقولى ما عندى وتدفعى 30 الف دى بتوديك السجن عديل) قلت ليهو بعد ان ارجعت رخصتى الى شنطتى طيب ما عندى رخصة قال لى خلاص امشى عفيتك من الغرامة ........ هارمونى قناة فارغة المحتوى والمضمون غير جازبة وحقا هى اسواء قناة شاهدتها احموا انفسكم منها واولادكم ......

لبيك الهم لبيك

[ابو عبد الحفيظ]

لك التحية اختي العزيزة دكتورة رانيا والف حمداً لله علي سلامة الوصول وكل سنة وانت طيبة ، امنياتنا لك بطيب الاقامة في الوطن ،،
بمناسبة العودة عازمنك تركين رايك شنو ؟

[نانا]

موافقة على العزومة بس ما تركين ملاح بامية مفروكة بى كسرة فطيرة فطيرة ذى برامج الشروق

[انا امدرمان]

حديثك يجافى الحقيقة هارمونى ليست بهذا السوء فهى قناة خفيفة منوعة لابراز الثقافات وهمزك بخصوص الشروق وربطها بالفريق الاحمر وفشله يمثل قمة الحقد عند اهل القبيلة الزرقاء وجمال الوالى رئيس طوالى ..... من قال لكى ان نصف السودانين لم يضحوا ام ان معلوماتك من الخارجية الامريكية ام انهم قاموا بتركيب احهزة احصاء فى الجوازات الامريكية

[نانا]

لن اعلق كثيرا على ما كتبت ولكنك تنظر للامور من ثقب ابرة ولا شان لى ان حكم الوالى المريخ او اندية السودان مجتمعة لاننى اساسا لم ازكر اسمه فى البوست اما هارمونى فه1ا راى يخصنى فها ولكننى تاكدت فعلا الان انها قناة رخيصة المادة وتشجعك لها دل على استقطابها لذوى الفكر المحدود والضيق استنادا على ردك القمىء اما الاضحة فمعلوماتى نابعة من الصحف السودانية راجع عدد اخبار اليوم الاحد الماضى ولم يكن مصدرى الخارجية الامريكية والجواز الامريكى اعتز به مثلما اعتز بسودانيتى وامريكا احتضنت الكثير من السودانيين معززين مكرمين نالوا اكبر درجات التعليم مثلما احتضنت امدرمان الملايين من النازحين من الاصقاع ثم جعلوها وطن لهم.....

[عماد ساتي]

الأخت الدكتورة نانا ... اصبت فى كل ماقلت عن (تلفزيوناتنا) حلوه دى قبل سنتين كان واحد بس وبرامجها .
يا ما تشوفى العجب العجاب فى نادوس بلد الغلابه .... بلد الحمى النزفيه المنكوره وبلد الغنى والغلاء الفاحش وبلد الفقر الفاحش ايضاً وكل مفارقات الدنيا تجدها فيه والله يعين محمداحمد والتايه وام حقين.

تحياتي