من بيت أيمن بشير سلام ومن امدرمان تحية [الأرشيف]

مشاهدة النسخة كاملة : من بيت أيمن بشير سلام ومن امدرمان تحية

ابو عبد الحفيظ

15-Dec-2009, 09:36 AM

نترك الصور تحدثنا عن روعة وجمال المكان واللقاء وكرم صاحب الدار الجميل ايمن بشير خليفة والمجموعة الماسية لبرنامج بيتنا والفضائية السودانية

ايمن بشير مضيفنا في داره العامرة
[فقط الأعضاء المسجلين والمفعلين يمكنهم رؤية الروابط]

شخصي ووائل محمد الحسن
[فقط الأعضاء المسجلين والمفعلين يمكنهم رؤية الروابط]

من اليمين النور معني وشرف محمد الحسن وابونون ووائل وشعراوي ونشات وابوروان ومصعب محمود
[فقط الأعضاء المسجلين والمفعلين يمكنهم رؤية الروابط]

مصعب محمود ووليد فضل
[فقط الأعضاء المسجلين والمفعلين يمكنهم رؤية الروابط]

ابو عبد الحفيظ

15-Dec-2009, 09:53 AM

ابو نون ، النور معني ، شرف محمد الحسن
[فقط الأعضاء المسجلين والمفعلين يمكنهم رؤية الروابط]

النور معني وشرف محمد الحسن
[فقط الأعضاء المسجلين والمفعلين يمكنهم رؤية الروابط]

شوفو الضرب المبرح :gna:
[فقط الأعضاء المسجلين والمفعلين يمكنهم رؤية الروابط]

ابو نون

15-Dec-2009, 10:02 AM

بسم الله الرحمن الرحيم اللهم صل على محمد وعلى آله وصحبه أجمعين
ما اروع اللحظات وما اجمل الساعات التى قضيناها فى ضيافة الامدرمانى الاصيل
الشهم المفضال لو كان التمنى بنفع كل حبيب لتمنيت ان اجاور ايمن بشير
ولما فارقت جواره العقد الفريد الذى اجتمع ذلكم اليوم رجال تشهد لهم سيرتهم ناصعة البياض وتسبقهم ذكراهم العطرة المضمخة بطيب اخلاقهم
جلسة ما منظور مثيلها
ليتنا عدنا وعادت الايام ولى عودة

بت البلد

15-Dec-2009, 10:03 AM

جلسه في الحرم انشاء الله جميعا ً

ايمن بشير خليفه

15-Dec-2009, 10:29 AM

الدار داركم اتفضلو لى قدام
دوما نصاب بحالة قلق عند التفكير بشخص تقابله لاول مرة .... هاتفنى وائل ابو عبد الحفيظ حيتغدا معانا اها فى شنو الناقص شنو .... ثم نشات ومن بعده شرف ثم النور ثم مصعب ثم ابونون .... الجميع ارادو المشاركة فى التجمع ... لانه استثنائى ... لان الضيف استثنائى ... الشعراوى حته واحده كده ...
كنت قلق اثناء تقطيع البصل .... والفراخ الذى قطعت اوصاله بقلق وحزر .... وافرغت قمة توترى بالسلطات الخضراء الحمراء ولو فى لون تانى ....
كنت افكر بسرعة .... من هو الشخص القادم الى دارى .... هل قمت بالواجب كفاية .... الترابيز .... السراير ... الحوش ... الاكل ... طعم الاكل ... امش اطلب ديلفرى .... فكرت ... قررت ... وهكذا تم الامر ..
الشعرواى كان بسيط فى كل شئ ... ود قبيلة ... اضنينو حمر وقلبو ابيض من اللبن الشخب ... ممكن تدخل فيهو من اى ناحية يونسك ... احسست بندم لاننى اخذت وقت كبير بالتفكير فى ارضاء الرجل وكرم الضيافة ..... مالراجل بسيط جدا جدا ... جدا
... مرحب بيك ومرحى لنا بك
داركم ...
قلنا دراكم ...
اخيرا جدا ...
برضو داركم ...
ادخلو لى قدام
مع مودتى

ودالامتداد

15-Dec-2009, 03:10 PM

ياالله على الكرم السودانى الاصيل وفرح اهل الدار بقدوم الضيف
شعور نبيل وجلسة رائعة بجوار الاريكة المنسقة فى دار البشوش ايمن
ما اجمل البساطة والضيافة والعراقى فى شخص ايمن
لفتة بارعة جدا ياريس بس ماعرفنا المصور اكييد تجانى
روعة وزكرتونا السودان صراحة بقدم اجازة

الصادق ابوعيدة

15-Dec-2009, 08:19 PM

وتعطلت لغة الكلام ...
الحَمُد أناس الاف الاف ...
بيتك ياود بشير يمين سوداني...

manda

16-Dec-2009, 02:14 AM

أجمل ما رايته في هذه الصور التي قل ما نجدها بأريحيتها هذه..

بشاشة الوجوه.. واريحية المشد والتواجد الجميل..

فأيمن بشير رجل نادر ما نجد أمثاله في بساطته .. (وهو يتحدث عن بساطة شعراوي ) .. ليته يرى نفسه بعين فاحصة ..

فهو أبس من البسيط..

رجل مفضال .. من نصه الذي سرده لنا..

والكوكبة التي معه..

رجال يشار اليهم بالبنان..

النور معني.. شرف .. وائل .. مصعب.. أبو نون.. شعراوي.. نشات ابوروان

وإذا في أخر أسف على نسيانه سهواً..

لكن هم اصحاب قلوب بيضاء كالحليب..

الجلسة روعة ورجعتني ايام وسنين إلى السودان الجميل..

وقد اشتمتت رائحة الدعاش والهمبريب في ذاك المكان ..

وأنا ابعدكم بسنين ضوئية..

التحية لكم احبتي ..

وانشاء الله يطول فرحي بيكم ولا تشوفوا حزن ...

وربنا يجمعنا في أجمل اللحظات..

مع خالص استمتاعي بالجلسة..

مغتربه

16-Dec-2009, 03:06 AM

جلسه في الحرم ان شاء الله ,,,كل الجمال والبساطه والاريحيه والشفافيه بها تبارك الرحمن

أرض الخير

16-Dec-2009, 04:07 AM

تمام والله ماشاء الله
كرم واصالة
لكن الزول البشرب في الشئ الابيض ده بالصحن ده:arf:
اوعى يكون ده لبن:gna:
اذا كان لبن بجيكم صادة :gna::arf:
واكان روب اعملوا:sleep::sleep::sleep:

الكردفاني

16-Dec-2009, 06:20 AM

لكم التحية أيها الرائعون، وتحية بمساحة الوطن الحبيب للشفيف أيمن بشير.
ودام الود

عصام دقداق

16-Dec-2009, 09:57 AM

ياسلاااااااااااااااااااااااااااام كم جميل لقاء الاحبة وكم جميل كرمك ياايمن وفعلا الاستاذ والمجاهد شعراوي يستحق هذا اللقاء الجميل والفراخ الطارخ وكمان شايف كاستر اصفر معصور بين يدي مصعب ارحم الكاستر يرحمك الله يامصعب وخلى بالك مايعمل معاك عملة المخبازة وزنقة اخر الليل مع عمك د محمد
ولكن لم نري ابتسامة اخونا النور معنى ياربي بفكر لي بكرة ولامشوار الليلة المهم
وبرضوا اخونا وليد فضل الحاصل شنو بتعضعض فى الموبايل
والحبيب مصعب والتوثيق _ وين صورتى مع الدكتور لو طلعت شينة خليها فى سرك واعمل ليها دليت ولو فى السلك خلينا نشوفها
كم تمنيت ان اكون بينكم فى هذة اللحظات وجد نفتقد مثل هذة الجلسات نسال الله ان يدم المحبة بين الجميع

تيسير محمد حسين

16-Dec-2009, 07:12 PM

شكرا كريما على هذه الصور كرم الأخ الراقي ابدا أيمن بشير
صور حملت نوع خاص من الأريحيه والنقاء
ومن يعرف أيمن بشير يعرف أنه لو زاره لصار رب المنزل

الريح محمد

16-Dec-2009, 07:12 PM

ماشاء الله تبارك الله جلسة مامنظور مثيلا
طبعا ياعزيزي يا ايمن جهزت نفسي للوم و مامرقك مني الا صورة مصعب محمود يعني المسالة طلعت قديمة شوية ..... تحياتي لك ولجميع ضيوفك الاكارم ودمتم

ابو عبد الحفيظ

16-Dec-2009, 07:49 PM

شرف محمد الحسن

16-Dec-2009, 10:53 PM

يا شعراوي ،،
انت الزمن دا كلوا داسي الصور دي وين ؟؟
كنت بتحمض فيها ،، ولا مخليها تخمر شوية ؟؟
بعدين العصير دا ما كان ( سفن اب ) لونه ابيض ، متين اتقلب لونه أصفر ؟
ولا يكون من طول المدة ( اتغيير ) بعد يوم الاثنين ...
الغريبة ان بيت ايمن جنب بيت ( الضو حجوج ) ..
ووليد فضل كان جالس و موهط ( رجليه الاثنين )
وبمناسبة يوم الاثنين دا .. انتوا ما ملاحظين السر في ( الاثنين ) :-
- المولد يوم الاثنين ..
- الاثنين ( الاسود ) ..
- الاثنين يوم الكورة ..
- الاثنين بتاعت ( سادومبا ) ..
- الاثنين ( كاس الممتاز وكاس السودان ) ..
- الاثنين العملوا العيزومة دي ( أيمن ووائل )
- الاثنين ( الليلة وين ) ..
- والاثنين الرافعين اللوحة ديل ( فري )
:arf::arf:
............... كل سنة وانتو طيبين ...........

manda

17-Dec-2009, 02:15 AM

شرف محمد الحسن

17-Dec-2009, 12:14 PM

ما عارف يا شرف أقول ليك شنو؟.

بس شايفك ساااارح في الجلسة..

وحكاية الاتنني دي شنو..

فيها اكيد كلام اكتر من الشفناه وقريناه هنا دا..

وأوعى تكون شرب من الروب بتاع مصعب..

مودتي .. الجلسة فعلاً كانت روعة في اللقاء..

تحياتي..

مرحبا يا ماندا ..

حكاية السرحة دي بقت ما محتاجة رووب ...

بالعكس الروووب بيصحصح هههههههه

انت ما شايف الجماعة بعد - الاثنين - صحصوا شوية وقالوا الروووووووووب

وائل محمد الحسن

17-Dec-2009, 02:34 PM

طبعا الصور غاية في الروعة يا شعراوي وعلي قول شرف انت كنت داسيها وين

بالمناسبة ياشرف المشروب كان مفروض يكون شامبيون لكن بعد مداولات وحوارات

مستفيضة واخدنا في الاعتبار الناس البطششو وهم سايقين بعد المغرب قلنا العصير

العاااااااااااااادي اخير اليوم داك حميدي طوالي كان في بالي ما عارف ليه :xD: :xD:

ابو عبد الحفيظ

17-Dec-2009, 03:39 PM

الاخوان شرف ووائل لكما التحية
بالنسبة للصور طبعاً كانو بصورو النور ومصعب ولقيت الصور دي بالصدفة في صفحة الاخ النور معني علي اللايف ويندوز وقمت بنسخهم

ايمن بشير خليفه

17-Dec-2009, 04:11 PM

الاماجد الاكارم
مرور جميل مرور سادومبا فى مرمى اكرم ( مع انى مريخابى على السكين ) دى لى للمعلم شرف ...
كل الشباب انشاء الله ملموين على الخير ..... شاكر ليكم جدا حفاوة الكلمات ... وسعيد جدا بى لمة الاصدقاء .... ولو ربنا كاتب لينا فى العمر باقى متلمين باذن الله ..
قلنا داركم ...
وتانى داركم ..
واخيرا جدا داركم ...
مع محبتى

النور معنى النور

19-Dec-2009, 01:04 AM

نعم
انهم حبايبى :heart::heart::heart:
واحبتى
واقربائى
واهلى
ومودتى

احبهم
بكل مافينى
واعمل معهم
لاعلاء دينى

اخوتى
وسندى
وعضدى

وهم جزء من كل

اختلافهم بحب
وحبهم ... باختلاف

اشداء عليا لحظما اجانب الصواب
احناء عليا حينما يغشانى الحزن العميم

واولاد البرعى الاوائل هؤلاء
لهم فى قلبى مدارج

دفعتهم ودفعتهم للرحيل
لكنهم فاقونى ذكاءاومحبة
فلم يرحلوا
ولو رحلوا
لانفطر قلبى
ولم يعد يقوى .....

موافقة وليد فضل على الحضور هى التى اجبرت نصف الحاضرين على الغاء اعتذاراتهم ....وكانت من اجمل المواقف للاخ وليد ..... بعد موقفه الرجولى مع نانا فى صالة الجوازات بالخرطوم ..... ذلك اللقاء الذى هز عروش .....وحفر نقوش ....وجعل ناس حامد يفرشوا البروش .....:yes::next::smile:

وهاك القمرية الرابعة دى .......هههههههههههههههههههههههههه

النور معنى النور

19-Dec-2009, 01:21 AM

الاخوان شرف ووائل لكما التحية
بالنسبة للصور طبعاً كانو بصورو النور ومصعب ولقيت الصور دي بالصدفة في صفحة الاخ النور معني علي اللايف ويندوز وقمت بنسخهم

هوى يا زول ...
مصعب شنو البصور ؟؟؟ ههههههههههه

وحاتك كلها صورى بموبايلى المقطع دة ....

والصور الظاهر فيها انا صورها الشاعر المخضرم ابو نون مشكورا ......

ف ...... ما تضيعونا يا جماعة .....هههههههههه

بعدين انا اى لقطة عندى ليها فهم .... فهم غير برئ ....
طبعا شعراوى كلمنى سريع سريع انو لقى صور وح ينزلا .....عشان يكتب التعليقات عليها ويعمل تمويه .....لكن على مين ؟؟؟؟؟ هههههههههه

ساستعين بالاخ شرف والاخ وليد بعد عودته من صالة الجوازات ( سالما )هههههههه ....

اما ناس نشات ومصعب وابو روان بقوا اكبر من المنتدى ..... والله يكضب الشينة هههههههههههههه :funky::funky::funky::funky:

النور معنى النور

19-Dec-2009, 01:24 AM

وين باقى الصور يا سيدى بيه ؟؟؟؟ ههههههههههههههه

وبانتظار سيدى بيه الثانية .......

النور معنى النور

19-Dec-2009, 01:30 AM

كلما اشوف لى صورة اكتشف انو الناس ديل بصورونى قاصدين ابدو سىمين ... وانا فى الحقيقة اضعف من كدة بكتير .. احتمال يكون ابو عبد الحفيظ استخدم فوتوشوب مطور او استعان بمعروف اوشى او النجم او عزام السودانى .. وما عارف ليه كدة ؟؟؟؟؟؟؟؟ :smile::next::emo: ههههههههههههههه

النور معنى النور

19-Dec-2009, 01:52 AM

مزيد من الصور

وليد فضل وابو نون وإبتسامة تعلو الوجوه :smile:

[فقط الأعضاء المسجلين والمفعلين يمكنهم رؤية الروابط]

نشأت وابو روان

[فقط الأعضاء المسجلين والمفعلين يمكنهم رؤية الروابط]

هنا خلاص بعد تناولنا الغداء شعراوي ووائل ونشأت شكلو تقل من الدجاج :smile:

[فقط الأعضاء المسجلين والمفعلين يمكنهم رؤية الروابط]

طيب نبدا نعمل الشرح الحقيقى للصور .... والصور اهى قدامكم .... ما بتكضب ... مش تقول لى فوتوشوب ... وسمين وما سمين ..... ههههههههههه

الصورة التالتة دى : الضيف ابو عبد الحفيظ زعلان جدا وواخد فى خاطرو من وائل ونشات وقال ليهم بلكنة نوبية اصيلة ولذيذة : انتو يا جماعة يا اولاد الجزيرة تعزمونى وتجو تاكلوا الفراخ كلو براكم ؟؟؟؟؟؟؟؟؟؟
وائل كضم مذهولا من جرأة الضيف وفضيحتو .....
اما نشات فكان قد رفع يده محتجا على وائل قائلا له : انا قلت ليك حركات ابو حراز دى ما تعملا مع الضيوف .....
طبعا لحظة التقاط الصورة كانت يد نشات قد هبطت وجحظت عينا نشات وتسمرت فى لقطة بعيدة ..... لانه فى هذه اللحظة لمح الشماتة فى محيا ابو نون ووليد بتاع صالة المغادرة ...وهذا موضوع اللقطة الاولى كما يلى :

فى اللقطة الاولى يظهر وليد فضل الذى كان يدعى الرزانة والتقالة فى الصور الاولى فوق وهو هنا يضحك بكل قوة هو وابونون ...و يشمتان على وائل ونشات لانهما افتضح امرهما عندما ضربا نصيب الضيف من الدجاج عينك عينك ......
ويظهر فى اللقطة ابو نون وهو يصيح لابو عبد الحفيظ قائلا : هم مش ضربوا الدجاج بس ....بل خباءوا صدرا وجناحين فى كيس لعمر عائس .......

الجدير بالذكر ان تطوع ابونون بالمعلومة الاخيرة كانت هى السبب المباشر فى ان يكافئه شعراوى ويعزمه فى سيدى بيه الاولى ......ههههههههههههههههههههه

وموضوع العزومات دة هو المخلى ابو روان زعلان فى الصورة التانية .....
فابو روان يحاول اقناع نشات بترك كوب العصير له ..... لكن نشات بيتلكك ويشير ليهو بانو العصير دة موية ساى ... ويا هيثم دفع الله انت جايى من دبى ليك ايام متغنوضارب الراحات زى صاحبك حامد عثمان اللى اتقلبت عليهو حليفتو الدكتورة وشرت عسيلو مما اضطره للسفر مرة اخرى ( وليس من باب الامانة البوستية المنتدوية ان تسكت الدكتورة على هذه السفرية الاخيرة والا فقدت مصداقيتها لدى محمد عبيد ادريس المتربع على عرش الرابطة وحيدا بعد ابتعاد المدعو منير عبد القادر ) ......

نرجع لموضوعنا .......

فابو روان الباشمهندس هيثم يعلن معاناته الشديدة من تجاهل ملك الاناقة المزعوم حسب راى قلة من المعجبين او ات ....

واذا كان الضيف ما اتهنا بالدجاج .... فمن باب اولى انو هيثم ذاتو يكون ما ضاقو اصلو .....

على كل حال لا ندرى اذا كان صاحب الحلة قد غرفها كلها ام لا .... لان الصور لا تظهر ذلك ....

معليش اعفوا لينا .... ما نحن بتاعين سيناريو وكدة ..... بنفع فى الدراما ؟؟؟ هههههه

ابو عبد الحفيظ

20-Dec-2009, 10:26 AM

اندياح عجيييييييييييييب ياالنور معني

انت كنت وين من زمان :arf:

بجيك راجع بباقي الصور

وحابدأ من مكتب شرف

وائل محمد الحسن

20-Dec-2009, 06:45 PM

والله مبــــــــــــــــــــــــــــالغة لمن انا زاتي صدقت ههههههههههههههه

عصام دقداق

20-Dec-2009, 06:49 PM

الحبيب النور معنـــــــــــــــــــــــــــــــــــــــي حمدلله علي سلامة ظهورك

خلينا من ديل نطالب بشدة قصة صالة المطار ووليــــــــــــــــــــــــــــــــــــــــــــــ ــــــــد

مدعومـــــــــــــــــــــــــــــــــــة بالصور