شاعر لتــى أحمدون ( فى جزيرة كومـــى )

[ود لتي]

مادام الملك والمُلك من الجد ولا يابا
ومن ود شقلة لا عند السحــــابــــــــا
سيــد جزيرة كومى من الكُونج لا سابا
وفرجى ورومى دار اديك جوابــــــــــا
عشان بلدا مَريه كثير ثوابــــــــــــــــا
ُشُداد فقراها مين يقدر عتابــــــــــــــا
بى الجابو النبى ثم الصحابــــــــــــــا
قليجنابا وبليليابا وعايدابــــــــــــــــا
والملوك والبكرى راكزين لى طُلابا
الضراء والفراش اكلا وشـــــــرابا
الكريم يرفع بلاها وإلتهـــــــــــابــــا
لكن اب تمام اهل الطمع سدالا بابــا
واليزبل يملا خشمو من الترابــــــا
ويجدعو فى غريق النيل دُرابـــــــــا
يحدّر سرجُو فوق امات لُبــــابـــــــا
ديل أمُات لجم عاصرين رِكـــابـــــا
خديرة الماها خنق القيف تسابــــــا
انا من بدرى الملوك عامل حسابا
يانى ناظم شعرها وخدام جنابـــــا

شاعر لتى الكبير أحمدون محمد محمد صالح وهذه القصيده
لود تمام فى عهد الإداره الأهليه وكان لهم وضعهم كما للعمده فى
أمنتجو وسناده فى ناوا وسعيد ميرغنى فى تنقسى وطبعا كان لشاعرنا الكبير القدح المُعلى فى تمجيدهم وفى هذه القصيده لأن فيها ذكر
كومــى حبيت ان تكون مدخل لشعر احمدون فى منتداكم وإعتذر مقدما
فى حالة تسببها لآى إحراج لاسمح الله
لكم منـــى كل الحب

[ابو عبد الحفيظ]

لك الشكر اخي العزيز ود لتي والشاعر احمدون علم في راسه نار ومن منا لايعرف احمدون واشعاره فالف مرحب بجمال الحروف وارقها

[حمدي سرالختم سيداحمد]

لك الود ود لتي اتحفتنا ونورتنا ومرحب بيك وبكل اهلنا في لتي والشمالية والسودان اجمع

[ود لتي]

لك الشكر اخي العزيز ود لتي والشاعر احمدون علم في راسه نار ومن منا لايعرف احمدون واشعاره فالف مرحب بجمال الحروف وارقها

استاذنا ابو عبد الحفيظ
لك كل الود ومشكور على التعليق الذى اقدره
وبعدين يا استاذ حركو مواضيع المنتدى شويه .. يعنى أنا كاتب
مشاركات ليها فتره وكل ما أمر عليها أجدها كما هى ...
لازم الناس ترفع همتها وتشارك حتى يجد الشخص نفسه بدون
ان يحس يكتب .. وطبعا إنت القائد فى ذلك
لك تحيتى وشكـــــــرى

[ود لتي]

لك الود ود لتي اتحفتنا ونورتنا ومرحب بيك وبكل اهلنا في لتي والشمالية والسودان اجمع

أخوى حمدى لك منى جزيل الشكر
ونتمنى أن نلتقى دوما عبر اسطر هذا الكيان
لك ودى واقدر مرورك