المساعد الشخصي الرقمي

مشاهدة النسخة كاملة : تلفزيون للبيع ( لا قرش لا تعريفة) !! ..

بريقع
25-Dec-2007, 11:44 PM
سيناريو :
السهرة شنو في الفضائية ياولد ؟
والله ماعارف يابوي ..
طيب حول شوف فيها شنو ..
فيها الامين البنا والجقر يابوي ..
طيب جيب هارموني ..
فيها عاصم البنا يابوي ..
ياولد قلت ليك حول هارموني ..
مادي هارموني يابوي ..
جيب الريموت ده هنا ..
طيب ..
يحول للشروق .. دة منو ياولد البغني دة ؟
دة أحمد البنا ..
أحمد البنا ؟؟
آآي دة ما ود الجقر يابوي جديد لنج !!
لاحولة ولاقوة الابالله .. انت امبارح مش قلت لي عندك صاحبك داير يشتري ليهو تلفزيون ؟
آآآآي ..
خلي يجي يشيل ده ماداير منو لا قرش لا تعريفة !!
محمد عبيد ادريس
26-Dec-2007, 11:01 AM
عليك الله خليهو يجى يشيل العندى ده كمان وبديهو حق الترحيل ...

مودتى ....
الكاشف
29-Dec-2007, 11:01 PM
القنوات السودانية زي الجلابية جناح ام جكو يابريقع

امبارح كنت بشاهد مراسي الشوق بتغني واحدة اسمها شروق لابسة التوب السوداني واخر حشمة في نفس الوقت كانت قناة زول بتقدم ليها اغنية وهي لابسة الجينز واخر رقيص هي ومقدمة البرنامج وواحد شاعر نسيت اسمو
بريقع
29-Dec-2007, 11:22 PM
[[frame="1 80"=محمد عبيد ادريس;23371]عليك الله خليهو يجى يشيل العندى ده كمان وبديهو حق الترحيل ...

مودتى ....[/frame
شكرا ودالعبيد علي المرور ..
بس الخوف التلفزيون العندك دة يكون ( مكنكش) فيهو ( فلان ) !! عرفتو ؟؟
لك تحياتي ..
بريقع
29-Dec-2007, 11:29 PM
القنوات السودانية زي الجلابية جناح ام جكو يابريقع

امبارح كنت بشاهد مراسي الشوق بتغني واحدة اسمها شروق لابسة التوب السوداني واخر حشمة في نفس الوقت كانت قناة زول بتقدم ليها اغنية وهي لابسة الجينز واخر رقيص هي ومقدمة البرنامج وواحد شاعر نسيت اسمو

تحياتي .. ( الكاشف أخوي ) ! وشكرا علي المرور ..
شوية شوية .. حتشوف العجب ..( وايداهور ) ! التوب اللابساهو في الفضائية أخير عدمو .. ( أحسن نسكت ) !!
ابو عبد الحفيظ
29-Dec-2007, 11:42 PM
بريقع ومحمد عبيد والكاشف يجازي ابليسكم

والله يابريقع لما اتشرقت من الضحك من التوب وايداهور [فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط]
بريقع
21-Jun-2008, 01:07 PM
ولازال مسلسل ( آل البنا ) مستمرا ...
ولا يزال ( تلفزيوني ) معروضا للبيع ..
الكاشف ..
ودالعبيد ..
شعراوي ..
همتكم معانا ..
( أخوكو مزنووووووووووق ) !!
ود كوستينا
21-Jun-2008, 04:26 PM
لا قرش لا تعريفة جيبوا جآي يابريقع عندنا غفير جارنا تعبان يشغلوا راديو ..وواحد شاعر نسيت اسمو

(دا إسمو أحمد المك تخصص بلي صغار يا الكاشف وعندو عمايل وفعايل كثيرة)
شرف محمد الحسن
22-Jun-2008, 12:02 AM
امبارح كنت بشاهد مراسي الشوق بتغني واحدة اسمها شروق لابسة التوب السوداني واخر حشمة في نفس الوقت كانت قناة زول بتقدم ليها اغنية وهي لابسة الجينز واخر رقيص

والله فيهم الخير ناس التلفزيون لبسوها كويس .. وبالمناسبة هي ما عندها مشكلة تلبس شنو ،، المهم تظهر ،، لكن المشكلة في البيتاجرو بالمظاهر الخليعة عشان الكسب الرخيص
النور معنى النور
22-Jun-2008, 08:50 PM
بسم الله الرحمن الرجيم

الكاشف يا راجل انت مش عارف مين ورا هم ..........؟؟؟
الكردفاني
22-Jun-2008, 09:02 PM
هاهاهاها والله قنواتنا الفضائية صارت مثل محلات تركيب العطور، إسم العطر مختلف والخام واااااااحد.
إبداع بح، إبتكار بح، تجديد برضو بح!
حاشية:
بح= مافي
بريقع
16-Oct-2009, 03:17 PM
من منكم سوف ينتقل مع التلفزة ( الداخلية )
لضحي الحاكم الحاتم ؟
ومن سيصمد هنا .. ؟
هودنة .. يا هودنة .. ما شبعت ياجنة .. !!