بقول غنوات .... محمد طه القدال

[خالد كنه]

بقول غنوات .. واقول غنوات
فى البلد البسير جنياتها لى قدام ..
بقول غنوات
وفى الولد البتل ضرعاتو فى العرضة
ويطير فى الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا ..
سألتك بى كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو
وسماح فوق بت
مزارعية

[manda]

يا سلام عليك يا ولدنا

يا سلام عليك يا قامتنا

تسلم يدك يا قدال يا كلك جمال وجمال ..

يا رت واحد يجيب لينا ولو جزء من حلقة القدال ..

سوف اطرح عليكم بعض اشعاره..

اروع ما كتب .

سلمت يمناك والينا بالمزيد..

دمت لنا ولمنتدى.. اسف للغياب وسواصل معكم..

دمتم احبتي..

[خالد كنه]

مشكور ياماندا يارائع ونتمني ان تاتينا بالمزيد من طه القدال

[الكردفاني]

تشكر ياود كنة علي ذوقك الرفيع.

[العربى]

ابداع ياكنة
رائعة من القدال


واكتملت الروعة عندما تغنى بها مصطفى سيد احمد

[خالد كنه]

تشكر ياود كنة علي ذوقك الرفيع.


اشكرك للحضور الجميل اخي الكردفاني

[خالد كنه]

ابداع ياكنة
رائعة من القدال


واكتملت الروعة عندما تغنى بها مصطفى سيد احمد

بل اكتملت الروعه عند حضورك اخي عربي

[الق المعانى]

«®°·.¸.•°°·.¸¸.•°°·.¸.•°®»تشكر ياخالد كنة زوقك عالى جد
القدال رايع ومصطفى اروع وانت اكيد بنفسالروعة لك التحية والتجلة.«®°·.¸.•°°·.¸¸.•°°·.¸.•°®»

[مصطفى سنجه]

اختيار جميل تشكر عزيزى كنه

[خالد كنه]

«®°·.¸.•°°·.¸¸.•°°·.¸.•°®»تشكر ياخالد كنة زوقك عالى جد
القدال رايع ومصطفى اروع وانت اكيد بنفسالروعة لك التحية والتجلة.«®°·.¸.•°°·.¸¸.•°°·.¸.•°®»


تسلمي / تسلمي علي المرور الراقي وماعدمناك ان شاء الله

[خالد كنه]

اختيار جميل تشكر عزيزى كنه

تسلم مصطفي سنجه

[همس الاماسي]

حسك مرهف ياخالد، وكلك ذوق....
والحلو مش بيخلص،،،،،
ولكن بما سبق انزفت جرحا كنا حسبناه قد اندمل؟؟؟؟؟؟
لك كل الود، كل التحيه، ولجل اعضاء المنتدي فائق التقدير.

[خالد كنه]

حسك مرهف ياخالد، وكلك ذوق....
والحلو مش بيخلص،،،،،
ولكن بما سبق انزفت جرحا كنا حسبناه قد اندمل؟؟؟؟؟؟
لك كل الود، كل التحيه، ولجل اعضاء المنتدي فائق التقدير.

التحيه لك همس الاماسي وتسلم علي الكلمات الجميله

[الكروشابى]

تسلم يا كنة
نحن ضيعنا شليل بالغربة وفراق الوطن , وفارقنا درب ابواتنا , ما اتغربو عنا حتى رحلو عن دنيانا , وها نحن نهاجر تاركين البلد .
تشكر يا رائع .

[خالد كنه]

تسلم يا كنة
نحن ضيعنا شليل بالغربة وفراق الوطن , وفارقنا درب ابواتنا , ما اتغربو عنا حتى رحلو عن دنيانا , وها نحن نهاجر تاركين البلد .
تشكر يا رائع .


الله يرد الغربه اخوي الكروشابي قول معاي( امــــــــــــــــــــــــــــــــــــــــــــين)

[د.ابن النفيس]

كنة انت راقى
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[خالد كنه]

كنة انت راقى
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

مشكور د. احمد علي المرور

[ابو عبد الحفيظ]

لك التحية اخي خالد وانت تنثر درر الرائع القدال

[خالد كنه]

مرورك شرف لنا الريس ابوعبد الحفيظ

[مامون مهنا]

اين كنة واين الروائع ..................

يا فرحه بتطارد الصفقة فى النسمة الصعيدية