المديده الكاربه

[ياباني]

تعملي مديده دخن ومديده بلح وما تسالوني كيف وتجيبي خلاطه وحبه من دي ومن دي مع اللبن والبسبوسه وحبه سكر وتخلطوهم سواء وصدقوني ما حتدو الجنبكم.;);)

[أم آية]

تعملي مديده دخن ومديده بلح وما تسالوني كيف وتجيبي خلاطه وحبه من دي ومن دي مع اللبن والبسبوسه وحبه سكر وتخلطوهم سواء وصدقوني ما حتدو الجنبكم.;);)

انا على اعمل ليكم المدايد والباقى عليكم
دا مشروع تسمين جااااااااهز يايابانى

[وائل محمد الحسن]

والله شكلو طعمها يجنن والله بقينا نحن لكل الاكلات السودانية من التقلية لحدي المجمر والمحمر تخيل نفسك من الصينية ولمةالناس وديك يالكسرة الحارة الما خمج فجأة تلقي نفسك بتاكل تلاتة وجبات صنف واحد رز وفراخ طبعا الاخوة الماليزيين بعرقياتهم التلاتة بتفننو في تلوين الفراخ والرز مرة احمر ومرةاصفر ومرة اخضر من الاشياء الظريفة مرة في مطعم لاقانا فراخ اسود ومرقة سودا قلنا نجرب تخيلو طلعت فراخ بالقهوة لكن صراحة كدة القهوة بكرية بي جنزبيلا ههههههههه
اختي ام آية الرجاء ارسال وصفات لأكلات سودانية بالمواد المتوفرة يعني رز فراخ
دي حلقة اولي الحلقة الجاية عن الخضروات بماليزيا ودة اذا سميناها خضروات وللحديث بقية

[أم آية]

اختي ام آية الرجاء ارسال وصفات لأكلات سودانية بالمواد المتوفرة يعني رز فراخ
دي حلقة اولي الحلقة الجاية عن الخضروات بماليزيا ودة اذا سميناها خضروات وللحديث بقية

والله شلت همكم ياوائل ربنا يعينكم على الرز( بانواعه )
وليك على انزل ليك احلى وصفات للرز والفراخ وكل يوم انشاءالله تاكل اكل مختلف ( لكن بينى وبينك ياهو الرز مهما اتغيرت الوصفات (الله يعينكم )
وانا منتظرة حلقة الخضار حتى اضيف منها فى الوصفات كنوع من التغيير
ومافى احلى من صحن كسرة بى تقلية بالسمن البلدى

[ياباني]

شكرا يا وائل وام ايه علي المرور ووالله متخيلك زي ابو الحسين مع الجكن ده

[وائل محمد الحسن]

شكرا يا وائل وام ايه علي المرور ووالله متخيلك زي ابو الحسين مع الجكن ده

ابوالحسين منو

[وائل محمد الحسن]

طبعا الليلة حنتكلم عن الخضروات طبعا اول حاجة اوعة تدقس وتطلب سلطة خضرا لانو السلطة مامطعمة بالشطة والملح بل بالسكر تتصورو واشكال خضروات غريبة عموما الا البطاطس والبازنجان البامية طولها شبرين ونصوبدوب في الملاح تبقي مفروكة براها تقنية اما البسموها رجلة عيييييك حطب اخضر الله لا وراكم
ام اية انا عارف اني صعبتها لكن غايتو جازفي لينا انتي وياباني

[ياباني]

ابوالحسين منو

ابو الحسين ده الثعلب:D:D

[مستر قوقل]

الله احلي مديده بنكهة فريدة

[حنينة]

عارف يابانى دى أسهل وصفه لعمل أحلى مديده

[معروف اوشي]

و الله غايتوووو المدايد بقت ساااهلة ولا دايرة
تتعب و تعملها محلات المدايد دي ما تديك الدرب
و اكتر من محلات الاتصالات و المدايد اشكال و الوان
بس عليك تختار و كدة :sleep::sleep:

[الكردفاني]

تعملي مديده دخن ومديده بلح وما تسالوني كيف وتجيبي خلاطه وحبه من دي ومن دي مع اللبن والبسبوسه وحبه سكر وتخلطوهم سواء وصدقوني ما حتدو الجنبكم.;);)

هممم هممم هممم أحلي طعم.
يديك الفي نيتك ياياباني

[بت البلد]

انت يا ياباني وادينا اكتر من كده وين لكن ما مشكلة نجرب مره واحدة في السنة ما مشكلة

[قريب الله]

ياباني ما قصرت لكن بالمناسبة الحلبه لها فوائد للبطن

كثيرة جداً بس بقولوا ليك سف ليك شوية حلبه ...

ونسبة للسف دا أنا كارهو من السف الكثير للبلد عاوز

أعمل ليك مديدة حلبه كاربه :ــ

أول حاجه حضر معاي
1/ شوية زيت
2/ حلبه حسب الحوجه
3/ شوية مويه
4/ حليب
5/ دقيق فيني
6/ عطرون
7/ ملح
8/ سكر

طيب نبداء

أضع قليل من الزيت علي الحله علي نار هادئه
بعد يسخن شويه أضف الحلبه وقم بتحريكها الى أن
يتغير للونها ألى الأصفر الغامق بس ما تحرق أعمل
حسابك وبعد تتأكد أنها تحمرت أضيف عليها شوية
مويه وخليها تغلي شويه الي أن تتأكد أن الحلبه نضجت
وللون المويه أصبح أصفر .
جاء دور الحليب أضيف الحليب ومن بعده السكر في هذه
الأثناء أعجن الدقيق وخلى العجينه سائله أفضل
بعد ما يغلي الحليب أضيف عليه العجين وحرك بشويش
وضيف شويه شويه الى أن تبداء تتماسك بس أعمل حسابك
ما تكثر العجين علشان ما تبقى عصيدة بدل مديدة ههههه
وأثناء ما هي بتغلي ضيف شوية عطرون وواصل فركها
بالمفراكه وبعد شويه طفي النار .
جهز ليك كوره أم قلب وكب المديدة فيها وشتت شوية زبيب
طبعاً دي لزوم الأنفراد بالفكره وبالهناء ياسيدي ياباني

[ابو جعفر]

بسم الله الرحمن الرحيم

الف شكر لك ياباني على المديدة

ولك الود والتقدير ايها الفارس الغائب