عفش العروس في الزمن الماضي والزمن الحاضر

[سلافة]

عفش عروساتنا الزمان


السحارة : صندوق كبير توضع فيه بعض الاشياء التي تحتاجها الزوجة

[فقط الأعضاء المسجلين والمفعلين يمكنهم رؤية الروابط]

الكابديلو : سبت توضع فيه ملابس العروس كان يستخدم بدلاعن الدولاب

عنقريب فرطه : سرير من الخشب كبير الحجم وفاخر وتوضع عليه مراتب او لحافات ويستخدم كسرير غرفة النوم، ويكون للعروس الجديده عنقربين فرطه

عنقريب هبابي : سرير من الخشب اقل جوده من العنقريب الفرطه ويوضع عليه برش ويستخدم للقيلولة
التبروكه : مصلاية الصلاة مصنوعة من الزعف او صوف الحيوان

[فقط الأعضاء المسجلين والمفعلين يمكنهم رؤية الروابط]

المشلعيب : يصنع من الزعف ويعلق على السقف ليحفظ الطعام

[فقط الأعضاء المسجلين والمفعلين يمكنهم رؤية الروابط]

المترار : ادات يفتل بها القطن ليصبخ خيط

اللداية : ثلاثة حجار او خمشات طين توضع عليها قدور الطعام

الدوداية : قدر كبير جدا للمناسبات الكبيره

الدُلُك : قدر يحفظ فيه الروب ( اللبن الرائب )

الكنتوش : قدر المطبخ العادي لطبخ الطعام اليومي


الدوكه : صاج مصنوع من الطين المطبوخ تعمل فيه الكسرة ( العواسة )

[فقط الأعضاء المسجلين والمفعلين يمكنهم رؤية الروابط]

القرعة : نوع من النبات مستدير الشكل يجوف ثم يجفف بعد شقه نصفين ويستخدم لشرب الماء والسوائل

[سلافة]

عفش عروسانتا حاليا
اولا
الشيلة حاجات هاي شديد

ايجار فستان الزفاف وطقم الاكسسوار

الفستان 500.000 ( خمسمائة الف جنيه)
الطقم 300.000 ( ثلاثمائة الف جنيه)

ولازم عفش البيت
اساسيات

اوضة نوم صينيه 2.800.000
بتجاز 4 عيون 0.0250.000
امبوبه غاز 0.100.000
ثلاجة 10 قدم 1.000.000
عدة مطبخ 0.500.000
سريرين خشب 0.600.000
سريرين حديد 0.250.000
كراسي بلاستيك 0.100.000
طقم ترابيز 0.200.000
شوفو المجموع كم وده مثال بس وما خفي اعظم

اساسيات نص نص
مكوة 0.030.000
خلاط 0.100.000
تلفزيون 0.450.000
طقم كراسي جلوس 1.500.000



شوفو الفرق
والله الحياة ببساطة حلوة
لكن للاسف الناس صعبو الحياة شديد

لكن هل في واحد بتقبل كلام زمان حاليا؟

[فقط الأعضاء المسجلين والمفعلين يمكنهم رؤية الروابط]


[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]

[عبدالمنعم الطاهر]

الجزء الأول: معلوما تراثية خطييييييرة
الجزء الثاني: صعبتيها على الجماعه ..

احسن شئ: نبني عشنا قشه قشه


تخريمه: لو المشرف العام ما عمل كده ما بتطلع هذا الإبداع

[حسين المتكسي]

حفظك الله ..المبدعة ..سلافة ..دائما ..مواضيع مميزة ..وعظيمة الفائدة ..مشكوووووووووووورة
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[بت البلد]

اه يختي لو خيروك بين زمان والان ماذا تختاري لانوا انا زمني فات غناي مااااااااااااات

[coconut]

هاتي لينا من العفش هذا كلووووووو الثلاجة

قصدي محتوياتها للاطلاع فقط:arf:

[ودالخرطوم]

جزاك الله خير لكن غايتو عفش أسي دا المخلينا عذابة لي هسه . لكن لو لقيتي واحدة ترضي بي عفش زمان وريني ليها وما مشكلة شكلها المهم تكون بتمشي الحال .

[معروف اوشي]

تحفة يا سلافة ..
عفش زمان ده علا تلاقيهو في المتحف غايتو ..

اما العفش حاليا" :shocked:

هو بلاهي كتير كدة .. يا نهار ازرق ؟!! دي عايزة ليها ثروة كدة
قدر ميزانية الصومال عشان الواحد يتزوج .. :o_o:


ما قلتي لي تكلفة الشيلة الاجمالية كم عشان نشوف ؟!! :emo:

[معروف اوشي]

جزاك الله خير لكن غايتو عفش أسي دا المخلينا عذابة لي هسه . لكن لو لقيتي واحدة ترضي بي عفش زمان وريني ليها وما مشكلة شكلها المهم تكون بتمشي الحال .


عفوا هذه المواصفات لا توجد في سجلاتنا نرجو الاتصال لاحقا" :o_o::arf:

[نور العين]

عفش زمان تراثنا وكان حلو فى وقته ايام حبوباتنا

عفش هسه هو غالى على الناس الدخلها محدود بس جميل .
والناس ممكن تبنى عشها قشه قشه زى ما قال الاخ عبدالمنعم

مشكوره سلافه موضوع رائع.

[ابوهبة الله]

الفراشة الساحرة سلافه ..
لكي كل الأحترام والتقدير لما تقدميه من إبداعات وأسمحي لي أن أضع بصمة ذهبية على جبين مواضيعك كلها ..لأنك تتعبين حقاً كي تغذي عقولنا بهذه المواضيع القيمة .
أخوكي
صلاح بخيت
مشرف المنتديات الأدبية

[ابوهبة الله]

من أعماقي أشكرك على كل مواضيعك الجميله والتي تزيد أندهاشي بها يوماً بعد يوم
أخوكي
صلاح بخيت
مشرف المنتديات الادبية

[سلافة]

الجزء الأول: معلوما تراثية خطييييييرة
الجزء الثاني: صعبتيها على الجماعه ..

احسن شئ: نبني عشنا قشه قشه


تخريمه: لو المشرف العام ما عمل كده ما بتطلع هذا الإبداع

نبني عشنا قشه قشه هل المقولة دي اليومين دي ماشة والا اغاني حقيبة وبتسمع فقط ؟

[سلافة]

من أعماقي أشكرك على كل مواضيعك الجميله والتي تزيد أندهاشي بها يوماً بعد يوم
أخوكي
صلاح بخيت
مشرف المنتديات الادبية


تشكر يا الاسمر علي الثناء الطيب ..........

تحياتي

[سلافة]

الفراشة الساحرة سلافه ..
لكي كل الأحترام والتقدير لما تقدميه من إبداعات وأسمحي لي أن أضع بصمة ذهبية على جبين مواضيعك كلها ..لأنك تتعبين حقاً كي تغذي عقولنا بهذه المواضيع القيمة .
أخوكي
صلاح بخيت
مشرف المنتديات الأدبية

حقيقة أعجز عن وضع كلمة شكر لك وليس لي غير ذلك

تسلم كتيييييييييييييييييييييييييييييييييييييييييييييير


.................................

[سلافة]

حفظك الله ..المبدعة ..سلافة ..دائما ..مواضيع مميزة ..وعظيمة الفائدة ..مشكوووووووووووورة
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

يسلمووووا يا رائع الحرف والكلمة

تحياتي

[سلافة]

اه يختي لو خيروك بين زمان والان ماذا تختاري لانوا انا زمني فات غناي مااااااااااااات

لو انت غنايك مات المعنى انا مغنيك المفضل ههههههههههههههه

[سلافة]

هاتي لينا من العفش هذا كلووووووو الثلاجة

قصدي محتوياتها للاطلاع فقط:arf:

أفتحي طرفك يالا

[فقط الأعضاء المسجلين والمفعلين يمكنهم رؤية الروابط]

[سلافة]

جزاك الله خير لكن غايتو عفش أسي دا المخلينا عذابة لي هسه . لكن لو لقيتي واحدة ترضي بي عفش زمان وريني ليها وما مشكلة شكلها المهم تكون بتمشي الحال .

ما أسحن لوحدة مروقة عندها عمارة وعربية وحساب في لبنك ... :gna: وأنس قصة العفش نحن بنجوا معاه :gna::gna::gna:

[سلافة]

تحفة يا سلافة ..
عفش زمان ده علا تلاقيهو في المتحف غايتو ..

اما العفش حاليا" :shocked:

هو بلاهي كتير كدة .. يا نهار ازرق ؟!! دي عايزة ليها ثروة كدة
قدر ميزانية الصومال عشان الواحد يتزوج .. :o_o:


ما قلتي لي تكلفة الشيلة الاجمالية كم عشان نشوف ؟!! :emo:

تجد تحفة يا اوشى خاصة العنقريب الهباب والمشلعيب ولا كهرباء ولا سخانة مش كدا

قلت ميزانية الصومال البسيطة دي قول كندا او حتى الهند ههههه

[سلافة]

عفش زمان تراثنا وكان حلو فى وقته ايام حبوباتنا

عفش هسه هو غالى على الناس الدخلها محدود بس جميل .
والناس ممكن تبنى عشها قشه قشه زى ما قال الاخ عبدالمنعم

مشكوره سلافه موضوع رائع.

تشكري نور ....

يا ريت لو ترجع ايام زمان .................

[معروف اوشي]

تجد تحفة يا اوشى خاصة العنقريب الهباب والمشلعيب ولا كهرباء ولا سخانة مش كدا

قلت ميزانية الصومال البسيطة دي قول كندا او حتى الهند ههههه




طبعا" يا اختي سلافة هو في احلي من العنقريب و النسيم و الطراوة
الطبيعية بدون وجع راس مع الكهربا .. :sleep:


ميزانية الهند ولا كند ؟!! :shocked:
يا لطيف .. معقووولة .. يعني الواحد كدة يعرس بالدين ولا شنو ؟!! :o_o:

[coconut]

سلافة

هل هذا المعروض بموضوعك أشيا تجيبها العروس معها ؟ كلها

[مزاجيه]

تـرآث جميييـل والله عزيزتــي / سلآفـــه
وقلتـي لي عـآيزننـآ نعـرس زي نــآس زمـــآن ,, دـآير النـآس يقـولو علينـآ شنو :sleep:
للأسـف ـالزمـن دـآ بقـآ زمـــن مظـآهـر :no: ,,
وكـآن إنتـآ مـآعندك خلـق الله مـآبرحمـوك :evil:

[الكردفاني]

حليل عفش عروسات زمان .كان مابكلف العريس شي كتير. اما الآن الزول لوعايز يعرس إلا يعمل راس مال قدر حق الزول العايز يفتح ليهو بقالة!
ربنا يعين العذابة ساااااي.
تشكرات سلافة

[ابو جعفر]

ليــــــــه كدا بس يا سلآآفـــــة

يعني نبطل نشيل فكــرة العرس ده تماما

وبعدين ده عرس ولى اقوم جآآري وشكلي ح اقوم جآآري

ياحليل ايااام زمآآن

زمن عبد المنعم الطآآهر وعمآآد ساااتي:yes:


:evil::evil::evil::evil::evil::evil:

[manahil domi]

حاجات تراثيية جميلة
لكن في زول القلم في يدو يكتب لروحو شقي:no::no:
غايتو التشوف العفش دة وتمشي للعنقريب الفرطة ده تكون فرطت في حقها

[عبدالمنعم الطاهر]

ليــــــــه كدا بس يا سلآآفـــــة

يعني نبطل نشيل فكــرة العرس ده تماما

وبعدين ده عرس ولى اقوم جآآري وشكلي ح اقوم جآآري

ياحليل ايااام زمآآن

زمن عبد المنعم الطآآهر وعمآآد ساااتي:yes:


:evil::evil::evil::evil::evil::evil:


تعال بسرعه يا عماد ساتي
شوف ابو جعفر بقول شنو فيك

[عبدالمنعم الطاهر]

سلافة

هل هذا المعروض بموضوعك أشيا تجيبها العروس معها ؟ كلها

وين تجيبها العروس؟؟؟؟؟؟؟
تجيب نفسها فقط

الله يكون بعونوا العريس عندنا
بعد الزواج بيوم بكون بقى على الحديدة
وهي لو عندها مال قارون ما بتساهم معاه بل تطالبه بحق (الحنانه) (وحق فستان الزفاف)
هن ما شافن الهنود بعملوا شنو .. كلوا على والد العروس
أنا ما قلت ليكم امشوا عرسوا الهنديات

[الكردفاني]

هاهاهاهاهاها ياكوكونت العروس عندنا هنا ملكة بس! تأمر والعريس عليه السمع والطاعة وإلا.....