جلبطة الكريمات من المذيعات الي المذيعين

[عصام دقداق]

تحدث الي بعض الاخوة العرب عن المبالغة الواضحة في تكثيف استخدام الكريمات لدي الكثير من المذيعات بصورة واضحة ومما يجعلها تشوية اكثر من تجميل ويمكنكم ملاحظة ذلك في الكثير من مقدمات البرامج وبل تعدي ذلك الي بعض المذيعين في قناة الشروق الذين تحولوا بقدرة قادر اثناء انتقالهم من الفضائية الي الشروق كالنور المشع في وجوهم من كثرة الكريمات


اها شن قولكم

[كلمات]

الاخ عصام دقداق لك التحيه


بس أسمح لي انو رأي يكون معارض لي رأيك عن مذيعين تلفزيون الشروق
لازم تضع في الاعتبار نوع الكاميرات المستخدمه والتقنيات العاليه فيها
والبتفوق قناة السودان ب 15000 درجه وتاني حاجه اضع في الاعتبار انتقال
هؤلاء المذيعين من السودان البلد الى الامارات الدوله حيث البيئه بتلعب دور كبير
وأكيد مكاتب الشروق في دبي لا يمكن مقارنتها بمكاتب تلفزيون السودان
أما عن المذيعات فأنا معاك أحيانا المكياج بيكون (over) وفوق المعتاد
ومغير ملامح المذيعه وقد يكون مشنيها



ولك التحيه من جديد

[الريم]

صدقت يااخي الكريمات الناس ديل بتمسحو بيها ليل نهار عشان يغيرو اشكالهم لكن مهما عملو ياها خلقة الله ما بقدرو يغيروها وكان الليلة اللون فتح بكرة بتغير ما يانا ناس السودان ولافيشئ تاني حلاتنا وحلات سمرتنا العاجبانا نغيره لى شنو ونجيب لينا امراض بي كريمات السجم دي وكان التغير من مكان لي مكان زى ما قالت اختنا ما معقول الفرق يكون كبير زى البنشوفو ده يااخي ديل فرق كبير لما الواحد يتوهم ده فلان المذيع البعرفو داك الما يغباني ولا زول تانى ؟سلمت اخي على الطرح

[عصام دقداق]

كلمات واختنا الغالية ريم لك كل المودة بمداخلاتكم الجميلة
وبخصوص قراءة كلمات في اعتقادي الفرق اكبر من مسالة جو وبيئة نحنا ليما 10 سنين فب السعودية تحت المكيفات والترطيبة بس برضوا مابقينا زي مامون ولا ماجد
ولاكيف ياختي