حلااااااااااااتو .. ده ولد مــنو

[سمل ود الولياب]

في فترة من الفترات ... طلعت تقليعة في السودان .. اسمها الاغتراب ... كل الناس كان حلمها تسافر ليبيا ...او اعاره الي اليمن ... او السعودية ...


خلال فترة تقليعة الاغتراب .. يهاجر الرجل ويرجع بعد كم سنه يتزوج ...ويقضي ليهو اجازه شهر عسل ويوعد
العروسة بتجهز الفيزا والاوراق .. ويسافر .. العريس .. ..والعروس تنتظر ليها سته سبعة شهو وتسافر .. وتسعه شهور وترجع وحامل ..وطفل وطفلين ...

وبرجع بالبقية ......
__________________

[سمل ود الولياب]

بعد ما ست البنات تجيب ليها طفل ... واول سنة تقضي ليها مع اهلها سته شهور ... وبعد سنتين يصبحوا ستعة شهور ... وبعد ثلاث سنين تصبح شهر مع حبيبو العريس ... وحداشر شهر في السودان .. وعشان العريس مغترب .. العروس ام طفل عشان تثبت لصاحباتها انها سعيده وسعيده جدا .... تدرع ليهو اتناشر غويشه ...وكرسي جابر ... وثياب الشفون .. وريحة الفرير دمور المسخ الارياح ... والبخور بالصندل الهندي الاصلي وريحة المحلبية والحنة مرسومه للركبة

[سمل ود الولياب]

لا بد من كل زول يفكر ويحاسب نفسو .. وبحاول اجد لي اجابه .... ازمة جيلنا وجيلكم والجيل القادم ... هل سببها الخالات .... ؟؟؟؟ ام سببها المغتربين ؟؟؟؟؟




زوجة المغترب ... ونحن في بداية ... كانن بيصاحبن امهاتنا ... وحبوباتنا .... والواحده كم شهر ويصبح كلامها وطريقتها زي طريقة حبوباتنا ... ونحن المساكين ... لمن نجي داخلين للمنزل من المدرسه .. وبكل ادب ... ونرمي التحيه علي الضيفة .. ((( السلام عليكم يا خاله )))) الخاله الزائره ... تعاين للحبوبه او الوالده ... وتقول ((( حلاااااتو ده ود منو