عمنا سيد تلول نكتة

[سمل ود الولياب]

عن عمنا سيد تلول بأنه ذهب الي احدي القري فوجد المزارعين يلبسون عراريق مشرطة ومنهمكون في العمل فسألهم " زارعين شنوه السنه ديه ؟ قالول له " زارعين قمح ." فقال لهم " خلوا القمح السنه ديه وأزرعوا ( إبر )."
وقال ايضا كان عمنا سيد سايق عربة كارو وقابلته مرأه ثمينة وقالت له " يا سيد عليك الله ركبني معاك " فقال لها " كويس اركبي بس ما تخللي الحمار يشوفك "
وقال ايضا كان عمنا سيد تلول في حلفا قابلته امرأة شينة للغاية وسألته " انت شفت اللوري اللي كان شايل القرود " فقال لها " ايوه انت وقعت منهم "
وقال ايضا عمنا سيد تلول ذهب الي احد القري وكالعادة قعد في المسيد فجاء الناس كعادة اهل المنطقة بصواني الغذاء الي المسيد ففوجئ بأن الناس كلهم زرق مرة فقال لهم " انا وقعت في حفرة خنافس ولا شنوه

[ياباني]

ههههههههاي وقالو سيد تلول ده مره مشي لقي واحد قصير وما عندو اولاد قاعد يرش سماد في حواشتو قال ليهو السماد ده فايدتو شنو رد عليهو ده بطول القمح وبكتر انتاجو وقام رد سيد قائلا وطيب ما تحل ليك شويه وتشربو.

[سمل ود الولياب]

يااااااااااااااباتى مسونكيل قالوا عمنا سيد تلول كان معدي بالمركب والريس حب يهظر معاه وكان راكبات بنتين معاهم قال: يا عم سيد اذا المركب دا غرق انت حتنقذ مين من البنتين دول؟ عمنا سيد عاين للشينه فيهن وقال ليها: طبعا انت بتعرفي تعومي. مش كدا ؟

:::::::::::::::::::::::::::::::
شكرأ يابانى على المشاركة حكي مدثر بدري حسن بأن سيد تلول مشي عبري مرة ودخل المطعم وأكل مما لذ وطاب وعندما انتهي من الاكل ذهب الي صاحب المطعم وسأله " انتم اللي ما بيدفع ثمن الاكل قاعدين تسولوا شنوه ؟ فقال صاحب المطعم " قاعدين نحك له نخرته في الواطه ديه " فقال له " طيب حكي لي نخرتي بسرعه علشان عايز اللحق البانطون"
كذلك في يوم جاهو ضيف يبيت وسأله يعطيه جلباية نضيفة يلف بيها علي الناس ، كان الضيف طويل خالص ولما لبس جلابية سيد وهو قصير ظهرت الجلابية في منتصف ساقيه فسأل سيد " كيف امشي في الحله والجلابية قصيره كده" فقال له سيد " الامر بسيط امشي جوه الجدول "
كذلك قال مدثر في مرة كان سيد مسافر في اللوري وراكبه جنبه بقدام وليه عجوزه وتصادف ان تقابل مع عثمان قيلي وكان محمل طالبات مدارس في عمر الزهور فامسك سيد بالوليه العجوز وقال لعثمان قيلي " او عثمان عليك الله تفكي لينا ديه بشويه من اللي عندك"
وصدقوني حكاياته كثيرة ومن المفترض ناس كمبوته عندهم الكثير

[ياباني]

عندنا واحد برضو في حلفا اسمو محي الدين احسن ابوه مات بعد ما الجنازه غسلوها خش يغير جلابيتو ويجي لقي الناس فاتو بالجناز كورك ليهم يا اخوانا انتو سارقينها..

[سمل ود الولياب]

و أنا بك أكثر سعادة أخي الحبيب يابانى و سعيد بوجودك معنا في الملتقى كومى و بقرائتك لهذه النكات و أتمنى أن يدوم التواصل الجميل
دمت بكل الخير و السعادة
و لا تحرمنا من نكاتك و لا تواصلك
محبتي و تقديري

[غسان دفع الله]

نكات جميلة جدا و الله الضحكة الزمن ده بغت عملة نادرة ربنا يديكم العافية

[غسان دفع الله]

دي حصلت حقيقية
مره عندنا صحبنا جانا من مدني في الخرطوم و اصره إمشى العفراء. مشينا و شاف السلم الكهربائي فعاوز يطلع بيو فقلتا ليو دي بي قروش فقام طلع بالتاني و انا طلعتا بي الكهربائي ز

[ود القبايل]

مسطول جا متأخر شديد في البيت أختو فتحت ليهو الباب ضربها كف قال ليها كنتي وين لحدي نص الليل ....

[الق المعانى]

انا طبعا ما من عبرى بس سمعت بنكات عمنا سيد تلول
قال ليك مرة عمك سيد كان مريض مرض شديد وكان مودينو المستشفى جابو البوكسى وطبعا ناس البلد بحبوه شديد كلهم عايزين يمشو معاه المهم البكسى اتملا وهو لسه ماركب عاين للناس كدا وقال ليهم ياخوانا امشو انا بلحقكم.

[أرض الخير]

ههههههههههههههههههههه
كل النكات حلوة تسلموا...............

[ابو معتصم]

حلفاوى اتوفى دايرين يصلو عليهو فى الجامع اول مايجو جنب الباب الميت يفتح كرعيه ..عشان مايدخل..حاولو عدة مرات فشلوا...جاء مسطول وسوس للمرحوم وقال ليهم دخلوه...فعلا الجثة دخلت طوالى..سالوا المسطول انت قلت ليهوشنو قال:-قلت ليهو يا محمد صالح انت ماحتصلى هم اللحيصلو عليك....

مع اعتتزارى لكل الاخوة الحلفاويين

[سمل ود الولياب]

جمــيل أنت وجميــلة روحك goldaoy و لك أعذب و أرق أمنياتي
محبتي و تقديري

[ابو معتصم]

جمــيل أنت وجميــلة روحك goldaoy و لك أعذب و أرق أمنياتي
محبتي و تقديري

شكراً ليك كثير

[سمل ود الولياب]

وبوَردِ خُــدودِكِ حرَفُ الواوِ
يُغازلُ في اســمي حرفَ التاءْ
وعيــونُكِ سِحرٌ كالبَــحرِ
ويَمُوجُ على الصَــدرِ حريرٌ
يَعلُو كالمَدِ معَ الــجَزْرِ شاكرين على حضوركم الجميل

[فقيرنتود]

برضو قاليك سيد تلول دفنوا ليهم جنازه في برد قارس باليل وهو راجع شاف حجه عجوزه امام المنزل قاليهم ياجماعه ادفنوا دي بكره ماتدينا مشوارساي.

[فقيرنتود]

برضوا قاليك شاف جماعه بغزوا جريدالنخل في المقابر قاليهم دا شنوا؟قالوا ليهوا بخفف العذاب للميت قاليهم كان تقولوا من بدري كان رميت ابوي في (الكشكلوكي)اي صغارالنخيل.

[ابو نون]

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
والله مبالغه هعهعهعهعهعهااااااااااااااااااااااااااااااااااااااا ااااااااااااااااااااااااااااااااااااااااااااي

[سمل ود الولياب]

هههههههههههههههههههههه
هههههههههههههههههههههههههههههه
شكرا ليكم كتير كل سنة وانتم طيبين