المساعد الشخصي الرقمي

مشاهدة النسخة كاملة : الحب والريد 000الفرق شنو ؟

محمد عبد الله حرسم
21-Aug-2007, 01:29 PM
الكلمتين ديل عجيبات خلاص 00
اجى داير استعمل كلمة احبك تطلع اريدك 00
واحيانا اكون داير اقول بريدك تطلع احبك00

بقول يمكن احبك للكل
واريدك للنسوان 00

والا احبك اكبر واريدك مخصوص 000


او يمكن احبك للعرب
واريدك للسودانيين


اها يا اخونا الكلام ليكم 0
افتونى
متين نستعمل كل كلمة 00
Raw3a
21-Aug-2007, 05:15 PM
والله يا حرسم بالجد سؤال في محلو

لكن اظن ان احبك للكل

كل الناس بتفهم الكلمة دي

بدون شرح لي معناها

لكن كلمة بريدك ما اظن في حد

غير الشعب السوداني بيستخدمها

عشان كده ما ممكن نتداولها مع غيرنا

حتى الاطفال في السودانيين

ما بعرفو كلمة بريدك دي الا لمن يكبرو شوية

لكن كلمة بحبك طوالي على لسانهم

و بس

:D
احمد بناوي
21-Aug-2007, 05:40 PM
ماعارف لكن انا لاحظت دايما كلمة الريدة بتكون لشخص عزيز
اما الحب فماهي الا للحبيب ومرات كده ومرات كده
لكن عادة الريده زي ماقلت ليكم بنقولها لاي شخص بيعز علينا
وفي الحب ما اظنها ابلغ تعبيرا من كلمة بحبك
ابو عبد الحفيظ
22-Aug-2007, 01:35 AM
اخي الحبيب استاذ محمد عبد الله لك التحية ياغالي

الفرق بين الريدة والحب ان الأخير يخالطه ميل حسى بينما الريدة معنوية صرفة.
كما يمكنك أن تريد من تشاء من الجنسين ولكنك لا تحب إلا شخصا واحدا ومن الجنس الآخر طبعاً


كما إن الريدة تمثل فى بعض الأحيان زوغة لكثير من العشاق:الواحد يكون طالع ونازل مع البت و مبورها وموقف سوقها , لمن يزنقوهو الناس (حتخطبها متين ) ؟ يقول ( والله مافى أى حاجة, بريدها بس!)

[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]
صفوان
22-Aug-2007, 01:37 AM
انا بشوف انو الريد و الحب معناهم واحد لكن درجاتهم متفاوتة... الحب اكبر من الريد (( إن كان الحب صادقا ))
عماد ساتي
22-Aug-2007, 08:25 AM
المبدع حرسم

اعتقد بأن الحب درجات تبدأ بالعشق ثم الهيام ثم .......... واخيراً ينتهى بالحب الذى يمثل اعلى درجات الهيام زى مقياس ريختر بتاع الزلازل لمن يصل درجة الحب فهى درجة خطيرة بتقلب وتلخبط كيان الواحد.

:D

تحياتى
محمد عبد الله حرسم
22-Aug-2007, 10:41 AM
والله يا حرسم بالجد سؤال في محلو

لكن اظن ان احبك للكل

كل الناس بتفهم الكلمة دي

بدون شرح لي معناها

لكن كلمة بريدك ما اظن في حد

غير الشعب السوداني بيستخدمها

عشان كده ما ممكن نتداولها مع غيرنا

حتى الاطفال في السودانيين

ما بعرفو كلمة بريدك دي الا لمن يكبرو شوية

لكن كلمة بحبك طوالي على لسانهم

و بس

:D

كلام فى محلو 00
وتحليل ممتع

دوما انتظر المزيد

ودى
محمد عبد الله حرسم
22-Aug-2007, 10:42 AM
ماعارف لكن انا لاحظت دايما كلمة الريدة بتكون لشخص عزيز
اما الحب فماهي الا للحبيب ومرات كده ومرات كده
لكن عادة الريده زي ماقلت ليكم بنقولها لاي شخص بيعز علينا
وفي الحب ما اظنها ابلغ تعبيرا من كلمة بحبك

بناوى

اضافة ثرة

وتانى تعال

لسه الكلام ما خلص
محمد عبد الله حرسم
22-Aug-2007, 10:44 AM
اخي الحبيب استاذ محمد عبد الله لك التحية ياغالي

الفرق بين الريدة والحب ان الأخير يخالطه ميل حسى بينما الريدة معنوية صرفة.
كما يمكنك أن تريد من تشاء من الجنسين ولكنك لا تحب إلا شخصا واحدا ومن الجنس الآخر طبعاً


كما إن الريدة تمثل فى بعض الأحيان زوغة لكثير من العشاق:الواحد يكون طالع ونازل مع البت و مبورها وموقف سوقها , لمن يزنقوهو الناس (حتخطبها متين ) ؟ يقول ( والله مافى أى حاجة, بريدها بس!)

[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]

فارس الكلام
الزعيم
ابو عبد الحفيظ
لك التحية

بس داير افرتك ليك الكلام

احب يحب فهو الحب

اراد يريد فهو الريد

يلا تعال تانى نقرأ القصة من جديد بى شكل جديد

توقيعك له نكهة خاصة سيد الحرف النقى
محمد عبد الله حرسم
22-Aug-2007, 10:46 AM
انا بشوف انو الريد و الحب معناهم واحد لكن درجاتهم متفاوتة... الحب اكبر من الريد (( إن كان الحب صادقا ))

صفوان

الحب اكبر من الريد 000


الكلام لسه ما خلص يا صفوان
تعال تانى عشان نفرتك الكلام حبة حبة
محمد عبد الله حرسم
22-Aug-2007, 10:47 AM
المبدع حرسم

اعتقد بأن الحب درجات تبدأ بالعشق ثم الهيام ثم .......... واخيراً ينتهى بالحب الذى يمثل اعلى درجات الهيام زى مقياس ريختر بتاع الزلازل لمن يصل درجة الحب فهى درجة خطيرة بتقلب وتلخبط كيان الواحد.

:D

تحياتى

عمدة
كلام مليان

بس ما جبت سيرة الريدة

تعال تانى

تسلم
شهد الملائكة
22-Aug-2007, 10:55 AM
الحب والريد

انا بعتقد انوا الحب درجة من درجات الريد

قالوا لازم نحب عشان نعشق

ولازم نعشق عشان نريد

والريده اعلي مراتب الحب
عماد ساتي
22-Aug-2007, 12:03 PM
عمدة
كلام مليان

بس ما جبت سيرة الريدة

تعال تانى

تسلم

المبدع حرسم

اخوك خايف من الريدة لان الأغنية بتقول (الريد الكتير يا حنين شقاوة) ومحمدية يقول ترترترترلا


تحياتي
محمد عبد الله حرسم
02-Sep-2007, 12:10 PM
الحب والريد

انا بعتقد انوا الحب درجة من درجات الريد

قالوا لازم نحب عشان نعشق

ولازم نعشق عشان نريد

والريده اعلي مراتب الحب


شهد الملائكة

الريدة اعلى مراتب الحب 000


جملة جديرة بالتامل
الشايقي ود كسلا
03-Sep-2007, 04:44 AM
حبيت وانجرحت من أول حبيب

الريد الريد يا اهل متين لدياركم نصل

حبيناك من قلوبنا واخترناك يا حلو

بريدك يا حبيبي بريدك زي ما بتريدني بريدك

وهنا الحب والريد اتلمو بس الريد جوه الدم

حبيبي تعال نتلم ما دام الريد اختلط بالدم

يبقي يا اخوانا الفرق شنو ؟

عاوزين نعرف

تحياتي
Raw3a
03-Sep-2007, 03:46 PM
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


المشكلة يا شايقي

ان كلمة الريد دي موجوة عندنا بس

يعني التداول بيها مع اي جنس عربي آخر صعب

لكن اظن ان الريدة ما بتحصل الحب
Lufthansa1980
03-Sep-2007, 08:05 PM
الحب والريد

















































































والشوق البان في لمسة ايد
Lufthansa1980
03-Sep-2007, 08:07 PM
انا غايتو بشوف الريدة يعني ممكن تكون لشخص

ذكر او انثى ... وممكن يوم يومين اسبوع ما اقابلو

ولما اقبلو ... الحال بيبقى حلو

بس الحب بكون كلو يوم داير اقابلو واعرف اخبارو

وهكزا يعني ....

رأي شخصي
محمد عبيد ادريس
04-Sep-2007, 03:12 PM
الاخ العزيز جدا حرسم .. تحياتى واحتراماتى ....

الحبوبه والجاره و ما يقابلهما بدون تاء التانيث يكنون للكل الريده النابعه من جوه القلب دون مصالح او اشياء اخرى ..
يعنى الاحساس بالانتماء واللهفه عند اللقاء عند اهلنا الزماااااااان ديك يمثل الريده الحقيقيه وما يرادفها الان الحب ولكن استهلاكها ككلمه فاقده لمضمونها جعلها اقل حنيه و خاليه من اى احساس باللهفه والخوف على المريود ( المحبوب )...

والفرق شاسع بين الاحساس الصادق وبين الاحساس المفتعل مما يجعل الفرق شاسع ايضا بين الريده والحب ....
وانا افضل الريده على الحب لعمق المعنى والمضمون ....
( كل واحد ((وواحده)) يتذكر قلده حبوبتو لمن تسلم عليهو بيعرف الفرق بين الريده والحب )...

مودتى .....
محمد عبيد ادريس
08-Sep-2007, 10:47 PM
العزيز حرسم ......


انت بتريد ولا شنو ؟؟؟؟؟؟
ولا الحب مجهجهك ؟؟؟؟؟؟


مودتى .....
منير عبد القادر
09-Sep-2007, 12:20 AM
اريدك 00



واريدك للنسوان 00




واريدك للسودانيين


00

يا حرسم انت ما سمعت الناس بقول (ما أصلوا قالوا الريدة ذاتها بتعمل الزول العبادة)
ابو عبد الحفيظ
22-Sep-2007, 10:58 AM
صراحة بوست يستحق نرفعه تاني ولا رايكم شنو ؟؟؟
شهد الملائكة
22-Sep-2007, 11:06 AM
راي من رايك يا رئيس

بس عاوز ترفعه ليه

عاوز تعرف الحاله الانت عايش فيها والا عشان شنو ؟؟؟

هههههههه
شمعة امل
22-Sep-2007, 12:02 PM
الكلمتين ديل عجيبات خلاص 00
اجى داير استعمل كلمة احبك تطلع اريدك 00
واحيانا اكون داير اقول بريدك تطلع احبك00

بقول يمكن احبك للكل
واريدك للنسوان 00

والا احبك اكبر واريدك مخصوص 000


او يمكن احبك للعرب
واريدك للسودانيين


اها يا اخونا الكلام ليكم 0
افتونى
متين نستعمل كل كلمة 00

انا فى نظرى انو الريدة اعمق و اكبر معنى من كلمة الحب
فاذا فى زول قال ليك برييدك حتى انت بتحس بيها اكتر من كلمة بحبك
بالرغم من انها كما ذكرت الاخت روعة انها كلمة سودنية بحتة
و لكنها تدل على حمل كمية من المشاعر و الاحاسيس
محمد عبيد ادريس
22-Sep-2007, 11:05 PM
صراحة بوست يستحق نرفعه تاني ولا رايكم شنو ؟؟؟

يا ريس ماعندنا مانع واحلى حاجه بس صاحبنا (وينو) هل فعل به الاعمى قاتل عنتره فعلته ..... ام بيدور على الفرق الحقيقى بينهما ....

ارفع البوست واعطيه الامان ليظهر ويبان .....

مودتى ......
محمد عبد الله حرسم
07-Feb-2008, 05:58 PM
المبدع حرسم

اخوك خايف من الريدة لان الأغنية بتقول (الريد الكتير يا حنين شقاوة) ومحمدية يقول ترترترترلا


تحياتي


عمدة

اشكرك اولا ..
واعتذر ليك وللبعدك عن التأخير ..


لا تخاف لا من الريدة ولا من الحب ..


الاتنين سمحات ..

فى واحدة حقتنا والتانية ما حقتنا :):)
محمد عبد الله حرسم
07-Feb-2008, 06:00 PM
حبيت وانجرحت من أول حبيب

الريد الريد يا اهل متين لدياركم نصل

حبيناك من قلوبنا واخترناك يا حلو

بريدك يا حبيبي بريدك زي ما بتريدني بريدك

وهنا الحب والريد اتلمو بس الريد جوه الدم

حبيبي تعال نتلم ما دام الريد اختلط بالدم

يبقي يا اخوانا الفرق شنو ؟

عاوزين نعرف

تحياتي



شوف الكلام دا سمح كيف ..

دار الفرح والريد تلقانى من اهلها ..




اسحاق
ناس الخرتوم لامن يغنو بقولو فى حب يا اخوانا اكتر من كدا

لكين لامن يجى من الاقاليم بيقول الريدة الكتيرة يا حنين شقاوة ..
محمد عبد الله حرسم
07-Feb-2008, 06:02 PM
[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


المشكلة يا شايقي

ان كلمة الريد دي موجوة عندنا بس

يعني التداول بيها مع اي جنس عربي آخر صعب

لكن اظن ان الريدة ما بتحصل الحب



نعم يا روعة


انها ماركة مسجلة ..
لا يمكن لى مصرى يقول ليك بريدك..
ولو عمل مسلسلات الدنيا كلها فى الحب ...




يا عينى علينا نحن ابو الاختراعات ذاتها
محمد عبد الله حرسم
07-Feb-2008, 06:03 PM
الحب والريد

















































































والشوق البان في لمسة ايد



ونظرة عين ..
ورعشة قلب ..
محمد عبد الله حرسم
07-Feb-2008, 06:10 PM
انا غايتو بشوف الريدة يعني ممكن تكون لشخص

ذكر او انثى ... وممكن يوم يومين اسبوع ما اقابلو

ولما اقبلو ... الحال بيبقى حلو

بس الحب بكون كلو يوم داير اقابلو واعرف اخبارو

وهكزا يعني ....

رأي شخصي

ممكن جدا ..

ليه لأ


بس ممكن الاحتمال الثانى برضو..

معكوس الحالة بتاعتك دى ..
وتكون الريدة انى كل يوم ..........
محمد عبد الله حرسم
07-Feb-2008, 06:12 PM
الاخ العزيز جدا حرسم .. تحياتى واحتراماتى ....

الحبوبه والجاره و ما يقابلهما بدون تاء التانيث يكنون للكل الريده النابعه من جوه القلب دون مصالح او اشياء اخرى ..
يعنى الاحساس بالانتماء واللهفه عند اللقاء عند اهلنا الزماااااااان ديك يمثل الريده الحقيقيه وما يرادفها الان الحب ولكن استهلاكها ككلمه فاقده لمضمونها جعلها اقل حنيه و خاليه من اى احساس باللهفه والخوف على المريود ( المحبوب )...

والفرق شاسع بين الاحساس الصادق وبين الاحساس المفتعل مما يجعل الفرق شاسع ايضا بين الريده والحب ....
وانا افضل الريده على الحب لعمق المعنى والمضمون ....
( كل واحد ((وواحده)) يتذكر قلده حبوبتو لمن تسلم عليهو بيعرف الفرق بين الريده والحب )...

مودتى .....

كعادتك ايها الجميل ابو حميد

دوما تهطل ولا اجد ما اعقب به ..
غير ان انتعش بعبير حروفك
محمد عبد الله حرسم
07-Feb-2008, 06:13 PM
العزيز حرسم ......


انت بتريد ولا شنو ؟؟؟؟؟؟
ولا الحب مجهجهك ؟؟؟؟؟؟


مودتى .....



هل تصدق ..

انى بحب


وكما بريد..

مش بريد الكترونى ..بريد من الريدة..
ود القبايل
09-Feb-2008, 07:39 AM
ما طلعنا بحاجة من الموضوع ...
نقاش وبث !!!!
محمد عبد الله حرسم
09-Feb-2008, 09:36 AM
ما طلعنا بحاجة من الموضوع ...
نقاش وبث !!!!



ود القبايل


والسبب؟
ود القبايل
09-Feb-2008, 09:42 AM
ود القبايل


والسبب؟

لانو ما في فرق بين الحب والريد ... معنى واحد وكلمات مترادفة ...
استخدام كلمة الحب بين أهل الحضر والريد عند البادية !!!
محمد عبد الله حرسم
09-Feb-2008, 09:52 AM
لانو ما في فرق بين الحب والريد ... معنى واحد وكلمات مترادفة ...
استخدام كلمة الحب بين أهل الحضر والريد عند البادية !!!

طبعا انت قلت ما طلعنا بى حاجة فى البداية ..
وهسى جبت لينا فرق واضح ..استعمال البدو الحضر..


قول واحد ..


احب يحب حبا

والريدة من اراد ..يريد ...

اتنين
تلاتة
ان الريدة استعمال سودانى بحت ..
لا يوجد شعب فى الكرة الارضية يستعمل كلمة الريدة يما نستخدمه حن الا نحن ..


اربعة

اننا نستخدم كثير كلمات لا نلقى لها بالا ..ونستخدمها دون وعى بمرادها ولا بمعناها الدقيق..

هى محاولات الفصل بين دقة الاستخدام للغة ..
ليست بين الحب والريد فقط

انما هناك الكثير ..

ولا زالت فى امكانى ان اقول الكثير ..

فقط هى محاولة لنقول متى تستخدمو هذه الكلمة ومتى تستخدمو هذه الكلمة ..

والمتداخلون هنا ليسوا حمقى حتى يتداولا فى موضوع ليس لح فائدة ..

شكرا
ود القبايل
09-Feb-2008, 10:05 AM
طبعا انت قلت ما طلعنا بى حاجة فى البداية ..
وهسى جبت لينا فرق واضح ..استعمال البدو الحضر..


قول واحد ..


احب يحب حبا

والريدة من اراد ..يريد ...

اتنين
تلاتة
ان الريدة استعمال سودانى بحت ..
لا يوجد شعب فى الكرة الارضية يستعمل كلمة الريدة يما نستخدمه حن الا نحن ..


اربعة

اننا نستخدم كثير كلمات لا نلقى لها بالا ..ونستخدمها دون وعى بمرادها ولا بمعناها الدقيق..

هى محاولات الفصل بين دقة الاستخدام للغة ..
ليست بين الحب والريد فقط

انما هناك الكثير ..

ولا زالت فى امكانى ان اقول الكثير ..

فقط هى محاولة لنقول متى تستخدمو هذه الكلمة ومتى تستخدمو هذه الكلمة ..

والمتداخلون هنا ليسوا حمقى حتى يتداولا فى موضوع ليس لح فائدة ..

شكرا


كلمة الريد تستخدم في بادية الاردن وفلسطين وعند بدو سيناء ...
ومتى تستخدم هذه الكلمة ؟!! لاأدري اذا كان للحب والريد وقت معين !!!
الحماقة ليست في المشاركة ولكن في الجدل البيزنطي ...
أشكرك على الصراحة ونضح انائك بما فيه ...
محمد عبد الله حرسم
09-Feb-2008, 10:21 AM
كلمة الريد تستخدم في بادية الاردن وفلسطين وعند بدو سيناء ...
ومتى تستخدم هذه الكلمة ؟!! لاأدري اذا كان للحب والريد وقت معين !!!
الحماقة ليست في المشاركة ولكن في الجدل البيزنطي ...
أشكرك على الصراحة ونضح انائك بما فيه ...


اولا انا ليس اناء اصلا حتى ينضح او لا ينضح..
لاحظ ذلك..

وبدو سيناء او خلافهم يستخدمونها بمعنى الارادة اى اراد الشى 00

وليس كما نستخدمها نحن بمعنى الحب وفى العلاقات الانسانية ..
وانا لا ادرى ما الذى يجعلك تنفخ..
قلت ما طلعت بى حاجة..
وفى الرد تقزول طلعت..
وهسى تقول اناء ..
ود القبايل ..

كدى قول بسم الله ..
مالك ؟
ود القبايل
09-Feb-2008, 10:40 AM
اولا انا ليس اناء اصلا حتى ينضح او لا ينضح..
لاحظ ذلك..

وبدو سيناء او خلافهم يستخدمونها بمعنى الارادة اى اراد الشى 00

وليس كما نستخدمها نحن بمعنى الحب وفى العلاقات الانسانية ..
وانا لا ادرى ما الذى يجعلك تنفخ..
قلت ما طلعت بى حاجة..
وفى الرد تقزول طلعت..
وهسى تقول اناء ..
ود القبايل ..

كدى قول بسم الله ..
مالك ؟


بسم الله ...
مافي حاجة ... دايرين نستفيد وبث !!!
محمد عبد الله حرسم
09-Feb-2008, 11:21 AM
بسم الله ...
مافي حاجة ... دايرين نستفيد وبث !!!

اهو واحدة من الاضافات الجميلة ..

انو البدو كان فى سيناء والا غيرها بيستعملوها..

نعم وشاهدتها فى المسلسلات البدوية ..

بس طبعا استعمالهم ليها بمعنى اراد ..

(اريدك تعطينى هذا الشىء ..)


(تريدين تاخذيها منى ؟)



اما نحن فبقدرة قادر تحولت هذه الكلمة العربية من يريد الشىء الى استعمال خاص جدا ..وهى فى داب المحبة وما جاورها ..
ليتنا نعرف اسرار اللغة...
لنعرف كيف انتقلت هذه الكلمة الينا ومتى تم تحويلها
وتحوريها الى المحبة وما جاورها..

مثلا كلمة معليش..

ما عليك شىء

ثم تدرجت حتى صارت معليش..


هى هكذا ..
اراد الشىء ..
كيف تحولت الى ريدة
محمد عبد الله حرسم
10-Feb-2008, 05:07 PM
ومن داخل المفردتين وبحرهما ...
عندما تحب فانت فى حالة من التحفز ويملؤك الحنين والشوق الى ان تكون بجانب من تحب وما تحسه ينبت فيك ويمد بينك وبين من تحب الآف الايونات الموجبة التى تربطك بشكل ما لا فكاك منه بينك وبين من تحب ..
ولكنك يمكن ان تتامل فى هذا المكون الذى بينك وبين من تحب بشىء من الفرجة والانغماس راضيا بحالة الانتشاء الذى يصيبك من اقل القليل منه ..
اما فى حالة الريدة فان الامر يتعدى كل ذلك الاحساس الى لحظة امتلاك ما تحب ...

الحب استخدام حضرى
الريد استخدام قروى
محمد عبد الله حرسم
10-Feb-2008, 05:08 PM
الريدة .. أكبر من الحب
لأنها مرحلة تالتة فى تطور هذا الشعور

فالأولي هى " الهوى .. و أنت تهوى شخص لصفات فيه .. ثم تحب هذا الشخص بمحاسنه وعيوبه ثم " تريده لنفسك "* .. و مافى داعي لباقى المراحل ..
محمد عبد الله حرسم
10-Feb-2008, 05:09 PM
الحب ياعزيزي يشمل كل شيئ جماد كان أم علم أو حتي فعل فأنت تحب الذهاب الي السينما كما تحب سيارتك أو أي شيئ تمتلكه أو يمتلكه غيرك.
أما الريدة فهي غالبا ما ترتبط بشخص وهذه طبعا الريدة السودانية التي يستعملها السوداني منفردا مثلها مثل كلمة داير فلا يوجد شعبا آخر يستعمل كلمة الريدة بمعني الحب غير السودانيين أو أنا داير بمعني عايز غيرنا..وهذه احدي دلائل البلاغة لدي السودانيين الذين هم أقرب الشعوب الناطقة بالعربية قربا من اللغة الفصحي رغم ادعاء باقي العرب بأن اللهجة السودانية غير مفهومة.

(منقول )
الكردفاني
10-Feb-2008, 05:44 PM
الله الله الله تحليل وتفصيل منتهي الروعة أخي حرسم.
مع صادق الريد
محمد عبد الله حرسم
11-Feb-2008, 10:39 AM
الله الله الله تحليل وتفصيل منتهي الروعة أخي حرسم.
مع صادق الريد




الكردفانى النبيل ..
عماد النسيم
مرورك يعطى للمكان دفء وعبير ..

دوما كن هنا ..
محمد عبد الله حرسم
04-Mar-2008, 08:12 PM
الحب استخدام حضرى
الريد استخدام قروى


كتبوها بعنوان آخر ..فى مكان ما..

.
محمد عبد الله حرسم
28-Apr-2008, 10:18 AM
هناك الكثير داخل المفردتين

ونحاول ان ننبش فيهما

ولكنى اكيد ان كلمة الريدة
كلمة سودانية صميمة وحنينة ومليئة بنا وبتراثنا
يذكرك بمحنتنا
وبانسنا
ومرحنا
وتلقائيتنا
ورحابتنا
ومناخنا النسيم
محمد عبد الله حرسم
08-Jan-2009, 09:27 AM
الحب هو فعل نسيمى يجتاحك

والريد هو فعل رزازى يسورك ببطء
الكاشف
24-May-2009, 12:08 AM
اخي الحبيب استاذ محمد عبد الله لك التحية ياغالي

الفرق بين الريدة والحب ان الأخير يخالطه ميل حسى بينما الريدة معنوية صرفة.
كما يمكنك أن تريد من تشاء من الجنسين ولكنك لا تحب إلا شخصا واحدا ومن الجنس الآخر طبعاً


كما إن الريدة تمثل فى بعض الأحيان زوغة لكثير من العشاق:الواحد يكون طالع ونازل مع البت و مبورها وموقف سوقها , لمن يزنقوهو الناس (حتخطبها متين ) ؟ يقول ( والله مافى أى حاجة, بريدها بس!)

[فقط الأعضاء المسجلين والمفعلين يمكنهم رؤية الروابط]

[فقط الأعضاء المسجلين والمفعلين يمكنهم رؤية الروابط]

استاذنا حرسم يديك الصحة والعافية وبنريدك لوجه الله تعالي

الريس ابو عبد الحفيظ ضحكت كتير في الجزء الاخير من ردك :gna:
ابو عبد الحفيظ
25-Oct-2009, 06:31 PM
ياسلاااااام موضوع يستاهل القراءة مرة تانية وتالتة :heart:
مزاجيه
25-Oct-2009, 11:35 PM
ـأمممم ـأنـآ شـآيف ـالكلمتيـن معنــآهم وـآحـد ..!!
بـس ـإحنـآ كـ سودـآنييـن بـ نستخـدم كلمـه { بـريدك } عشـآن نعبـر عـن حبنـآ { ريدنـآ :smile: } للشخـص ـاللـي قـدـآمنـآ ..!!
يديـك ـالعـآفيـه ـأخي علـى ـالطـرح ..


/


وتشكـر مديرنـآ علـى رفـع ـالمـوضوع ..!
محمد عبد الله حرسم
12-Nov-2009, 06:25 PM
[فقط الأعضاء المسجلين والمفعلين يمكنهم رؤية الروابط]اقتباس[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط]) المشاركة الأصلية كتبت بواسطة ابو عبد الحفيظ[فقط الأعضاء المسجلين والمفعلين يمكنهم رؤية الروابط]ياسلاااااام موضوع يستاهل القراءة مرة تانية وتالتة :heart: [فقط الأعضاء المسجلين والمفعلين يمكنهم رؤية الروابط]




تسلم يا ريس


وانا كمان هسى تانى قاعدت اتأمل ما كتبت سابقا
ابو عبد الحفيظ
14-Dec-2010, 07:06 PM
الكلمتين ديل عجيبات خلاص 00
اجى داير استعمل كلمة احبك تطلع اريدك 00
واحيانا اكون داير اقول بريدك تطلع احبك00

بقول يمكن احبك للكل
واريدك للنسوان 00

والا احبك اكبر واريدك مخصوص 000


او يمكن احبك للعرب
واريدك للسودانيين


اها يا اخونا الكلام ليكم 0
افتونى
متين نستعمل كل كلمة 00

التحية للاستاذ الحاضر الغائب محمد عبد الله حرسم
ونرفع هذا الموضوع للاطلاع ومزيد من التفاعل
وخاصة انضمت الينا في الفترة الاخيرة مجموعة رائعة
اكيد سينال الموضوع اعجابكم
فكاتبه استاذ واديب وشاعر
حكاية زمان
14-Dec-2010, 08:48 PM
إحنا لما نحب بنريد لكن لما نريد مابنكون لسه حبينا
بالنسبة لي الريدة درجة من درجات الحب
بس ما اعتقد انها بتتقال لأي شخص
ناس معينة فقط ممكن نقول ليهم بريدك
بس وحدة وحدة حنلقى كلمة بريدك قلت حروفها واتحورت وبقت بحبك

غالبا البنات بيملو لكلمة بريدك عشان مايبينو انهم دايبين في الحبيب فتلقاهم بيقولو بريدك بريدك وهم مكسرااااااااااااات
ولا شنو ياجكسسسسسسسس

الف شكر استاذ
محمد عبد الله حرسم

على الموضوع الجميل

وشكراً ياريس على رفع الموضوع

خالص ودي
محمد السندى
14-Dec-2010, 08:57 PM
اقتباس:
المشاركة الأصلية كتبت بواسطة Raw3a [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
والله يا حرسم بالجد سؤال في محلو

لكن اظن ان احبك للكل

كل الناس بتفهم الكلمة دي

بدون شرح لي معناها

لكن كلمة بريدك ما اظن في حد

غير الشعب السوداني بيستخدمها

عشان كده ما ممكن نتداولها مع غيرنا

حتى الاطفال في السودانيين

ما بعرفو كلمة بريدك دي الا لمن يكبرو شوية

لكن كلمة بحبك طوالي على لسانهم

و بس

:
انا بضم صوتى لصوت الاخت روعة وعلى مااعتقد كلمة بريدك خاصة بالسودانيين
ومن الطرائف حصل سألنى احد الاخوان العرب من كلمة بريك هل هى المقصود بها البريد الالكترونى ولا حاجة تانية :lol2::lol2::lol2: D
بازيقار
15-Dec-2010, 01:56 AM
انا في رايي انو كلمه بريدك عميقة وتلقائيه ..
اما كلمة احبك هي كلمه سطحيه جدا وفقدت معناها لانها
مستخدمه كتير في الغناء في الافلام ........
والريدة .. أكبر من الحب
فالحب هو ان تهوى شخص لصفات فيه .. ثم تحب هذا الشخص بمحاسنه وعيوبه ثم تريده لنفسك ويبقي الريده
اعمق من الحب لانها بتجى بعده .