كثير من الاحيان احمل العصا واضرب ابنائي مارأيكم ؟؟؟؟؟؟

[أرض الخير]

السلام عليكم اخوتي واخواتي الاعزاء ...
في احيان كثيرة ..يحتاج ابناءنا الى( حمل العصاية)وضربهم فما رأيكم .....؟؟؟؟

[الريم]

وعليكم السلام والرحمة والبركات
انت معني ذلك متبعه اسلوب العصي لمن عصا لكن من وجهة نظري التربية تدرج كما قيل كيف نبدا؟ منذ الميلاد الي سن السابعة كلها سن ملاطفه وعطف وشفقة ورحمة دون اي عنف ولاشدة لاطفه سبعا وبعدها تبدا سن الادب وهي سن التوجيه نبدا بتعليمه الصلاة والمعامله الطيبه ونراقب كلامه ونوجهه في ما يقول وفي طريقة تعامله مع الاشياء وادبه سبعا اي من سبعه الي اربعة عشروبعدها تاتي سن المصادقة اي معاملة الابن اوالبنت معاملة الصديق يتفاكرو ويتشاورو ويثق كل منهم في الاخر وصادقه سبعا اي الي سن الواحد وعشرون وبعدها اترك الحبل علي القارب ان اراد الله به الخير كان بارا طيبا وان والعياذ بالله لم يكن بار يكون الوالدين براؤا ذمتهم من الله في التربيه والهداية بيد الله رب العالمين انك لاتهدى من احببت ولكن الله يهدي من يشاء وكل الشرح هذا لابين ان العصا ليست نوع من التربية وفي حديث للرسول صلي الله عليه وسلم قال علقو الصوت في البيت للصبيان اوكما قال ولكن ليس لضربهم ولكن لتخويفهم فقط اتمني ان لانستخدم اسلوب الضرب في التربية

[أرض الخير]

وعليكم السلام والرحمة والبركات
انت معني ذلك متبعه اسلوب العصي لمن عصا لكن من وجهة نظري التربية تدرج كما قيل كيف نبدا؟ منذ الميلاد الي سن السابعة كلها سن ملاطفه وعطف وشفقة ورحمة دون اي عنف ولاشدة لاطفه سبعا وبعدها تبدا سن الادب وهي سن التوجيه نبدا بتعليمه الصلاة والمعامله الطيبه ونراقب كلامه ونوجهه في ما يقول وفي طريقة تعامله مع الاشياء وادبه سبعا اي من سبعه الي اربعة عشروبعدها تاتي سن المصادقة اي معاملة الابن اوالبنت معاملة الصديق يتفاكرو ويتشاورو ويثق كل منهم في الاخر وصادقه سبعا اي الي سن الواحد وعشرون وبعدها اترك الحبل علي القارب ان اراد الله به الخير كان بارا طيبا وان والعياذ بالله لم يكن بار يكون الوالدين براؤا ذمتهم من الله في التربيه والهداية بيد الله رب العالمين انك لاتهدى من احببت ولكن الله يهدي من يشاء وكل الشرح هذا لابين ان العصا ليست نوع من التربية وفي حديث للرسول صلي الله عليه وسلم قال علقو الصوت في البيت للصبيان اوكما قال ولكن ليس لضربهم ولكن لتخويفهم فقط اتمني ان لانستخدم اسلوب الضرب في التربية

تسلمي الغالية الريم كل ماذكرتيه ليس عليه ايي خلاف بل هو كلام الله ورسوله
واحييك عليه ولكن غاليتي في كثير من الاحيان يحتاج الابناء الى حمل العصا وضربهم وهذا من خلال تجربتي وخوضي العميق في مسألة التربية خصوصا ..
عندما يتشجاروا مع بعضهم ويكثر الكلام من غير فائدة قد تجدي هذة الطريقة بفائدة معهم...ولا اقصد هنا حمل العصا في كل صغيرة وكبيرة ..ولا ان نضرب اولادنا الضرب المؤذي او الوحشي ....
شاكرة جدا لمداخلتك الكريمة .....

[ابو عبد الحفيظ]

لك الشكر دينمو المنتدي الغالية بت محجوب
الضرب مطلوب احياناً وفي سن معينة

[أرض الخير]

لك الشكر دينمو المنتدي الغالية بت محجوب
الضرب مطلوب احياناً وفي سن معينة

لك التحية والاحترام اخونا الغالي الشعراوي ....وهذا ما اريد توصيله للجميع ان الضرب
مطلوب احيانا ...ومهم كمان وهو يكاد يكون اساسي في اشياء محدده ....

[ود الفحل]

لبنى نحن نعيش في بلاد الغربة ونسكن في شقق مغلقة ونقوم بتغذية أبنائنا غذاءاً جيداً يولد لديهم طاقة كامنة تريد أن تخرج فيصبح الطفل من الناحية العلمية Hyper active لذلك ينصح بأخذ الأولاد لمكان يفرغون الطاقة حقتهم فيها يعني يجرو ويلعبوا كثير لغاية مايفتروا ويكون هناك الأكل مع المشروبات فيلعب الطفل ويجوع ويأكل ويشرب ويعود المنزل وهو مرهق على النوم طوالي ..
ثم النوادي الرياضية برضه كويسة ( السباحة وأي رياضه أخرى ) .
بعدين لاتجعلوهم يأكلوا الأشياء المنشطة كثير مثل الشبس والشكولاته والحلويات .
وللحديث بقية
ود الفحل

[ابواحمد]

وعليكم السلام والرحمة والبركات
انت معني ذلك متبعه اسلوب العصي لمن عصا لكن من وجهة نظري التربية تدرج كما قيل كيف نبدا؟ منذ الميلاد الي سن السابعة كلها سن ملاطفه وعطف وشفقة ورحمة دون اي عنف ولاشدة لاطفه سبعا وبعدها تبدا سن الادب وهي سن التوجيه نبدا بتعليمه الصلاة والمعامله الطيبه ونراقب كلامه ونوجهه في ما يقول وفي طريقة تعامله مع الاشياء وادبه سبعا اي من سبعه الي اربعة عشروبعدها تاتي سن المصادقة اي معاملة الابن اوالبنت معاملة الصديق يتفاكرو ويتشاورو ويثق كل منهم في الاخر وصادقه سبعا اي الي سن الواحد وعشرون وبعدها اترك الحبل علي القارب ان اراد الله به الخير كان بارا طيبا وان والعياذ بالله لم يكن بار يكون الوالدين براؤا ذمتهم من الله في التربيه والهداية بيد الله رب العالمين انك لاتهدى من احببت ولكن الله يهدي من يشاء وكل الشرح هذا لابين ان العصا ليست نوع من التربية وفي حديث للرسول صلي الله عليه وسلم قال علقو الصوت في البيت للصبيان اوكما قال ولكن ليس لضربهم ولكن لتخويفهم فقط اتمني ان لانستخدم اسلوب الضرب في التربية



لان هذا كلا م الحبيب المصطفي فيبقي رد لا ازيد عليه غير ربنا يهدي اولادنا اتلي مافيه خيرهم .. ولكني انا زاتي مرات اضربهم لما يفيض بي الكيل .

[أرض الخير]

لبنى نحن نعيش في بلاد الغربة ونسكن في شقق مغلقة ونقوم بتغذية أبنائنا غذاءاً جيداً يولد لديهم طاقة كامنة تريد أن تخرج فيصبح الطفل من الناحية العلمية Hyper active لذلك ينصح بأخذ الأولاد لمكان يفرغون الطاقة حقتهم فيها يعني يجرو ويلعبوا كثير لغاية مايفتروا ويكون هناك الأكل مع المشروبات فيلعب الطفل ويجوع ويأكل ويشرب ويعود المنزل وهو مرهق على النوم طوالي ..
ثم النوادي الرياضية برضه كويسة ( السباحة وأي رياضه أخرى ) .
بعدين لاتجعلوهم يأكلوا الأشياء المنشطة كثير مثل الشبس والشكولاته والحلويات .
وللحديث بقية
ود الفحل

تحية واحترام لاخوي الغالي ود الفحل ....
طبعا كلامك ده مليون في المائة صحيح ...لكن بس قصة مشاكلهم مع بعض
دي جديدة ..وكل واحد واقف للتاني لاحولة ولاقوة الا بالله ..والا الغيرة من بعض
ده شنو ده ...الجماعة ديل ماياهم والا في شنو ؟

[أرض الخير]

لان هذا كلا م الحبيب المصطفي فيبقي رد لا ازيد عليه غير ربنا يهدي اولادنا اتلي مافيه خيرهم .. ولكني انا زاتي مرات اضربهم لما يفيض بي الكيل .

لك التحية والاحترام اخونا الغالي حاج ابوحمد..والله بس ربنا يهون
لكن الظاهر من فترة لفترة الاطفال اخلاقهم بتغيير ...
ومرات الكلام مابجيب نتيجة لمن الواح يقوم يديهم دقة بعدين الجو يهدأ
وتسلم للمشاركة .....

[ود الفحل]

تحية واحترام لاخوي الغالي ود الفحل ....
طبعا كلامك ده مليون في المائة صحيح ...لكن بس قصة مشاكلهم مع بعض
دي جديدة ..وكل واحد واقف للتاني لاحولة ولاقوة الا بالله ..والا الغيرة من بعض
ده شنو ده ...الجماعة ديل ماياهم والا في شنو ؟
أنا أتبع سياسة يمكن تكون مفيدة لغيري أيضاً دائماً أعمل بينهم مباراة مصارعة وقتال
وأنا الحكم طبعاً كل واحد يجتهديهزم الثاني بدون أذى حسب قانون اللعبة ..
في النهاية بيفتروا وينوموا ..
لكن الغيرة دي موجودة علشان كده لما أعطي قبله لواحد لازم أعمم ..لوجبت حاجة لازم تعمم ..حتى الطبيب غلاسه كده تلقى الواحد ماعنده شي يقول ليك أشمعنا وديت أخوي تقوم تأخذه وتوديه للطبيب العام ..علشان لوما وديته حيزن على راسك وراسنا مش ناقص زن .. هم عارفين سيكلوجية الوالدين وعارفين كيف يصلوا لتحقيق رغباتهم ..هناك طفل بيسموه Talkativ out of the jail ده ذكي يتبع سياسة الألحاح لغاية ماتحقق ليهو طلبه وكلامه كثير وقوي الحجة ماتقدر تمسكه أبداً في حاجة..لكن أتبع سياسة عكس السلوك قوله لو تكرر الطلب ماحنفذه هو حيحاول مرة وأثنين لو لقاك جادي حيبطل ودي مجربه ..علموهم يطلبوا الطلب مرة واحد وبس ..
لكي تحياتي لبنى ..

[أرض الخير]

أنا أتبع سياسة يمكن تكون مفيدة لغيري أيضاً دائماً أعمل بينهم مباراة مصارعة وقتال
وأنا الحكم طبعاً كل واحد يجتهديهزم الثاني بدون أذى حسب قانون اللعبة ..
في النهاية بيفتروا وينوموا ..
لكن الغيرة دي موجودة علشان كده لما أعطي قبله لواحد لازم أعمم ..لوجبت حاجة لازم تعمم ..حتى الطبيب غلاسه كده تلقى الواحد ماعنده شي يقول ليك أشمعنا وديت أخوي تقوم تأخذه وتوديه للطبيب العام ..علشان لوما وديته حيزن على راسك وراسنا مش ناقص زن .. هم عارفين سيكلوجية الوالدين وعارفين كيف يصلوا لتحقيق رغباتهم ..هناك طفل بيسموه Talkativ out of the jail ده ذكي يتبع سياسة الألحاح لغاية ماتحقق ليهو طلبه وكلامه كثير وقوي الحجة ماتقدر تمسكه أبداً في حاجة..لكن أتبع سياسة عكس السلوك قوله لو تكرر الطلب ماحنفذه هو حيحاول مرة وأثنين لو لقاك جادي حيبطل ودي مجربه ..علموهم يطلبوا الطلب مرة واحد وبس ..
لكي تحياتي لبنى ..

تجاربك ومعاملتك دي والله انا مطباقها زيك بالضبط...
وزي ماقلت هو اصلا لو واحد بالصدفة او بالغفلة فرزتة حايعمل حفلة عديل
مش زن وبس ....بس ربنا يهون ...وزي ماقلت عندي واحد كدة لو عملت المستحيل برضو حايلقى طلبه اتنفذ ولد (ثعلب )...وانا جادة والله ...وقلت اشوف ارائكم ..
وتجاربكم ...وخصوصا اننا كلنا بنعاني من مشاكل التربية في الغربة دون مساعدة الاهل والكبار ...وتسلم ...وفي انتظار مزيدك ....

[ود الفحل]

تجاربك ومعاملتك دي والله انا مطباقها زيك بالضبط...
وزي ماقلت هو اصلا لو واحد بالصدفة او بالغفلة فرزتة حايعمل حفلة عديل
مش زن وبس ....بس ربنا يهون ...وزي ماقلت عندي واحد كدة لو عملت المستحيل برضو حايلقى طلبه اتنفذ ولد (ثعلب )...وانا جادة والله ...وقلت اشوف ارائكم ..
وتجاربكم ...وخصوصا اننا كلنا بنعاني من مشاكل التربية في الغربة دون مساعدة الاهل والكبار ...وتسلم ...وفي انتظار مزيدك ....
لبنى الحمد لله أن المنتدى جمعنا بناس مثلك
أهم حاجة لبنى المحافظة على ثقة الولد بنفسه أوعي تهزيها وألا تقولي ليهو ياثعلب علشان أحنا بدون مانحس بنبرمج أولادنا برمجة سلبية .. تلقى واحد يقول لأبنه ياأهبل أو أنت بليد كل مرة يعمل غلطة .. المهم صاحبيهم ..وتقربي منهم أكثر وخليهم يكون عندهم أصدقاء يخرجوا يلعبوا مع بعضهم .. الsocial life للأولاد مهمة جداً .
وللحديث بقية لبنى

[أرض الخير]

لبنى الحمد لله أن المنتدى جمعنا بناس مثلك
أهم حاجة لبنى المحافظة على ثقة الولد بنفسه أوعي تهزيها وألا تقولي ليهو ياثعلب علشان أحنا بدون مانحس بنبرمج أولادنا برمجة سلبية .. تلقى واحد يقول لأبنه ياأهبل أو أنت بليد كل مرة يعمل غلطة .. المهم صاحبيهم ..وتقربي منهم أكثر وخليهم يكون عندهم أصدقاء يخرجوا يلعبوا مع بعضهم .. الsocial life للأولاد مهمة جداً .
وللحديث بقية لبنى

تسلم اخونا ود الفحل لا ده بس بيني وبينكم تصدق لو انا قلت ليه ياثعلب
صدقني كان جاء المنتدى ورفع ضدي شكوى ....والحمد لله نحن في نعمة كبيرة
لاننا عندنا اهل كتيرين نزورهم ويزورونا حتى اختي موجودة هنا ...بس المشكلة المزعلا ني بالجد الشكل ....والمشاكل مع بعض ......لكن بالنسبة للمتنفس والاصدقاء
موجودين والحمد لله ..واشكرك جدا لاهتمامك وانا كمان بحمد الله على التعرف عليكم
والاستفادة من كل ما تسطره ايديكم الكريمة وخبراتكم الموثوق بها ....
وانتظر ك اخي ....

[ود الفحل]

لبنى طبعاً أبنك ده ذكي جداً علشان كده give him task كلفيه بأي عمل وخليه يشتغل على الكمبيوتر كثير وأي حاجة عندكم عايزة تشغيل خليه يتعلم يشغلها كيف سواء أجهزة إلكترونية أو غيره .. وكلفيه بأشغال المنزل مثلاً عمل افطار أو عشاء
أو تنظيف المنزل وبالمناسبة لاتستعيني بالشغالات أستعيني بالأولاد وهذا أصح شيء للتربية .. في النهاية حتلقيه أنشغل وأنتج وأبدع أهم حاجة تنمية الإبداع لدى الطفل والعقل لايبدع إلاّ بالممارسة العملية ..يعني ماتهرشوهم لما يجي يلمس حاجة عندكم وعايز يشوفها .. حتى بيخرب مامشكلة بس خلو قلبه يكون قوي ويشغل مخه لما يمسك الشيء .. وأفتحي لهم مواضيع يبحثوا عنها في الإنترنت حتشغلهم وتنمي عندهم المعرفة وكيفية الحصول على المعلومة .
والله الموفق ..
أخيكم ود الفحل

[أرض الخير]

لبنى طبعاً أبنك ده ذكي جداً علشان كده give him task كلفيه بأي عمل وخليه يشتغل على الكمبيوتر كثير وأي حاجة عندكم عايزة تشغيل خليه يتعلم يشغلها كيف سواء أجهزة إلكترونية أو غيره .. وكلفيه بأشغال المنزل مثلاً عمل افطار أو عشاء
أو تنظيف المنزل وبالمناسبة لاتستعيني بالشغالات أستعيني بالأولاد وهذا أصح شيء للتربية .. في النهاية حتلقيه أنشغل وأنتج وأبدع أهم حاجة تنمية الإبداع لدى الطفل والعقل لايبدع إلاّ بالممارسة العملية ..يعني ماتهرشوهم لما يجي يلمس حاجة عندكم وعايز يشوفها .. حتى بيخرب مامشكلة بس خلو قلبه يكون قوي ويشغل مخه لما يمسك الشيء .. وأفتحي لهم مواضيع يبحثوا عنها في الإنترنت حتشغلهم وتنمي عندهم المعرفة وكيفية الحصول على المعلومة .
والله الموفق ..
أخيكم ود الفحل

لا اجد كلمات تفيك حقك اخونا الغالي ود الفحل ...
ونشكرك بكل ...كلمات الشكر ..وكتاباتك هذة نرجو ان يستفيد منها الكثيرين ...
وفعلا ان نشغل ابنائنا ...ذلك افيد لنا ولهم ....وذلك الحل ذكي ....

[الكردفاني]

مبروك يالبني موضوع أنموذج في تبادل الخبرات في تربية البنين البنات.
مع الود

[محمد عبيد ادريس]

لك الشكر دينمو المنتدي الغالية بت محجوب
الضرب مطلوب احياناً وفي سن معينة

والبقول غير كده واحد من اتنين اما كضاب او كضاب ....

مودتى ...

[أرض الخير]

مبروك يالبني موضوع أنموذج في تبادل الخبرات في تربية البنين البنات.
مع الود


تسلم اخونا الغالي الكردفاني ...ولك التحية والاحترام ...
طبعا انت مقبل على الحاجات دي ...تربية ومحنة وضرب وكلو كوكتيل
عشان تطلع ليك زول كويس لازم تجتمع فيك كل الصفات ...
مرورك يسعدني .............

[أرض الخير]

والبقول غير كده واحد من اتنين اما كضاب او كضاب ....

مودتى ...

مشكور يا محمد طبعا انت برضو خبرة ...ومطلوب منك مشاركة اكتر من كدة ;)
عشان تجيب لينا الخبر الدايرنه منك ....بالتفصيل ...اولادك بتشاكلوا زي اولادي
والا الكلام كيف ؟:confused:

[شهد الملائكة]

في عصرنا هذا ومع الجيل الناشئ ضرب العصا لن يجدي يا لبني

هنالك وسائل اكثر نفعاً من العصا التفاهم والنقاش معهم احسن الطرق واجدها

[ود الفحل]

الضرب مطلوب ابوعبد الحفيظ ولبنى عارفين ليه علشان أنتو بتفشو غلكم فيه ..لكن هو ليس أداة للتربية فإنت لمن تضرب أبنك بتكون متغاظ منه جداً فعلشان تفش غلكم تقوم تضربوه ..الضرب بيعود الطفل على حاجتين أولاً مابيعرف أن الموضوع غلط إلاّ لمن يدقه فوقه .. الثاني ..أنه بيعرف الحكاية ديتها دقة يقوم يعملها يبقى ضربك جه على فشوش هو عارف أن حيدقه بس برضه بيقوم يسويها ..
لذلك تغيير الطباع صعب لكن ممكن لكن تغيير الشيء الذي جبل عليه الإنسان صعب .
ثم أرجوكم لاتقولوا للطفل لاتفعل حيث أنه ينسى كلمة لا ودي حقيقة علمية ويتذكر كلمة افعل فتلاقى الطفل تقول ليهوا لاتجي جنب الناس الكبار تلقاه جه لأنه نسى الكلمة الأولى وهي الأساسية في الموضوع لا تفعل ..
فأحسن علشان تؤدب الطفل وتمنعه من سلوك سلبي أن تشرح له السلوك الإيجابي وتقول ليهوالأطفال ما بيجوا جنب الناس الكبار كده مثلاً أو إذا داير تلعب ألعب بره بالكورة لأنه الكورة هنا بتكثر الأشياء وبتزعج الناس .
وبهدوء شديد حيفهم وينفذ ..
لكن يغيظك وتقوم تدقه علشان تفش غيظك في الولد وتخدع نفسك وتقول أنا بربيه تبقى مع إحترامي الشديد بتكذب على نفسك ..
أخوكم ود الفحل

[أرض الخير]

في عصرنا هذا ومع الجيل الناشئ ضرب العصا لن يجدي يا لبني

هنالك وسائل اكثر نفعاً من العصا التفاهم والنقاش معهم احسن الطرق واجدها

الغالية شهودة ...تحية طيبة والله ياشهد انا يمكن الام المثالية في
النقاش واعطاء الفرصة لدرجة انه كل من يدخل بيتي يفتكرني انا الاخت الكبيرة :p;):D:o

لكن صدقيني في يوم من الايام حاتعرفي انه لازم الضرب احيانا ...والهرشة مفيدة ...
واعطاء الفرصة زيادة بيدي الواحد ...الحرية التي تجعله يتعب الوالد خصوصا في الرد والنقاش ...

[ود الفحل]

لبنى كله غلط خلو الأولاد يتكلموا يعبروا عن شعورهم وعن مابداخلهم بالعكس خليه يحكي ويتكلم ويتعلم الجراءة في الكلام لكن إذا قل أدبه يؤدب بطرق غير الضرب .
رسول الله صلى الله عليه وسلم أمر بالضرب على الصلاة التي هي عمادالدين في سن العاشرة وأظن مافي حاجه أهم من الصلاة ممكن تعاقب عليها الطفل .
لو كان الضرب يجدي ما كان قال صلى الله عليه وسلم أضربوهم لعشر .
ثم سيدنا على رضي الله عنه قال (لاعبه سبع وأدبه سبع وصاحبه سبع ثم أترك له الحبل على الغارب ) والتقسيم هذا معمول به في القانون الوضعي في محاسبة الفرد يقسم عمره بنفس التقسيم .
ولكم ودي
ود الفحل ..

[أرض الخير]

لك كل احترامي وتقديري اخونا الغالي ود الفحل ...
انت قايلني عروس ويادوب والدة:p;):D:o
انا مرة عجةز والولادي كبار والحمد لله ..وخلاص عدوا سن العشرة
بل وصلوا السابعة عشر بس الصغيرون واحد وهو اكتر واحد ان شاء الله
حايتعبني لانه بصراحة (متعب شديد )
وهم يادوب بقوا يتشاكلوا وبقيت اضربهم واهرشهم ...والله ياود الفحل كلامك زي الفل
وصحيح مية المية ..لكن قول لي ابوهم كلامه بس (دي اخر مرة ):eek:
ومابرضى يهرش بس بالهداية ..يعني نحن الاتنين نقعد نتفرج ...والا كيف ؟
بس كدي كلمني عديييييييييييل الحاجات القلتوها دي كلها انا عاملاها وبزيادة
لكن هزل مبالغ فيه ..والله العظيم البجي اهرشه يقول لي نكته ...:D

[ود الفحل]

لك كل احترامي وتقديري اخونا الغالي ود الفحل ...
انت قايلني عروس ويادوب والدة:p;):D:o
انا مرة عجوزة واولادي كبار والحمد لله ..وخلاص عدوا سن العشرة
بل وصلوا السابعة عشر بس الصغيرون واحد وهو اكتر واحد ان شاء الله
حايتعبني لانه بصراحة (متعب شديد )
وهم يادوب بقوا يتشاكلوا وبقيت اضربهم واهرشهم ...والله ياود الفحل كلامك زي الفل
وصحيح مية المية ..لكن قول لي ابوهم كلامه بس (دي اخر مرة ):eek:
ومابرضى يهرش بس بالهداية ..يعني نحن الاتنين نقعد نتفرج ...والا كيف ؟
بس كدي كلمني عديييييييييييل الحاجات القلتوها دي كلها انا عاملاها وبزيادة
لكن هزل مبالغ فيه ..والله العظيم البجي اهرشه يقول لي نكته ...:D
لك كل إحتراماتي وتقديري ..
ربنا يخليلك أولادك ويوفقكم في تربيتهم ..

[أرض الخير]

لك كل إحتراماتي وتقديري ..
ربنا يخليلك أولادك ويوفقكم في تربيتهم ..

والله ياود الفحل لك تقديري واحترامي ...لكن بس عايزاك تقتنع انه في السن دي لازم هرش
وخصوصا للبتشاكلوا مع بعض مع انني احترم رايك الجميل والصحيح ...
لكن بالجد تعبت من الجماعة ديل ربنا يحفظهم ويحفظكم يارب ....
طبعا فكرتك وطريقتك حقت المسابقة ويجوا راجعيينو هلكانين دي حلوة ومفيدة
لكن الا الاجازة لانه الايام دي مدارس ..وربنا يسهل ..
والله انا جادة ..ماتشوف ضحكي الفوق دة ....

[ود الفحل]

لبنى أولادك في السابعة عشر يعني أنتي قول تزجتي في عام 1990 مثلاً عمرك كان وقتها 12سنة يعني عمرك الآن 25سنة صح .. يعني ماعجوزة يالبنى ..

[الذوق الرفيع]

بسم الله والصلاة والسلام على نبينا محمد ومن والاه ..... وبعد

عليك الله دا ما تصرف حضاري وما منطقي اسلوبك دا ممكن يسبب ليهم عداوات خارجيه وقد تكون داخليه
وصدقوني حاجات خفيفه زي ديل نعملها مع اولادنا لكين تضهر نتايجها وخيمه على مدى الزمن
حاب اقول كلام كتيييييييير لكين اخواني سبقوني وقالو ما اود ان اقول

تقبلوا تحياتي
ومشاركتي

[أرض الخير]

بسم الله والصلاة والسلام على نبينا محمد ومن والاه ..... وبعد

عليك الله دا ما تصرف حضاري وما منطقي اسلوبك دا ممكن يسبب ليهم عداوات خارجيه وقد تكون داخليه
وصدقوني حاجات خفيفه زي ديل نعملها مع اولادنا لكين تضهر نتايجها وخيمه على مدى الزمن
حاب اقول كلام كتيييييييير لكين اخواني سبقوني وقالو ما اود ان اقول

تقبلوا تحياتي
ومشاركتي

عليك الله يالذوق الرفيع انت مادقوك .............:p

تعال قول كلامك كله ...وتشرفنا .....

[العربى]

الاخت لبنى المحجوب
سؤال لماذا نضربهم؟
اذن الغرض من المعاقبة التربية
ولكن ماهو العقاب المناسب لطفل عمره سنة وسنتين وثلاثة وحتى السابعة
التعامل مع الاطفال صعب وخطير
يجب ان نعاملهم بفهمهم وعلى حسب عقلانيتهم
العقاب لايكون بالضرب بالحرمان
كحرمانهم من متابعة برنامج على التلفزيون او الخروج الى الشارع
او اى ممارسة يحبونها.
وبالمقابل يجب تحفيزهم على النجاح وتقديم الهدايا لهم .

بعيدا بعيدا عن الضرب الذى لاياتى بالخير
التلعيم صعب والتربية اصعب

[أرض الخير]

لبنى أولادك في السابعة عشر يعني أنتي قول تزجتي في عام 1990 مثلاً عمرك كان وقتها 12سنة يعني عمرك الآن 25سنة صح .. يعني ماعجوزة يالبنى ..


لكن برضو عجوز ..صدقني يا اخوي ....عقبالك ........

[أرض الخير]

الاخت لبنى المحجوب
سؤال لماذا نضربهم؟
اذن الغرض من المعاقبة التربية
ولكن ماهو العقاب المناسب لطفل عمره سنة وسنتين وثلاثة وحتى السابعة
التعامل مع الاطفال صعب وخطير
يجب ان نعاملهم بفهمهم وعلى حسب عقلانيتهم
العقاب لايكون بالضرب بالحرمان
كحرمانهم من متابعة برنامج على التلفزيون او الخروج الى الشارع
او اى ممارسة يحبونها.
وبالمقابل يجب تحفيزهم على النجاح وتقديم الهدايا لهم .

بعيدا بعيدا عن الضرب الذى لاياتى بالخير
التلعيم صعب والتربية اصعب
تحية واحترام اخونا العربي ....
صدقني دة كله تمام وكل الكلام الانت قلته دة صحيح وانا الحمد لله في التربية
ربنا منورني خالص ...بس المشكلة انه الاولاد بقوا صعبين ...والاباء دائما عايزين بس
هم يشيلوا كل الحنان ويخلوا الشكل علينا نحن ...الحريم ..ودي مشكلة تانية ....
بس لم الاطفال يكونوا صغار عادي لكن بعد سن العاشرة ..يحتاجوا هرش ...صدقني ..

[ود الفحل]

تحية واحترام اخونا العربي ....
صدقني دة كله تمام وكل الكلام الانت قلته دة صحيح وانا الحمد لله في التربية
ربنا منورني خالص ...بس المشكلة انه الاولاد بقوا صعبين ...والاباء دائما عايزين بس
هم يشيلوا كل الحنان ويخلوا الشكل علينا نحن ...الحريم ..ودي مشكلة تانية ....
بس لم الاطفال يكونوا صغار عادي لكن بعد سن العاشرة ..يحتاجوا هرش ...صدقني ..
العزيزة لبنى كلامك ده صحيح لكن لماذا أحنا محملينكم الدكشمان وأحنان الحنان أحنا هنا في بلاد الغربة نعمل دواميين وأولادنا فاقدين وجودنا معاهم والحب والحنان هو أيضاً نوع من الغذاء الروحي المهم للطفل ومصدره الأم والأب ولازم الجرعة يأخذه الولد يومي وإلاّ سيكون عدواني وغير إجتماعي والبنت ستكون قاسية مع زوجها والمجتمع لذلك علينا جرعة مطلوبة يومياً والفرصة الوحيدة هي عندما نعود من العمل لكي نعطيها لهم فيكون هناك تضارب شديد بين معطي للحنان ومعاقب في توقيت واحد لذلك نؤثر إعطاء الحنان لأنه مهم ونخلي العقاب عليكم ..لأنه بعد كده الأم برضه منتظره جرعتها من الحب والعطف والحنان والكلمات المعسولة من الزوج والتي تأتيها كالبلسم تخفف عليها معاناة اليوم كله ..هذا هو دورنا ويجب أن نقوم به بالإضاف إلى التربية بالنصح والعقاب بالحرمان بقرار لارجعة فيه يعني مافي بلاي ستيشن مافي بلاي ستيشن مافي مرقة مافي مرقة .. يتبرمج الطفل على أنه أبوه لمايجي أمه حتشتكي ليهو والنتيجة حرمان من شيء علشان كده حيكون مؤدب ..
لكم ودي ..
وبعدين نقعد في سجادة الصلاة ندعوليكم .. ربنا يبارك في الأم ويحفظها ..

[محمد عبيد ادريس]

مشكور يا محمد طبعا انت برضو خبرة ...ومطلوب منك مشاركة اكتر من كدة ;)
عشان تجيب لينا الخبر الدايرنه منك ....بالتفصيل ...اولادك بتشاكلوا زي اولادي
والا الكلام كيف ؟:confused:

الاخت لبنى اسف للتاخير لكن والله برضو بسبب الاولاد .
التربيه المثاليه التى يتحدث عليها الاخوان هى الافضل ولكنها تكون دائما ضمن احلام المدينه الفاضله .
اهلنا قالوا الطفل شبعو وطبعو ونقوم بالمستحيل لفعل ذلك والشبع تغربنا من اجله اما الطبع فهذا بيت القصيد اذا رجعنا لموروثنا فى تربيه الاطفال التى من ضمنها تربيتنا نجد سياسة الضرب كانت الاساس وكان الوالد عندما ياتى المدرسه بيقول للمدرسين ليكم اللحم ولينا العضم كنايه على ان الجلد لا يضر اكثر من الكسر وكذلك يساعد على التربيه .
ونعلم ان له جوانب سالبه فى شخصية الطفل ولكن ان يكون باعتدال وفى الاخطاء الكبيره وعند الردع لفعل لا نريد ان يتكرر اما الضرب فى كل شئ فهذا يترك الاثر العدوانى للطفل .
كل ما يزيد الشئ عن حده ينقلب لضده الموازنه فى التربيه بالتقويم وبالثواب والعقاب هى الامثل ومن ضمن وسائل العقاب الضرب الغير مؤذى .
علاقه الطفل بامه دوما تكون الاقوى لوجوده معها اكثر فترات اليوم مما بصيب الام بالملل من تصرفات الطفل ومن المعلوم ان الطفل كثير الحركه لا يهداء ابدا وهو مستيغظ لذا تكون الام اكثر نرفزه عن الاب الذى يكون مع اطفاله فترات قصيره تجعله لا يحس بالخطأ كالام مما يجعل نسبة العقاب لديه اقل مما يثير حفيظه الام .
ولا تنسي الام لكل ذلك مما تكبدته من حمل وتربيه للاطفال بشرت بالجنه .

حفظكم الله لابنائكم وحفظهم لكم ..

مودتى ....

[أرض الخير]

العزيزة لبنى كلامك ده صحيح لكن لماذا أحنا محملينكم الدكشمان وأحنان الحنان أحنا هنا في بلاد الغربة نعمل دواميين وأولادنا فاقدين وجودنا معاهم والحب والحنان هو أيضاً نوع من الغذاء الروحي المهم للطفل ومصدره الأم والأب ولازم الجرعة يأخذه الولد يومي وإلاّ سيكون عدواني وغير إجتماعي والبنت ستكون قاسية مع زوجها والمجتمع لذلك علينا جرعة مطلوبة يومياً والفرصة الوحيدة هي عندما نعود من العمل لكي نعطيها لهم فيكون هناك تضارب شديد بين معطي للحنان ومعاقب في توقيت واحد لذلك نؤثر إعطاء الحنان لأنه مهم ونخلي العقاب عليكم ..لأنه بعد كده الأم برضه منتظره جرعتها من الحب والعطف والحنان والكلمات المعسولة من الزوج والتي تأتيها كالبلسم تخفف عليها معاناة اليوم كله ..هذا هو دورنا ويجب أن نقوم به بالإضاف إلى التربية بالنصح والعقاب بالحرمان بقرار لارجعة فيه يعني مافي بلاي ستيشن مافي بلاي ستيشن مافي مرقة مافي مرقة .. يتبرمج الطفل على أنه أبوه لمايجي أمه حتشتكي ليهو والنتيجة حرمان من شيء علشان كده حيكون مؤدب ..
لكم ودي ..
وبعدين نقعد في سجادة الصلاة ندعوليكم .. ربنا يبارك في الأم ويحفظها ..

تسلم اخوي الغالي ود الفحل ...لكل مالتشارك به من مفيد للجميع ولي.. ولكل اسرة ..
طبعا نحن دائما نحاول اننا نكون مثاليين ...ونكون في كل شئ تمام وارتباطنا بأبنائنا
يكون قوي واكيد اغلبية الاسر السودانية عندها المحنة والالفة وخصال ماموجودة في كثير من الاجناس نحمد ربنا عليها ..لكن مالاحظتة من خلال تجربتي واتأكدته منه تماما انه الاباء دائما بيرموا الحمول على الامهات ..
وكمان ..بكل صراحة الموضوع دة فيه( ظلم )للام ...
يعني الاباء مفروض يكون العقاب عليهم ...ومرات ابو اولادي بقول لاولاده ...
امكم بتجي تشاكلكم ماتعملوا كدة ...وهو خلاص مقطع المحنة ...سبحان الله ..
هسه خلاص انا بقيت كل مايتشاكلوا احول الموضوع لابوهم ...
عشان امشي في التجربة دي كويس ..لازم استمر واشوف النتيجة ...لحدي هسه النتيجة صفر ..لانه ابوهم رده امشوا خلاص دي اخر مرة ...
لكن بصراحة الواحد لم يكون في ارض الوطن بتكون التربية اهون ..لانه الكل بربي معاك ...الجد والحبوبة والخال والعم ..وحتى الجيران لو في الكورة او في الشارع بوجهوا اولاد بعض ..بس ربنا كريم ....

[أرض الخير]

الاخت لبنى اسف للتاخير لكن والله برضو بسبب الاولاد .
التربيه المثاليه التى يتحدث عليها الاخوان هى الافضل ولكنها تكون دائما ضمن احلام المدينه الفاضله .
اهلنا قالوا الطفل شبعو وطبعو ونقوم بالمستحيل لفعل ذلك والشبع تغربنا من اجله اما الطبع فهذا بيت القصيد اذا رجعنا لموروثنا فى تربيه الاطفال التى من ضمنها تربيتنا نجد سياسة الضرب كانت الاساس وكان الوالد عندما ياتى المدرسه بيقول للمدرسين ليكم اللحم ولينا العضم كنايه على ان الجلد لا يضر اكثر من الكسر وكذلك يساعد على التربيه .
ونعلم ان له جوانب سالبه فى شخصية الطفل ولكن ان يكون باعتدال وفى الاخطاء الكبيره وعند الردع لفعل لا نريد ان يتكرر اما الضرب فى كل شئ فهذا يترك الاثر العدوانى للطفل .
كل ما يزيد الشئ عن حده ينقلب لضده الموازنه فى التربيه بالتقويم وبالثواب والعقاب هى الامثل ومن ضمن وسائل العقاب الضرب الغير مؤذى .
علاقه الطفل بامه دوما تكون الاقوى لوجوده معها اكثر فترات اليوم مما بصيب الام بالملل من تصرفات الطفل ومن المعلوم ان الطفل كثير الحركه لا يهداء ابدا وهو مستيغظ لذا تكون الام اكثر نرفزه عن الاب الذى يكون مع اطفاله فترات قصيره تجعله لا يحس بالخطأ كالام مما يجعل نسبة العقاب لديه اقل مما يثير حفيظه الام .
ولا تنسي الام لكل ذلك مما تكبدته من حمل وتربيه للاطفال بشرت بالجنه .

حفظكم الله لابنائكم وحفظهم لكم ..

مودتى ....

تسلم اخوي محمد ...وربنا يحفظك لاولادك ..
وطبعا..دة الكلام الانا بقولوا لازم في وقت من الاوقات يحتاج الابناء الى ضرب
غير مؤذي ....بغرض الادب ...
وفي وقت الشكل الشديد ..و(الفورة)....ديك البتوصل الزول اخر مراحل الصبر ..
وطبعا الام معروفة بصبرها وقوة تحملها اللهم احفظ كل الام ...
وطبعا لانه الاب بكون دائما شغال ..ومرهق ولانه لازم يواصل مسيرة العمل والتربية ومصاريف الاسرة الطائلة .يجب علينا ان نكون اكثر صبرا على اولادنا ..
ولكن اصدقك القول اخي انني كنت اتحمل كل شئ التربية والخدمة في المنزل ..والمذاكرة ...
ولا اوصل الا القليل للاب ..ولكن خلاص مليت وزادت المشاكل وهموم التربية ...
لذلك قلت استفيد من جميع الخبرات ..واعرف ان كنت على صواب او انني على خطأ فأرجع عن خطئي...مع اقتناعي بأنه يحتاجون شوية شدة ...
ولك احترامي وتقديري ...

[كلمات]

الأخت لبنى لك التحيه وربنا يحفظ صغارك
أنا مع الضرب للتأديب والترهيب اذا لم تأتي الوسائل الأخرى بالنفع
حيث توجد نوعيه من الأطفال تفقدك السيطره على أعصابك
بسبب سلوكهم وتصرفاتهم المثيره للغضب ...
فادخال وسيلة الضرب في التربيه بالحد المعقول وللغرض الرئيسى
التأديب لا مشكله فيه ولكن استعمال تلك الوسيله بافراط اعتبرها من القسوه
فالأطفال أحباب الله والتربيه ليست بالأمر الهين لكن لانجعل اعتمادنا الكبير
على العصى ونجعل شعارنا ( العصا لمن عصى )

نستعملها ولكن بالحد المعقول وبالطريقه السليمه ولانجعلها اليوم معنا
لتصبح غدا علينا بالتأثير سلبا على نفسية اطفالنا..


ولك التحيه من جديد

[أرض الخير]

الأخت لبنى لك التحيه وربنا يحفظ صغارك
أنا مع الضرب للتأديب والترهيب اذا لم تأتي الوسائل الأخرى بالنفع
حيث توجد نوعيه من الأطفال تفقدك السيطره على أعصابك
بسبب سلوكهم وتصرفاتهم المثيره للغضب ...
فادخال وسيلة الضرب في التربيه بالحد المعقول وللغرض الرئيسى
التأديب لا مشكله فيه ولكن استعمال تلك الوسيله بافراط اعتبرها من القسوه
فالأطفال أحباب الله والتربيه ليست بالأمر الهين لكن لانجعل اعتمادنا الكبير
على العصى ونجعل شعارنا ( العصا لمن عصى )

نستعملها ولكن بالحد المعقول وبالطريقه السليمه ولانجعلها اليوم معنا
لتصبح غدا علينا بالتأثير سلبا على نفسية اطفالنا..


ولك التحيه من جديد



الغالية كلمات ..اولا اشكرك لمشاركتك الثرة ...واحييك على الكلام الجميل والمفيد
وطبعا انت لخصتي الكثير في كلماتك الممتازة ...وهي انك توصلتي الى ماتوصلت اليه
من خلال تجربتي ....لك التحية والاحترام والتقدير ...فلا تحرمينا من مشاركاتك ورايك يهمنا .....

[ارقينكو]

الاخت لبني
بارك الله لك في ذريتك وجعل لك منهم قرة أعين
اياك ثم اياك والضرب
لان الضرب سلاح ذو حدين ويضر اكثر مما ينفع
اتبع اسلوبا مع ابنائى وقد استشفيته من طريقة تعامل المعلمين معهم في المدرسة
1- التنبيه اولا لتصرفه السئ
2- التحذير اذا كرر نفس الخطأ
3- عليه الجلوس في (كرسي التفكير ) عندما تتجاوز اخطاؤه الثلاث مرات
ماهو كرسي التفكير؟؟
كرسي التفكير هو كرسي موضوع في مكان هادئ وبعيد من الاماكن المفضلة لطفلك مثلا في ممر او في المطبخ او في غرفة مغلقة
عليك ان تفهميه بان هذا الكرسي للتفكير فيما قام به . هل هو صحيح ام خطأ ولماذا قمت به وهل تقبل اذا قام به غيرك في حقك
اخيرا عليك بالاعتذار فورا وبتصحيح ما فعلته
او العقاب ان تحرميه من نزهة نهاية الاسبوع او من هديه يحبها
والعكس صحيح اذا كان ايجابيا في التعامل عليك بتحفيزه ولكن ليس ماديا بل معنويا بمدحه او ماتريه قريبا الي قلبه.
وعليك دائما ان تذكرية بان طاعة الله عز وجل في طاعة الوالدين وصدقيني ستندهشين لردة فعله
ودعواتي لك بالتوفيق.(هذه المدرسة اجنبية في كل شئ فيها ولكن اسلوب التأديب عجبني واضفت له الطابع الاسلامي ليتوافق مع ابنائي)

[غسان دفع الله]

الضرب ينفعهم * و العلم يرفعهم
هذا كان شعار المدرسة التي كنت ادرس بها و في الحقيقة كان فعلاً مفيد للطلاب ( الاولاد فقط ) لكن مع مراعاة الظروف المحيطه و عامل السن

[ود الفحل]

الاخت لبني
بارك الله لك في ذريتك وجعل لك منهم قرة أعين
اياك ثم اياك والضرب
لان الضرب سلاح ذو حدين ويضر اكثر مما ينفع
اتبع اسلوبا مع ابنائى وقد استشفيته من طريقة تعامل المعلمين معهم في المدرسة
1- التنبيه اولا لتصرفه السئ
2- التحذير اذا كرر نفس الخطأ
3- عليه الجلوس في (كرسي التفكير ) عندما تتجاوز اخطاؤه الثلاث مرات
ماهو كرسي التفكير؟؟
كرسي التفكير هو كرسي موضوع في مكان هادئ وبعيد من الاماكن المفضلة لطفلك مثلا في ممر او في المطبخ او في غرفة مغلقة
عليك ان تفهميه بان هذا الكرسي للتفكير فيما قام به . هل هو صحيح ام خطأ ولماذا قمت به وهل تقبل اذا قام به غيرك في حقك
اخيرا عليك بالاعتذار فورا وبتصحيح ما فعلته
او العقاب ان تحرميه من نزهة نهاية الاسبوع او من هديه يحبها
والعكس صحيح اذا كان ايجابيا في التعامل عليك بتحفيزه ولكن ليس ماديا بل معنويا بمدحه او ماتريه قريبا الي قلبه.
وعليك دائما ان تذكرية بان طاعة الله عز وجل في طاعة الوالدين وصدقيني ستندهشين لردة فعله
ودعواتي لك بالتوفيق.(هذه المدرسة اجنبية في كل شئ فيها ولكن اسلوب التأديب عجبني واضفت له الطابع الاسلامي ليتوافق مع ابنائي)
أرقنكو _ أسمك صعب شويه ياترى رطانه ..
كلامك صحيح لأنه فعلاً أخر حاجة قرأتها هي طريقة شبيهة لطريقتك وجربتها ونجحت وهي أن تأخذ الطفل في مكان هادئ بمفرده وتشرح له خطأه الذي فعله ثم تشرح له الصواب والله جرتها مع كل أبنائي وبناتي في مختلف الأعمار وكانت النتيجة إيجابية ..
شديد .. وتخلق لديهم التفكير العقلاني ..
لكم تحياتي ,,,
الضرب يجعل الطفل كما قلت سابقاً أنه لن يعرف أن هذه خطأ إلا عندما يضرب .
ثم ممكن يفعل الخطأ وهو يعلم أن الموضوع ديته علقه حايخذها حايخذها في أطفال مابيهمهم الضرب يعمل الغلطة ودكه وبتعدي ..
ومرات الوالدين مابضربوا الولد للتربية ولكن فش غيظ كما قلت سابقاً ..
لكم ودي

[ارقينكو]

اخي ود الفحل
لك التحية
هذه الطريقة يتبعها معلمون في مدرسه تعتبر من احسن المدارس في الدول العربية ولكنها مدرسة اجنبيه المعلمين فيها مؤهلين تربويا وعلميا ونفسيا حيث ان المعلم يفهم الطالب بمجرد النظر اليه ويعامل كل طالب علي حده. فهي حقا طريقة مدروسه من اهل التخصص وفعلا يجعل الطفل اكثر تهذيبا وعقلانية ودائما يكون علي استعداد لكي يكون الافضل ويحرص علي ان لا يجلس علي هذا الكرسي كثيرا
جعل الله لنا من ذرياتنا قرة اعين وجعلهم رفعة للامة الاسلامية
ملحوظة:-
ارقين من اجمل المناطق النوبية ولك ان تسال عنها مرجعنا النوبي الاصيل ود الولياب فستجد عنده ما يفيد حفظه الله

[أرض الخير]

مشكور اخونا ارقينو للمشاركة الجميلة ...
طبعا الطرق دي احسن بس عايزة طولة بال ..ربنا يطول بالنا لاحبابنا ....
غلبة شديدة بس ربنا يعينا جميعا والله كثيرا بفكر في انه اهلنا كيف اتحملونا وكل واحد له مزاج لوحدة واكل لوحدة وكل شئ فيه نقاش ....
سبحان الله ....

[ود الفحل]

لبنى ربنا يعين كل أسرة على تربية أبنائها لأنها مسئولية ماهي بسيط في ظل المتغيرات الحديثة ..
لكي خالص ودي
ود الفحل

[أرض الخير]

لبنى ربنا يعين كل أسرة على تربية أبنائها لأنها مسئولية ماهي بسيط في ظل المتغيرات الحديثة ..
لكي خالص ودي
ود الفحل

الله يحفظك ويحفظنا اخي ود الفحل وننتظر منك المزيد والمفيد اخي
وربنا يعين الجميع واتمنى من الله ان لاينسانا ولاينساكم من رحمته يارب ..........