الحبشة .... الخضرة والجمال

[عماد ساتي]

الأخوة الأعزاء

هذه البوست عن الحبشه ارجو ان يساهم فيه الجميع.


اكيد اى سوداني قابلته امهاروية فى مسيرة حياته واثارت انتباهه بجمالها الآخاذ وكسرت فيه ضلعة يتخيل لى ان الأمهرا ما فيهم شين كونرى (شينين) بلغة الديامة.
طبعا الأمهرا قبيلة من قبائل اثيوبيا الكثيرة واشهرها ويتميزون بالجمال واللون الكاكاوي (حلوه الكاكاو دى) ومنهم الأمبراطور الراحل الراستا هيلاسلاسي ويقال انهم من نسل الملك داؤود وكان يفتخر هيلاسلاسي بذلك.
لذلك تجرى الموسيقى فى عروقهم ويتميزون الأصوات الجميله اذا زرت اثيوبيا ستجد حتى الشحادين صوتهم جميل جدا وهناك طرفة باننى فى زيارة لأثيوبيا وكان معى صديق هولندي الجنسية اسمه ايفو دى جونج وكنا ماشين كدراوية فى وسط البلد (بياسا) تحت المطر والموسيقى تصدح والجو جو ...... وفى الطريق كانت تجلس شحاده وتغنى بصوت كصوت استير واجمل ولم نتمالك انفسنا الا ووجدنا انفسنا نجلس فى الأرض بجانبها ونحن فى غاية الطرب طبعا بعد ما اديناها شوية (زرزر) فكة (عملة اثيوبيا المعدنية).

تحياتي

[فقط الأعضاء المسجلين والمفعلين يمكنهم رؤية الروابط]

[ود ابجديد]

بوست جميل يا عمدة
لكن عندنا في السودان اكتر منطقة مشهورة بوجود الحبش فيها الديم (صاح)

[Raw3a]

يا عماااااااااااااااد


(دنانش)


بي لغة الحبش ازيك


اشكرك جدا على معلومات الرائعة



[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[عماد ساتي]

يا عماااااااااااااااد


(دنانش)


بي لغة الحبش ازيك


اشكرك جدا على معلومات الرائعة



[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


العزيزة روعـــه

دنانيش وعندى معلومات كثيرة ساكتبها فى هذا البوست

امسغنالو ( شكراً بالأمهرى)

تحياتي

[Raw3a]

العفو ياخي

و في انتظارك يا مبدع



[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])

[فنطوط]

سؤال برئ
انته الوداك هناك شنو يا عمده

[عماد ساتي]

سؤال برئ
انته الوداك هناك شنو يا عمده

العزيز فنطوط

مرحب بيك والله مشيت سياحة 5 مرات بس :D

[فنطوط]

ومشيت الديم كم مره

[عماد ساتي]

ومشيت الديم كم مره


انا من مواليد الديم ومزروع فى الديم :D

[فنطوط]

طيب ما طلعنا جيران يا ودكومي

[عماد ساتي]

طيب ما طلعنا جيران يا ودكومي

جارى فنطوط

مرحب بيك.... شفت دى احدى ميزات النت.

تحياتي

[فنطوط]

تسلم لي يا ود حلتي يا ود قلبا

[فنطوط]

والما عاشر الديامه عيشتو كلها ندامه وسمعني سلام كان تعبته برقد انوم وكان زهجته بمرق احوم في شوارع الخرطوم

[عماد ساتي]

جارى فنطوط

تسلم يا أصلى

تحياتي

[عماد ساتي]

عندما تطأ اقدامك مطار اديس ابابا الأنيق النظيف .... ينقص عمرك (7) سنوات هكذا .. وبدون مقدمات لان التاريخ الميلادى الأثيوبي ينقص بـ (7) سنوات عن التاريخ الميلادى المعتاد.

وقبل ايام احتفل الأثيوبيون بعام 2000 وكانت احتفالات شارك فيها مجموعة من قادة الدول الأفريقية والفنانين الأثيوبين المهاجرين من امريكا والدول العربية.

[فقط الأعضاء المسجلين والمفعلين يمكنهم رؤية الروابط]

تحياتي

[عماد ساتي]

[فقط الأعضاء المسجلين والمفعلين يمكنهم رؤية الروابط]


[فقط الأعضاء المسجلين والمفعلين يمكنهم رؤية الروابط]

شطة الزقنى دى يا ريس كانت عايزة تـــــــــــــركين ... :D


لقد تزاوجت الموسيقى الأثيوبية والسودانية وانتجت شىء جميل جدا وحتى فى الزواج من الأثيوبيات يكونوا العيال حلوين شفته الحته دى كيف.

لقد استمتعنا كثيرا فى الديوم الشرقية فى بداية الثمانينات بالفنان الأثيوبي برخت وايضاً الفنان جلاجو اباي مع فرقة كمال كيله وكان كثير من العازفين اثيوبيين.

لقد رايت الفنانين الأثيوبيين فى اديس ابابا وهم يرددون كثيرا من الأغاني السودانية لاتجد ديسكو باثيوبيا يخلو منها وبطريقة محببه ولذيذه مثال بعيونك تقول لى تعال وتعال.

لى عودة والموضوع يثير الشجون.

مع تحياتي

[abu hussam]

العزيز العمدة


واذا عاوز مساعدة في المعلومات عن الحبشة فهي عندي
والماعارف ماعارف والعارف ياكلو نارو
ويكفي للعارف يبتسم وبس واقول وبس ماقلنا بس

[عماد ساتي]

العزيز ابو حسام ...كيفك ... الف مليون مرحب بانضمامك للمنتدى ودا مكسب كبير .. واصل فى البوست دا وانا معاك.

تحياتي

[ابو عبد الحفيظ]

[فقط الأعضاء المسجلين والمفعلين يمكنهم رؤية الروابط]


[فقط الأعضاء المسجلين والمفعلين يمكنهم رؤية الروابط]

شطة الزقنى دى يا ريس كانت عايزة تـــــــــــــركين ... :D


لقد تزاوجت الموسيقى الأثيوبية والسودانية وانتجت شىء جميل جدا وحتى فى الزواج من الأثيوبيات يكونوا العيال حلوين شفته الحته دى كيف.



اخي عماد ساتي كما انت نحن من المحبين للشعب الاثيوبي فهم شعب طيب ورقيق جداً واكثر مايعجبني فيهم موسيقاهم الرائعة وهم شعب مسالم جداً
ويكفي وصية الرسول صلي الله عليه وسلم لنا نحن المسلمين ( اتركوا الاحباش ماتركوكم )

[عماد ساتي]

اخي عماد ساتي كما انت نحن من المحبين للشعب الاثيوبي فهم شعب طيب ورقيق جداً واكثر مايعجبني فيهم موسيقاهم الرائعة وهم شعب مسالم جداً
ويكفي وصية الرسول صلي الله عليه وسلم لنا نحن المسلمين ( اتركوا الاحباش ماتركوكم )

العزيز ابوعبدالحفيظ ... فعلا صدق رسول الله (ص) ... الشعب الأثيوبي شعب طيب جداً ولا يحب المشاكل ووديع وجميل يعنى الشاسيه بتاعهم متعوب عليه :D:D وتصدق انه فى اديس ابابا لا ترى وجوداً للشرطة يعنى قصة دوريات وكده ما شفته ... معظم الشرطة سرية ولا تجد مشاكل فى الشوارع يعنى مضارية وشغلات زى دى مافى ... زرت اديس عدة مرات ولم اشاهد شكلة وحجازين ... شعب مبتسم طبيعى تعاين ما تشوف الا الإبتسامة مرسومة بمقدار على شفاه (.......) .

ونواصل

تحياتي

[عماد ساتي]

من القصص المؤثرة جداً وتدل على محبةالشعب الأثيوبي للشعب السوداني ... كنت فى احدى الزيارات لأديس ابابا وكنا نسهر فى ديسكو مع بعض الأصدقاء عندما صاح فجأة احد الأخوة الأثيوبين وبصوت عالى جداً غطى على صوت موسيقى الديسكوالصاخبة واثار انتباه الجميع (ديم .... ديم) واندفع نحوى معانقاً وباكياً اى والله باكياً ... وقفت مذهولا وانذهل اصدقائه واصدقائي.

بعد ان هدأ سألنى مش انت ساكن الديم ... اجبت بنعم فقال بانه كان يسكن فى حلتنافى الديم قبل عشرين عاماً وهاجر من السودان الى المانيا وهو يقيم الآن بالمانيا وجاء فى زيارة لموطنه ويتذكر كل اولاد حلتنا ويسأل عنهم بشغف.

قال انه زار فى خلال عشرين عاماً جميع الدول الأوروبية ولم يجد مثل السودان ولديه الرغبة فى العودة والإستقرار فى السودان وبالتحديد فى الديم.

تحياتي

[ود القبايل]

يعنى ياعمده ما كفوك حبش الديم ورحت وراها في بلدهم ...
اكيد الموضوع فيهو كجور ... اوع يكون شربوك حاجة كده ولا كده ..ههههه
ودام الود

ودالقبائل ... سعدت جداً بمرورك ... تكون قهوتهم العجيبه ديك قامت بى:D

تحياتي

[عماد ساتي]

فى اثيوبيا المساواة بين الرجل والمرأة مثال تشاهده فى الشارع كالغربيين تماماً ... شاهدت إمرأة تقود بص المواصلات واغلب المحلات التجارية تمتلكها ستات وحتى شفت سيدات يقمن باعمال البناء الشاقه.

راجع

تحياتي

[هند عثمان]

من القصص المؤثرة جداً وتدل على محبةالشعب الأثيوبي للشعب السوداني ... كنت فى احدى الزيارات لأديس ابابا وكنا نسهر فى ديسكو مع بعض الأصدقاء عندما صاح فجأة احد الأخوة الأثيوبين وبصوت عالى جداً غطى على صوت موسيقى الديسكوالصاخبة واثار انتباه الجميع (ديم .... ديم) واندفع نحوى معانقاً وباكياً اى والله باكياً ... وقفت مذهولا وانذهل اصدقائه واصدقائي.

بعد ان هدأ سألنى مش انت ساكن الديم ... اجبت بنعم فقال بانه كان يسكن فى حلتنافى الديم قبل عشرين عاماً وهاجر من السودان الى المانيا وهو يقيم الآن بالمانيا وجاء فى زيارة لموطنه ويتذكر كل اولاد حلتنا ويسأل عنهم بشغف.

قال انه زار فى خلال عشرين عاماً جميع الدول الأوروبية ولم يجد مثل السودان ولديه الرغبة فى العودة والإستقرار فى السودان وبالتحديد فى الديم.

تحياتي


أخي عماد موقف لم استغربه عن الحبش
الحبش حنينون جداً و عندما يرون السودان في ثوب بساطته تأثرهم هذه الطيبة
رأيت حبهم في السودان يتجلي و اني لأكاد أقول انهم
يحبون السودان بقدر الحب الذي نكنه له
لي أهل من الحبش و لكني لم أرهم يوماً حتي ( والدة ابي التي هي حبشية كما ذكرت )
و لكن شاءت لي الظروف أن جماعات غفيرة من الحبش في المهجر
ما وجدت احداً منهم مكث في السودان يوماً ولم يكن لها من العشق شيء
اعرف إمرأة حبشية كانت جارتنا قبل عدة اعوام و هي في الستين من عمرها
سكنت في السودان قرابة السبعة سنوات كفترة لجوء سياسي عرفت فيها اهله و تقاليده
و هذه المرأة اجدها ليومنا هذا تشاهد فضائيتنا السودانية و نحن الذين هجرناها .. و تقول ( تذكرني بأياام بلدي السودان حلييل السودان و حليل ناسها )
يطربون كثيراً لوردي و حمد الريح و سيد خليفة لا يكاد يذكر اسمه
حتي تري الجميع يتأثر بذكر اسمه و أغانيه حتي في فضائيتهم
الشعب الأثيوبي فعلاً طيب و حبوب
تشكر اخي عماد علي البوست الرائع و الطرح الراقي ..
و شكر آخر علي رفعه حتي يتثني لنا أن نراه

تحيااتي ،،

هند

[خالد النو]

اقتباس:
المشاركة الأصلية كتبت بواسطة فنطوط [فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])
طيب ما طلعنا جيران يا ودكومي


تمام يا ديامة .... عارف يا عماد الزيارة رقم 6 لاثيوبييا ورينا نتلاقى هناك شكلككك دفنو صرتك هناك بتمشى طوالى كدة وعندك مارب أخرى!!!!