طريقة عمل الكشري

[الريم]

طريقة عمل الكشري..... --------------------------------------------------------------------------------

المقادير:
1- للصلصة

2 فص ثوم مفروم
2 ملعقة كبيرة زيت نباتي
2/1 1 كوب عصير طماطم طازج
4/1 ملعقة صغيرة شطة
1 ملعقة كبيرة خل
ملح وفلفل


2-للكشري:

2 كوب أرز مصري
1 كوب عدس بجبة (عدس بني)
4 كوب ماء
2/1 كيلو مكرونة صغيرة
ملح وفلفل
2 بصل متوسط الحجم مقطع شرائح
4 ملعقة كبيرة زيت نباتي
2/1 1 كوب صلصة طماطم للكشري


الطريقة:
1- للصلصة


- يُسخن الزيت على نار متوسطة ثم يضاف إليه الثوم ويقلَّب قليلاً لمدة دقيقتين.
- تُضاف صلصة الطماطم وتتبل بالملح والفلفل والشطة حتى تبدأ في الغليان ثم تخفض الحرارة إلى هادئة وتترك لمدة حوالي 10 دقائق.
- يُضاف الخل وتترك لمدة 5 دقائق أخرى ثم تحفظ الصلصة جانباً لتقدم مع الكشري.

عند استخدام صلصة سميكة إلى حد ما، يمكن إضافة الماء لتخفيفها مع مراعاة التقليب جيداً حتى تندمج وتذوب تماماً في الماء.


2- للكشري

- يُغسل العدس ويصفى ويحفظ جانباً.
- يُوضع الزيت على نار متوسطة ثم يوضع البصل ويقلب حتى يصبح لونه بني فاتح.
- يُرفع البصل من الزيت ويوضع فوق قطعة قماش لامتصاص أي زيت زائد.
- يوضع العدس في نفس الإناء ويقلَّب ويغطى بالماء ويتبل بالملح والفلفل، وتخفض درجة الحرارة ويترك لمدة 25 دقيقة إلى أن يبدأ في النضج.
- يُضاف الأرز المغسول ويقلَّب مع العدس ويتبل.
- يَترك على نار هادئة حتى ينضج تماماً مع إضافة ماء إذا تطلب الأمر.
- في نفس الأثناء تسلق المكرونة وتصفى وتترك جانباً.

عند التقديم يوضع الأرز والعدس ثم قليل من المكرونة ويزَّين بصلصة الطماطم والبصل المحمر، ويمكن تقديمه مع سلطة من الطماطم والحمص.
هناك طبق الجدرة والمدردرة اللذان يشبها الكشري إلا أن في حالة المدردرة يطحن العدس في الخلاط في الماء المسلوق به ويطهى فيه الأرز.

بالهنا و الشفا

تحياتى لكم

[أرض الخير]

مشكورة ياريم طبعا نحن بنحبه وهو طعمة جميل ...............كتر خيرك ....

[الريم]

بارك الله فيك وحفظك الغالية لبني وبالهناء والصحة شكرا لك علي المرور جزيتي خيرا

[ود الفحل]

على فكرة ريم أنا أموت في الكشري واللي بيعمل الكشري بالطريقة الجيدة ..يابخته اللي حياكل من أيديكي الكشري .. أيوه كده غيروا موضوع التركين بحاجة ثانية ناس برضه بتحبها .. المرة الجاية عايزين الحلى ياريم ..يالله ورينا شطارتك في المطبخ في الحلويات كمان .. صنف حلى على ذوقك الرفيع ..
ودمتي لنا أخت كريمة ..
ود الفحل

[مستر قوقل]

اللــــــــــــــه هنيئــــا لآكــلــــه

[ياباني]

شوكران...انا حاودي الطريقه دي للوليه وكدي نشوف اجادتها في التطبيق.

[الريم]

على فكرة ريم أنا أموت في الكشري واللي بيعمل الكشري بالطريقة الجيدة ..يابخته اللي حياكل من أيديكي الكشري .. أيوه كده غيروا موضوع التركين بحاجة ثانية ناس برضه بتحبها .. المرة الجاية عايزين الحلى ياريم ..يالله ورينا شطارتك في المطبخ في الحلويات كمان .. صنف حلى على ذوقك الرفيع ..
ودمتي لنا أخت كريمة ..
ود الفحل
يااااليت ياودالفحل كنت قريب هنا في ابوظبي الاكل يوم اطبخ ليك كشرى واخبي ليك تحته صحن تركين وان شاء الله نكتب ليك عن الحلويات ولايهمك اختك طباخه ماهرة وبحب جدا شغل المطبخ وقلنا نفلح في شئ واحد في الدنيا دي دعواتك لي واشكرك اشكرك علي تشجيعك الدائم لي

[الريم]

اللــــــــــــــه هنيئــــا لآكــلــــه

بالهناء والصحه والعافيه شكرا لمرورك وان شاء الله لما اطبخ برسل ليك صحن منه

[الريم]

شوكران...انا حاودي الطريقه دي للوليه وكدي نشوف اجادتها في التطبيق.

عفوان لك الغالي وضروري الولية ست الكل الغالية بتعرف تطبخه وبالهناءوالصحه والعافية شكرا لمرورك الجميل بارك الله فيك

[الامـبراطورة]

ياجماعه ما تكبروا ليها راسا وصفة الكشري كمان شنو يعني خليها تدينا وصفة
ملاح روب بالعصيده من ابوظبي ههههههههههههههههههههههههه

شكرا على كل حال كشري لذيذ

[ابو عبد الحفيظ]

الريم تراكي ماعندك عوجة تب ، بس اجدعينا كده بصحن منو
لك الشكر علي الطبخة اقصد المشاركة
دمت بخير

[الريم]

ياجماعه ما تكبروا ليها راسا وصفة الكشري كمان شنو يعني خليها تدينا وصفة
ملاح روب بالعصيده من ابوظبي ههههههههههههههههههههههههه

شكرا على كل حال كشري لذيذ

هسي عليك الله شكرهم ده وجعك ليه اتحداك من الصباح بجي اصنقر ليك جنب باب المنتدى جيبي طبخك للكشرى اضوقه وملاح الروب بجيبه بس اصلا ما بقول ليك عملته امي عشان ما تشيلي حالي وتقولي ما بتعرفه مرورك جمييييل احبه لك الشكر الجزيل ودمتي غاليتي الحبيبة

[الامـبراطورة]

هسي عليك الله شكرهم ده وجعك ليه اتحداك من الصباح بجي اصنقر ليك جنب باب المنتدى جيبي طبخك للكشرى اضوقه وملاح الروب بجيبه بس اصلا ما بقول ليك عملته امي عشان ما تشيلي حالي وتقولي ما بتعرفه مرورك جمييييل احبه لك الشكر الجزيل ودمتي غاليتي الحبيبة

لا والله ما بوجعني لكن برضوا ملاح الروب بالعصيدة كده اجدعيها لينا بس بدون مساعدة من امك : علشان نتأكد انك سودانية وبتعرفي اكلات بلدك .
لان اكل بلدنا مافي زيو في الدنيا كلها . لا الكشري بهمنا ولا المقلوبة بتهمنا .
البهمنا اكل بلدنا وطريقة عملوا . و90% من ناس المنتدى ديل شباب عزابة عاوزين ليهم اكله سودانية اصيلة وسريعة التحضير .

[الريم]

الريم تراكي ماعندك عوجة تب ، بس اجدعينا كده بصحن منو
لك الشكر علي الطبخة اقصد المشاركة
دمت بخير
هلا وغلا بس قرب تعال وتشوف صحون مش صحن وانا عندي كم خال حبيب:D:cool:مرورك جميييل زاد من حلاوة الطبخة شكرا لك وشكرا بارك الله فيك

[الريم]

لا والله ما بوجعني لكن برضوا ملاح الروب بالعصيدة كده اجدعيها لينا بس بدون مساعدة من امك : علشان نتأكد انك سودانية وبتعرفي اكلات بلدك .
لان اكل بلدنا مافي زيو في الدنيا كلها . لا الكشري بهمنا ولا المقلوبة بتهمنا .
البهمنا اكل بلدنا وطريقة عملوا . و90% من ناس المنتدى ديل شباب عزابة عاوزين ليهم اكله سودانية اصيلة وسريعة التحضير .

جيبي اضانك جاي ماحديسمعنا نحن تربية الخليج في المدارس يعلمونا الاكلات الخليجية والهندية وحتى زميلاتنا ما بنلاقي عندهم غير الاكلات دى لذلك تعودنا عليها والاكلات السودانيه جمييييله بس بنعتمد علي الكبار يعملوها وان شاء الله اجيب وصفات سودانية حتي انا نفسي استفيد منها جزيت خيرا الامبراطورة الحبيبة

[مستر قوقل]

ياامبراطوره يااختي انا غايتو بتاع كول سااااااكت وكشريكم ده بعمل لي ارتكريا عشان آكل معاكم جهزو مضاضات هايستمين وكرتزون

[الريم]

ياامبراطوره يااختي انا غايتو بتاع كول سااااااكت وكشريكم ده بعمل لي ارتكريا عشان آكل معاكم جهزو مضاضات هايستمين وكرتزون

ماتغيظنا بي كولك ده والله شهيتني اضوقه شديييييييد وبتشوف عينك كان في الاجازة ما جيناكم ان شاء الله بس جهزو لينا

[الكردفاني]

الله عليك ياالريم تسلم أياديك، الظاهر عليك ست بيت من الطراز الفريد.
مودتي

‏ ‏

[الريم]

الله عليك ياالريم تسلم أياديك، الظاهر عليك ست بيت من الطراز الفريد.
مودتي

‏ ‏

احم احم ست بيت وبس اعجبك لكن احيانا الملح براااهو يتزحلق من يدى ويملا حلة الطبخ ومرات الزيت يتساخف وينقلب مني في الطوة وفي النهاية تطلع الطبخه حلوة وياكلوها شكرا لك وشكرا مرورك يسعدني كثيرا

[مستر قوقل]

مافي زيادة ياريم

[الكردفاني]

أهم شئ الملح مايكون زايد ياالريم أختي، حاولي تخلي بالك وتركزي تمام.
تحياتي

[الحضري]

الريم كشريك ده اخطر من كشري البشوات , بس ما تنسينا بي طبق من الاطباق الطائره ,,
من مريدي الطريــ ,, عفوا الكشري

[الزمخشري]

وينك إنتي يا الريم كشري مطلوب خضورك فورا في هذه المساحة.