المساعد الشخصي الرقمي

مشاهدة النسخة كاملة : تلفزيون السودان .. تلفزيون السجم والرماد !

أساسي
15-Feb-2008, 03:04 PM
الأعلام المرئي في كل الدنيا بينقل رساله ويقدم خدمه للمواطن جوه او بره البلد
وللمتابع في كل مكان بيعكس ليهو الحاجات السمحه في البلد

بنعرف احداث العالم علي مدار الـ 24 ساعه من وين ؟؟ الجزيره والعربيه ..
عرفنا كيف انو دبي دي مدينه سياحيه ؟؟ من تلفزيون الامارات وقناة دبي ..
عرفنا كيف انو مصر عندها دراما قويه ؟؟ من المسلسلات المصريه وقنواته ..
عرفنا كيفن انو (الجكس) سمح في لبنان ؟ من ناس الــ lbc !

ده كلو خليكم منو ..
امريكا دي عرفنا قوتها وسلاحه وتكنلوجيته المتطوره من وين !!!


طيب ...

فضائيتنا او تلفزيونا ده نقل لينا شنو عن السودان ؟؟؟
او ورا الناس البره دي السودان فيهو شنو ؟


ومع تلفزيونا مش حتقدر (تبربش) عينيك !!


وبجي ؛؛
الريم
15-Feb-2008, 04:55 PM
حرام عليك يااساسي تتهم تلفزيونا بالطريقة الجارحة دي يااخي تلفزيونا قدم الكتير الكتيروعلي سبيل المثال لاالحصر قدم الاطفال المصابين بسؤ التغذية والذباب يدور حول وجوههم يفتش مكان عشان يطرد اخوانه السبقوه في وش الطفل ويقعد بدله وجاب صور الناس الماشين والقاعدين والطايرين كلهم سود مافي ابدا سوداني ابيض ولااسمر نسبه للاضاءة السجمانه الغيرت خلقة ربنا الفينا دي لدرجة زميلاتي هنا في الامارات دائما بسالوني ليش انت ما بتشبهي السودانيين طبعا لاني ما سوداء وبهش الذباب من وشي وكمان برضو تلفزيونا ما قصر كل الصور والمناظر من بيوتنا يظهر بيوت الطين والرواكيب والاماكن المبهدله وكاننا اتولدنا نحن والضب في جحر واحد والكتير الكتير الكتير من وجع القلب وتجي في النهاية تقول تلفزيون السجم والرماد لالاكلامك ده كبير لازم تراجع نفسك فتك بي عافيه وكان دايرني ارجع هسى بجيك
أساسي
15-Feb-2008, 05:07 PM
حرام عليك يااساسي تتهم تلفزيونا بالطريقة الجارحة دي يااخي تلفزيونا قدم الكتير الكتيروعلي سبيل المثال لاالحصر قدم الاطفال المصابين بسؤ التغذية والذباب يدور حول وجوههم يفتش مكان عشان يطرد اخوانه السبقوه في وش الطفل ويقعد بدله وجاب صور الناس الماشين والقاعدين والطايرين كلهم سود مافي ابدا سوداني ابيض ولااسمر نسبه للاضاءة السجمانه الغيرت خلقة ربنا الفينا دي لدرجة زميلاتي هنا في الامارات دائما بسالوني ليش انت ما بتشبهي السودانيين طبعا لاني ما سوداء وبهش الذباب من وشي وكمان برضو تلفزيونا ما قصر كل الصور والمناظر من بيوتنا يظهر بيوت الطين والرواكيب والاماكن المبهدله وكاننا اتولدنا نحن والضب في جحر واحد والكتير الكتير الكتير من وجع القلب وتجي في النهاية تقول تلفزيون السجم والرماد لالاكلامك ده كبير لازم تراجع نفسك فتك بي عافيه وكان دايرني ارجع هسى بجيك


ههههههه
الريم الجميله .. شكيتك علي الله .. ما خليتي لي شئ اقولو
اوعك تاني تجي بي جاي !
بسحروك ..
بس انا جاي تاني ..
الريم
15-Feb-2008, 05:28 PM
ههههههه
الريم الجميله .. شكيتك علي الله .. ما خليتي لي شئ اقولو
اوعك تاني تجي بي جاي !
بسحروك ..
بس انا جاي تاني ..

قسم تجي الا اسكك تفتح لينا مواضيع توجع القلب وعايز تزوق مني تلقاها عند القافل وراك والزمن طويل وارح ارجع كان ما جيتك تشوف عينك
النور معنى النور
15-Feb-2008, 08:34 PM
مرحب اساسى ووالله نشيلك فى عينينا
لكن الكلام دة زمان ولا هسة ؟؟

حرام عليكم ... كل عضو يجى جديد يقشر بمعاداة التلفزيون ...
يعنى كدة طوالى العربية تقوم بنمرة اربعة ؟؟؟؟؟؟؟

الطريف انو لما نخش مع عضوجديد فى حوار( حوار معلومات اوحوار راى او حوار شخصية ) وخلاص نقرب نقنعو بحاجة , فجاة يظهر عضو جديد ما بتفاهم سالى سيفو يمين شمال ...وما نعرف نبدا معاهو من وين ..

هسة اساسى دة حيرنى عديل ...

وبعد دة قال بجى ....
مالو ما جا ؟؟؟
أساسي
15-Feb-2008, 08:53 PM
مرحب اساسى ووالله نشيلك فى عينينا
لكن الكلام دة زمان ولا هسة ؟؟

حرام عليكم ... كل عضو يجى جديد يقشر بمعاداة التلفزيون ...
يعنى كدة طوالى العربية تقوم بنمرة اربعة ؟؟؟؟؟؟؟

الطريف انو لما نخش مع عضوجديد فى حوار( حوار معلومات اوحوار راى او حوار شخصية ) وخلاص نقرب نقنعو بحاجة , فجاة يظهر عضو جديد ما بتفاهم سالى سيفو يمين شمال ...وما نعرف نبدا معاهو من وين ..

هسة اساسى دة حيرنى عديل ...

وبعد دة قال بجى ....
مالو ما جا ؟؟؟




لا انا جاي بي مهلتي عشان ما تقول عربيتي ما فيها نمره واحد ..
والحكاية يا اخوي النور ما حكاية عضو جديد جاي يقشر ، لأننا اتعدينا
المرحله دي من زمن بعيد شويه !
وان شاء الله ما تكون في حيرة بالنسبه ليك لأنو كلامي واضح
والتلفزيون ده (انا شايف) وغيري كثير شايفين انو ما قدم الوجه المشرق
والحقيقي للسودان ، وعشان ما يكون كلامي فيهو شئ مبهم امشي شوف
القنوات الفضائيه التانيه بتقدم في شنو وتلفزيونا الحزين بيقدم في شنو ؟

واذا حتقول لي والله انو التلفزيون عندنا اتطور احسن من زمان (اصلي)
ما بدخل معاك في نقاش زي ده لأنو دي ما حتة مقارنه !
لو عايز تقارن لي بين زمان وحسي ؟ قارن لي بين تلفزيون السودان
وتلفزيونات باقي خلق الله ؟؟

كلامي واضح من الاول وما بقشر بي موضوع عن التلفزيون لانها
قشره ما جايبه همها ؟ وكان احسن اقشر لي قشره تانيه ؟؟

النور معني يا اخوي .. التلفزيون ده ما حقكم براكم ؟
ده حق السودانيين في كل مكان !!
لينا حق النقد ! وحق ابداء النصح ! وحق التصفيق والتهليل لو كان في
شئ نصفق ونهلل ليهو !!

عشان كده ما تقول لي اقشر بي موضوعي ده ...


ولا زال تساؤلي قائماً .. شنو القدموا التلفزيون للسودان ؟؟
وإن عدت .. عُدنا ؛؛

فائق الاحترام ...
أساسي
16-Feb-2008, 10:59 AM
عوده اخري ..

بحاول اتكلم عن الدراما في تلفزيونا الحبيب باعتبارها جزء من رسالته الإعلاميه , دة اذا صح انه نحن نسميها دراما او مسلسلات زاتو , لكن ما مشكلة مجازاً كده حنقول (دُرابه) !!
اذا قدرت انك تتحمل تشوف حلقة واحدة كاملة تكون ما قصرت تب ! لانك حتشوف مجموعة من اللقطات الرديئة الجودة و رديئة الإخراج و رديئة الأداء التمثيلي النمطي , وبعدين انا ما مجنني ومطلع روحي الا الممثلين البكونوا طواالي عرقانين ديل كان التصوير في الشارع او في بيت او في اي نصيبه !!
طيب نحن مقتنعين انو جونا سم هاري ونار الله المولعه لمبه
بس ده ما تمثيل علي خشبة مسرح عشان يكون الوضع كده , ده مسلسل تلفزيوني يعني شئ مصور من بدري ما على الهوا مباشرة!
ليه المخرج ده ما يتصرف و يقطع التصوير ويكلم الممثلين ولا
المهرجين ديل ويخليهم يقشوا العرق دة !
و بعد داك يواصلوا في الخرمجه البسوها دي !!!
وقطع شك مخرجنا الحبيب ما بكون خائف انو ممثلين هوليوود
السودان ديل يطلعوا بره الشبكه وما يندمجوا في الادوار
بتاعتهم مره تانيه ، او يا ربي يكون الهوليودي ده
وهو بي عرقو ده في لحظة تجلي وابداااع ومقطع المشهد تقطيع
عشان كده المخرج ما داير يقطع عليهو تركيزو !

هو اصلاً وينو الابداع والتجلي المتقطعين بيهو ده ؟؟

يا ناس اعرضوا لينا شئ زي الناس وما تفضحونا وسط انفسنا
قبل ما تفضحونا وسط خلق الله ..
او بلاش منها دراماتنا البتوجع البطن دي وخليكم مع الدراما
المصريه او السوريه !!
ارحم ليكم .. وارحم لينا

وياخوي النور معني .. والله القصد انو الحال ينصلح
وما تزعل مني ؟ مع العلم اني ما بعرفك ولا بتعرفني
بس حسيت انك زول امير وقلبك كبير ..

فـائق الود والاحترام ؛؛


وبجي كان الله مدّ في العُمــر ..
الريم
16-Feb-2008, 11:11 AM
عوده اخري ..

بحاول اتكلم عن الدراما في تلفزيونا الحبيب باعتبارها جزء من رسالته الإعلاميه , دة اذا صح انه نحن نسميها دراما او مسلسلات زاتو , لكن ما مشكلة مجازاً كده حنقول (دُرابه) !!
اذا قدرت انك تتحمل تشوف حلقة واحدة كاملة تكون ما قصرت تب ! لانك حتشوف مجموعة من اللقطات الرديئة الجودة و رديئة الإخراج و رديئة الأداء التمثيلي النمطي , وبعدين انا ما مجنني ومطلع روحي الا الممثلين البكونوا طواالي عرقانين ديل كان التصوير في الشارع او في بيت او في اي نصيبه !!
طيب نحن مقتنعين انو جونا سم هاري ونار الله المولعه لمبه
بس ده ما تمثيل علي خشبة مسرح عشان يكون الوضع كده , ده مسلسل تلفزيوني يعني شئ مصور من بدري ما على الهوا مباشرة!
ليه المخرج ده ما يتصرف و يقطع التصوير ويكلم الممثلين ولا
المهرجين ديل ويخليهم يقشوا العرق دة !
و بعد داك يواصلوا في الخرمجه البسوها دي !!!
وقطع شك مخرجنا الحبيب ما بكون خائف انو ممثلين هوليوود
السودان ديل يطلعوا بره الشبكه وما يندمجوا في الادوار
بتاعتهم مره تانيه ، او يا ربي يكون الهوليودي ده
وهو بي عرقو ده في لحظة تجلي وابداااع ومقطع المشهد تقطيع
عشان كده المخرج ما داير يقطع عليهو تركيزو !

هو اصلاً وينو الابداع والتجلي المتقطعين بيهو ده ؟؟

يا ناس اعرضوا لينا شئ زي الناس وما تفضحونا وسط انفسنا
قبل ما تفضحونا وسط خلق الله ..
او بلاش منها دراماتنا البتوجع البطن دي وخليكم مع الدراما
المصريه او السوريه !!
ارحم ليكم .. وارحم لينا

وياخوي النور معني .. والله القصد انو الحال ينصلح
وما تزعل مني ؟ مع العلم اني ما بعرفك ولا بتعرفني
بس حسيت انك زول امير وقلبك كبير ..

فـائق الود والاحترام ؛؛


وبجي كان الله مدّ في العُمــر ..

انت يااساسي يااخوي ده شنو ده والله فصاحتك دي كان ودوك بيها التلفزيون تمثل الا يكرشو الجماعه ديل كلهم ويدوك الادوار كلها براااك وانا ذات نفسي لو شوفته ممثلين سودانيين قسم بالله بتخيلهم بتونسو نفس الناس الفي المواصلات مواضيع خارم بارم وكلام طلش ملش واصصصصلو ما قاعده انتبه ليهم بقولو في شنو بعدين زعلان من العرق الفيهم لي شنو ؟ده برهان علي انه تمثيلنا ده جايب حقو لانه طلع زيت الناس ديل في شكل عرق وكان قشوه ومشو قعدو في الضل كان اخير ليهم وعتقونا من التمثيل والهم مش؟بس يااساسي يجازي محنك ماتقلب المواجع وخلينا ساكتين
الكردفاني
16-Feb-2008, 11:28 AM
لاحول ولا قوة إلابالله، والكلامك زي الدراب ياأساسي، البوست دا غايتو الداير يدخلو إلا يقرأ المعذوتين عشان يحفظنو ومايتعوق..سلام أنا ماشي.
النور معنى النور
16-Feb-2008, 12:05 PM
من واجبنا نستمع ... عشان نتصلح نحن ..ونوصل رايكم للزملا الما مشتركين فى المنتدى ...على قدر ما نقدر

بالنسبة للدراما تم اول امس تعيين الاخ مدنى محمد عمر مديرا للدراما بالتلفزيون بعد ان ظلت بلا مدير فعلى قرابة سنتين ...ومدنى كان قد تولى هذه المسئولية نفسها قبل حوالى سبعة سنوات .. وحينها استطاع انتاج وعرض فلم سهرة سودانى كل اسبوع ...اما المهمة الجديدة فتقوم على اساس الاتفاق مع الشركات الخاصة لانتاج الدراما محليا او من خلال شراكات عربية ...
أساسي
16-Feb-2008, 12:34 PM
انت يااساسي يااخوي ده شنو ده والله فصاحتك دي كان ودوك بيها التلفزيون تمثل الا يكرشو الجماعه ديل كلهم ويدوك الادوار كلها براااك وانا ذات نفسي لو شوفته ممثلين سودانيين قسم بالله بتخيلهم بتونسو نفس الناس الفي المواصلات مواضيع خارم بارم وكلام طلش ملش واصصصصلو ما قاعده انتبه ليهم بقولو في شنو بعدين زعلان من العرق الفيهم لي شنو ؟ده برهان علي انه تمثيلنا ده جايب حقو لانه طلع زيت الناس ديل في شكل عرق وكان قشوه ومشو قعدو في الضل كان اخير ليهم وعتقونا من التمثيل والهم مش؟بس يااساسي يجازي محنك ماتقلب المواجع وخلينا ساكتين


والله يا الريم ياختي انا لو مسكوني التلفزيون ده
كان زمااان بعتو واطه بس ووزعت حق الواطه دي علي
المساكين القلبهم وجعهم من تلفزيونا ده !

لك كل الود ..
أساسي
16-Feb-2008, 12:36 PM
لاحول ولا قوة إلابالله، والكلامك زي الدراب ياأساسي، البوست دا غايتو الداير يدخلو إلا يقرأ المعذوتين عشان يحفظنو ومايتعوق..سلام أنا ماشي.



الكردفاني حبابك 1000

حسي في (ضمتك) كلامي الدراب ولا تلفزيونا ؟
امرق النصيحه لي وجه الله ..

تحياتي
أساسي
16-Feb-2008, 12:46 PM
من واجبنا نستمع ... عشان نتصلح نحن ..ونوصل رايكم للزملا الما مشتركين فى المنتدى ...على قدر ما نقدر

بالنسبة للدراما تم اول امس تعيين الاخ مدنى محمد عمر مديرا للدراما بالتلفزيون بعد ان ظلت بلا مدير فعلى قرابة سنتين ...ومدنى كان قد تولى هذه المسئولية نفسها قبل حوالى سبعة سنوات .. وحينها استطاع انتاج وعرض فلم سهرة سودانى كل اسبوع ...اما المهمة الجديدة فتقوم على اساس الاتفاق مع الشركات الخاصة لانتاج الدراما محليا او من خلال شراكات عربية ...


استاذ النور ...

احترم فيك العقليه المتفتحه والقلب الواسع وطول البال
وما عايز اشكرك .. لكن ده الواضح قدامي !

مع كامل أحترامي للأخ مدني (المُعين)..
هو قبل 7 سنوات عمل شنو ولا طور شنو ولا قدم شنو ؟
عشان يقومو يعينيهو مره تانيه ؟؟

رد علي بكل صراحه :

ليه ما يدوا ناس تانيه الفرصه مادام الزول بكون اخد
فرصة وما شفنا منو شئ ؟؟ ولا قدم شئ ؟؟
ولو افترضنا الزول كان تمام شايلنو ليه ؟

وهل السودان انعدمت فيهو اي كفاءات في هذا المجال ؟

ده سؤال عام وليس مقتصر علي الدراما !

كامل الأحترام ..
النور معنى النور
16-Feb-2008, 03:13 PM
استاذ النور ...

احترم فيك العقليه المتفتحه والقلب الواسع وطول البال
وما عايز اشكرك .. لكن ده الواضح قدامي !

مع كامل أحترامي للأخ مدني (المُعين)..
هو قبل 7 سنوات عمل شنو ولا طور شنو ولا قدم شنو ؟
عشان يقومو يعينيهو مره تانيه ؟؟

رد علي بكل صراحه :

ليه ما يدوا ناس تانيه الفرصه مادام الزول بكون اخد
فرصة وما شفنا منو شئ ؟؟ ولا قدم شئ ؟؟
ولو افترضنا الزول كان تمام شايلنو ليه ؟

وهل السودان انعدمت فيهو اي كفاءات في هذا المجال ؟

ده سؤال عام وليس مقتصر علي الدراما !

كامل الأحترام ..




هههههههههههههههههههههه
والله انا بضحك من قبيل لانى توقعت ردك يكون كدة ..
بالكربون ...ههههههه
أساسي
16-Feb-2008, 03:56 PM
هههههههههههههههههههههه
والله انا بضحك من قبيل لانى توقعت ردك يكون كدة ..
بالكربون ...ههههههه

ويا رب دائماً ضاااحك !!

بس ما رديت لي علي (الكربون) ده ؟؟؟
أساسي
16-Feb-2008, 04:25 PM
يا جماعه انا والله محتااار جداً !!
لفيت في المنتدي بتاع الفضائيه ما خليت بوست اوتعليق ما قريتوا ... لقيت نقد
جميل وطرح هادف وبناء وممكن يكون ده نقد يوصلنا الي فضائيه نفتخر بيها
في انفسنا ونفاخر بيها بين الناس !
واخص بالذكر ما تكتبه الرائعه د. نانا ...

الحيره تأتي من عدم الوصول الي حلول تمكن الفضائيه لدينا بالنهوض ومقارعة
الفضائيات الآخري وتقديم وجه مشرق وحقيقي للسودان الوطن ..

الحل شنو عشان يكون عندنا فضائيه ترضي الطموح ؟؟
حنضلة
16-Feb-2008, 06:29 PM
سلام للهجوم المن غير اساس اخونا اساسى استند فى التقيم على قنوات بينا وبينا مسافات بعيدة كان فى التقنية ولا الكادر عليك اللة يا اساسى اخر مرة شفتة تلفزيون السودان متين؟
أساسي
17-Feb-2008, 04:52 AM
سلام للهجوم المن غير اساس اخونا اساسى استند فى التقيم على قنوات بينا وبينا مسافات بعيدة كان فى التقنية ولا الكادر عليك اللة يا اساسى اخر مرة شفتة تلفزيون السودان متين؟

حنضله حبابك
المفروض يكون التقييم بينا وبين منو في رأيك ؟
(قول اي قناة تجي علي بالك ) عشان نقيم !

وبعدها بجي اقول ليك انا شفت التلفزيون آخر مره متين !!


تحياتي ..
المحسية
17-Feb-2008, 10:23 AM
ما قسيتوا علينا شوية
أساسي
17-Feb-2008, 04:41 PM
ما قسيتوا علينا شوية


المحسيه .. حبابك 1000 ومنوره المكان

لم يكن الهدف هنا أن نقسو علي احد بعينه ، وليس بيننا
وبينكم كأفراد ما يدعونا للقسوه !
وإن كانت هناك قسوه تُذكر هنا فهي القسوه التي نعانيها
نحن من تلفزيون مقطوع الارسال لوطن بحجم المليون ميل !

جل هدفنا أن نري تلفزيون بلدي في ابهي حُله واجمل حال ..

وعذراً إن اصابكم منا حرف ..


تحياتي واحترامي ؛؛
الكردفاني
17-Feb-2008, 05:16 PM
أساسي الجديد شنو في تلفزيون السودان عشان نحنا الأيام دي كهربتنا قاطعة؟
النور معنى النور
18-Feb-2008, 07:26 AM
أساسي الجديد شنو في تلفزيون السودان عشان نحنا الأيام دي كهربتنا قاطعة؟


ههههههههههههههههههههههه
والله يا الكردفانى ....
سويتا ظاهرة
النور معنى النور
18-Feb-2008, 07:32 AM
ما قسيتوا علينا شوية

مرحبا بك اختى فى منتدانا
كلمة قسيتو علينا تدل انك من جوة الحوش ...
صاح ؟
النور معنى النور
18-Feb-2008, 07:42 AM
استاذ النور ...

احترم فيك العقليه المتفتحه والقلب الواسع وطول البال
وما عايز اشكرك .. لكن ده الواضح قدامي !

مع كامل أحترامي للأخ مدني (المُعين)..
هو قبل 7 سنوات عمل شنو ولا طور شنو ولا قدم شنو ؟
عشان يقومو يعينيهو مره تانيه ؟؟

رد علي بكل صراحه :

ليه ما يدوا ناس تانيه الفرصه مادام الزول بكون اخد
فرصة وما شفنا منو شئ ؟؟ ولا قدم شئ ؟؟
ولو افترضنا الزول كان تمام شايلنو ليه ؟

وهل السودان انعدمت فيهو اي كفاءات في هذا المجال ؟

ده سؤال عام وليس مقتصر علي الدراما !

كامل الأحترام ..



اسف لتاخر الرد لزحمة اول الاسبوع ..

انا ما شريك فى الاختيارات الاخيرة دى ...
لكن ممكن ارد من واقع معايشتى ومتابعتى :

اعتقد انو التلفزيون جرب كثيرين من اهل الدراما فى ادارة شئونها
وكل منهم له ايجابيات وسلبيات ...

اذا بتفتكروا انو فى كفاءة موجودة ما مستوعبة ورونا ليها عشان نوريها ليهم ..
الاستثناء الوحيد الذى كان ممكنا بنظرى هو الاستاذ السينارست الاول فى دراما التلفزيون ( امين محمد احمد ) وقدكان مديرا كذلك للدراما عندما هاجر - ولكنه كان فى الغربة بعيدا عن التلفزيون ومافيه من تغييرات هائلة لاكثر من عشرة سنوات وعاد قبل عدة اسابيع .. وهو الان احد مسؤولى ومنتجى الدراما معنا فى البيت السعيد ...
وائل محمد الحسن
18-Feb-2008, 07:47 AM
اخيرا اجتمعنا في لحظة واحدة ياجمال الصدف ياستاذ النور
ودالغالي
20-Feb-2008, 02:50 AM
السلام عليكم

ابوحميد يااخوي انا شايت معاك .. بس المشكل في الجهه المخاطبه واستاذنا ماقصر اتجاوب ورد بكل رحابه .. لكن كمان لو دق سدرو وجاب لينا واحد من متخذي القرار التلفزيوني كل حسب تخصصه يعني اسبوع يجيب لينا بتاع الصوت عشان نناقشو في اختصاصو و ( يسمعنا مره ) وبعديهو بتاع الاضاءه علشان ( ينورنا مرتين ) وبعديهو مسئول الديكور عشان ( ينسقنا مرات ) وهكذا وماعاوزين من قولة تيت ننط للمدير ..!!

عشان الاسئله تكون منظمه وبي نسق معين حسب ( الاختساس )
الريم
20-Feb-2008, 08:22 AM
السلام عليكم

ابوحميد يااخوي انا شايت معاك .. بس المشكل في الجهه المخاطبه واستاذنا ماقصر اتجاوب ورد بكل رحابه .. لكن كمان لو دق سدرو وجاب لينا واحد من متخذي القرار التلفزيوني كل حسب تخصصه يعني اسبوع يجيب لينا بتاع الصوت عشان نناقشو في اختصاصو و ( يسمعنا مره ) وبعديهو بتاع الاضاءه علشان ( ينورنا مرتين ) وبعديهو مسئول الديكور عشان ( ينسقنا مرات ) وهكذا وماعاوزين من قولة تيت ننط للمدير ..!!

عشان الاسئله تكون منظمه وبي نسق معين حسب ( الاختساس )
يازول هي اوووووووول شئ يجيب المسعولين من الاضاءة عليك الله قولوله الاضاءة الاضاءة يازول خجلته قدام صاحباتي الخليجيات كلما نشوف تلفزيون السودان ما اشوف الااسنان بيضاء تتحرك في ضلام دامس واسمع اصوات كان ما اللهجة سودانية كان اقول جني بتكلم سوداني في التلفزيون واااي بسم الله اناخواااافه
النور معنى النور
20-Feb-2008, 09:33 PM
السلام عليكم

ابوحميد يااخوي انا شايت معاك .. بس المشكل في الجهه المخاطبه واستاذنا ماقصر اتجاوب ورد بكل رحابه .. لكن كمان لو دق سدرو وجاب لينا واحد من متخذي القرار التلفزيوني كل حسب تخصصه يعني اسبوع يجيب لينا بتاع الصوت عشان نناقشو في اختصاصو و ( يسمعنا مره ) وبعديهو بتاع الاضاءه علشان ( ينورنا مرتين ) وبعديهو مسئول الديكور عشان ( ينسقنا مرات ) وهكذا وماعاوزين من قولة تيت ننط للمدير ..!!

عشان الاسئله تكون منظمه وبي نسق معين حسب ( الاختساس )


يا سلاااااااااااااااااااااااااااااااام
اقتراحك جميل جد يا ود الغالى
فكرة نااااااااااااااااااااااااااار

طولت ما لقيت فكرة حلوة كدة
تقول لى اساسى هههه
النور معنى النور
20-Feb-2008, 09:48 PM
اخيرا اجتمعنا في لحظة واحدة ياجمال الصدف ياستاذ النور

ازيك يا وائل ... يا معاين من الباب ...
بريقع
20-Feb-2008, 11:35 PM
لا .. لا .. لأ ..
أساسي دة ماغريب علي .. شايفك وين .. شايفك وييييييييين ؟؟
النور معنى النور
21-Feb-2008, 10:46 PM
لا .. لا .. لأ ..
أساسي دة ماغريب علي .. شايفك وين .. شايفك وييييييييين ؟؟


الكلام دخل الحوش....