أساسي
15-Feb-2008, 05:03 PM
مني الشديده دي بت ختريه جدا ، سمحه سماحه لمن غلط .. سماحته فايته الحد
ومكسرين فيها ناس الحله كلهم وجيرانهم والحله البي ورا كمان .. لما الناس سموها (مني دشدشه) لانو البشوفها كلو بدشدش فيها ..
وقالو حتي الحريم والجكس بدشدش فيها كمان ! ;)
في مره من المرات جات ماشه في الشارع قدام بقالة ناس العجب والشباب قاعدين وملمومين في عتبة الدكان
يشربوا في البيبسي ، من يوم ما جات كانو سهم الله نزل عليهم كلهم سكتو وزول فتح خشموا تاني مافي او
نزل ليهو (جغمة) بيبسي في حلقو .. آآآآي .. ما مني دشدشه وصلت !!
مني دشدشه جات كحلت كده في الشباب القاعد وعاينت لي كل واحد بي ركن عينه وقالت ليهم السلام عليكم
زول رده مافي ؟ سكوت شديد ، وبحلقه في خلقة الله السمحه دي .. سبحان من صور ! دي سماحة شنو دي
والكلام ده كلو جوه حلقهم لكن البطلع الكلام شنو ؟؟
ود ابرق كان واقف آخر واحد في الركن وخاتي ليهو سفه كبيره وود ابرق ده هو في الاساس اسمو البلوله
لكن من ضعفتو وبلاهتو وعبطو اولاد الحله سموهو ود ابرق .. زول حتة اللحم ما فوقو .. عضيم بس !!
اها مني دشدشه عاينت لي ود ابرق كده دون خلق الله الواقفه دي وغمزت ليهو بي عين واحده واشرت ليهو
صاحبنا التقول نزلت عليهو ليلة القدر قعد يرجف وريالتو جرت وما عرف يرفع يدو عشان يأشر ليها او
حتي يرد السلام او الغمزه .. الزول جاتو حالة من التجمد ..
وقفت قدامو وقالت ليهو ممكن تجي معاي ! زولنا حووووص وبلع نص السفه حقتو ..
وربنا نفخ فيهو الروح وقام رده عليها بعد ما لقط سفنجاتو وقال ليها طوااالي .. بس علي وين ؟؟
صاحبو الشيخ (لتخو) كف في عنقرتو وهو يلزو ويقول ليهو بالله ده سؤال حسي !
قالت ليهو انت بس تعال وراي وما عليك.. كل المطلوب منك تمشي وتقيف وتقعد لما اقول ليك !
صاحبنا ماشي وراها وقلبو يضرب وهو يرجف وراسو يودي ويجيب في جنس افكار مهببه زيو ..
المهم ماشي وراها لحدي ما كملت شارع الحله الرئيسي ولفت علي الحله التانيه ووقفت قدام بيت عوض الله
حق الدهب وود ابرق واقف بي وراها وعويناتو جنب خشمو من السماحه الواقفه قدامو دي ..
يا ربي حتقيف هنا كتير ولا حنقعد ولا حنصنقر ، وهي زاته دايره شنو من عوض الله العجوز ده
هي ما شايفه سماحتي دي كلها ولا جلابيتي الجديده الاشتريتها من 7 اعياد فاتن !
عمك عوض الله فتح الباب لقاهم واقفين مد ايدو عشان يسلم عليها (ما هو زاااتو مكسر لمن غلط )
عاينت ليهو كده ولمت ايده وقالت ليهو وهي تأشر علي البلوله : زي ده بس .. وخلتهم وفاتت ..
ود ابرق ما فهم أي حاجه ، بزغ باقي السفه حقتو وعاين لي عوض الله الشين كده
وقال ليهو في شنو يا عمنا انا ما فاهم أي شئ ؟ الحاصل شنو ؟
عمك عوض الله دنقر راسو في الواطه وعاين لي صاحبنا وقال ليهو : والله يا ولدي ما عارف اقول ليك شنو ؟
لكن الزوله دي جابت لي خاتم كبير وقالت لي انقش لي فيهو وش بتاع شيطان !
قلت ليها يا بتي انا ما شفت شيطان قبل ده ؟
قالت لي خلاص دقايق وبجيب ليك شيطان حسي وبجي !!
مشت جابتك انته وجات !!!
شافع عوض الله الشين ادردق في الواطه من الضحك قدام الباب ...
ومكسرين فيها ناس الحله كلهم وجيرانهم والحله البي ورا كمان .. لما الناس سموها (مني دشدشه) لانو البشوفها كلو بدشدش فيها ..
وقالو حتي الحريم والجكس بدشدش فيها كمان ! ;)
في مره من المرات جات ماشه في الشارع قدام بقالة ناس العجب والشباب قاعدين وملمومين في عتبة الدكان
يشربوا في البيبسي ، من يوم ما جات كانو سهم الله نزل عليهم كلهم سكتو وزول فتح خشموا تاني مافي او
نزل ليهو (جغمة) بيبسي في حلقو .. آآآآي .. ما مني دشدشه وصلت !!
مني دشدشه جات كحلت كده في الشباب القاعد وعاينت لي كل واحد بي ركن عينه وقالت ليهم السلام عليكم
زول رده مافي ؟ سكوت شديد ، وبحلقه في خلقة الله السمحه دي .. سبحان من صور ! دي سماحة شنو دي
والكلام ده كلو جوه حلقهم لكن البطلع الكلام شنو ؟؟
ود ابرق كان واقف آخر واحد في الركن وخاتي ليهو سفه كبيره وود ابرق ده هو في الاساس اسمو البلوله
لكن من ضعفتو وبلاهتو وعبطو اولاد الحله سموهو ود ابرق .. زول حتة اللحم ما فوقو .. عضيم بس !!
اها مني دشدشه عاينت لي ود ابرق كده دون خلق الله الواقفه دي وغمزت ليهو بي عين واحده واشرت ليهو
صاحبنا التقول نزلت عليهو ليلة القدر قعد يرجف وريالتو جرت وما عرف يرفع يدو عشان يأشر ليها او
حتي يرد السلام او الغمزه .. الزول جاتو حالة من التجمد ..
وقفت قدامو وقالت ليهو ممكن تجي معاي ! زولنا حووووص وبلع نص السفه حقتو ..
وربنا نفخ فيهو الروح وقام رده عليها بعد ما لقط سفنجاتو وقال ليها طوااالي .. بس علي وين ؟؟
صاحبو الشيخ (لتخو) كف في عنقرتو وهو يلزو ويقول ليهو بالله ده سؤال حسي !
قالت ليهو انت بس تعال وراي وما عليك.. كل المطلوب منك تمشي وتقيف وتقعد لما اقول ليك !
صاحبنا ماشي وراها وقلبو يضرب وهو يرجف وراسو يودي ويجيب في جنس افكار مهببه زيو ..
المهم ماشي وراها لحدي ما كملت شارع الحله الرئيسي ولفت علي الحله التانيه ووقفت قدام بيت عوض الله
حق الدهب وود ابرق واقف بي وراها وعويناتو جنب خشمو من السماحه الواقفه قدامو دي ..
يا ربي حتقيف هنا كتير ولا حنقعد ولا حنصنقر ، وهي زاته دايره شنو من عوض الله العجوز ده
هي ما شايفه سماحتي دي كلها ولا جلابيتي الجديده الاشتريتها من 7 اعياد فاتن !
عمك عوض الله فتح الباب لقاهم واقفين مد ايدو عشان يسلم عليها (ما هو زاااتو مكسر لمن غلط )
عاينت ليهو كده ولمت ايده وقالت ليهو وهي تأشر علي البلوله : زي ده بس .. وخلتهم وفاتت ..
ود ابرق ما فهم أي حاجه ، بزغ باقي السفه حقتو وعاين لي عوض الله الشين كده
وقال ليهو في شنو يا عمنا انا ما فاهم أي شئ ؟ الحاصل شنو ؟
عمك عوض الله دنقر راسو في الواطه وعاين لي صاحبنا وقال ليهو : والله يا ولدي ما عارف اقول ليك شنو ؟
لكن الزوله دي جابت لي خاتم كبير وقالت لي انقش لي فيهو وش بتاع شيطان !
قلت ليها يا بتي انا ما شفت شيطان قبل ده ؟
قالت لي خلاص دقايق وبجيب ليك شيطان حسي وبجي !!
مشت جابتك انته وجات !!!
شافع عوض الله الشين ادردق في الواطه من الضحك قدام الباب ...