عندما يشتعل الرماد فى عزيزى المشاهد

[نانا]

قالوا الملكية الفكرية والحقوق المجاورة .. قلنا كويس طب مالوا موضوح حلو وجميل ومولع نار واكيد حا يكون نقاش مثمر ما ذى طريقة الجميعابى فى البيت السعيد .. جابو حمد الريح فنان كبير وغنى لى نزار قبانى برضو حلو وانا بحب حمد الريح شديد لكنو فى مسالة الحقوق ما طلعنا منو بى حاجة ومشى بعيد عن الموضوع والحلقة كلها كانت بغالط فى جويلى عن الفنانين البرددوا اغانى الغير فى ومافى فى ومافى فى ومافى فى يا طارق والله يا حمد مافى ولسه ما عرفنا اتفقوا على شنو امكن التكملة فى الحلقة الجاية .. نرجع لى جويلى نرجسية وغرور فى الاجابات ولما حمد الريح يسالو التلفزيون بقدر يدفع بقول ما عارف رغم انو قاعد بمثل التلفزيون كطرف فى القضية يعنى جويلى ما اختلف عن طريقتو فى ليالى النغم طريقة الحكاوى بكل سماجتها ... طيب يا شباب المصنفات طرف اساسى جابو مديرها فى افادة دقيقتين بس والمستشار القانونى ما جاء جابو النائبة ما قالت شى بس بنعمل تسويات قريبة من طريقة ناس الضرائب فى تقدير ضريبة الارباح ما مشكلة .... ياربى ايناس دى قاصدانى ولا شنو قالت سطرين من رسالتى والباقى قالت على الهواء حا نحولها للمستشار القانونى ياربى ليه انا عندى حقوق مجاورة عندكم ولا شنو ..... لكن ده كلو ما بمنع نقول الاخراج كان جميل رغم الهنات الخفيفة شكل الاستديو برضو رائع ما قلتكم ليكم عزيزى المشاهد عندو مخرج لكن مافى معدين ... استاذ حمد لغاية ما يجاز دستوركم يظل اتحاد الفنانين مؤسسة اجتماعية فقط مثلها مثل اى مؤسسة نظرية تثقيفية ولو رجعتوا لى ارشيف صحف الخرطوم الصادرة فى شهر ياناير حا تلقوا ان العشرة جلسات لى الجمعية العمومية للاتحاد فشلوا فيها سبعة جلسات لعدم اكتمال النصاب واخر جمعية كان الحضور فيها 16 عضو على زمة صحيفة الخرطوم الاكترونية ... قبل ما نقول باى فى الحلقة الجاية ورونا فى ولا مافى يا طارق جويلى وحمد الريح

[فاطمة عوض]

نانا دى مرة بتحب الجرجرة والكلام الكتير اى حاجة لازم تحكيها شديد شكيتك على الله

[أساسي]

قالوا الملكية الفكرية والحقوق المجاورة .. قلنا كويس طب مالوا موضوح حلو وجميل ومولع نار واكيد حا يكون نقاش مثمر ما ذى طريقة الجميعابى فى البيت السعيد .. جابو حمد الريح فنان كبير وغنى لى نزار قبانى برضو حلو وانا بحب حمد الريح شديد لكنو فى مسالة الحقوق ما طلعنا منو بى حاجة ومشى بعيد عن الموضوع والحلقة كلها كانت بغالط فى جويلى عن الفنانين البرددوا اغانى الغير فى ومافى فى ومافى فى ومافى فى يا طارق والله يا حمد مافى ولسه ما عرفنا اتفقوا على شنو امكن التكملة فى الحلقة الجاية .. نرجع لى جويلى نرجسية وغرور فى الاجابات ولما حمد الريح يسالو التلفزيون بقدر يدفع بقول ما عارف رغم انو قاعد بمثل التلفزيون كطرف فى القضية يعنى جويلى ما اختلف عن طريقتو فى ليالى النغم طريقة الحكاوى بكل سماجتها ... طيب يا شباب المصنفات طرف اساسى جابو مديرها فى افادة دقيقتين بس والمستشار القانونى ما جاء جابو النائبة ما قالت شى بس بنعمل تسويات قريبة من طريقة ناس الضرائب فى تقدير ضريبة الارباح ما مشكلة .... ياربى ايناس دى قاصدانى ولا شنو قالت سطرين من رسالتى والباقى قالت على الهواء حا نحولها للمستشار القانونى ياربى ليه انا عندى حقوق مجاورة عندكم ولا شنو ..... لكن ده كلو ما بمنع نقول الاخراج كان جميل رغم الهنات الخفيفة شكل الاستديو برضو رائع ما قلتكم ليكم عزيزى المشاهد عندو مخرج لكن مافى معدين ... استاذ حمد لغاية ما يجاز دستوركم يظل اتحاد الفنانين مؤسسة اجتماعية فقط مثلها مثل اى مؤسسة نظرية تثقيفية ولو رجعتوا لى ارشيف صحف الخرطوم الصادرة فى شهر ياناير حا تلقوا ان العشرة جلسات لى الجمعية العمومية للاتحاد فشلوا فيها سبعة جلسات لعدم اكتمال النصاب واخر جمعية كان الحضور فيها 16 عضو على زمة صحيفة الخرطوم الاكترونية ... قبل ما نقول باى فى الحلقة الجاية ورونا فى ولا مافى يا طارق جويلى وحمد الريح


وصدقيني مافي زول حيقول ليك في ولا مافي !! حتي لو انتظرتي الحلقه
الما حتجي ديك ..

ضعي هذا المبضع علي كل الجراح وذري عليها الكثير من الملح
عسي ان يكون القادم احلي !!
وعسي أن تخرسي الوجع فينا ..


ليك تحيه بحجم الكون تصلك اينما كنتي ؛؛

[الكردفاني]

بالجد حلقة عزيزي المشاهد لهذا الإسبوع لاينطبق عليها المثل القائل ‏(الجواب يكفيك عنانو) بس أتفجأنا بأن الحلقة بعيدة تماما عن عنوانها، والله يلزمنا الصبر، وشكرا لنانا علي هذا البوست (النار والرماد)
مع الود

[النور معنى النور]

ممتاز ..
شاهدت اليوم واحدة من اجمل برامج التلفزيون بعد طول غياب كمشاهد ..
عزيزى المشاهد مع حمد الريح ...

اسباب متعتى اوجزها فى النقاط المهنية الاتية :
- وجود عناصر متناقضة فى الحلقة كل منها يدفع باتجاه وهذا يؤدى الى توترات درامية متلاحقة ,, اى شد وجذب .. اتهام ودفاع ..تلفون هجومى ... بريد او منتدى سخن ( مثل رسالة نانا التى قرئت ) .. ومجموع التوترات فى الحلقة نسميه ( الصراع الدرامى ).. وهذا الصراع هو اهم عنصر لسلب ارادة المشاهد وتكبيله امام الشاشة ..

- الايقاع السريع لاجزاء البرنامج .. اى الانتقال السريع من سؤال الى اجابة الى اغنية قصيرة الى تلفون الى قراءة رسالة الى مادة مسجلة ... الخ وهو العنصر الموازى للصراع والمكمل له ..
شرط الا يزيد الفقرة عن خمسة دقائق فى المتوسط ... والافضل ثلاث ...
كما يتمثل الايقاع السريع فى سرعة التقطيع بين مصادر الصورة .. وتعدد تلك المصادر ..مما يتيح للمخرج خيارات عدة عند القطع ..هناك نواحى اخرى لكنى احب التركيز على ما ذكرت ..
- الصراع الدرامى والتوترات المتتالية وعدم اراحة الضيف ..
- الايقاع السريع ...



اما العنصر الثالث لنجاح البرنامج فهو :
- تلبية حاجة او رغبة لدى المشاهد ( المشاهد عايز شنو ؟)

وقد نجحت حلقة اليوم فى تنفيذ هذا العنصر الثالث .. حيث اننى منذ الوهلة الاولى عندما قرات ندااء المخرج حامد بالمشاركة فى حلقة ضيفها الفنان حمد الريح استغربت وقلت ياربى حامد دة جن ولا شنو ؟ كيف يجيب فنان ضيف فى عزيزى المشاهد ؟ الى ان اتضح لى انهم سيناقشون ( حرمان مشاهد التلفزيون من سماع ومشاهدة الاغانى الخالدة ) وهذه النقطة بالذات ارضتنى كمشاهد واقنعتنى بمشاهدة الحلقة ...حيث كنت سابقا لا اتشجع كثيرا لمشاهدتها لانها كانت مجموعة من المنوعات المختارة مع مداخلات واستطلاعات غير سخنة ومبتورة فى صناعتها كما اننى كمشاهد كنت اتوقع رؤية برامج التلفزيون فى الاسبوع القادم داخل الحلقة ولا اجدها ...


منقول

[حنضلة]

الخوة فى عزيزى المشاهد سلام كنتو موفقين جدا فى اختيار الموضوع لكن اخفقتو فى الاستضافة وما طلعنا بى اى حاجة وجويلى كان لية نصيب الاسد فى فشل الحلقة وبرهن عدم توفيقكم لي شخصو فى الاختيار ولا الموضوع كان اكبر من امكانياتو ولا المجاملات وصلت لهذا الحد ولا شنو؟

[بريقع]

( عندما يشتعل الرماد ) .. أدرتي عقارب ساعة ذلك الزمن الجميل نانا .. وأنتي تستدعين ذاكرة الطفولة والصبا وذلك المسلسل الجميل وتختارين اسم هذا المسلسل لهذا البوست الأنيق .. ( عندما يشتعل الرماد ) - بطولة الراحل محمود مرسي ونيللي ( ان لم تخني الذاكرة ) ... وياااااااااااه يا نانا رجعتينا ( ......) سنة الي الوراء .. أتمني العودة.. أيضا هي أمنيات ..
شكرا نانا ..

[منير عبد القادر]

التحية لصاحبة البوست الانيقة نانا ... وبعدها التحية للاخت فاطمة عوض ثم منتجنا الجميل النور معني وبعده الانيق صاحب الحضور المميز الكردفاني والمتألق دوماً بريقع ..

نعم شاهد الحلقة واختلفت بعض الشي عن الاتجاه المعاكس في قناة الجزيرة لعدم وجود فيصل ... ولعل ما شد انتباهي هو طارق شريف الصحفي الذي اختصر على الجميع كيفية ايجاد الحلول وترك لطارق جويلي وحمد الريح السجال في الاغاني فطارق شريف اختصر الامر في حديث شيق ومؤجز دون تكليف او تلوين ودون الخوض في تفاصيل ليخرج المشاهد بحصيلة مفيدة ... وله التحية ..
أما باقي الحلقة لم نعرف حقوق من عند من وهل اغنية الحقيبة ما عندها سيد يعني ولا كيف ؟ حتى يتداولها كل من هب ودب ؟ وإذا كانت الاجابة نعم يمكن تداولها من غير محاسبة ولا تكاليف ولا جرد ولا تقفيل حسابات .. لماذا تم تأسيس اتحاد فن الغناء الشعبي ؟

مرة اخرى تقديري واحترامي لنانا وفاطمة عوض والنور معني والكردفاني وبريقع اللذيذ .. بس ما شفنا حامد في بوست دا

[النور معنى النور]

حامد جاييكم بالتقيل يا حبيبى منير يا روعة